Morgunblaðið - 28.04.1995, Blaðsíða 7
MORGUNBLAÐIÐ
FÖSTUDAGUR 28. APRÍL 1995 B 7
IBOYA og vinir hennar í kastala-
garðinum.
Ljjósmynd/ekj.
KASTALINN sem breytt var í
munaðarleysingjahæli.
BÆJARSTJÓRINN og sígauna-
höfðinginn.
STYTTAN sem er tákn fyrir
Högysh. Saga bæjarins er skráð
utan á brunninn.
FERÐALÖG
British Airways,
Virgin og Singa-
pore Airlines á
toppnum
BRITISH Airways er besta flugfélagið
á Evrópuleiðum, Singapore Airlines til
Austurlanda fjær, Virgin Atlantic fær
bestan vitnisburð á flugleiðinni yfir
Norður-Atlantshaf og Emirates er það
flugfélag sem hugnanlegast er að fljúga
með til Mið-Austurlanda. Þetta voru nið-
urstöður í verðlaunaveitingu breska
blaðsins Travel Weekly. Viðurkenning
þess þykir mjög eftirsóknarverð og at-
kvæði greiða bæði starfsmenn í ferða-
þjónustu og farþegar.
Segja má að fátt komi verulega á
óvart þegar listi verðlaunahafa er les-
inn, en hann staðfestir gengi og gæði
félaga á borð við þau sem fyrst eru tal-
in, en viðurkenningar hafa sópast til
þeirra hvaðanæva að sl. ár.
British Midland var valið enn einu
sinni besta flugfélagið á innanlands-
leiðum í Bretlandi, South African
Airways númer eitt í Afríkuflugi
og Air New Zealand var á toppnum
í flugi til Kyrrahafssvæðisins. AirTo-
urs var valið ferðafyrirtæki ársins, en
umsvif þess hafa aukist ákaflega hratt
síðustu örfá ár. Þá var Manchester-flug-
völlur talinn sá besti í Bretlandi og
Air2000 besta leigufiugfélagið. Besta
bílaleigufyrirtækið var Avis fyrir við-
skiptamenn og Suncars fyrir fólk í
fríi. Stena Sealink Line varð efst
sem besta ferjufyrirtækið á stutt-
um leiðum og Brittany Ferries í
lengri siglingum. P&C Cruises
fékk flest stig skemmtisigl-
ingafyrirtækja. ■
Einn bjór,
takk
EKKI er sama hvernig beðið
er um bjórglas á írlandi. í
ritinu International livingw ar
nýlega bent á þetta og les-
endur fræddir um tilhlýði-
lega framkomu á írskum
krám.
Þeir sem biðja um bjór
með því að segja: „a bear,
please,“ fá afgreiddan hálf-
pott af Guinnes-bjór. Biðji
þeir um bjórglas, a glass, fá
þeir um 250 ml glas. Vilji
þeir annars konar mjöð,
þurfa þeir að tilgreina vöru-
merkið.
Kráargestum er ráðlagt að
reka aldrei á eftir barþjóni
þegar hann afgreiðir Guin-
nes-bjór. „Það tekur tíma að
afgreiða hann og þótt menn
séu verulega þyrstir, er biðin
þess virði og þeir sem ekki
vita það af eigin reynslu,
ættu alla vega að ekki að
auglýsa það með því að reka
á eftir þjóninum." ■
4
Dýr og dægradvöl
TÍVOLÍ-garðurinn í Kaupmanna-
höfn laðar að sér nærri fjórar millj-
ónir ferðamanna á ári og eru
skemmti- og dýragarðar í Dan-
mörku áberandi vinsælli en söfn
og menningarstofnanir. Tímaritið
Dansk turisme, sem danska ferða-
málráðið gefur út, birti nýlega töl-
ur yfir vinsælustu viðkomustaði
ferðamanna í Danmörku og er Tí-
volí vinsælastur allra.
Dyrehavsbakk-
en, þar sem bæði
er dýra- og fjöl-
skyldugarður,
laðaði að yfír tvær
milljónir ferða-
manna á síðasta
ári. Eilítið færri, eða um 1,2 millj-
ónir fóru í Lególand og álíka marg-
ir í dýragarð Kaupmannahafnar,
sem reyndar nýtur vaxandi vin-
sælda. Til samanburðar má geta
þess að það safn sem flestir skoð-
uðu á síðasta ári, Louisiana, fékk
til sín um 600 þúsund gesti í fyrra
og innan við 400 þúsund manns
fóru í þjóðminjasafn Danmerkur.
Helmingi færri heimsóttu Carls-
berg-bjórverskmiðjuna, um 200
þúsund manns. ■
, íJ|
Island
Sækjum
þaðheim!
ÁHERSLUM verður breytt í
ljósi reynslu af átakinu á síð-
asta ári.
Breyttar áherslur
hjá Ferðamálaráði
VERIÐ er að breyta áherslum í
ferðaþjónustu á íslandi í ljósi reynslu
af átakinu ísland-sækjum það heim
í fyrra. Frá þessu er greint í síðasta
tölublaði Ferðafrétta, sem Ferða-
málaráð íslands gefur út.
Þriggja manna vinnuhópur hefur
mótað tillögur um hvernig haga beri
auglýsingum og hvatningu. í vinnu-
hópnum voru Helga Haraldsdóttir,
forstöðumaður skrifstofu Ferða-
málaráðs á Akureyri, Páll Þór Jóns-
son frá Ferðamálasamtökum íslands
og Sigrún Sigurðardóttir, sem var
fulltrúi Reykjavíkurborgar.
Komið til mðts við fatlaða
í Ferðafréttum er haft eftir þeim
að í umræðu um átakið ísland-sækj-
um það heim hafi meðal annars
komið fram gagnrýni um of mikinn
kostnað í almennar auglýsingar.
Minna hafi verið gert til að vekja
athygli á einstökum stöðum eða
þjónustu. Segir Helga Haraldsdóttir,
í samtali við blaðið, að viðræður
hafi verið hafnar við Sjálfsbjörgu
með það fyrir augum að finna leiðir
til að koma til móts við þarfir fatl-
aðra á ferð um landið. Er það nefnt
sem dæmi um það hvernig stefnt
er að því að nálgast nýja markhópa.
Trier - skemmtiieg menningarborg
DORINT-hótelið í Trier við gamla borgarhliðið Porta Nigra.
BORGIN Trier á bökkum Mosel er
fyrir margra hluta sakir einhver sú
áhugaverðasta á þessu svæði Evr-
ópu. Þegar Rómveijar hinir fornu
sóttu norður á bóginn fyrir meira
en tvö þúsund árum völdu þeir borg-
arstæðið, hófu byggingar og svo vel
völdu þeir að þar sem hinn forni
kjarni Trier stendur hefir aldrei orð-
ið skaði af flóðum. Vatnavextir hafa
á hinn bóginn skaðað mannvirki sem
seinni tíma skipuleggjendur byggðu.
Borgarhliðið sem enn stendur,
Porta Nigra, var um aldir eina inn-
gönguleiðin til Trier. Traustir borg-
armúrar lágu frá hliðinu að öðrum
byggingum sem enn standa en stein-
bogabrú yfir ána Mosel auðveldaði
ferðalög að og frá borginni.
íhaldssamlr á fornar hefðir
En Trier er meira en saga og
menjar þótt merkilegar séu. Borgin
og næsta umhverfi er í senn fagurt
og vingjamlegt. Sjálfir telja íbúar
borgarinnar sig íhaldssama á fomar
hefðir og lífsstíl og það sama má
segja um bændurna sem rækta vín-
viðinn í hlíðum hæðanna og á bökk-
um Mosel. í nágrenni Trier eru vin-
gjarnleg sveitaþorp þar sem fólkið
stundar hefðbundinn landbúnað og
smáiðnað.
Trier er elsta borg Þýskalands
en hefir á síðari tímum unnið sér
sess sem verslunar- og ferðamanna-
borg. Auk þekktra stórverslana svo
sem Kaufhalle, C & A, Herte og
Karstad, svo nokkrar séu nefndar,
er þar mikill fjöldi smærri búða sem
selja jafnt tískuvörur sem og vand:
aðan fatnað í hefðbundnum stíl. í
miðborginni eru fjölmargir mat-
staðir og vínstaðir enda Moselvínin
ljúffeng. Aldrei hefir þó sá er þetta
ritar séð þar vín á nokkrum manni.
Andstœður mætast
í Trier eru 18 hótel sem bjóða
aðstöðu til funda- og ráðstefnu-
halds. Meðal þeirra er Dorint Hotel
sem stendur andspænis borgarhlið-
inu Porta Nigra. Þarna mætast
andstæður. Dorint-hótelbyggingin
er ein sú nýjasta í miðborginni en
borgarhliðið tvö þúsund ára gam-
alt. í hótelbyggingunni, en þó ekki
á vegum Dorint-hótelsins, er spila-
banki þar sem oft er mikið um að
vera. Vogun vinnur, vogun tapar
og fyrir þá sem lítt þekkja til er
fróðlegt að fylgjast með rúllettu og
Black Jack.
. Margir íslendingar sækja Trier
heim og sumir þeirra þekkja án efa
hótelstjórann á Dorint-hótelinu,
Karel H. Hilkhuijsen, sem stjórnaði
í áratugi Holliday Inn og síðan
Hotel Pullman í Lúxemborg. Hann
hefir nú söðlað um og ráðist til
Doriant-hótelhringsins sem er sá
næststærsti í Þýskalandi. Starfræk-
ir einnig hótel í öðrum löndum Evr-
ópu og Ameríku.
Trier á það sammerkt með mörg-
um minni borgum (íbúar eru um
ein milljón) að verðlag er þar sýnu
lægra en í stórborgunum. Það er
máski þess vegna sem fólk t.d. frá
Hoilandi og Belgíu sameinast í lang-
ferðabíla og fer í verslunarferðir til
þessa svæðis. Enda þótt þýska
markið standi hátt gagnvart ís-
lensku krónunni þá eru flestir hlut-
ir þar tiltölulega ódýrir. Sama er
um mat og gistingu. íslenskar
ferðaskrifstofur hafa náð góðum
samningum við hótel í Trier og sem
dæmi má nefna að íþróttahópar frá
íslandi dvöldu á Dorint Hotel í Tri-
er um páskana.
í Trier sameinast saga, verslun,
skemmtun og menning. Og ekki er
að spyrja að matargerð borgarbúa
sem á sér langa hefð - svipað og
vínræktin á bökkum Mosel og í hlíð-
unum þar fyrir ofan.
Sveinn Sæmundsson.
Höfundur er fyrrum blaðafulltrúi
Flugleiða.