Morgunblaðið - 28.04.1995, Blaðsíða 6
6 FÖSTUDAGUR 28. APRÍL 1995
MORGUNBLAÐIÐ
FRÉTTIR
Sáttatillaga ríkissáttasemjara í kjaradeilu flugfreyja og Flugleiða
14,6 millj. kjarabót
vegna hagræðingar
í INNANHÚSSTLLÖGU ríkissáttasemjara
sem samninganefndir Flugfreyjufélagsins og
VSÍ fyrir hönd Flugleiða féllust á í fyrrakvöld
er, auk almennra launahækkana, sem eru að
mestu leyti í samræmi við kjarasamninga
landssambanda ASÍ og vinnuveitenda sem
gerðir voru í vetur, gert ráð fyrir kjarabótum
til handa flugfreyjum vegna hagræðingar sem
næst með auknum störfum flugfreyja um borð
í vélum félagsins.
Flugfreyjur taka að sér ákveðin viðfangsefni
sem sem félagið hefur fram að þessu keypt
af verktökum á flugvöllum erlendis. Að sögn
Erlu Hatlemark, formanns Flugfreyjufélagsins,
er þar m.a. um að ræða flutning á ofngrindum
og matarvögnum og tilfærslu á tjaldi um borð
í flugvélum, auk vinnu við brottfararhlið í flug-
höfnum.
Heildarsparnaður 21 millj. kr. á ári
Greiðslumar sem koma í hlut flugfreyja
vegna þessara verkefna jafngilda um 2,7% af
föstum launum þeirra að meðaltali. Samtals
felur hagræðingin í sér sparnað fyrir Flugleið-
ir sem talinn er nema um 21 milljón króna á
ári, og skiptast greiðslurnar þannig að flug-
freyjur fá 60% þess ábata sem hagræðingin
er talin skila eða 14,6 millj. kr. í sinn hlut á
ári en Flugleiðir 40%.
Einar Sigurðsson, blaðafulltrúi Flugleiða,
Aukin lífeyrisrétt-
indi af hagræð-
ingu nýmæli í
kj arasamningum
sagði að félagi hefði samið um svipaða skipt-
ingu vegna hagræðingar við nokkrar fleiri
starfstéttir félagsins á undanförnum árum í
tilraunaskyni, m.a. hefði flugmenn tekið að sér
að annast ákveðin verkefni sem félagið keypti
áður af tæknimönnum erlendis. „Þegar við
höfum gert þessa samninga höfum við deilt
ábatanum af breytingunni eftir ákveðinni
skiptireglu milli félagsins og starfsmannanna,"
sagði Einar.
Mismunandi eftir starfsaldri
Að sögn Einars er það svo ákvörðun flug-
freyja hvernig þær ráðstafa ábatanum sem
kemur til skiptanna en í þessu tilfelli ætli þær
að greiða hann að stærstum hluta inn á sér-
eignareikning hvers og eins starfsmanns til
að auka lífeyrisspamað sinn, sem gerir þeim
kleyft að láta fyrr af störfum. Það sé einnig
ákvörðun flugfreyja hvemig þær skipta greiðsl-
unum eftir aldri starfsmanna og er gert ráð
fyrir að greitt verði 1,7% af föstum launum
flugfreyja með stystan starfsaldur og allt upp
í 5,6% af Iaunum þeirra sem hafa lengstan
starfsaldur og að greiðslur falli niður við 63
ára aldur.
Erla Hatlemark sagði að ákvörðun um að
skipta ábata af hagræðingu eftir starfsaldri
og vinnuhlutföllum flugfreyja inn á séreigna-
reikninga væri samningsatriði og sagði hún
að þetta væri nýmæli í kjarasamningum ein-
stakra hópa á vinnumarkaðnum.
Klæðskerasaumað
að hagsmunum aðila
Þórarinn V. Þórarinsson, segir það einsdæmi
í kjarasamningi að útfæra ávöxt hagræðingar
með þeim hætti sem þarna sé gert, þótt þetta
fyrirkomulag sé ekki óþekkt út á vinnumarkað-
inum.
i,Þessi útfærsla er klæðskerasaumuð í kring-
um þá hagsmuni sem þama er um að ræða.
Við töldum mjög mikilvægt að leggja málið
þannig upp að þetta væri á séreignareikningum
einstakra flugfreyja þannig að ábyrgð þeirra
á eigin lífeyrismálum væri mjög skýr ef þær
kysu að láta af störfum og það eru sameiginleg-
ir hagsmunir flugfreyja og Flugleiða að þeim
sé gert það auðveldara fjárhagslega að skipta
um starf eða hætta,“ sagði Þórarinn.
Klippt af
fjölda bíla
LÖGREGLAN hefur klippt númer
af fjölda bíla undanfarna daga vegna
ógreiddra bifreiðagjalda og vangold-
ins þungaskatts.
Lögreglan í Reykjavík klippti
númer af um 30 bílum í gær og lög-
reglan í Kópavogi af á annan tug bíla.
Þeir sem skulda bifreiðagjöld eða
þungaskatt geta búist við því að
koma að ökutækjum sínum númers-
lausum því átak lögreglunnar heldur
áfram næstu daga.
Samkvæmt upplýsingum frá lög-
reglunni í Hafnarfirði er mikið búið
að klippa síðustu daga og langir list-
ar fyrirliggjandi frá fjármálaráðu-
neytinu um ökutæki sem ekki hefur
verið greitt af.
------» ♦ ♦------
Tvö umferðar-
slys á sama stað
TVÖ umferðarslys urðu á sama stað,
við Laugaveg 174, á miðvikudag og
í báðum tilvikum áttu hlut að máli
barn á reiðhjóli og bifreið.
Fyrra slysið varð um tíuleytið á
miðvikudagsmorguninn. Bifreið var
ekið mjög hægt út af planinu við
Laugaveg 174 þegar stúlka kom hjól-
andi eftir gangstéttinni til vesturs
og lenti á hlið bifreiðarinnar. Stúlkan
kastaðist yfir bifreiðina og lenti á
gangstéttinni hinum megin. Hún var
með hjálm sem varði hana að mestu
fyrir meiðslum en hún meiddist lítils
háttar á fótum og hlaut skrámur í
andliti og var flutt með lögreglu á
slysadeild.
Síðara slysið varð rétt fyrir klukk-
an sex. Þá varð stúlka á reiðhjóli
einnig fyrir bíl og var flutt með lög-
reglu á slysadeild með minniháttar
meiðsli.
Hæstiréttur
mildaði dóm í
meiðyrðamáli
HÆSTIRÉTTUR mildaði í gær
dóm Héraðsdóms Reykjavíkur í
meiðyrðamáli sem Ástþór Bjarni
Sigurðsson og fyrirtækið ÁBS
Frístund hf í Keflavík höfðuðu
gegn blaðamönnunum Sigurði Má
Jónssyni og Haraldi Jónssyni.
Málið var höfðað til að krefjast
ómerkingar á sex tilgreindum
ummælum í grein sem birtist í
Pressunni um máiefni fyrirtækis-
ins og stofnanda þess. Jafnframt
var krafíst bóta og málskostnaðar.
Héraðsdómur ómerkti í júní 1993
tvenn ummælanna og dæmdi Ást-
þóri 90 þúsund krónur í máls-
kostnað en með dómi Hæstaréttar
í gær voru ein ummæli ómerkt og
hvor aðilanna látinn bera sinn
hluta málskostnaðarins. Sigurður
Már Jónsson blaðamaður flutti
málið sjálfur fyrir Hæstarétti.
Fyrirsögn greinarinnar var
„Gjaldþrota en rekur fyrirtækið í
nafni ólögráða barna sinna.“ Ást-
þór Bjarni Sigurðsson, fram-
kvæmdastjóri ÁBS Frístundar hf
taldi vegið að æru sinni og fyrir-
tækisins í greininni, höfðaði mál
og krafðist ómerkingar ummæla,
auk skaða- og miskabótat og máls-
kostnaðar.
Héraðsdómur ómerkti ummælin
í fyrrgreindri fyrirsögn og auk
þess voru ómerkt þau ummæli í
greininni að bókhald fyrirtækisins
hefði verið í molum.
Dóminum var áfrýjað til sýknu
og í gær komst Hæstiréttur að
þeirri niðurstöðu sem að ummælin
„þá hefur komið í ljós að bókhald
var í molum," skyldu ómerkt þar
sem lögð var fram yfírlýsing frá
viðskiptafræðingi sem hafði fært
bókhald fyrirtækisins og fengið
gögn afhent reglulega. Ummælin
hafí því verið röng og geti engu
breytt í því sambandi þótt íjármál
Ástþórs kunni í öðrum atriðum að
hafa verið í ólestri eins og blaða-
mennirnir héldu fram.
Hins vegar var hnekkt þeirri
niðurstöðu héraðsdómara að
ómerkja fyrirsögnina. Hæstiréttur
segir í Ijós leitt að félagið, ÁBS
hf. (síðar ÁBS Frístund hf.), sem
Ástþór og eiginkona hans stofn-
uðu, hafí í desember 1991 keypt
verslanir og myndbandaleigur
Ástþórs með yfírtöku skulda. í
febrúar 1992 var bú Ástþórs tekið
til gjaldþrotaskipta. Um það leyti
hafí hann afsalað til tveggja ófjár-
ráða barna sinna helmingi hluta-
bréfa í ÁBS Frístund hf og hafi
börnin þá tekið sæti í stjórn félags-
ins andstætt ákvæðum þágildandi
hlutafélagalaga.
Ástþór hafi eftir sem áður verið
framkvæmdastjóri og prókúruhafi
félagsins. Í því ljósi taldi Hæsti-
réttur fyrirsögnina „Gjaldþrota en
rekur fyrirtækið í nafni ólögráða
bama sinna,“ efnislega rétta.
Þótt ónákvæmni gæti í því orða-
lagi að Ástþór hefði með höndum
rekstur félagsins „í nafni“ ólögr-
áða barna sinna sé sú ónákvæmni
ekki slík að ummælin verði ómerkt
vegna hennar.
Eftir úrslitum málsins þótti
Hæstarétti rétt að hvor aðilanna
bæri sinn kostnað af því í héraði
og fyrir Hæstarétti.
Morgunblaðið/Kristinn
ÁRNI Oddsson slökkviliðsmaður og Þorgrímur Guðmundsson varðstjóri sýna nemendum Foss-
vogsskóla hvað gerist þegar sina er brennd og hvaða áhrif það hefur á svörðinn.
Fræddir um
afleiðingar
sinubruna
LÖGREGLAN og slökkviliðið í
Reykjavík hafa tekið höndum
saman um að fara í grunnskóla
borgarinnar næst þeim svæðum
þar sem sinubrunar hafa verið
algengastir, og fræða nemend-
ur um hættur samfara sinu-
brunum og afleiðingar þeirra.
Að sögn Þorgríms Guð-
mundssonar, varðstjóra hjá lög-
reglunni, sem hefur umsjón
með umferðarfræðslu, verður
farið í níu skóla í Grafarvogi,
Fossvogi og Árbæ. Fyrsti skól-
inn var heimsóttur á miðviku-
dag og sagði Þorgrímur að
börn og kennarar hefðu tekið
vel á móti gestunum.
„Markmiðið með þessum
heimsóknum er annars vegar
að vekja athygli á hættunni
samfara sinubrunum og reyna
um leið að afla okkur Iiðsmanna
í baráttunni gegn þessum far-
aldri sem kemur alltaf upp af
og til,“ sagði Þorgrímur.