Morgunblaðið - 29.04.1995, Blaðsíða 2
2 LAUGARDAGUR 29. APRÍL 1995
MORGUNBLAÐIÐ
I
FRÉTTIR
Hryssa datt og braut höfuðbein á fimm stöðum
A skurðar-
borðinu í 2 tíma
ELLEFU vetra hryssu, sem datt og
braut höfuðbein að kvöldi skírdags,
heilsast nú eftir atvikum.
„Það kom hlaupandi laus hestur og
fólk á eftir. Hryssan er vi\jug og tók
sprettinn, við það lendir hún í holu á
reiðgötunni og steypist niður,“ segir
Sigurður Sigurðsson eigandi Freyju,
sem er undan Gusti frá Höfða. Tók eng-
inn eftir því í fyrstu að hryssan hefði
brotið sig. „Hún var með blóðnasir og
það vorum við að hugsa um,“ segir Sig-
urður en áverkinn var falinn undir
ennistoppnum.
Daginn eftir kom í ljós að brotnað
höfðu höfuðbein og því brugðið áþað
ráð að reyna aðgerð á skepnunni á
páskadag. „Það var ekki um annað að
ræða en að reyna þessa aðgerð eða leyfa
henni að hvíla sig fyrir fullt og allt.
Þetta var opið inn undir húð og gekk
hún til eins og fýsibelgur þegar hryssan
andaði,“ segir Þorvaldur Hlíðdal Þórð-
arson dýralæknir sem spengdi brotið
ásamt kollega sínum Katrínu Harðar-
dóttur.
Frekar erfið aðgerð
Telur hann að höfuð Freyju hafi rek-
ist í steinnybbu eða eitthvað álíka hart
en bein hryssunnar brotnuðu yfir ennis-
holum, rétt ofan við og til hliðar við
Morgunblaðið/Anna
FREYJA var á skurðarborðinu
í 2‘/2 tíma.
hægra auga, á fimm stöðum. Þorvaldur
hefur ekki gert slíka aðgerð áður.
„Ég myndi segja að þetta hafi verið
frekar erfið aðgerð. Freyja var hjá okk-
ur á skurðarborðinu í 2'/2 tima og ég
myndi segja sem svo að aðgerðin hafi
tekist vel eftir atvikum. Yið reyndum
að átta okkur á því hvemig brotin vom
því nokkur þeirra höfðu fallið alveg inn
í ennisholuna og önnur lágu laus og
spengdum þetta með þremur járnplötum
og skrúfum,“ segir hann.
Læknirinn telur hugsanlegt að hryss-
an geti orðið fyrir óþægindum. „Það
verður bara að koma í ljós. Þessi bein
eru lengi að gróa og ég reikna með
tveimur til þremur mánuðum þar til ég
sé endanlega hvemig þetta fer. Ástand-
ið er eins gott og hægt er að hugsa sér,
ég hef heimsótt merina annan til þriðja
hvem dag og hefur hún hresst á þeim
tíma. Það varð eftir örlítil hola sem á
eftir að fyllast en þetta horfir vel,“ seg-
ir Þorvaldur en hann býst ekki við að
Freyja verði notuð til útreiða framan
af sumri.
Verðtryggðir útlánsvext-
ir hækka um 0,35-0,7%
BANKAR og sparisjóðir hækka verð-
tryggða útlánsvexti sína á vaxta-
breytingardegi 1. maí um 0,35%-
0,70% í kjölfar þeirrar hækkunar sem
orðið hefur á ávöxtunarkröfu spari-
skírteina í útboði í vikunni og á eftir-
markaði eftir að Seðlabanki íslandi
hækkaði kauptilboð sín í spariskír-
teini um allt að 0,55 prósentustig.
íslandsbanki hækkar vextina mést,
um 0,70 prósentustig, Landsbanki
og Búnaðarbanki hækka um 0,35
prósentustig og sparisjóðimir um
0,45 prósentustig. Að auki hækkar
íslandsbanki óverðtryggða vexti sína
á skuldabréfum, víxlum og yfirdrátt-
Bjór lækkar
á þriðjudag
NÝTT verð á bjór tekur gildi á út-
sölustöðum ÁTVR á þriðjudag
vegna niðurfellingar 35% innflutn-
ingsgjálds frá og með 1. maí.
Sex dósa kippa af Budweiser-bjór
lækkar úr 960 í 860 krónur eða um
10,42%. Kippan af Heineken-bjór
(50 cl dósir) lækkar úr 1.270 í 1.140
kr. eða um 10,24%. Kippan af
Beck’s-bjór (50 cl dósir) lækkar úr
1.130 í 1.040 kr. eða um 7,95%.
Holstein-bjór (50 cl dósir) lækkar
úr 1.140 í 1.050 kr. eða 7,89%.
Egils gull (50 cl dósir) lækkar úr
1.020 í 950 kr. eða um 6,86%. Löw-
enbráu-kippa (33 cl dósir) lækkar
úr 820 í 790 kr. eða um 3,66%.
Egils gull-bjórkútur (19 lítra)
lækkar úr 6.380 í 6.200 krónur eða
um 2,82%. Löwenbráu-kútur (30
lítra) lækkar úr 10.200 í 9.860 kr.
eða um 3,33%. Bitburger-kútur (50
Bjórinn
lækkar
Kippa Verðið Verðið Lækkun
(6x0,51) var verður %
Budweiser 960 860 10,42
Heineken 1.270 1.140 10,24
Beck’s 1.130 1.040 7,95
Holstein 1.140 1.050 7,89
Eqils qull 1.020 950 6,86
Löwenbráu m 820 790 3,66
Bjórkútar
Bitburger (501)17.470 15.620 10,59
Beck’s (50 o 16.110 15.180 5,77
Löwen (301) 10.200 9.860 3,33
Egils gull (i9tj 6.380 6.200 2,82
lítra) lækkar úr 17.470 í 15.620
krónur eða um 10,59%. Beck’s-kút-
ur (50 lítra) lækkar úr 16.110 í
15.180 krónur eða um 5,77%.
arlánum um 0,70 prósentustig. Þá
hækka einnig verðtryggðir innláns-
vextir um 0,1-0,5 prósentustig, mis-
munandi eftir bönkum og hvað innl-
ánin eru bundin lengi.
Eftir breytingarnar eru kjörvextir
verðtryggðra útlána hæstir í íslands-
banka, 6,20%, og hæstu vextir eru
10,95%. Kjörvextir eru lægstir í
Landsbanka, 5,80%, og hæstu vextir
eru 10,55%. Kjörvextir í Búnaðar-
banka eru 5,85% og hæstu vextir
10,60%. Kjörvextir sparisjóða verða
5,95% og hæstu vextir eru 10,70%.
Aðlögun að
markaðsvöxtum
Brynjólfur Helgason, aðstoðar-
bankastjóri í Landsbanka íslands,
sagði að breytingar á vöxtum bank-
ans væru aðlögun að markaðsvöxt-
um. Hækkun á vöxtum verðtryggðra
útlána um 0,35% þýddi að kjörvextir
færu úr 5,45% í 5,80%. „Við erum á
sama tíma að hækka Landsbækur,
sem eru verðtryggð innlánsform með
1-5 ára binditíma, um 0,1%. Það má
bæta því við að 1. febrúar hækkuðum
við þriggja og fimm ára Landsbækur
um 0,25% og 1. mars hækkuðum við
5 ára Landsbækur um 0,15%, þannig
að þær hafa hækkað um samtals
0,5% þegar þetta tvennt er lagt sam-
an. Á sama tíma hækkum við útláns-
vexti lítillega og fyrst og fremst í
samræmi við þær breytingar sem
hafa verið á markaði að undanfömu,
sem þýðir að við erum ekki að hækka
vaxtamun á árinu,“ sagði Brynjólfur.
Valur Valsson, bankastjóri ís-
landsbanka, sagði að markaðsvextir
hefðu farið hækkandi og vextir á
skuldbindingum til langs tíma hefðu
hækkað um 0,7-0,9% á undanfömum
mánuðum. „Við teljum að við þurfum
að fylgja markaðsvöxtum eins og
Seðlabankinn og ríkissjóður hafa
einnig gert réttilega," sagði Valur.
Hann sagði aðspurður að þessar
vaxtabreytingar endurspegluðu það
sem hefði verið að gerast. íslands-
banki seldi mikið af bankavíxlum og
bankabréfum og því hefði þróunin á
markaðnum mikil áhrif á starfsem-
ina. Það fé sem þeir tækju að láni
endurlánuðu þeir til viðskiptavina
bankans þannig að það væri óumflýj-
anlegt að vextimir tækju mið af því
sem gerðist á markaðnum.
Merki um uppsveiflu
Sú breyting sem hefði orðið á vöxt-
unum væri að hans mati öruggt
merki um það að uppsveifla væri
hafin í efnahagslífinu, en nákvæm-
lega það sama hefði gerst í ná-
grannalöndum fyrir ári þegar upp-
sveifla hefði hafíst þar. „Það kemur
mér ekki á óvart að markaðsvextir
hafi farið hækkandi þegar eftirspum
fer vaxandi í þjóðfélaginu. Ég þori
ekki að spá um framhaldið, en fyrstu
vísbendingar um þróunina á lang-
tímavöxtum eru þær að vextimir þar
ættu frekar að fara lækkandi en
hækkandi," sagði hann ennfremur.
Framhaldsaðalfundi íslenska útvarpsfélagsins frestað til maíloka
Mínníhlutínn vill gera at-
hugasemdir við ársreikninga
FRAMHALDSAÐALFUNDI íslenska útvarpsfé-
lagsins hf., sem haldinn var í gær, var frestað til
maíloka vegna þess að ekki var hægt að afgreiða
ársreikninga félagsins fyrir síðasta ár. Að sögn
Sigurðar G. Guðjónssonar, stjómarformanns fé-
lagsins, var það vegna kröfu minnihlutans í stjóm
félagsins um aö fá að gera athugasemdir við árs-
reikningana.
Ástæða frestunarinnar mun samkvæmt heimild-
um Morgunblaðsins m.a. vera sú að utanaðkom-
andi endurskoðandi, sem stjóm félagsins fékk til
að fara yfir ýmis málefni félagsins, t.d. fríbirting-
arsamninga um auglýsingar, skilar ekki niðurstöðu
sinni fyrr en um miðjan maí.
Þá mun það einnig hafa ráðið frestuninni að
nú fer fram hjá RLR rannsókn á hluta af viðskipt-
um Jóns Ólafssonar, eins stjómarmanna íslenska
útvarpsfélagsins, við félagið á reikningsárinu.
Niðurstöðu þeirrar rannsóknar mun einnig að
vænta um miðjan maí.
Samkvæmt heimildum Morgunblaðsins kærði
Einar S. Hálfdánarson, einn stjórnarmanna í ís-
lenska útvarpsfélaginu, í febrúar síðastliðnum við-
skipti Jóns Ölafssonar, eiganda SWfunnar og kvik-
myndahússins Regnbogans, við Islenska útvarps-
félagið á tímabilinu október til desember á síðasta
ári.
í kærunni mun vísað til meintra bókhaldslaga-
brota og skattalagabrota vegna birtingar auglýs-
inga frá Skífunni um kvikmyndir sem sýndar voru
í Regnboganum en bókfærðar eins og um eigin
auglýsingar íslenska útvarpsfélagsins væri að
ræða, þ.e. án gjaldfærðs kostnaðar. Samtals sé
um að ræða auglýsingar fyrir tæplega sex milljón-
ir króna.
Sigurður G. Guðjónsson, stjómarformaður Is-
lenska útvarpsfélagsins, staðfesti í samtali við
Morgunblaðið í gærkvöldi að löggiltur endurskoð-
andi hefði verið fenginn til að svara ákveðnum
spurningum stjórnar félagsins um málefni þess,
m.a. fríbirtingar auglýsinga. Hann segir hins veg-
ar að aðalfundi félagsins hafi ekki verið frestað
þess vegna heldur vegna kröfu minnihlutans sem
vildi gera athugasemdir við ársreikninga félagsins.
„Þeir hafa sagt okkur að þeir myndu vilja gera
athugasemdir við ársreikninginn. Okkur er í sjálfu
sér alveg sama hvaða athugasemdir þeir gera við
ársreikninginn, en við viljum hins vegar ekki vera
að ýfa sár þessara manna meira en þörf er vegna
þess að við vitum alveg hvemig fjárhagsstaða
félagsins er. Það hefur ekki skert lánstraust okk-
ar og fyrirtækið hefur gengið mjög vel og miklu
betur en menn þorðu að vona með svona lík í lest-
inni,“ sagði Sigurður.
Viðskiptaráðherra
Ósátt-
ur við
vaxta-
hækkun
Nýi vaxtamálaráð-
herrann talar eins
og flón um vaxta-
mál, segir Sverrir
Hermannsson
FINNUR Ingólfsson, viðskiptaráð-
herra, gagnrýndi bankana fyrir
áform þeirra um að hækka vexti
eftir helgina á Iðnþingi í gær og
sagði þá þegar hafa hækkað vexti
til samræmis við hækkun á verð-
bréfamarkaði.
„Þeir bera fyrir sig hækkun á
vöxtum spariskírteina,” sagði við-
skiptaráðherra í ræðu sinni. „En töl-
ur Seðlabankans sýna að meðalút-
lánsvextir banka og sparisjóða hafa
hækkað um 0,7% á síðustu tólf mán-
uðum. Bankarnir hafa því þegar
hækkað vexti til samræmis við
hækkun á verðbréfamarkaði. Þetta
hefur verið gert með því að fjölga
kjörvaxtaflokkum og jafnvel auka
álag í tilteknum flokkum án þess að
grunnurinn, kjörvextimir hafi hækk-
að.
Ég er ósáttur við þessa fyrirhug-
uðu vaxtahækkun bankanna. Hvað
útlánin varðar eiga þeir nú í harðri
samkeppni við verðbréfamarkaðinn
og hafa reyndar verið að missa þang-
að viðskiptavini. Vaxtahækkun mun
varla bæta samkeppnisstöðu bank-
anna að þessu leyti. Vaxtahækkun
mun einnig leiða til verri afkomu
fyrirtækja og gera þeim og skuldug-
um ' heimilum landsins erfiðara að
standa við skuldbindingar sínar.
Ekki mun það draga úr afskriftar-
þörf bankanna. Ég viðurkenni fús-
lega að hinn gullni meðalvegur
vaxtamálanna er vandrataður, en ég
tel að í þessum efnum verði bankam-
ir að gæta þess að slátra ekki mjólk-
urkúnni."
„Talar eins og flón
um vaxtamál“
„Það er gróflega dapurlegt að
þessi nýi vaxtamálaráðherra Fram-
sóknar, arftaki Steingríms Her-
mannssonar, skuli grípa öll tækifæri
til að tala eins og flón um vaxta-
mál. Ég hlýt að verða smeykur um
hann Davíð minn,“ sagði Sverrir
Hermannsson, bankastjóri Lands-
bankans, í samtali við Morgunblaðið.
-
I
I
[
I
B
I
I
í
I
I
I
í
\
I
t
I
t
I
i
i