Morgunblaðið - 03.05.1995, Blaðsíða 61
MORGUNBLAÐIÐ
MIÐVIKUDAGUR 3. MAÍ 1995 61
ÍÞRÓTTIR UNGLINGA
Léku golf á sögu-
frægum stöðum
k Skotlandi
ÍSLENSKA piltalandsliðið í golfi
fór í vel heppnaða æfingaferð
til Englands og Skotlands. Tíu
manna hópur hélt til Skotlands
þann 8. apríl og komið var heim
tíu dögum síðar. Höfðu piltarn-
ir þá leikið á mörgum frábær-
um golfvöllum í Skotlandi og
Englandi.
Eftir strangar inniæfingar í allan
vetur var það kærkomið fyrir
hina ungu kylfinga að reyna sveifl-
una utandyra. Ferðin hófst í St.
Andrews í Skotlandi, þeim fræga
golfbæ og hópurinn dvaldi þar fyrri
hluta ferðarinnar. Fjórir golfvellir
eru í St. Andrews, hlið við hlið og
léku unglingarnir í þremur þeirra,
gamla og nýja vellinum eins og
þeir eru gjarnan nefndir og á velli
sem ber heitið Eden. íslenski hópur-
inn spilaði einn til tvö hringi dag-
lega í góðu verðri. Siðasta daginn
í þessari sögufrægu borg var gamli
völlurinn leikinn en á honum hefur
golf verið leikið frá því á sautjándu
öld.
Haldiðtll Englands
Eftir dvölina í St. Andrews lá
leiðin með lest til Suður - Englands
þar sem leikið var á Woodhall Spa,
sem oft hefur verið talinn einn af
100 bestu golfvöllum veraldar. Evr-
ópumót unglinga fer fram á þessum
velli næstasumariog því fannst liðs-
stjóra hópsins, Herði Arnarsyni til-
valið að leyfa liðsmönnum sínum
að kynnast vellinum. Alls léku pilt-
arnir þrjár hringi á vellinum og
útkoman batnaði með hveijum
hringnum. Birgir Haraldsson úr
Golfklúbbi Akureyrar stóð sig best.
Hann lék hringina á 79, 78 og 75
höggum.
Síðustu daga ferðarinnar var ís-
lenski hópurinn í Newcastle en
ákveðið hafði verið að leika gegn
úrvalsliði Durhamsýslu en í þeirri
sýslu búa um þijár milljónir. Ákveð-
ið var að íslenski hópurinn mundi
leika gegn A- og B-liði Durham á
South shields golfvellinum og sagði
Hörður liðsstjóri að margar holur
vallarins hefði minnt á Hvaleyrar-
holtsvöll og Leiruna.
Leikið var gegn B-liði Durham á
laugardeginum en það lið var skipað
kylfingum sem allir voru með fimm
í forgjöf. íslenska liðið sigraði 6:4
en leikið var með svipuðu fyrir-
komulagi og tíðkast í Dunhill bik-
arnum. Birgir Haraldsson kom inn
á besta skorinu 76 höggum en auk
hans unnu þeir Þorkell Snorri, Frið-
björn, Ómar, Guðjón og Eiríkur leiki
sína.
Sigraði Englandsmeistarann
Daginn eftir var leikið gegn A-
liði Durham sem skipað er leik-
mönnum allt frá einum og upp í
fimm í forgjöf. Meðal annars lék
Bretlandsmeistarinn frá því í fyrra
í flokki 16 ára og yngri gegn jafn-
aldra sínum, Þorkeli Snorra Sig-
urðssyni og mátti játa sig sigraðan.
Óhætt er að segja að íslenska liðið
hafi byrjað vel, það hlaut fjögur og
hálft stig úr úr keppni fimm sterk-
ustu spilarana. Birgir sigraði sinn
leik á 73 höggum sem var besta
skor keppninnar en geta má þess
að hann vann sinn leik með góðu
pútti á síðustu holunni. Friðbjöm
og Ómar unnu einnig leiki sína og
Örn Ævar Hjartarson gerði jafn-
tefli. Staðan var því óneitanlega góð
er hér var komið við sögu en enska
liðið reyndist hins vegar mun sterk-
ara í fimm síðustu leikjunum, unnu
þá alla. A-lið Durham hafði því
betur í viðureigninni 5,5 - 4,5 en
útkoman úr samanlögðum leikjun-
um var tíu og hálfur vinningur gegn
níu og hálfum, íslensku piltunum í
vil.
Hörður Arnarson, liðsstjóri ís-
lensku strákana kvaðst ánægður
með ferðina. „Það kom mér á óvart
hvað þeir slógu vel og greinilegt
er að þeir koma flestir mun betur
undirbúnir fyrir sumarið en í fyrra.
Stuttu höggin mættu vera betri en
það er skiljanlegt svo snemma sum-
ars og þau eiga örugglega eftir að
komast í gott horf þegar líða tekur
á.
Fjölmörg verkefni
Fjölmörg verkefni bíða íslenskra
unglingalandsliða í sumar. Evrópu-
mótið hefst 12. júní og fer það fram
ÍSLENSKA piltaiandsllðiA í
golfi var á söguslóðum í
æfingaferð slnni til Bret-
lands fyrir skömmu. Hér eru
plltarnir fyrir framan klúbb-
húsið í St. Andrews. Frá
vinstri í fremstu röð: Frið-
björn Oddsson GK, Guðn.
mundur Óskarsson GR, Óm-
ar Halldórsson GA og Torfi
Steinn Stefánsson GR. Mið-
röð f.v.: Örn Ævar Hjartar-
son GS, Eiríkur Jóhannes-
son GL, Birgir Haraldsson
GA, Örvar Jónsson GSS og
Guðjón Rúnar Emilsson GR.
Aftast frá vlnstri: Hörður
Arnarson liðsstjórl, Phll
Hunter golfkennari og Þor-
kell Snorri Sigurðsson GR.
í Englandi eins og áður sagði. Það-
an liggur leið pilta- og stúlknaliðs-
ins á Norðurlandamótið sem fram
fer í Danmörku. Ýmis_ önnur verk-
efni eru á döfinni og ísland verður
með fulltrúa á European young
masters fýrir sextán ára og yngri
sem fram fer á hinum glæsilega
Wenthwort velli í Bretlandi. Þar
verða bestu spilarar Evrópu í þess-
um aldursflokki og ísland mun
senda tvo drengi og tvær stúlkur
til mótsins.
ÓMAR Halldórsson vippar inn á sautjándu flötina á frægasta
golfvelli heims, gamla vellinum á St. Andrews. Birgir Haralds-
son stendur vlð flaggstöngina, greinilega vlö öllu búln.
KA-strákarnir unnu þrefalt á ís-
landsmóti sjötta flokks í handbolta
KA-strákarnir sem leika með sjötta flokki félagsins í handknattlelk gerðu það gott í úr-
slitakeppnl þessa aldursflokk sem haldlð var fyrir skömmu á Akureyrl. Norðanmenn
nældu sér i guliverðlaun hjá A-, B- og C-liðum. A myndinnl má sjá strákana sem sklpa
A-lið félagsins. Aftari röð frá vinstri: Þórir Sigmundsson aðstoðarþjálfari, Ingólfur Axels-
son, Árni Harðarson, Einar Friðjónsson, Atli Ingvason, Haukur Steindórsson, Lárus Ás-
geirsson og Jóhannes Bjarnason þjálfari liðsins. Fremrl röð frá vinstri: Jóhann Helgason,
Gísli Grétarsson, Baldvin Þorsteinsson fyrirliði, Bjarni Steindórsson og Einar Egilsson.
íslenskir sundmenn komust
sjö sinnum á verðlaunapall
ISLENSKIR sundmenn stóðú sig
vel á sterku alþjóðlegu móti sem
fram fór í Luxemborg 21. - 23.
apríl. Engin íslandsmet féllu að
þessu sinni en sundmennirnir kom-
ust sjö sirmum á verðlaunapall.
Lára Hrund Bjargardóttir hlaut
gullverðlaun í 200 m fjórsundi á
tímanum 2:29,71 sek, silfurverð-
laun í 400 m skriðsundi á 4:36,58
sek og silfurverðlaun í 100 m flug-
sundi á tímanum 1:09,01.
Halldóra Þorgeirsdóttir sigraði í
200 m bringusundi á tímanum
2:50,89 sek og varð þriðja í 100 m
bringusundi á 1:19,83 sek.
Hjalti Guðmundsson synti 200 m
bringusund á 2:29,21 og varð þriðji,
Davíð Freyr Þórunnarson varð í
sama sæti í 100 m flugsundi á tím-
anum 1:01,49 sek og þá komst
Róbert Birgisson í úrslit í 200 m
baksundi. Omar Snævar Friðriks-
son og Amar Már Jónsson synti á
ágætum tímum þó það dygði þeim
ekki til verðlauna að þessu sinni.
ISLENSKA sundfólkið sem keppti á alþjóðlegu móti í Luxemborg og
stóð sig með mikilli prýði. Frá vinstri: Davíð Freyr Þórunnarson, Róbert
Birgisson, Ómar Snævar Friðriksson, Halldóra Þorgeirsdóttir, Hjalti Guð-
mundsson, Lára Hrund Bjargardóttir og Amar Már Jónsson.