Morgunblaðið - 28.04.1995, Blaðsíða 40
40 FÖSTUDAGUR 28. APRÍL 1995
MORGUNBLAÐIÐ
' ! f>At> EK EN6INN
• V nema uie •
A-ffajt'ju ertu
ftéasi 'rkuseJhs o<? _
- hann tnenalcp/nn'
Ljóska
Smáfólk
DID VOU 6ET MV
VALENTINE ? I
5I6NEDIT "FROM
YOUR 5WEET
BA8BOOETTE"
'TQ
IVE NEVER
MEARDOFA
'BABB00ETTE'1
V~1
ANDIF I EVER 60T A
VALENTINE FROM
ONE, l'D THROU) ITIN
THE UUA5TEBA5KET..
TC
mvbrotherdidn't
makeittdschool
TODAV..APPARENTLY
50MEBOPV HIT HIM
UllTH A LUNCM BOX
Fékkstu Valentín-
usarkortið frá mér?
Ég skrifaði „frá
sætakrúttakrúttinu
þínu“ undir.
Eg hef aldrei Og ef ég fengi einhvem
heyrt um „sæta- tíma Valentínusarkort
krúttakrútt". frá slíku, myndi ég
henda þvi í ruslakörf-
una.
Bróðir minn komst
ekki í skólann i dag,
það lamdi hann aug-
sýnilega einhver með
nestisboxi.
BREF
HL BLAÐSINS
Kringlunni 1103 Reykjavik • Sími 5691100 • Simbréf 5691329
Er trúfrelsi
„óknstilegt"?
Frá Þorvaldi Erni Arnasyni:
ÞÓRDÍS Pétursdóttir hefur í tvígang
hér á lesendasíðunni veist ósmekk-
lega að borgaralegri fermingu og
opinberað þar fáfræði og fordóma.
í tilefni fyrri skrifa hennar reyndi
ég 7. apríl að upplýsa hana og lesend-
ur um hvað borgaraleg ferming væri
og hvemig síðasta athöfn hefði farið
fram í Ráðhúsi Reykjavíkur. En 20.
apríl birtist pistill frá Þórdísi sem
ber þess merki að boðskapurinn minn
hafi komist illa til skila.
Það virðist fara fyrir brjóstið á
Þórdísi að leyfð sé hátíðleg athöfn í
Ráðhúsinu, sameigin allra borg-
arbúa, sem ekki er kristileg. Ég vil
benda Þórdísi á að Ráðhúsið er ráð-
hús, ekki kirkja. Ég býst við að kristi-
legar samkomur heyri til algjörrar
undantekningar í ráðhúsinu. þar á
sér alla dag stað borgaraleg starf-
semi, þ.e. stjómsýsla, stjómmála-
fundir og ýmiss konar hátíðarsam-
komur, svo eitthvað sé nefnt. Við
höfum byggt fyrir almannafé fyöl-
mörg hús fyrir kristilegar athafnir,
nefnilega kirkjur. Þó Ráðhúsið hafí
verið alltof dýr bygging þykir mér
líklegt að miklu meira af almannafé
hafí mnnið til kirknanna gegnum
árin en til Ráðhússins.
Ingibjörg Sólrún borgarstjóri flutti
ágætt ávarp á borgaralegu ferming-
arathöfninni. En það er ekki þar með
sagt að hún hafí verið í „aðalhlut-
verki“, eins og Þórdís fullyrðir og
ber mig fyrir. Það voru nefnilega
fermingarbömin sjálf og foreldrar
þeirra sem voru í aðahiutverki. Ég
get skilið að þeim sem aðeins hafa
séð kirkjulegar fermingarathafnir
veitist erfitt að skilja þetta. í krikjun-
um fer sjaldan á milli mála hver er
í aðahlutverkinu, nefnilega prestur-
inn. En ég get huggað Þórdísi og
aðra sem kunna að hugsa eins og
hún, að borgarstjórinn var þama
ekki í hlutverki prests. Það var engu
slíku hlutverki til að dreifa! Það er
nefnilega töluverður munur á borg-
aralegri fermingu og kirkjulegri
fermingu.
Þórdís tönnlast á því, m.a. í fyrir-
sögn, að Ingibjörg hafí lagt bömun-
um „ókristilegar lífsreglur". Hvað
átt þú við með því, Þórdís? Varla
veist þú mikið um það hvað Ingi-
björg Sólrún sagði, því mér vitanlega
hefur ávarp hennar hvergi birst.
Áttu við að ávarpið hafi verið ókristi-
legt vegna þess að það var ekki
mælt úr munni prests? Eða vegna
þess að það var ekki hluti af kirkju-
legri athöfn? Ef þú átt við það, þá
eru þessi greinarskrif okkar á síðum
Morgunblaðsins ekki síður ókristileg
— og Morgunblaðið í heild sinni
ókristilegt, því kirkjan gefur það ekki
út, heldur borgaralegt hlutafélag. En
fínnst nokkrum neitt athugavert við
það? Ef þú værir sjálfri þér sam-
kvæm, Þórdís, ættir þú að birta les-
endabréfin þín í kirkjuritinu Víðförla
en ekki í þessu „ókristilega" blaði!
Þórdís segir með nokkrum þjósti
að Ingibjörg Sólrún eigi ekkert með
það að nota stöðu sína og Ráðhúsið
til að efla trúleysi. Þér væri nær,
Þórdís, að þiggja boð okkar og sjá
með eigin augum borgaralegu ferm-
ingu áður en þú berð fáfræði þína á
torg með þessum hætti. Eða lesa
betur það sem ég skrifa. Tókstu ekki
eftir að það stendur skýmm stöfum
í fyrri grein minni: „Borgaraleg
ferming snýst lítið um trúarbrögð
og ekkert er tekið fyrir sem er and-
stætt kristinni trú eða öðrum trúar-
brögðum. Leitast er við að virða trú-
frelsi allra.“
Við í Siðmennt vinnum í anda trú-
frelsis. í Siðmennt eru margir trú-
leysingjar en þó tilheyrir líklega
meirihlutinn einhverju trúfélagi og
þá líklega flestir þjóðkirkjunni. Ég
tel líklegt að svipað gildi um þá for-
eldra og fermingarbörn sem hafa
fermt böm sín borgaralega. Um
þetta get ég þó ekki fullyrt, því við
spytjum fólk ekki um trúarbrögð ef
það vill gerast félagar í Siðmennt,
né heldur þá sem vilja nýta sér þjón-
ustu sem Siðmennt býður upp á.
Mér fellur ekki að nota orðið
„ókristilegt" yfír það sem ekki er á
vegum kirkjunnar. Borgaraleg
hjónavígsla hefur tíðkast í áratugi
án þess að vera kölluð „ókristilegt“
athæfi. Þær athafnir fara yfírleitt
fram í opinberu húsnæði sem er sam-
eign allra landsmanna. Guðfræðing-
ar hafa látið í ljós óánægju með það
að fólki, sem ekki er sátt við kirkj-
una og athafnir hennar, sé leiðbeint
um borgaralega fermingu, nafngjöf
eða greftrun. Siðmennt er fátækt,
húsnæðislaust félag án ríkisstyrkja
og erum við upp á aðra komin með
húsnæði fyrir námskeið okkar og
hátíðlegar athafnir. Ég vil nota tæki-
færið og þakka því ágæta fólki sem
hefur skotið skjólshúsi yfír borgara-
lega starfsemi okkar sem öll er í
anda trúfrelsis, óháð trúarbrögðum.
ÞORVALDUR ÖRN ÁRNASON,
formaður Siðmenntar, félags áhuga-
fólks um borgaralegar athafnir.
Fór að eigin ósk
Frá Jóni Á. Gissurarsyni:
ÞANN 22. þ.m. sendi Eggert Hauk-
dal fyrrverandi samþingmönnum sín-
um, Þorsteini Pálssyni og Árna John-
sen, kveðjur sínar í Mbl., enda skilj-
ast nú leiðir - þeir á þingi en hann
ekki.
Að dómi Eggerts drýgði Þorsteinn
höfuðsynd „að reka Albert Guð-
mundsson fyrir litlar sakir...“
Hér ýjar Eggert að því er Albert
baðst lausnar sem fjármálaráðherra,
þegar bert var að hann hafði vantal-
ið tekjur sínar til skatts, en Þorsteinn
Pálsson var þá formaður Sjálfstæðis-
flokksins. Þingflokkur Sjálfstæðis-
flokksins samþykkti lausnarbeiðni
Alberts einróma. Það er því rangt
hjá Eggert að Albert hafí verið rek-
inn - hann fór að eigin ósk.
Margir feta enn í fótspor Alberts,
vantelja tekjur sínar til skatts. Ríks-
sjóður verður af lögmætum tekjum
svo milljörðum skiptir, jafnvel talið
að hann stæði í jámum, ef öll kurl
kæmu þartil grafar. Nú mætti spyija:
Telur Éggert Haukdal reikningsskil
þessara framteljenda „litlar sakir?"
JÓN Á. GISSURARSON,
fyrrv. skólastjóri.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.