Morgunblaðið - 27.04.1995, Blaðsíða 3

MORGUNBLAÐIÐ
FIMMTUDAGUR 27. APRÍL 1995 B 3
_________________VIÐSKIPTI__________________
Afkoma Tryggingar í fyrra hin besta frá upphafi
Hagnaður félagsins
nam 31 milljón króna
HAGNAÐUR Tryggingar hf. á síð-
asta ári nam alls um 31 milljón
króna á síðasta ári samanborið við
tæplega 20 milljónir árið áður.
Þetta er besta afkoma félagsins frá
upphafi og því ákveðið að greiða
starfsfólki svokallaðan „afkomu-
bónus“ sem nam hálfum mánaða-
launum, að sögn Ágústs Karlsson-
ar, forstjóra Tryggingar.
Heildariðgjöld Tryggingar í fyrra
námu alls 863 milljónum og höfðu
hækkað um 10% frá fyrra ári. Ág-
úst segir að þessa aukning skýrist
einvörðungu af því að nýir við-
skiptavinir hafa verið að bætast í
hópinn því iðgjöld af bílatrygging-
um hafi lækkað og afsláttur af
kaskóiðgjöldum hækkað.
Af heildariðgjöldum runnu 324
milljónir til endurtryggjenda þannig
að eigin iðgjöld voru 539 milljónir
sem er 4% hækkun. Tjón námu alls
706 milljónum þegar tekið hefur
verið tillit til breytinga á bótasjóð-
um, en tjón endurtryggjenda námu
191 milljón. Laun og launatengd
gjöld hækkuðu úr 88 milljónum í
99 milljónir en annar kostnaður
lækkaði þannig að kostnaður lækk-
aði um 7%. Fjármunatekjur umfram
gjöld námu 124 milljónum sem er
16% lækkun frá árinu á undan.
Afkoma einstakra trygginga-
greina varð jákvæð að bifreiða-
tryggingum undaskyldum þar sem
tjón urðu um 56 milljónum hærri
en iðgjöld og umboðslaun. Á heild-
ina litið skilaði tryggingareksturinn
sjálfur fyrir fjármagnsliði og rekstr-
um 64 milljóna hagnaði samanborið
við 13 milljónir á árinu 1993.
Tryggingarsjóður félagsins nam
í árslok samtals 1.552 milljónum
og skiptist hann þannig að iðgjalda-
sjóðurinn er 374 milljónir en bóta-
sjóður 1.178 milljónir. Á aðalfundi
var samþykkt var að greiða 10%
arð af hlutafé og auka hlutafé um
10% með útgáfu jöfnunarhluta-
bréfa. í stjóm voru kjörnir þeir
Geir Zoega, formaður, Stefán Páls-
son, hrl., Árni Jónsson, ritari, Óskar
Sveinbjörnsson, fulltrúi tryggingar-
taka og Árni Þorvaldsson, með-
stjórnandi.
♦ » ♦----
*
Osvör
Bolungarvík
leitar
ábyrgða
ÁGÚST Oddsson, forseti bæjar-
stjórnar Bolungarvíkur, sagði í
samtali við Morgunblaðið að ef
ábyrgðir fyndust sem væru jafn-
gildar bæjarábyrgð, svo unnt verði
að gera nafnabreytingu á lánum
bæjarins hjá Byggðastofnun, þá
væri málið leyst fyrir bæinn. Áðal-
björn Jóakimsson, framkvæmda-
stjóri Bakka hf., sagði að tilboð
Bakka í bréf Bolungarvíkurkaup-
staðar í Ósvör stæði áfram.
Stjórn Byggðastofnunar hefur
samþykkt að veita væntanlegu
sameinuðu útgerðarfyrirtæki í Bol-
ungarvík 91 milljón króna víkjandi
lán, en heimilar ekki nafnabreyt-
ingu á lánum, sem Bolungarvíkur-
bær er greiðandi að, nema boðin
verði jafnörugg trygging í staðinn.
Tilboðið stendur
Aðalbjörn Jóakimsson, fram-
kvæmdastjóri Bakka hf. sagðist
ekki hafa fengið neitt yfir af-
greiðslu stjórnar Byggðastofnunar
og því ekki geta tjáð sig um fram-
vindu mála, það væru forsvarsmenn
Bolungarvíkurkaupstaðar sem
myndu gera það. Hans tilboð stæði
hins vegar áfram.
Reynt að finna
aðrar ábyrgðir
Ágúst Oddsson, forseti bæjar-
stjórnar Bolungarvíkur, sagðist tjá
sig með þeim fyrirvara að hann'
hefði ekki nákvæmar upplýsingar
um samþykkt stjórnar Byggða-
stofnunar. Hann sagði þó að ef
ábyrgðir fyndust sem væru jafn-
gildar bæjarábyrgð þá væri málið
leyst fyrir bæinn, hins vegar væri
fullsnemmt að úttala sig um það
hvort það væri gerlegt, það yrði að
koma í ljós næstu daga. Reynt yrði
að fá fram ábyrgðir sem ekki yrðu
ábyrgðir kaupstaðarins og sem
Byggðastofnun teldi fullgildar og
sætti sig við.
Enn bók um hæstu
útsvarsgreiðendur
UPPLÝSINGAR um alla greiðend-
ur útsvars í Reykjavík er að finná
í nýrri bók sem Nútíma samskipti
hf. hafa gefið út. Fyrir nokkru
gaf fyrirtækið út bók með upplýs-
ingum um 14.000 hæstu greiðend-
ur útsvars í Reykjavík. Sú bók var
bönnuð af tölvunefnd, en nú hafa
Nútíma samskipti bætt um betur
með nýrri útgáfu.
„Við gefum þessa nýju bók út
á breyttum forsendum," segir
Hermann Valsson, hjá Nútíma
samskiptum hf. „Hún er núna
byggð á gögnum sem við fengum
frá skattstjórum alls staðar á land-
inu.“
Hermann segist líta á bann
tölvunefndar við fyrri útgáfunni
sem hreina valdníðslu þar sem
nefndin hafi farið langt út fyrir
valdsvið sitt. „Við ákváðum því
að fara enn lengra í endurútgáf-
unni. Þar erum við ekki aðeins
með 14.000 hæstu greiðendur út-
svars eins og í fyrri bókinni, held-
ur alla gjaldendur í Reykjavík.
Síðan koma samsvarandi upplýs-
ingar út fyrir landið í heild. Upp-
lýsingarnar sem við birtum nú eru
ekki aðeins útsvar einstaklinga
heldur allir gjaldaliðir sem við-
komandi er gert að standa skil á.
Útgáfan er á bókarformi og. CD
Rom diskum. Síðan ætlum við að
hnykkja á þessu með útgáfu á
tölvutæki formi og á Internetinu.“
Að sögn Hermanns var fyrri
bókin unnin upp úr álagningar-
skrá. „Nú fórum við aðra leið,
þ.e. fengum frumgögnin hjá hvetj-
um skattstjóra í landinu og hvorki
fjármálaráðuneytið né ríkisskatt-
stjóri hafa gert athugasemdir. Það
stendur í skattalögum að heimild
sé opinber notkun á þeim upplýs-
ingum um álagða skatta sem fram
koma í skattskrá sem og útgáfa
þeirra upplýsinga í heild eða að
hluta,“ segir Hermann. „Grund-
vallaratriðið er að mínu mati að
þessi útgáfa getur komið í veg
fyrir skattsvik. Ef aðgangur að
þessum upplýsingum er opinn get-
ur hver og einn fylgst með með-
borgurum sínum."
Hermann segist munu fagna
aðgerðum tölvunefndar í þá átt
að reyna að stöðva útgáfu bókar-
innar. Hann segist vilja fá umræðu
um þessi mál auk þess sem slíkar
aðgerðir undirstrikuðu fáránleika
fyrri aðgerða.
IB MÖLLER
Við bjóðum
fulltrúum fyrirtækja og stofnana til
KYNNINGARFUNDAR
á PHOENIX-námskeið - LEIÐIN TIL ÁRANGURS
OG BRIAN TRACY NÁMSKEIÐA
s.s. SÖLUNÁMSKEIÐA OG ÞJÓNUSTUNÁMSKEIÐA
3. maí kl. 16-18, á Scandic, Hótel Loftleiðum með
lb Möller forseta
BRIAN TRACYINTERNATIONAL
Fanný Jónmundsdóttir, sími 5671703.
Ert þú
með lánshæfa
hugmynd til eflingar
atvinnulífi ?
Við veitum
góðri hugmynd
brautargengi!
Við veitum fúslega nánari upplýsingar
um lán til atvinnuskapandi verkefna
í öllum greinum.
ö
LANASJOÐUR
VESTUR - NORÐURLANDA
ENGJATEIG 3 - PÓSTHÓLF 5410, 125 REYKJAVÍK
SÍMI: 560 54 00 FAX: 588 29 04