Morgunblaðið - 03.05.1995, Blaðsíða 3
MORGUNBLAÐIÐ
MIÐVIKUDAGUR 3. MAÍ 1995 B 3
HM 1995
Þorbergur Aðalsteinsson, landsliðsþjálfari:
Þrek manna
ígóðulagi
JW
Íslensku landsliðsmennirnir í
handknattleik fóru í þrekpróf í
gær og að sögn Þorbergs Aðal-
steinssonar, landsliðsþjálfara, komu
þeir yfirleitt vel út. „Almennt komu
strákarnir mjög vel út úr prófinu
og tölurnar sýna að þeir eru í mjög
góðri þrekþjálfun. Að því leyti er
ekkert ábótavant en hafa ber í huga
að þetta er aðeins einn þáttur af
mörgum," sagði landsliðsþjálfarinn
við Morgunblaðið.
Liðið var langt því frá sannfær-
andi í æfingaleikjunum gegn Aust-
urríkismönnum um helgina eftir
góða spretti á alþjóða mótinu í
Danmörku í síðustu viku. Engu að
síður var Þorbergur að mörgu leyti
ánægður með helgarleikina. „Þetta
var ágæt viðbót við mótið í Dan-
mörku og sýnir okkur að við erum
á réttri leið. Við sköpuðum okkur
mörg marktækifæri en gerðum líka
mörg tæknimistök sem benda til
þess að menn voru þreyttir eftir
Danmerkurferðina. Hins vegar
verður að hafa í huga að þetta voru
æfingaleikir viku fyrir Heimsmeist-
arakeppnina og augljóslega eru
menn farnir að hugsa fram í tím-
ann.“
Þrekprófið fór fram í Mætti í gær
og á myndinni hér til hægri er Júl-
íus Jónasson á hlaupabrettinu. Elías
Níelsson, íþróttafræðingur ræðir
við Héðin Gilsson til hliðar við Júl-
íus en fremst situr Stefán Carlsson,
læknir við tölvuna og Þorbergur
Aðalsteinsson, landsliðsþjálfari,
fylgist með niðurstöðum mæling-
anna.
Morgnnblaðið/Ámi Sæberg
Morgunblaðið/Kristinn
Kátir Rússar
RÚSSARIMIR slöppuðu af eftlr komuna tll íslands í gær.
Fremstur er Vaslliy Kudinov, helsta skytta heimsmeistar-
anna, Filippov, leikmaður Stjörnunnar í Garðabæ og rússn-
eska landsliðsins, þjálfarinn Maxímóv og læknirinn Roman
Zoubov sem hefur verið manna lengst í hópnum.
Heimsmeistarar Rússa komu í gær og þjálfarinn jarðbundinn
Sæti í Atlanta
skiptir öllu máli
Heimsmeistaralið Rússlands í
handknattleik kom til lands-
ins í gær en Rússar hefja titilvörn-
ina gegn Kúbu í B-riðli í Hafnar-
firði á mánudag. Hópurinn fór
strax á Gistiheimilið Berg í Hafn-
arfirði og slappaði af fyrir æfingu
kvöldsins. Vladimir Maxímóv,
þjálfari Rússa, sagði við Morgun-
blaðið að von væri á Viatcheslav
Atavin frá Spáni í í dag og Va-
leriy Copin lyki keppni með liði
sínu í ítölsku deildinni á laugardag
og kæmi síðan til móts við hópinn.
Eins væri stefnt að því að „gamla
brýnið“ Rimanov, sem er 35 ára,
kæmi til landsins um helgina en
Rimanov Iék með liðinu í tveimur
leikjum gegn Þjóðveijum um nýl-
iðna helgi.
Rússar hafa verið í æfingabúð-
um að undanförnu og sagði Max-
ímóv þær hafa tekist vel en sveifl-
ur hefðu verið í leikjunum við Þjóð-
veija. „Við eigum við mörg vanda-
mál að stríða varðandi varnarleik-
inn en við höfum nokkra daga hér
til að koma þessu í lag og verðum
tilbúnir þegar á þarf að halda.“
Heimsmeistararnir eru í B-riðli
ásamt Tékkum, Króötum, Kúbu-
mönnum, Slóvenum og Marok-
kóbúum og fara leikirnir fram í
Hafnarfirði. Aðspurður um vænt-
anlega mótheija sagði þjálfarinn:
„Allir riðlarnir eru jafnir og
ómögulegt er að segja hvaða mót-
heiji verður erfiðastur. Hvað Kró-
ata varðar þá höfum við leikið
tvisvar við þá á liðnum misserum
og við sigruðum í bæði skiptin,
fyrst í úrslitakeppni Evrópumóts-
ins og síðan í æfingaleik.“
Mótfallinn fyrirkomulaginu
Maxímóv sagðist vera mótfall-
inn nýju fyrirkomulagi heims-
meistarakeppninnar. „Með þessu
fyrirkomulagi verður riðlakeppnin
ekki eins mikilvæg en síðan getur
komið upp sú staða að tvö jafn
góð lið sem eiga erindi að komast
áfram mætast og annað fellur út.
Fyrirkomulagið er ekki gott og það
getur svo farið að tvö bestu liðin
leiki ekki til úrslita.“
Hann sagði að enginn sérstakur
þrýstingur væri á Rúaaa um að
veija titilinn. „Við tökum eitt skref
í einu og reynum að gera okkar
besta. Það getur enginn leyft sér
að mæta til keppni með því hugar-
fari að gullið sé öruggt. Við lítum
á hvern leik sem úrslitaleik en öllu
skiptir að komast á Ólympíuleik-
ana í Atlanta á næsta ári. Ef það
tekst ekki fer allt úr skorðum og
þá yrði erfitt að byggja liðið upp
með því markmiði að ná á næstu
leika.“ _
Sem svart
oghvítthjá
Rússum í
HM nefndin fær
afhenta 15 bfla
Á laugardaginn fékk HM nefndin
afhenta fimmtán bifreiðar af
' Nissan gerð til afnota án endur-
gjalds á meðan á HM í handknatt-
leik stendur. Bílarnir eru merktir
HM 95 í bak og fyrir. Þetta er í
framhaldi af samningi sem nefnd-
in gerði við Ingvar Helgason hf
og bílaleiguna ALP, fyrir
skömmu. Verðmæti samningsins
er talið vera á bilinu tvær til þijár
milljónir króna, en verðmæti bíl-
anna er um 20 milljónir.
Að sögn Ólafs B. Schram, for-
manns HSÍ, koma bílarnir í góðar
þarfir „enda í nógu að snúast við
að aka starfsfólki á milli hótela
og keppnisstaða, keyra dómara í
leiki og til baka, fara með heiðurs-
gesti fram og aftur, skjótast með
niðurstöður úr lyfjaprófum og svo
mætti lengi telja."
Þrír bílar verða á Akureyri,
þrír í Hafnarfirði og þrír í Kópa-
vogi en sex r Reykjavík, þar af
fimm bundnir við hótel Sögu
vegna fulltrúa Alþjóða handknatt-
leikssambandsins, IHF.
Morgublaðið/Jón Svavarsson
FRÁ afhendingu bílanna. Geir H. Haarde, formaður HM
nefndarinnar, er lengst til vinstri, þá Guðmundur Ingvars-
son frá Ingvari Helgasyni hf, Kjartan Steinback, varafor-
maður HSI, Helgi Ingvarsson, frá Ingvari Helgasyni hf,
Arnór Pálsson, eigandi bílaleigunnar ALP og Ólafur B.
Schram, formaður HSÍ, lengst til hægri. Fyrir framan þá
stendur Þórir Gylfi Bjarnason.
Þýskalandi
Rússar og Þjóðveijar léku tvo
æfingaleiki í handknattleik í
Þýskalandi um helgina. Rússar
unnu fyrri leikinn 23:18 en Þjóð-
veijar síðari leikinn 26:20.
Arno Ehret, þjálfari Þjóðveija,
sagði að þýska liðið hafi sýnt það
í síðari leiknum að það getur unnið
hvaða lið sem er og það getur líka
tapað fyrir hvaða þjóð sem er. „Það
voru ótrúlega miklar sveiflur á milli
leikjanna, en þessi úrslit segja okk-
ur ýmislegt. Það er allt hægt ef
viljinn er fyrir hendi," sagði Ehret.
Maxímóv, þjálfari Rússa, var
ekki ánægður með leikina og sagði
að leikmenn sínir væru ekki í nægi-
lega góðri æfingu. „Það er greini-
legt að þeir leikmenn sem leika
utan Rússlands eru ekki í nægilega
góðri æfingu," sagði þjálfarinn.