Morgunblaðið - 22.04.1995, Side 1

BLAÐ ALLRA LANDSMANNA
1995
JftmgtmHiifeifr
■ LAUGARDAGUR 22. APRÍL
BLAÐ
Morgunblaðið/Rúnar Þór
Héðinn aftur heim
og í viðræðum
við FH-inga
HÉÐINN Gilsson, landsliðsmaður í handknatt-
leik, hefur ákveðið að koma heim og sam-
kvæmt heimildum Morgunblaðsins bendir allt
til að hann gangfi aftur til Iiðs við FH. Viðræð-
ur hafa staðið yfir að undanfömu og samning-
ur er á borðinu en ekki hefur enn verið skrif-
að undir. Hins vegar vom samningar undirrit-
aðir við Guðmund Karlsson, þjálfara, í vikunni
og verður hann áfram með liðið næsta keppnis-
tímabil. Eins og greint var frá í vikunni fer
Héðinn $ rannsókn á mánudag vegna meiðsla
í hæl og getur svo farið að hann þurfi að fara
í uppskurð.
RondeyogTeitur
áfram hjá Njarðvík
RONDEY Robinson, miðherji körfuknattleiks-
liðs Njarðvíkur undanfarin fimm ár, hefur
ákveðið að vera áfram í herbúðum íslands-
meistaranna. Hann hafði lýst því yfir að kom-
inn væri tími til að breyta til og vildi reyna
fyrir sér á meginlandi Evrópu en snerist hugur
og gerði eins árs samning. Sama á við um
Teit Örlygsson en nokkur félög höfðu sýnt
áhuga að fá hann.
David Seaman varði
þrjár vítaspyrnur
DAVID Seaman tók heldur betur á honum stóra
sinum í vítakeppni að loknum framlengdum
undanúrslitaleik Sampdoria og Arsenal í Evr-
ópukeppni bikarhafa í knattspyrnu í fyrra-
kvöld. Enski landsliðsmarkvörðurinn varði þá
þrjár vitaspyrnur og tryggði enska liðinu úr-
slitaleik gegn Real Zaragoza frá Spáni í Paris
10. mai.
Arsenal vann fyrri leikinn 3:2 en útlitið var
allt annað en bjart hjá enska liðinu eftir að
varamaðurinn Claudio Bellucci hafði gert tvö
mörk fyrir heimamenn í Genúa á þremur min-
útum, staðan 3:1 og fjórar mínútur til leiks-
loka. En Svíinn Stefan Schwarz tryggði fram-
lengingu með því að skora á siðustu mínútu
venjulegs leiktima og Seaman sá um afganginn
með tilþrifum.
„Ég er í óþægilegri stöðu en það er ekki
hægt að vinna allt,“ sagði Lombardo sem átti
góðan leik í frandinu Sampdoria en lét veija
frá sér síðasta vítið. „Hvað er hægt að segja
eftir svona tap,“ spurði Svíinn Goran Eriksson,
þjálfari ítalska liðsins. „ Við lékum ekki vel
fyrr en liðið var á seinni hálfleik og það verð-
ur að hrósa leikmönnum Arsenal sem hættu
aldrei að beijast.“ Ruud Gullit, David Platt og
Fausto Salsano léku ekki með ítalska liðinu.
Veistu hver er stærsti
vinningurinn á Andrésar
andar-leikunum á skíðum?
„ VEISTU hver er stærsti vinningurinn á Andrésar andar-leikunum?
spurði einn skíðaþjálfarinn á Akureyri ungan keppanda sem var að
undirbúa sig fyrir svigkeppnina á fimmtudaginn. „Nei,“ svaraði sá
stutti og horfði undrandi á þjálfarann, sem sagði; „Það er að fá að
taka þátt í þessari skíðahátíð, sigur skiptir ekki máli.“ Þessi orð
þjálfarans eru í tíma töluð og það sem málið snýst um. Andrésar
andar-leikarnir eru fyrst og fremst hugsaðir sem skemmtun og til
að auka tengsl og vináttu þeirra sem leikana sækja.
Einkunnarorð Vetrarólympíuleikanna í Lillehammer í fyrra voru:
„Leikar fyrir lífið". Þessi orð eiga vel við á Andrésar andar-leikun-
um sem voru settir á Akureyri á miðvikudagskvöld. Tæplega 900
krakkar á aldrinum sex til tólf ára mættu til leiks og þar af erlend-
ir gestir frá Svíþjóð og Grænlandi. Leikarnir eru sérstakir fyrir þær
sakir að nú eru tuttugu ár síðan þeir voru fyrst haldnir og er þess
sérstakJega minnst með því að keppnisdagarnir eru nú fjórir í stað
þriggja áður.
I gær hófst keppnin og á myndinni er Fannar Smári Vilhjálmsson
frá Akureyri á fleygiferð í stórsvigi átta ára stráka.
■ Andrósar andar leikarnir / D2.
HANDKNATTLEIKUR
Geir gerði samn-
ing við Montpellier
Qeir Sveinsson, fyrirliði lands-
liðsins og íslandsmeistara
Vals í handknattleik, samdi sfm-
leiðis við franska félagið Montp-
ellier síðasta vetrardag, sam-
kvæmt heimildum Morgunblaðs-
ins. Hann gerði samning til
tveggja ára og á að vera mættur
24. júlí nk. þegar æfingar hefjast
fyrir næsta tímabil.
Eftir að hafa leikið með Val
alla tíð fór Geir til Spánar og lék
með Granollers og Alzira en sneri
aftur til Vals fyrir tveimur árum.
Fyrir um það bil þremur vikum
höfðu talsmenn frönsku meistar-
anna samband við Júlíus Jónasson
og spurðust fyrir um hvernig hægt
væri að ná í Geir. í kjölfarið höfðu
þeir samband við fyrirliðann
nokkrum sinnum og úr varð að
hann skaust til Frakklands um
páskana til að líta á aðstæður.
Heimildir Morgunblaðsins herma
að þá hafi verið gengið frá málinu
og Geir síðan staðfest það áður
en hann hélt með landsliðinu til
Danmerkur.
Miklar breytlngar
Ljóst er að margir af lykilmönn-
um Vals íhuga að leika annars stað-
ar næsta tímabil. Eins og greint
hefur verið frá er Dagur Sigurðs-
son alvarlega að hugsa um að taka
tilboði frá Sviss, Júlíus Gunnarsson
er að skoða tilboð frá Þýskalandi,
félag í Sviss hefur sýnt áhuga á
að fá Jón Kristjánsson og Finnur
Jóhannsson íhugar skipti í Selfoss.
Hins vegar verður Ólafur Stefáns-
son áfram í herbúðum Vals.
FRJÁLSÍÞRÓTTIR: 80. VÍÐAVANGSHLAUP ÍR / D4