Morgunblaðið - 27.04.1995, Qupperneq 1
BLAÐ ALLRA LANDSMANNA
KNATTSPYRNA
Por0iunfefai»ií>
1995
FIMMTUDAGUR 27. APRÍL
BLAD
Reuter
Jón Kr. áfram
með Keflavík
JÓN Kr. Gíslason hefur verið endurráðinn sem
þjálfari úrvalsdeildariiðs Keflvíkinga í körfuknatt-
leik fyrir næsta keppnistímabil og verður það
sjötta árið sem Jón Kr. þjálfar liðið. Þá hefur einn-
ig verið gengið frá því að Sigurður Ingimundar-
son leiki með Kefavikurliðinu áfram, en hann
hafði fengið tilboð um að þjálfa og leika með
öðru félagi.
Danir urðu af
1,7 millj. kr.
Danir ætluðu sér stóra hluti á Bikubenmótinu
í handknattleik sem lýkur í Danmörku í kvöld.
Þeir skipulögðu mótið með það í huga að leikur
heimamanna og Svíþjóðar í kvöld
otpjnhnr yrði úrslitaleikur en tapið gegn ís-
Guðbjartsson landi 1 fyrrakvöld gerði þær vonir
skrifar að engu. Dönsku blöðin segja að
frá Danmörku kvöldið hafi verið dýrkeypt því ekki
aðeins hafi Danir legið fyrir íslend-
ingum heldur hafi Ðanska handknattleikssam-
bandið orðið af 1,7 miHj. kr. sem það hefði fengið
í auglýsingatekjur ef leikurinn hefði verið sýndur
í sjónvarpi eins og til stóð.
Óánægja með danska liðið kemur fram í dönsku
blöðunum. Þess er jafnframt getið að liðið hafi
skapað sér tækifæri, en menn hafi ekki nýtt þau
og gert Bergsvein Bergsveinsson að heimsins besta
markverði eins og segir í Ekstra Bladet. B.T. seg-
ir reyndar að Bergsveinn hafi ávallt reynst Dönum
erfiður en Claus Jacob Jensen hafi farið með leik-
inn.
Svíar eru sigurvissir fyrir viðureign kvöldsins
og sagði Bengt Johansson, þjálfari, við Morgun-
blaðið í gær að ekki kæmi annað til greina en 1.
sæti í mótinu. Hann þekkir reyndar ekki annað,
Sviar hafa sigrað í 18 mótum í röð síðan 1988.
Islenska liðið mætir Pólveijum í kvöld. Það
æfði tvisvar í gær og ætlar sér sigur.
15 ára skor-
aði í landsleik
MOHAMMED Kallon varð á laugardaginn yngsti
knattspyrnumaðurinn tH að skora í A-landsleik í
knattspyrnu. Hann var aðeins 15 ára, sex mánaða
og 16 daga gamall er hami gerði fyrra mark Si-
erra Leone gegn Kongó í 2:0 sigri á laugardag-
inn. Samkvæmt heimildum enska tölfræðingsins,
Ray Spiller, er hann yngstur til að skora og getur
fullyrt að enginn yngri leikmaður hafi nokkru
sinni leikið eða skorað í landsleik svo ungur.
Kellon á tvo eldri bræður sem einnig eru i landsl-
iði Sierra Leone og faðir hans lék með 1. deildarl-
iði þar í landi.
Svíar
töpuðu í
Búdapest
ZOLTAN Vigh, markvörður
Ungverja, hélt hreinu í Búda-
pest í gær í 1:0 sigri gegn Svíum
undankeppni Evrópumótsins
þrátt fyrir stífa pressu gestanna
í lokin. Á myndinni handsamar
Vigh knöttinn áður en Hákan
Mild, miðvallarleikmaður Svía,
nær til hans. Tyrkland vann
Sviss 1:2 í Bern og deilaþessar
þjóðir nú efsta sætinu í 3. riðjli,
með 10 stig hvor þjóð eftir fimm
leiki. Svíar eru 6 stig eftir jafn
marka leiki, Ungverjar hafa 5
stig eftir fjóra leiki og íslend-
ingar reka lestina með ekkert
stig eftir þrjá leiki.
■ Tyrkir / D4
SKIÐI
Kristinn Björnsson númer44 á heimslistanum í risasvigi
„Ég er í skýjunum“
Kristinn Bjömsson skíða-
kappi frá Olafsfirði er í 44.
sæti í risasvigi á heimslistanum
sem kemur út á vegum Alþjóða
skíðasambandsins (FIS) á
mánudaginn. Þessi árangur
Kristins þýðir að hann hefur
öðiast keppnisrétt á heimsbikar-
mótunum næsta vetur og fær
allt frítt fyrir sig og þjálfara,
þ.e.a.s. keppnisgjöld og uppihald
á keppnisstað. Sem dæmi um
framfarir Kristins var hann
númer 514 á heimslistanum í
risasvigi sl. haust, með 60,58
punkta en er nú með 11,88
punkta. Samkvæmt nýja listan-
um er hann númer 127 í svigi,
með 18,22 punkta, og númer
155 í stórsvigi með 16,72
punkta.
„Ég er alveg í skýjunum. Ég
gerði mér vonir um að vera inn-
an við sextíu á listanum svo ég
get ekki annað en verið ánægð-
ur,“ sagði Kristinn við Morgun-
blaðið. „Þessi árangur ætti að
opna ýmsar dyr.“ Hann fer til
Noregs á mánudag til að prófa
skíði og skó í boði Rossignol,
en þar verða einnig landsliðs-
menn Norðmanna og Finna sem
eru á Rossignol.
Ásta í 68. sæti í svigi
Ásta S. Halldórsdóttir frá
ísafirði hefur einnig bætt sig
verulega í vetur og þá sérstak-
lega í svigi þar sem hún er núm-
er 68 á heimslistanum, með
16,37 punkta. Fyrir keppnis-
tímabilið var hún í 115. sæti á
listanum með 35,52 punkta og
hún er með 27,17 punkta í stórs-
vigi og er í 133. sæti listans.
NBA: HVAÐ GERA JORDAN OG FÉLAGAR í ÚRSLITAKEPPNINNI? / D3