Morgunblaðið - 22.04.1995, Blaðsíða 44
44 LAUGARDAGUR 22. APRÍL 1995
MORGUNBLAÐIÐ
Dýraglens
Smáfólk
PON T TELL ME YOU'RE
60IN6 OUT TO PLAY
0A5EBALL A6AIN..
Segðu mér ekki að þú
sért að fara aftur út að
leika hornabolta.
YOU'RE 60NNA L05E! l'M Y0UR 5ISTER, FAMILY YALUES _ ——
YOU ALWAYS L05E! ANP I KNOU)!
4 1 í
tlifl o \ § rtiíy /g W W s
ó 3-Z4
Þú tapar! Þú tapar
alltaf!
Ég er systir þín og
ég veit það!
Fjölskyldugildismat.
BREF
TLL BLAÐSESTS
Kringlunni 1103 Reykjavík • Sími 5691100 • Símbréf 5691329
Löggæslan
endurskipulögð
Frá Helga Þ. Kristjánssyni:
EF SKOÐUÐ er í dag uppbygg-
ing og þróun skipulags lögreglunn-
ar í landinu frá upphafi er þar dap-
urlegt yfir að líta. Samhæfing er
ónóg milli embætta vegna skipting-
ar og f|ölda lögreglustjóra, mennt-
unarleysi innan stéttarinnar háir
lögreglumönnum, stefnuleysi yfir-
valda er gagnvart heildarþróun og
óhóflegur niðurskurður ráðamanna
veldur óhagræði í rekstri, kemur
niður á forvömum og skerðir ör-
yggi lögreglumanna. Þá em laun
lögreglumanna fyrir neðan allar
hellur þrátt fyrir miklar kröfur til
þeirra einstaklinga sem starfa við
og leggja vilja þetta starf fyrir sig.
Það versta er að þessi staða í lög-
gæslumálum kemur fyrst og fremst
niður á þeim sem þurfa að njóta
þjónustu- og öryggisþátta löggæsl-
unnar. Ef litið er til þess að aðeins
er um 600 manna, veigamikla, stétt
að ræða vekur það furðu að yfir-
völd skuli ekki hafa tekið á málum
þessum fyrir löngu. Það hlýtur að
verða verkefni næstu ríkisstjórnar
að róa að því öllum árum að breyta
þessu kerfi og gera það með nýjum
lögreglulögum sem góður vísir var
lagður að á síðasta kjörtímabili. Það
sem gera þarf er þrennt, sem að
vísu tengist allt saman.
I fyrsta lagi þarf að endurskipu-
leggja uppbyggingu allrar löggæsl-
unnar með snið Evrópuþjóða til hlið-
sjónar og án þess að þar komi við
sögu hagsmunir einstakra stétta-
hluta innan ríkisgeirans. Þama er
verið að vísa til þess að koma allri
löggæslunni undir einn ríkislög-
reglustjóra sem hefði ýmsa þætti
löggæslunnar á sinni hendi sem
þjónað gæti allri landsbyggðinni.
Ut frá ríkislögreglustjóra væru yfir-
lögregluþjónar yfirmenn sinna út-
stöðva um land allt. Með þessu
væri kominn grunnur til þess að
byggja á nýja sæmhæfingu vinnu-
bragða um land allt, setja upp sam-
ræmd skipurit innan lögreglustöðva
sem ekki eru til í dag og auk þess
skoða ýmis mál sem þarf að yfir-
fara vandlega og samhæfa og má
þar m.a. nefna tölvumál og sam-
skipti tengd þeim. Innan þeirrar
uppbyggingar sem lögreglan býr
við í dag má að auki nefna marga
ágalla sem ekki myndu fylgja áður-
nefndu skipulagi. Inn í þetta skipu-
lag mætti einnig setja lögreglu-
nefndir sem i ættu sæti fulltrúar
bæjar- og sveitafélaga ásamt ráða-
mönnum lögreglunnar þannig að
áhrifa og aðhalds gætti frá fulltrú-
um borgaranna.
í öðru lagi er þarna verið að
ræða um aukna grunn- og símennt-
un lögreglumanna sem reyndar er
nýlega búið að koma úr námskeiðs-
sniði i gott faglegt form og þar
með bæta verulega en það sem á
skortir er framhaldsmenntun lög-
reglumanna en hún er einfaldlega
ekki til. Grunnur endurskipulagn-
ingar löggæslunnar í landinu bygg-
ist á öflugri menntun lögreglu-
manna. Aukin menntun yfirmanna
og rannsóknarlögreglumanna er
nauðsynleg og því til stuðnings má
benda á að ekkert er því til fyrir-
stöðu í dag að nýútskrifaður lög-
reglumaður, með tveggja ára
starfsreynslu að baki, geti orðið
hvort sem er yfirlögregluþjónn eða
lögreglufulltrúi í rannsóknardeild
og þrífast nú pólitískar stöðuveit-
ingar i þessu sambandi innan grein-
arinnar. Þá má benda á að skortur
á sérmenntun nær einnig til æðstu
yfirmanna lögreglunnar í dag.
Mennt er máttur og á það engu
síður við á þessum vettvangi en
öðrum.
í þriðja lagi þarf að knýja á
skynsama endurnýjun og uppbygg-
ingu búnaðar lögreglunnar en nú-
verandi fyrirkomulag er þannig
uppbyggt að stórir fjármunir fara
forgörðum vegna togstreitu mis-
munandi rekstrarsjóða. Nú fyrst á
allra síðustu tímum hefur loks verið
farið af stað með athugun á þeim
búnaði sem til er og myndaður vís-
ir að því skipulagi og uppbyggingu
sem lögreglan þarf á að halda.
Búnaði til almennra tæknimála hjá
flestum lögregluembættum er
ábótavant og kröfur í samkomulagi
við dómsmálaráðuneyti varðandi
öryggismál lögreglunnar hafa verið
virtar að vettugi. Aðeins með rétt-
um búnaði, hvort sem er til al-
mennra nota eða sérhæfðra tækni-
mála, getur lögreglan sinnt því hlut-
verki sem ætlast er til af henni.
Þá ber að minnast þess að eitt
er að stjórna lögreglu og annað að
hafa skoðun á málunum!!
HELGIÞ. KRISTJÁNSSON,
lögreglumaður í Keflavík og
formaður Lögreglufélags
Gullbringusýslu.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.