Morgunblaðið - 23.04.1995, Blaðsíða 2

2 B SUNNUDAGUR 23. APRÍL 1995
MORGUNBLAÐIÐ
St. Emilion
og Pomerol
1994
Nýrra árganga frá bestu framleiðendum
Bordeaux-héraðsins er ávallt beðið með
mikilli eftirvæntinffli. Steingrímur Sigur-
geirsson smakkaði á dögunum „grand
cru“ vín uppskeruársins 1994 o g segir
ágætan árgang í vændum, þegar þessi
vín koma á markaðinn á næsta ári. Að
MORGUNÞOKA á vínekrum Chateau Angelus.
BORDEAUX þarf svo
sannarlega á góðum
árgangi að halda. Und-
anfarin þijú ár hafa öll
verið nokkuð undir meðallagi þó
að vissulega megi líkt og ávallt
finna vín frá einstökum framleið-
endum, sem standa vel undir
nafni.
A heildina litið hafa árgang-
amir 1991, 1992 og 1993 hins
vegar verið fremur dapuriegir,
ekki síst í ljósi þess hversu góðu
vanir við neytendur erum orðnir
í ljósi allra þeirra frábæru ár-
ganga, sem níundi áratugurinn
skartaði.
Fyrstu smakkanirnar á víni
ársins 1994 hafa nú farið fram
og á heildina litið lofa vínin góðu.
1994 er þó árgangur, sem erfitt
er að alhæfa um. í flestum
héruðum Bordeaux geta menn
verið ágætlega sáttir við meðal-
gæðin og sumum framleiðend-
um, ekki síst í Pauillac, St. Juli-
en, Pomerol og St. Emilion, hef-
ur tekist að búa til afbragðs vín.
í öðrum héruðum eru gæði vín-
anna misjöfn, ekki síst í Saut-
ernes, þar sem árið 1994
verður líklega ekki hátt
skrifað.
Á heildina litið er samt
um ágætan árgang að
ræða, sem helst er borinn
saman við árið 1988.
Ekki toppár, en gott ár
sem skilar sígildum vín-
um.
Auðvitað eru þau vín,
sem smökkuð voru, enn
á frumstigi, og mörg
þeirra eiga um ár eftir í
eikartunnunum áður en
þau verða sett á flöskur.
Þau eiga því eftir að taka
verulegum breytingum en
með því að smakka þau nú
má þó fá góða vísbendingu um
hverju þau eigi eftir að skila í
framtíðinni.
St. Emilion
Chateau Larcis Ducasse ein-
kenndist af megnri krækibeija-
lykt og sætum, ungum beijatón-
um. Tiltölulega milt og frekar
stutt í munni með nokkurri sýru
í lokin.
Ch. Grand-Mayne var dökkt
og djúpt í lit, ilmur [angan víns-
ins er stundum kölluð „nef“ þess]
sætur og áfengur, allt að því út
í kardimommudropa. Góður
ávöxtur í bragði og nokkuð tann-
ískt og langt.
Það er hins vegar ekki hægt
að segja um Ch. Villemauvin.
Litur var meðaldjúpur og bragð
stutt og fremur þunnt. Hvarf líkt
og hurð væri skellt er víninu var
spýtt.
Ch. Fonplegade. Litur ekki
mjög djúpur, nef lítið og lokað.
Uppbyggingu vínsins virðist
ábótavant og bragð frekar út-
vatnað.
Ch. Troplong-Mondot. Litur
fallega dökkur og bláleitur. Sæt-
ur viður í nefí. Eikin heldur áfram
út í bragðið og skefur vel í gómi.
Hins vegar er á mörkunum að
nægilega mikill ávöxtur sé á bak
við eikina.
Morgunblaðið/Steingrímur
ST. EMILION er án efa fallegasta þorp Bordeaux-héraðsins.

,
"!■. ,* li

.'saégí
Ch. Pavie. Rauður litur, ekki
mjög djúpur. Krækiber í nefi.
Ágæt stemma [þ.e. tannín úr eik
og beijum sem valda þurri stamri
tilfínningu í gómi og á tungu]
og ávöxtur sem veltist um
í munni. Langt eftirbragð.
Ch. La Dominique.
Djúpur, fagurblár litur
og sætur áfengur ilmur.
Vínið óvenjulega sætt
og milt í munni. Þétt
uppbygging, með nokk-
urri sýru og stemmu.
Ch. Pavie Decesse.
Ilmgóð, dökk ber í nefi.
Bragð flókið og sér-
stakt, minnir helst á
sjampóilm (ekki bragð)
eða aðrar hreinlætisvörur
í jákvæðri merkingu. Situr
lengi í munni. Vín sem
gæti orðið mjög athyglis-
vert með tímanum.
Ch. Canon la Gaffelérie.
Nokkuð djúpur litur en nef lok-
að. í munni mikil stemma og
þéttriðinn bragðvefur. Lofar
góðu.
Ch. Dassault. Sérstakt nef,
sem minnir allt að því á eitthvað
er ekki var ætlunin að geijast
ætti. Skoppar á milli ofþroskaðra
og nær skemmdra ávaxta. Fín
stemma í lokin.
Ch. Canon. Nef opið og sætt,
áfeng ber í öndvegi. Bragð er
þétt, mikil sæta og dökkir ávext-
ir. Þynnist nokkuð út í lokin.
Mjög fágað vín.
Ch. Franc-Mayne. Meðalþéttur
litur, nokkuð blátt. Sæt ber í
nefí. Meðalþungt, meðalþétt,
meðalvín.
Ch. Angelus. Djúpur, djúpur
litur. Örlítið lokað nef en góður
massi undir niðri. Yndislega þétt,
sætt og mjúkt, þrátt fyrir að
vera nokkuð tannískt. Nokkuð
grænt [óþroskað], minnir á blautt
lyng og birki.
Ch. Clos Fortet. Ágæt dýpt.
Nef lokað en þétt. Skortir lengd
í annars ágætt bragð.
Ch. Larmande. Verulegur
ávöxtur og eik í nefí. Sætt og
gott á tungu með góðri stemmu
í lokin. Kannski fullmikil eik mið-
að við annað.
Ch. Figéac. Lokað nef en ilmur
fremur sveitalegur. í munni
bragðgóður ávöxtur og brenndar
greinar. Nokkuð grænt og ekki
yfirþyrmandi. Fágað glæsilegt
vín.
Ch. Le Tour Figéac. Sætt og
mikið í munni. Árásargjarn
bragðmassi, sem ræðst á mann
en dregur sig strax í hlé. Sofandi
vín, sem eflaust verður spenn-
andi þegar það vaknar.
Ch. Cap de Mourlin. Sam-
þjappaður ávöxtur í nefi en bragð
fyrst og fremst áfengt og tann-
ískt. Skortir ávöxt.
Ch. Ballestard La Tonnelle.
Meðalalykt eða vítamínmixtúra í
nefi. Góð bragðvídd en skortir
samþjöppun eins og stendur. Vín
sem hefur flest það sem til þarf
og gæti náð vel saman þegar
fram í sækir.
Ch. Cheval Blanc. Hreinn,
djúpur og fallegur litur. Þéttur
bragðmassi, allt að því út í
marsípan! Breytist stöðugt í
munni og kemur manni á óvart.
Hoppar frá ávexti yfir í stein-
efnakennt flúorbragð. Lítill risi,
sem slær 1993 frá Cheval Blanc
út með látum.
Pomerol
Chateau La Cabanne. Góður
massi í nefí, nokkuð sultukennd-
ur massi í munni. Ágæt stemma
og þétt uppbygging.
Ch. La Croix de Gay. Nef
nokkuð brennt og minnir á of-
soðna sultu. í munni svífur eikin
yfír vötnum af brenndum
ávaxtamassa.
Ch. La Pointe. Þónokkur van-
illa í bland við ávöxtinn. Milt og
viðarkennt í munni. Ávöxtur fal-
inn.
Ch. Nenin. Opinn, áberandi
ávöxtur. Bragð fremur stutt og
svekkjandi miðað við nef.
Ch. Petit Village. Góð, áleitin
ber í nefi. Bragð þægilegt en
þunnt og lítið.
Ch. Beauregard. Skarpur
beijailmur, nokkuð sterkur.
Bragð nú þegar orðið margslung-
ið og uppbygging skemmtileg.
Ch. Gazin. Verulegur massi
virðist blunda undir niðri, þó nef
sé enn nokkuð lokað. Mikið sam-
þjappað og lokað bragð. Vín sem
ætti að eldast vel. Stækkar og
stækkar í glasi.
Ch. La Conseillante. Nef lokað
og læst. Grófur jarðvegur áber-
andi í bragði. Mikið og flókið vín.
Ch. Vieux Chateau Certan.
Lokað nef. Bragð þétt en ekki
mjög spennandi. Skortir líf og
lit.
Ch. Clinet. Grænn og* lokaður
ávöxtur. Mikil stemma í munni,
langt bragð en ungt og grænt.’
þessu sinni er fjallað um vín héraðanna
St. Emilion og Pomerol.