Morgunblaðið - 03.05.1995, Blaðsíða 13
MORGUNBLAÐIÐ
AKUREYRI
MIÐVIKUDAGUR 3. MAÍ 1995 13
Ekkja Vilhjálms Stefánssonar afhjúpar skjöld til minningar um mann sinn
Ekkert hefði
glatt Vilhjálm
meir en þetta
EVELYN Stefánsson Nef afhjúp-
aði skjöld til minningar um eigin-
mann sinn Vilhjálm Stefánsson
landkönnuð sem komið hefur verið
fyrir á klöppum við Sólborg, fram-
tíðarhúsnæði Háskólans á Akur-
eyri á mánudag, 1. maí.
Stofnun um
heimskautamálefni
Háskólinn á Akureyri gaf
skjöldinn sem Guðmundur Oddur
myndlistarmaður gerði. Þorsteinn
Gunnarsson, rektor skólans, sagði
við athöfn er skjöldurinn var af-
hjúpaður að undirbúningur að
Stofnun Vilhjálms Stefánssonar,
sem er stofnun um heimskauta-
málefni og verður á Akureyri,
væri þegar hafinn og gert ráð fyr-
ir að starfsemi hennar hæfist í
ársbyijun 1997.
Hefur verulega þýðingu fyrir
íslendinga
Guðmundur Bjarnason um-
hverfisráðherra sagði að stofnunin'
myndi sinna víðtækum rannsókn-
um á málefnum er varða heim-
skautasvæðin og hefði þannig
verulega þýðingu fyrir íslendinga
sem byggðu afkomu sína á auð-
lindum þessara svæða.
Ráðherra gat þess að á engan
yrði hallað þó getið yrði Hjörleifs
Guttormssonar, alþingismanns og
fyrsta flutningsmanns tillögu sem
Alþingi samþykkti í vetur um
Stofnun Vilhjálms Stefánssonar.
í máli bæjarstjóra, Jakobs
Björnssonar, kom fram að stofn-
unin myndi efla bæði Háskólann
og Akureyrarbæ og tengsl þeirra
við umheiminn.
Síðasti landkönnuðurinn sem
stækkaði jarðkringluna
Vilhjálmur Stefánsson og Eve-
lyn voru gestir Haraldar Bessason-
ar, fyrrverandi rektors Háskólans
á Akureyri, í Manitoba fyrir 40
árum og minntist hann þess í
ávarpi við athöfnina, en Haraldur
gerði einnig grein fyrir ævistarfi
Vilhjálms, sem var afar afkasta-
mikill, skrifaði 40 bækur, um 400
greinar í tímarit og hélt fjölda
fyrirlestra. „Hann var síðasti land-
könnuðurinn sem stækkaði jarð-
kringluna,“ sagði Haraldur.
Evelyn Stefánsson sagðist ekki
hafa gert sér grein fyrir hversu
djúpt hún væri snortin er hún af-
hjúpaði skjöldinn og sagði m.a.
að ekkert hefði glatt Vilhjálm
Stefánsson meir en þetta, að minn-
ingu hans væri haldið á lofti með
þessum hætti.
Morgunblaðið/Rúnar Þór
HARALDUR Bessason, Hjörleifur Guttormsson, Þorsteinn Gunn-
arsson, Evelyn Stefánsson Nef, Guðmundur Bjarnason og Jakob
Björnsson undir klöppunum þar sem komið hefur verið fyrir
skildi til minningar um Vilhjálm Stefánsson iandkönnuð, en
hann var afhjúpaður í fyrradag.
Innlendur bjór ódýrastur þrátt fyrir afnám verndartolla
Ríkið niðurgreiðir
innflutta bjórinn
Háskólinn á Akureyri
Krislján
Krisljáns-
son ráðinn
dósent
DR. KRISTJÁN
Kristjánsson hef-
ur verið skipaður
dósent í heim-
speki við Háskól-
ann á Akureyri.
Kristján hefur
starfað við skól-
ann frá árinu
1991, fyrst sem
sérfræðingur og
síðan sem lektor,
hann er jafnframt formaður Rann-
sóknarstofnunar háskólans.
Kristján lauk stúdentsprófi frá
Menntaskólanum á Akureyri 1979,
BA-prófi í heimspeki og þýsku frá
Háskóla Islands 1983 og prófi í upp-
eldis- og kennslufræði frá Kennara-
háskóla íslands 1986. Hann lauk
M.Phil.-námi í siðfræði og stjórn-
málaheimspeki frá Háskólanum í St.
Andrews árið 1988 og doktorsprófi
þaðan tveimur árum síðar. Kristján
hefur starfað sem kennari við Gagn-
fræðaskólann á Akureyri og Mennta-
skólann á Akureyri.
Hann hefur ritað fjölmargar grein-
ar um fræði sín og haldið fyrirlestra
víða um land. Ritgerðasafn hans,
Þroskakostir, kom út hjá Siðfræði-
stofnun 1992. Þá hefur hann ritað
greinar í ýmis alþjóðieg heimspekirit
og hlotið styrki til rannsókna sinni
úr innlendum og erlendum rannsókn-
arsjóðum. Bók hans um frelsishugtak-
ið „Social Freedom: The Responsibi-
lity View“ verður bráðlega gefin út
hjá Cambridge University Press.
BALDVIN Valdimarsson fram-
kvæmdastjóri Viking hf. á Akur-
eyri segir ríkið greiða götu inn-
flutts bjórs á óeðlilegan hátt. Ríkið
beri að langmestu leyti kostnað
af innflutningi bjórs á sama tíma
og innlendu framleiðendurnir kost-
uðu sinn innflutning á hráefni og
umbúðum. Því til viðbótar byði
ÁTVR út flutningana til landsins
og hefði í krafti ríkisábyrgðar á
flutningsgjöldum náð afar hag-
stæðum samningum, en innlendu
framleiðendurnir gætu ekki boðið
ríkisábyrgð vegna síns innflutn-
ings.
Njótum ekki nálægðarinnar
„ÁTVR er stórt, öflugt og vel
skipulagt fyrirtæki og þær vöru-
tegundir sem á annað borð eru
teknar inn fá góða vörudreifingu
og framsetningu í verslunum þess.
Venjan er sú að fyrirtæki á heima-
markaði njóta nálægðarinnar þar
sem þau geta stundað öflugt
markaðsstarf og boðið ódýrari
þjónustu en t.d. í útlöndum. Sölu-
kerfið hér er hins vegar með þeim
hætti að við njótum engrar fjar-
lægðarverndar sem við undir eðli-
legum kringumstæðum myndum
njóta, líkt og til að mynda á gos-
drykkjamarkaðnum sem er ná-
skyld grein. Þar á innlenda fram-
leiðslan nánast allan markaðinn
og ég tel að það sama yrði upp á
teningnum ef við værum að keppa
við innflutninginn í eðlilegri sam-
keppni, en það er að mínu mati
eftirsóknarvert fyrir innlendu
framleiðendurna að sem mest
samkeppni ríki á þessum mark-
aði,“ sagði Baldvin.
Hátt í 20% lækkun
Nú um mánaðamótin var af-
numinn verndartollur sem settur
var á innfluttan bjór en innlendir
framleiðendur töldu að þar hafi í
raun verið um eðlilega heildsöluá-
lagningu verið að ræða sem nú
væri að mestu leyti verið að fella
niður. í kjölfarið hefur verðið
lækkað. Til að ná fram þeirri
lækkun sagði Baldvin að fyrirtæk-
ið hefði þurft að lækka sig um
hátt í 20% í sumum tilvikum.
„Við erum ákveðin í því að bjóða
ekki bara betri vöru en innflutn-
ingurinn heldur ódýrari líka,“
sagði Baldvin og benti á að fyrir-
tækið framleiddi ódýrasta bjórinn
á markaðnum nú, Ice-bjór en lítr-
inn kostaði rúmar 296 krÓnur.
„Við erum að vona að í kjölfar
almennrar lækkunar muni mark-
aðurinn stækka og innlenda fram-
leiðslan ná til sín stærri hluta,
þannig að við gætum aukið fram-
leiðsluna og náð sömu krónutölu-
framlegð. Þessi verðlækkun gæti
þannig orðið varanleg hvað inn-
lendu framleiðendurna varðar, en
við teljum alveg óhugsandi að rík-
ið muni til frambúðar niðurgreiða
innfluttan bjór og verð hans muni
því hækka þegar þessari niður-
greiðslu lýkur,“ sagði Baldvin.
Frumvarp til laga um gjald á
áfengi var ekki afgreitt frá Alþingi
í vetur en þar er gert ráð fyrir að
einkainnflutningur ríkisins á
áfengi falli niður. Kvaðst hann
vonast til að frumvarpið yrði tekið
upp að nýju í haust, en það færi
vissulega eftir því hvers konar
reglur samdar yrðu á grundvelli
frumvarpsins og hvernig þeim yrði
framfylgt hvaða breytingar yrðu á
markaðnum.
Grundvöllur fyrir kæru
í raun væri kominn upp grund-
völlur fyrir innlendu framleiðend-
urna að kæra eigin stjórnvöld fyr-
ir hrikalega mismunun og myndu
menn vafalaust íhuga þann kost
ef ekki kæmi til breyting þar á.
Einnig kæmi sterklega til greina
að hefja innflutning á Löwenbrau-
bjór sem framleiddur er í verk-
smiðju Viking á Akureyri. Á með-
an ríkið sæi um og kostaði inn-
flutning, dreifingu og fleiri þætti
væri það fyrirtækinu hagstæðara
en að brugga bjórinn heima og
kosta sjálft innflutning á því sem
til framleiðslunnar þyrfti. „Það
stríðir vitanlega gegn okkar
stefnu að flytja inn útlent vatn,
en við hefðum mun meira upp úr
dæminu með þessum hætti,“ sagði
Baldvin.
Krislján
Kristjánsson
Ilagnaður
af rekstri
sparisjóðs
HAGNAÐUR af rekstri Spari-
sjóðs Akureyrar og Arnarnes-
hrepps nam 11,2 milljónum
króna á síðasta ári.
Eigið fé sjóðsins nam í árslok
127,7 milljónum króna sem er
26,6% af niðurstöðu efnahags-
reiknings. Eiginfjárhlutfall
samkvæmt Bis-reglum var
45,3% í árslok, en má sam-
kvæmt lögunum ekki vera
lægra en 8%.
Innlán jukust um 4,7% og
námu í árslok 298,5 milljónum
króna. Útlán námu 334 milljón-
um króna. Heildartekjur voru
alls 46,2 milljónir króna og
heiidargjöld 34,9 milljónir
króna. Framlag í afskrifta-
reikning var 4,2 milljónir króna
og nam afskriftareikningur í
árslok 17,8 milljónum eða um
5,2% af útlánum, áföllnum
vöxtum og ábyrgðum.
Gefið til sundlaugar
Á aðalfundi félagsins sem
haldin var nýlega var samþykkt
að gefa 500 þúsund krónur til
sundlaugarbyggingar við Krist-
nesspítala.
Stjóm sparisjóðsins skipa Jón
Kr. Sólnes, formaður, Ingimar
Brynjólfsson, Júlíus Jónsson,
Páll Jónsson og Eiður Gunn-
laugsson.
Ljósmynda-
sýning á Café
Karólínu
SIGRÍÐUR Soffía opnar sýn-
ingu á verkum sínum í Café
Karólínu í Grófargili á morgun.
Á sýningunni em Ijósmyndir,
„stillur", unnar með Polaroid
Transfer-tækni sem Sigríður
Soffía hefur þróað. Þetta er
einskonar grafísk tækni þar
sem myndinni er þrýst á hand-
unninn pappír og síðan með-
höndluð frekar. Eftir þessa
meðhöndlun er yfirbragð
myndanna öllu líkara málverki
en ljósmynd.
Sigríður Soffía er lærður
ljósmyndari og fjölmiðlafræð-
ingur frá háskóla í Bandaríkj-
unum og rekur ljósmyndastofu
í Listagilinu.
Þetta er fjórða einkasýning
hennar en hún hefur einnig
tekið þátt í samsýningum. Sýn-
ingin verður opin út maímánuð.
Kirkjulista-
vika kynnt
MARGRÉT Björgvinsdóttir
kynnir kirkjulistaviku sem hefst
um næstu helgi í Akureyrar-
kirkju í opnu húsi Miðstöðvar
fólks í atvinnuleit í Safnaðar-
heimili Akureyrarkirkju í dag
frá kl. 15 til 18.
Kaffi og brauð verður á boð-
stólum þátttakendum að kostn-
aðarlausu. Umsjónarmaður
safnaðarheimilis gefur nánari
upplýsingar um starfsemi mið-
stöðvarinnar og tekur á móti
pöntunum á Lögmannavaktina
sem starfandi er á sama stað
frá kl. 16.30 til 18.30 á miðviku-
dögum.
Vortónleikar
eldri nemenda
SKÓLAÁRI Tónlistarskólans á
Akureyri er að ljúka og árang-
urinn af vetrarstarfi að koma
í ljós í prófum og fjölmörgum
tónleikum einstaklinga og
hljómsveita.
Vortónleikar eldri nemenda
skólans verða haldnir í Safnað-
arheimili Akureyrarkirkju í
kvöld kl. 20.30.