Morgunblaðið - 29.04.1995, Blaðsíða 40
40 LAUGARDAGUR 29. APRÍL 1995
MORGUNBLAÐIÐ
Dýraglens
Tommi og Jenni
... og svo lamdi þessi heimska systir þín mig með Tók hann málið að sér? Nei, hann át allar samlok-
nestisboxinu sínu... samlokur flugu út um allt... og urnar!
þá birtist lögfræðingurinn minn ... '
BRÉF
ITL BLAÐSINS
Kringlunni 1103 Reykjavík • Sími 569 1100 • Símbréf 569 1329
Karlakór
Bólstaðarhlíðar-
hrepps sjötugur
sunnudaginn fyrsta í sumri 1995
Frá Inga Heiðmar Jónssyni:
SUNNUDAGINN fyrsta í sumri
1925 hélt Karlakór Bólstaðarhlíðar-
hrepps sína fyrstu tónleika, en þeim
stjórnaði Guðmunda Jónsdóttir frá
Eyvindarstöðum systir Gísla Jóns-
sonar, en hann var söngstjóri þennan
fyrsta vetur, meðan bróðir hans
Þorsteinn sinnti námi sínu við Hóla-
skóla. Var söngnum mjög vel tekið
og endurtekin mörg lög, en söng-
skráin var að vísu aðeins 8 lög og
flest útlend. Þorsteinn bróðir þeirra
var síðan söngstjóri kórsins ásamt
Gísla fyrstu 20 árin. Þessi söngnu
systkini voru börn Eyvindarstaða-
hjóna, en Ósk Gísladóttir móðir
þeirra ólst líka upp í söngglöðum
og fjölmennum systkinahópi þar á
Eyvindarstöðum. Hún var föðursyst-
ir Ágústar Andréssonar, eins af
stofnendum kórsins.
Fyrsta jarðarför, sem kórinn söng
við var útför sr. Stefáns M. Jónsson-
ar á Auðkúlu 1930. Kórinn æfði
vandlega útfararsálma, sem hann
flutti síðan og þótti söngur hans
takast vel. Síðan hefur kórinn sung-
ið við nær allar jarðarfarir í sinni
heimasveit og í Svínavatnshreppi
eftir að Svínvetningar fóru að taka
þátt í kórstarfínu, en það gerðist
eftir að Blöndubrúin var byggð
1952. Stundum hefur hann farið í
önnur héruð til að syngja yfir göml-
um félögum eða fólki tengdu kórn-
um. Einhver lengsta ferð þeirra var
fyrir miðja öldina til að syngja yfir
Margréti frá Kolviðarnesi, móður
Tryggva í Finnstungu. Hún var jörð-
uð frá Rauðamelskirkju og kórmenn
komu í bíl að austan til athafnarinn-
ar og fóru síðan heim um nóttina
svo þetta hefur verið erfið ferð.
Þessi þáttur í starfsemi kórsins
hefur oft lagt á herðar söngfélag-
anna erfið ferðalög til æfinga og
jarðarfara, en einmitt hefur þessi
skylda eflt samhug og samheldni og
kannske hefur einmitt þetta hlutverk
kórsins orðið tii að skapa honum
sinn háa aldur.
Tungubræður, þeir Jónas og Jón
í Ártúnum Tryggvasynir, tóku við
stjórn kórsins 1945, er Þorsteinn
Jónsson flutti til Blönduóss. Jónas
stjórnaði kórnum í 5 ár en Jón var
söngstjóri í alls 35 ár. Faðir þeirra,
Tryggvi í Finnstungu, var einn
stofnenda kórsins og fyrsti formaður
og gegndi því starfi í meira en tvo
áratugi.
Gestur Guðmundsson rafvirki og
söngvari á Blönduósi var söngstjóri
kórsins um langt árabil ásamt Jóni
og síðan, er Jón hætti, eini söng-
stjóri hans.
Síðastliðin 2 ár hefur Sveinn
Árnason tónlistarkennari og organ-
isti á Víðimel verið söngstjóri kórsins
og stjórnaði hann kórnum á söng-
skemmtun í Víðistaðakirkju 21. apríl
sl., sem var fyrsti föstudagur í sumri
og þá voru einmitt nær 70 ár liðin
frá þeirra fyrsta samgöng. Kórinn
hóf söngskrána á sama lagi sem þá,
þ.e. Heill þér fold eftir Wetterling.
Söngur kórsins í Víðistaðakirkju bar
engin ellimerki, margt kórfélaga eru
ungir menn, tenór er fjölmennari
bössum, söngurinn öruggur og líf-
legur, en einsöngur Svavars Jó-
hannssonar í Litladal og Jónu Fan-
neyjar, dóttur hans, tókst með ágæt-
um. Sigurður Ingvi og Sigfús Guð-
mundsson sungu líka ágætlega sinn
einsöng. Söngstjórinn Sveinn og
kórinn glöddu hjörtu margra norðan-
manna og annarra sem hlýddu á
sönginn þar í kirkjunni og þeim
fylgja norður hlýjar afmælisóskir.
Fyrstu söngstjórar karlakórsins,
þeir Gísli, Þorsteinn, Jónas og fleiri
hafa samið margt sönglaga fyrir
kórinn, og mörg þessara laga eru
varðveitt í afmælisritinu Tónar í
tómstundum frá 35 ára afmæli kórs-
ins. Þar rekur sr. Gunnar Árnason
frá Æsustöðum sögu kórsins og þar
eru varðveittar ítarlegar upplýsingar
um sögu kórsins.
Rökkurkórinn hélt tónleikana í
Víðistaðakirkju ásamt karlakórnum
en Sveinn er söngstjóri beggja kór-
anna. Sömuleiðis hafa báðir kórarnir
sama undirleikarann, traustan og
góðan, sem er Thomas Higgerson,
tónlistarkennari í Varmahlíð.
Söngur Rökkurkórsins var góður
og þar komu fram ágætir einsöngv-
arar. Formaður Rökkurkórsins, Ar-
dís á Vatnsleysu, átti stóran þátt í
skipulagi þessarar ferðar, sem tókst
glæsilega.
Skrifað á Flúðum sunnudaginn
fyrsta í sumri 1995.
INGIHEIÐMAR JÓNSSON.
Allt efni sem birtist 1 Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.