Morgunblaðið - 03.05.1995, Blaðsíða 49

MORGUNBLAÐIÐ
MIÐVIKUDAGUR 3. MAÍ 1995 49
I
.
Úr dagbók lögreglunnar
Olvun, óhöpp
og sinueldar
28. apríl - 2. maí
FRÁ föstudegi til þriðjudags eru
573 færslur í dagbók. Af þeim
eru 77 vegna afskipta af ölvuðu
fólki er ekki kunni sér hóf, en
auk þess að þurfa að vista 64
einstaklinga í fangageymslunum
vegna ölvunar og ýmissa mála,
óskuðu 12 menn eftir því að fá
að gista þar. Á tímabilinu var
tilkynnt um 32 umferðaróhöpp.
í tveimur tilvikum var um slys
á fólki að ræða og í 4 tilvikum
er grunur um að ökumenn hafi
verið undir áhrifum áfengis. Lög-
reglumenn þurftu 10 sinnum að
fara inn á heimili fólks til að
skakka leik á milli hjóna eða
sambýlisfólks, en auk þess var
13 sinnum kvartað yfir hávaða
og ónæði frá góðglöðu fólki við
skemmtanir í heimahúsum.
Númer af 12 ökutækjum
Tilkynnt innbrot eru 19, þjófn-
aðir 20, skemmdarverk 11, rúðu-
brot 12 og líkamsmeiðingar 7.
Afskipti þurfti að hafa af 104
ökumönnum vegna umferðar-
lagabrota. Þar af voru 30 öku-
menn kærðir fyrir of hraðan
akstur, 6 reyndust ökuréttinda-
lausir og ástæða þótti að gefa
39 þeirra áminningu.
Skráningarnúmer voru tekin
af 12 ökutækjum vegna van-
rækslu á greiðslu bifreiðagjalda.
Tuttugu og níu tilkynningar
eru vegna elda. Í flestum tilvikum
hafði verið kveikt í sinu.
Fjölmenni sótti hátíðardagskrá
1. maí á Ingólfstorgi. Bæði þar
og í kröfugöngum fór allt frið-
samlega fram og var aðstandend-
um og þátttakendum til sóma.
Kviknaði í mann-
lausu húsi
Skömmu eftir hádegi á föstu-
dag datt maður á skíðum í Blá-
fjöllum og meiddist á höfði. Hann
var fluttur með sjúkrabifreið á
slysadeild. Skömmu síðar missti
ungur maður vald á bifhjóli sínu
í Skeifunni. Hann hlaut höfuðá-
verka. Skömmu eftir miðnætti
var tilkynnt um eld í húsi í Laug-
ardal. Til hafði staðið að rífa
húsið, en það hafði verið mann-
laust um skeið. Talið er að kveikt
hafði verið í húsinu.
Snemma á sunnudagsmorgun
var tilkynnt um innbrot í verslun
við Stigahlíð. Sást til ferða bif-
reiðar, sem ekið var á brott af
staðnum. í ljós kom að peningum
hafði verið stolið úr peningakassa
verslunarinnar. Skömmu síðar
stöðvuðu lögreglumenn bifreið-
ina og voru fjórir aðilar, sem í
henni voru, færðir á lögreglu-
stöðina og síðan í fangageymsl-
una vegna rannsóknar málsins.
Brennuvargar stöðvaðir
Síðar um morguninn var til-
kynnt um að kveikt hefði verið
í sinu við Gufuneskirkjugarð og
á fjórum öðrum stöðum í Grafar-
vogi. Lögreglumenn stöðvuðu
bifreið á Suðurlandsvegi skömmu
síðar, en aðilar í henni voru sagð-
ir hafa kveikt eldana. Ökumaður-
inn virtist vera undir áhrifum
áfengis sem og tveir farþegar í
bifreiðinni. Þeir viðurkenndu að
hafa kveikt í sinu á nefndum
stöðum.
Á sunnudagsmorgun var til-
kynnt um að bifreið hefði verið
ekið utan í aðrar bifreiðir í Gerð-
unum. Lögreglumönnum tókst
að stöðva akstur hennar. í ljós
kom að ökumaðurinn virtist vera
undir áfengisáhrifum. Honum
hafði tekist að valda tjóni á 5
bifreiðum áður en hann var
stöðvaður.
Tveir lömdu á einn
Á miðdegi voru tveir menn
handteknir í húsi við Brautar-
holt. Þeir höfðu brotist þar inn á
íbúa, en um var að ræða ein-
hvers konar etjur á milli fyrrver-
andi nágranna.
Aðfaranótt mánudags var
komið að tveimur mönnum að
berja þann þriðja í. Lækjargötu
við Iðnó. Mennirnir voru færðir
i fangageymslu og sá meiddi á
slysadeild. Hafði hann hlotið
minniháttar skurð á hnakka og
á enni.
Sinueldar voru margir. I einu
tilvikanna urðu talsverðar
skemmdir á 50 ára gömlum
tijám. Ekki þarf að fara mörgum
orðum um hversu mikið tjón get-
ur hlotist af augnabliks fikti eða
hugsunarleysi einhverra kjána.
Fólk er beðið um að vera á varð-
bergi gagnvart þeim sem eru að
leika sér með eld og gætu valdið
slíkum gróðurskemmdum. Til-
kynna ber það þegar í stað til
lögreglu. Ástæða er enn og aftur
til að benda fólki á að óheimilt
er með öllu að kveikja í sinu inn-
an bæjarmarka.
Margir réttindalausir
í liðinni viku höfðu lögreglu-
menn á Suðvesturlandi eftirlit
með vinnuvélum á svæðinu. Af-
skipti voru höfð af fjölmörgum
vélum, allt frá lyfturum fiskverk-
unarhúsa til stórra jarðvinnuvéla.
Gera þurfti athugasemdir við
ástand og búnað sumra þeirra,
en auk þess kom í ljós, eins og
vænta mátti, að nokkrir ökumenn
höfðu ekki réttindi til að stjórna
vélunum. Þá bar nokkuð á að
vinnuvélar, sem ekið er um götur
bæja og borgar, voru ekki
tryggðar til aksturs á götum úti.
Ástæða þótti til að stöðva akstur
sumra þeirra, en öðrum var gert
að fylgjast með vinnuvélunum í
samvinnu við Vegaeftirlitið.
Enn verið að klippa
Undanfarna viku hafa lög-
reglumenn og starfsmenn toll-
stjóra farið um og tekið skráning-
arnúmer af ökutækjum er van-
rækt hefur verið að greiða af
lögboðin bifreiðagjöld. Ahvílandi
skuld er enn á þúsundum öku-
tækja. Á næstu vikum mun enn
kappkostað að hafa uppi á skuld-
settum ökutækjum og fjarlægja
skráningarnúmer þeirra hvar
sem til þeirra næst.
Access 2.0 námskeið
94048
Tölvu- og verkfræöibjónustan
Tölvuskóli Halldórs Kristjanssonar
Grensásvegi 16 • © 68 80 90
FRETTIR
Heimsklúbburinn
kynnir V-Kanada
MORGUNBLAÐINU hefur borist
eftirfarandi fréttatilkynning frá
Heimsklúbbi Ingólfs:
„Á ferðum Heimsklúbbsins um
fimm álfur hefur þátttakendum gef-
ist tækifæri til að sjá marga feg-
urstu staði heimsins. Á hveiju ári
er bryddað upp á einni nýjung sem
kynnt er sem ferð ársins.
Að þessu sinni hefur Vestur-
Kanada orðið fyrir valinu, fylkin
Alberta og Breska Kolumbía, sem
aðeins fáum Islendingum eru kunn,
en þar þykir ein mesta náttúrufeg-
urð heimsins, bæði í Klettafjöllum
Kanada, sem Iíkt er við stækkaða
mynd af Alpafjöllum Evrópu, og eins
við Kyrrahafsströndina. Ferð Heims-
klúbbsins hefst með flugi til Calg-
ary, skammt frá austurhlíðum
Klettaijalla. Þar gefst kostur á að
heimsækja slóðir vestur-íslenska
skáldsins Stephans G. Stephansson-
ar, rétt hjá Markerville, þar sem
hann bjó frá 1889 til dauðadags og
orti mörg sín bestu kvæði undir
áhrifum hins stórbrotna landslags
en í söknuði heimalandsins. Skammt
frá Calgary, sem er glæsileg ný-
tískuborg, er að finna merkustu
steingerðar leifar frá tímum risaeðl-
anna, dinosaurus, á jörðinni.
Eftir dvöl í Calgary liggur leiðin
vestur í Klettafjöll með dvöl í fjalla-
bænum Banff og til stöðuvatnanna
Lake Moraine í „Dal hinna tíu tinda“
og til Lovísuvatns við Viktoríujökul.
Fegurð þessara staða er slík að talað
er um þá sem vinsælasta myndefni
fólks á ferðalögum á seinni árum.
Um Klettafjöilin er síðan farið með
sérhannaðri járnbraut á tveimur
dögum vestur til Vancouver við
strönd Kyrrahafsins en hún er þriðja
stærsta borg Kanada, mjög sérstök
vegna fagurs borgarstæðis og mann-
lífs, sem er blandað austurlenskum
áhrifum. Ferðinni lýkur svo í Victor-
ía, höfuðborg Bresku Kolumbíu, en
einnig gefst kostur á að bæta við
vikusiglingu norður til Alaska.
Kynning Heimsklúbbsins er í Þing-
sal A, Hótel Sögu, og hefst kl. 21 í
kvöld.“
Fundur um
einelti
FELAG íslenskra sérkennara boðar
til fræðslufundar um einelti miðviku-
daginn 3. maí kl. 20.30 í húsi KÍ,
Laufásvegi 81, Reykjavík.
Guðjón Ólafsson, sérkennslufræð-
ingur, flytur erindi um efnið. Hann
fjallar m.a. um helstu einkenni og
gefur hagnýt ráð um viðbrögð ásamt
því að svara fyrirspurnum. Foreldrar
og kennarar sem þetta málefni
brennur á eru hvattir til að koma
og fræðast um þetta vandamál sem
töluvert ber á í samskiptum barna
og unglinga, m.a. í skólunum.
Þessi fundur er öllum opinn. Kaffi-
gjald er 200 krónur.
♦ ♦ ♦-----
Jassá
Kringlukránni
BJÖRN Thoroddsen og félagar leika
á Kringlukránni miðvikudaginn 3.
maí. Með Birni leika þeir Gunnlaugur
Briem, trommuleikari og Gunnar
Hrafnsson, kontrabassaleikari.
Þeir félagar leika hefðbundna jass-
tónlist m.a. eftir Chick Corea, C.
Parker, Mancini ásamt nýjum opus
eftir þá sjálfa. Tónlistarflutningurinn
hefst kl. 22 og stendur fram yfir
miðnætti.
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1.5al5 0 2.045.917
2.pi“'s5!? STs 60.720
3. 4af 5 84 6.230
4. 3al5 2.954 410
Helldarvlnningsupphæö:
4.083.977
BIRT MEÐ FYRIRVARA UM PRENTVILLUR
Sjábu
pj; í víbara samhcngi!
- kjarni málsins!
Námsstefna
um geðhjúkrun
GEÐHJÚKRUNARFRÆÐINGAR
innan Félags íslenskra hjúkrunar-
fræðinga halda námsstefnu um
stöðu geðhjúkrunar á íslandi 5. maí
nk. Meginviðfangsefni námsstefn-
unnar verður efni er varðar tengsl,
samvinnu og samhæfingu milli
þeirra aðila sem veita geðsjúkum
þjónustu.
Unnur Heba Steingrímsdóttir
geðhjúkrunarfræðingur sagði að
vaxandi gagnrýni gætti á skipulag
og aðbúnað geðsjúkra á íslandi.
Brýnt væri að hér yrði mótuð heild-
arstefna í geðheilbrigðismálum.
Hún sagði að fram að þessu hefði
umræða um geðheilbrigðismál verið
lokuð. Fagdeild geðhjúkrunarfræð-
inga vildi með þessari námsstefnu
reyna að opna umræðuna. Fram-
undan væru breytingar sem geð-
hjúkrunarfræðingar vildu leitast við
að hafa áhrif á.
Námsstefnan hefst kl. 8.30 í
húsnæði Félags íslenskra hjúkrun-
arfræðinga á Suðurlandsbraut 22.
Fjölmörg erindi verða flutt á náms-
stefnunni, m.a. um breytingar á
þjónustu við geðsjúka, hlutverk
geðhjúkrunarfræðinga, bamageð-
hjúkrun, bráðageðhjúkrun og um
unglinga og geðhjúkrun.
17. Icikvika, 29.-l.mai 1995
Nr. Leikur: Rödin:
1. Djurgárdcn - Degerfors 1 - -
2. Halmstad - Malmö FF - X -
3. Hammarby - Norrköpinj - - 2
4. Trcllcborg - AIK 1 - -
5. Örcbro - Frölunda - X -
6. Örgryte - Helsingbrg - - 2
7. Östcr - Götcborg - X -
8. Wcst Ham - Blackburn 1 - -
9. Man. City - Newcastlc - X -
10. C. Palace - Notth For. - - 2
11. Norwich - Livcrpool - - 2
12. Arscnal - Tottcnham - X -
13. Chclsca - QPR 1 - -
Hcildarvinningsupphæðin:
82 milljón krónur
13 réttir: | 2.206.840 kr.
12 rcttir: 66.160 k.
11 rcttir: 5.520 kr.
10 rcttir: 1.470 k,
Gengið um
„Port
Reykjavík“
HAFNARGÖNGUHÓPURINN fer í
gönguferð suður í Skeijafjörð mið-
vikudagskvöldið 3. maí. Mæting er
við akkerið í Hafnarhúsportinu kl.
20.
Byijað verður að líta inn á mál-
verkasýningu í Hafnarhúsinu. Að því
loknu verður gengið eftir vegarstæði
gömlu alfaraleiðarinnar (Bessastaða-
leiðarinnar) eins og kostur er suður
í Austurvör í Skildinganesi. Þaðan
með ströndinni inn með Fossvogi að
Kýrhamri og til baka yfir Skildinga-
nesmelana niður að höfn.
Á leiðinni verður minnt á hugmynd
sem upp kom í byrjun aldarinnar til
lausnar á þeim vanda sem hafnar-
leysi í Reykjavík olli. Gengið verður
um fyrirhugað hafnarsvæði í Skeija-
firði er nefnt var Port Reykjavík.
Allir eru velkomnir í gönguna.
Þriðji áfangi
náttúru-
minjagöngu
í ÞRIÐJA áfanga náttúruminja-
göngu sem farin er í tilefni náttúru-
verndarárs Evrópu verður gengið frá
Skógræktarstöðinni um Fossvogsdal
upp í Elliðarárdal. Þetta er um 2
klst. auðveld ganga.
Gangan verður farin í dag, mið-
vikudaginn 3. maí, og er brottför frá
Mörkinni 6 (Ferðafélagshúsinu) og
BSÍ, austan megin, kl. 20. Einnig
er hægt að mæta í Skógræktarstöð-
ina Fossvogi. Fólk er hvatt til að
vera með í öllum 8 áföngum.
Með göngunni er minnst á staði
og svæði sem eru á náttúruminja-
skrá. Um 300 manns tóku þátt i
fyrstu tveimur áföngunum.
Úrslit í
mælskukeppni
grunnskóla
Reykjavíkur
I JANÚAR sl. hófst undirbúningur
að mælskukeppni grunnskóla með
því að nemendur úr 12 skólum í
borginni byijuðu í keppnini sem var
með útsláttar fyrirkomulagi. Eftir
ýmsar hremmingar, m.a. verkfall,
er nú komið að úrslitum.
Árbæjarskóli og Ölduselsskóli
keppa til úrslita miðvikudagskvöldið
3. maí í Hólabrekkkuskóla kl. 20.
' Umræðuefnið verður: Á að leggja
niður félagsstarf í skólum?
ÍTALSKI BOLTINN
17. leikvika , 29.-30.apríl 1995
Nr. Leikur: Röðin:
1. Genoa - Sampdoria 1 - -
2. Torino - Napoli - X -
3. Padova - Roma - X -
4. Foggia - Bari - X -
5. Lazio - Cagliari - X -
6. Intcr - Crcmonese - X -
7. Reggiana - Milan - - 2
8. Atalanta - Fid.Andria 1 - -
9. Ancona - Verona 1 - -
10. Udincse - Cescna 1 - -
11. Palermo - Salernitan - X -
12. Pescara - Perugia - X -
13. Coscnza - Vicenza - X -
Heildarvinningsupphæðin:
^jSmiiyónkrónur^J
13 réttir: 196.430 k,
12 réttir: 6.300 kr.
11 réttir: 660 k,
10 réttir: 210 | kr.