Morgunblaðið - 03.05.1995, Blaðsíða 19

MORGUNBLAÐIÐ
IVIÐSKIPTI
t i I b o d
MIÐVIKUDAGUR 3. MAÍ 1995 19
HINN sögiifrægi leigubíll „79 af
stöðinni" er fyrsti leigubíllinn á
Islandi sem er búinn posa og
prentara, jafnt fyrir debetkort
sem kreditkort.
Undanfarið hefur verið unnið
að því, í samvinnu Visa og Hreyf-
ils, að þróa hagstæða lausn sem
gerir rafræn greiðslukortavið-
skipti í leigubílum möguleg. í
frétt frá Visa segir að þetta hafi
verið orðið mjög brýnt eftir að
debetkort urðu almenningseign
auk þess sem algengt væri að
fólk greiddi fyrir aksturinn með
kreditkortum. Þá hefði hlutfall
„gúmmítékka" verið hærra í
leigubílum en annars staðar.
Lausnin byggir á venjulegum
posa sem er tengdur farsíma bíls-
ins og nettum hitaprentara. Auk
spennubreytis er komið fyrir sér-
stöku millistykki til að auðvelda
boðskiptin.
Helgi Gústafsson, leigubíl-
stjóri á „79 af stöðinni“ er fyrsti
leigubílsljórinn sem getur tekið
við debetkortagreiðslum.
Töluverð verð-
lækkun á áli
Búist við að aðilar álsamkomulagsins
auki framleiðsluna á næstunni
London. Reuter.
ÁLVERÐ lækkaði allnokkuð í gær
þrátt fyrir fréttir um, að birgðir
hefðu farið niður fyrir eina milljón
tonna í fyrsta sinn frá árinu 1992.
Er lækkunin rakin til þess, að
margir kaupendur telja, að lítið
framboð nú muni aðeins verða til
að auka framleiðsluna síðar.
Verð á tonninu fór í 1.725 doll-
ara, sem er 160 dollurum minna
en það var hæst í síðustu viku, en
sumir markaðssérfræðingar telja,
að það muni hækka og ná jafn-
vægi á ný. Verð á öðrum málmum
lækkaði einnig.
Álbirgðir á vegum málmmarkað-
arins í London fóru í 995.875 tonn
í gær og hafa ekki verið minni síð-
an í janúar 1992. Þær voru mest-
ar, 2,66 milljónir tonna, í júní á
síðasta ári. Búist er við, að nú þeg-
ar birgðirnar eru komnar niður
fyrir þennan mikilvæga þröskuld,
muni þeir framleiðendur, sem
sömdu um það á síðasta ári að
draga úr framleiðslu, auka hana
aftur.
„Það, sem gerist á næstunni, er
að framleiðslan verður aukin hægt
og rólega og ekki haft mjög hátt
um það,“ sagði einn markaðssér-
fræðingurinn. Á síðasta ári kyntu
kaup fjárfestingarsjóða undir
hækkun álverðsins en nú þegar
þeir hafa snúið sér að öðru er því
spáð, að verðsveiflur minnki og
jafnvægi náist á raunhæfum
grunni.
Methagnaður á
Norsk Hydro
Ósló. Reuter.
NORSK Hydro, stærsta iðnfyrir-
tæki í Noregi, skilaði methagnaði
á fyrsta fjórðungi þessa árs. Mun-
aði þar mestu um hækkun á álverði.
Hagnaðurinn á fyrstu þremur
mánuðum ársins var um 22 millj-
arðar ísl. kr. en tæpir níu milljarð-
ar á sama tíma í fyrra. Er útkom-
an verulega betri en búist hafði
verið við og olli því, að gengi hluta-
bréfa í Norsk Hydro í kauphöllinni
í Ósló hækkaði mikið. Ekki er gert
ráð fyrir, að gangurinn verði jafn
góður á árinu öllu enda er fyrsti
ársfjórðungurinn yfirleitt bestur.
Jan Yttredal, yfirmaður málm-
framleiðsludeildar Norsk Hydro,
spáir því, að álverð verði áfram
hátt til langs tíma litið þrátt fyrir
sveiflurnar að undanförnu og telur,
að það muni hækka nokkuð frá
því, sem nú er. Þá segir hann, að
fyrirtækið hafi engin áform um að
hverfa frá samkomulagi helstu ál-
framleiðsluríkja og auka framleiðsl-
una á ný.
bókabúdu m
REVKJAVIKURBORGAR
1M5
Vilborg Davtðsdóttir er ungur rithöfundur
sem nýverið hlaut verðlaun Skólamála-
ráðs Reykjavíkurborgar fyrir fyrstu sögu
sína. Sagan er í tveimur hlutum sem heita
Við Urðarbrunn og Nornadómur.
Söguhetjan, Korka, er ambátt sem
sættir sig ekki við kúgun heidur berst fyrir
frelsi og réttlæti. Sagan er knúin áfram af
ákafri baráttu góðs og ills og höfðar til
lesenda á öllum aldri.
fæst í næstu
bókabúó
„Þetta er átakasaga og þroskasaga, grimm á
köflum en trú þeim tíma sem hún túlkar."
Sigrún Klara Hannesdóttir, Morgunblaðið
„... lesandi hrífst auðveldlega með atburðarás-
inni sem er bæði hröð og spennandi.
Það er fáum gefið að geta skrifað verk sem er
allt í senn; metnaðarfullt, spennandi og fróðlegt
... þrátt fyrir ungan aldur söguhetjunnar á þessi
saga erindi lil allra.“ oddný Ámadóttir, DV
„Ég er sannfærð um það að ef bækumar um
Korku hefðu verið skrifaðar í nágrannalöndum
okkar þá hefði ekki liðið langur tími þar til þær
hefðu orðið að sjónvarpsþáttaröð."
Kolbrún Bergþórsdóttir, Morgunpósturinn
O R l_ /V G 1 (
MÁL OG M E N N 1 N O |