Morgunblaðið - 03.05.1995, Blaðsíða 7
6 B MIÐVIKUDAGUR 3. MAÍ 1995
MORGUNBLAÐIÐ
ÍÞRÓTTIR
SKVASS
Metþátttaka
á íslandsmót
inu í skvassi
Stefán
Stefánsson
skrifar
SKVASSFÓLK hélt íslandsmót
sitt í sölum Veggsports í
Reykjavík um helgina og hafa
aldrei fleiri tekið þátt. Skvass-
félag Reykjavíkur hafði veg og
vanda af mótshaldinu og kepp-
endur voru um 80 en forráða-
menn íþróttarinnar voru sér-
staklega ánægðir með að
keppendur frá ísafirði og Sel-
fossi skyldu mæta og einnig
hve þátttaka var góð f ungl-
ingaflokkum. Úrslitin voru
samt eftir bókinni f meistara-
flokki karla þar sem Kim Magn-
ús Nielsen varði titil sinn í
þriðja sinn en í kvennaflokkn-
um sigraði Hrafnhildur Hreins-
dóttir.
Keppni hófst á föstudagskvöld
og úrslit réðust þá í heldri
manna flokki en úrslitaleikir í karla-
o g kvennaflokki
fóru fram á laugar-
deginum. í heldri
flokki voru 15 kepp-
endur sem léku ein-
faldan útslátt, 5 konur léku allar
við alla í kvennaflokknum og í
meistaraflokki karla áttust 24
keppendur við í einföldum útslátt
en 8 stigahæstu skvassmönnum var
raðað í töfluna.
Heldri flokkur er fyrir spilara
sem hafa náð þijátíu og fimm ára
aldri þó yngri menn slæðist með
enda segja skvassmenn að uppfylla
þurfi tvö af eftirtöldum þremur
skilyrðum til að fá að vera meðal
heldri manna: vera eldri en 35 ára,
hafa gaman af leiknum eða vera
kominn af léttasta skeiðinu. Haf-
steinn Daníelsson sigraði í heldri
manna flokknum með 3:1 sigri á
Bjama Þjóðleifssyni, 55 ára ís-
landsmeistara frá í fyrra. „Ég bjóst
alls ekki við að vinna, átti raunar
von á að Gísli Hermannsson slægi
mig út í undanúrslitum en fann á
honum veikan punkt sem ég nýtti
mér til fulls,“ sagði Hafsteinn eftir
mótið.
í kvennaflokki léku Hrafnhildur
pg Rósamunda Baldursdóttir frá
ísafirði til úrslita og höfðu þá báðar
unnið alla sína leiki en Inga Mar-
grét Róbertsdóttir tryggt sér brons-
ið. Hrafnhildur var ákveðnari, hélt
ró sinni og einbeitingunni auk þess
sem ieikreynsla spilaði greinilega
inní og sigraði 9:3, 9:0 og 9:3. Is-
landsmeistari síðustu tveggja ára,
Elín Blöndal, var ekki með að þessu
sinni.
Sigur Kim Magnús í meistara-
flokki kom engum á óvart enda eru
menn á einu máli um að hann beri
höfuð og herðar yfír aðra skvass-
menn hér á landi. Kim sigraði
Magnús Helgason í úrslitum 9:1,
9:1 og 9:4. „Hann sprengdi mig,
það var ekki endilega á tækninni
heldur gersamlega yfirspilaði hann
mig,“ sagði Magnús eftir úrslita-
leikinn. Baráttan um silfur og brons
var því meir spennandi. Kim sigraði
Gunnar Guðjónsson í undanúrslit-
um á meðan Magnús mætti Arnari
Arinbjarnar, íslandsmeistara 1992.
Magnús hafði þar betur en Arnar
meiddist og varð að gefa leikinn
um bronsið gegn Gunnari.
Þau fóru Jieim með bikara
Morgunblaðið/Árni Sæberg
Sigurvegarar í íslandsmótinu og handhafar framfarabikara, frá vinstri: Þórveig Hákonardóttir, sem
hlaut framfarabikar kvenna, Gunnar Guðjónsson bronshafi, Kim Magnús Nielsen, íslandsmeistari,
Magnús Helgason silfurhafi, Hrafnhildur Hreinsdóttir íslandsmeistari, Hörður Þórðarson, sem fékk
framfarabikar karia, Inga Margrét Róbertsdóttir, bronshafi, Sigurður G. Sveinsson, sigurvegari í
B-flokki og Rósamunda Baldursdóttir, silfurhafi.
Langbestur
Morgunblaðið/Árni Sæberg
KIM Magnús Nieisen Islandsmeistari tekur við sigurlaunun-
um. Sigurður Magnússon, framkvæmdastjóri ÍSÍ óskar hon-
um til hamingju en á milli þeirra er HJalti Sölvason, formað-
ur Skvassfélags Reykjavíkur með son sinn Söiva á háhesti.
ÍÞRÚmR
FOLK
■ SIGURÐUR Magnússon, fram-
kyæmdastjóri ÍSÍ var heiðursgestur
á íslandsmótinu í skvassi og afhenti
sigurvegurum verðlaun sín.
■ SIGURÐUR G. Sveinsson fékk
verðlaun fyrir að vera „bestur þeirra
verstu." Sú niðurstaða er fenginn
þannig að þeir sem tapa fyrsta leik
sínum í meistaraflokki, leika sín á
milli einfaldan útslátt og þar sigraði
Sigurður.
■ HÖRÐUR Þórðarson fékk bikar
fyrir mestu framfarir hjá körlunum
að mati Skvassnefndarmanna.
■ ÞÓRVEIG Hákonardóttir fékk
sinn bikar fyrir mestu framfarir hjá
kvenfólkinu.
■ SKVASS kostar mikla brennslu
og segja skvassmenn að aðeins
keppni í mótorkross sé erfiðara.
Kim Magnús hefur ekki tap-
að lotu hérlendis í þijú ár
Það fer ekki á milli mála að Kim
Magnús Nielsen er langbesti
skvassspilari landsins og sannfær-
andi sigur hans í öllum lotum sínum
á mótinu með samtals 10 boltum
töpuðum segir sína sögu. Auk þess
hefur Kim Magnús tekið þátt í öll-
um mótum hér á landi undanfarin
þtjú ár og unnið öll — ekki tapað
lotu. Menn segja hann náttúrubarn
í íþróttinni, hann viti alltaf hvað
andstæðingurinn ætlar að gera og
nái því að hafa stjórn á leiknum.
„I kringum jólin 1989 spurði
skólafélagi minn hvort ég væri
ekki til í að prófa skvass og þar
sem ég er til í næstum allt sagði
ég já. Ég var ekki sigursæll til að
byrja með en eftir að ég fór til
Frakklands 1990 til 1991, þar sem
ég lærði frönsku og spilaði skvass,
hefur gengið betur,“ sagði Kim
Magnús um upphafið að ferlinum.
„Ég ætlaði í þessu móti að sýna
og sanna að ég sé fremstur ís-
lenskra skvassspilara og held að
ég hafi nokkurn veginn gert það.
Ég toppaði á réttum tima því í
byijun apríl skar ég mig á hendi
og þurfti að sauma 8 spor en síðan
brákaði ég þumalputta svo það var
ekki útséð um hvort ég gæti spii-
að. En ég tók síðustu vikuna með
trukki og æfði af krafti — komst
í ágætisform og er ánægður með
árangurinn," sagði Kim eftir sigur-
leikinn í mótinu.
En er ekki hætta á stöðnun?
„Það er nokkuð öruggt að maður
staðnar ef maður spilar bara hér
heima en ef maður er harður við
sjálfan sig og æfir af krafti, sér-
staklega tæknileg skot og úthald,
ætti það að vera í lagi. Maður þarf
að keppa við fleiri og ég hef verið
að reyna það með því að fara er-
Iendis til að fá reynslu. Ég er því
sérstaklega þakklátur styrktaraðil-
um mínum sem hafa gert mér þetta
kleyft. Þetta snýst líka um hraða
því allir geta fljótlega slegið bolta
en það skiptir máli að hitta vel
undir mikilli pressu,“ sagði Kim
Magnús, sem er líklega á leið til
Danmerkur í skóla um áramótin
þar sem honum gefst betri færi á
að bæta enn við sig. „Þeir buðu
mig velkominn í danska skvassam-
bandinu, þar get ég æft og þaðan
er stutt á mót um alla Evrópu. Það
hjálpar líka að ég er að hálfur
Dani og tala málið,“ sagði Kim
Magnús.
Næst liggur leið hans á Opna
norska skvassmótið í næstu viku,
þar sem honum var boðin þátttaka
og helgina þar á eftir tekur við
Opna sænska mótið, sem er gamal-
gróið mót með peningaverðlaunum
uppá rúmar 600.000 krónur. Þar
næsta kemur að smáþjóðaleikun-
um í Liechtenstein í september.
„Ég er líka með boð frá styrktarað-
ilum mínum um að koma til Los
Angeles og taka þátt í mótum þar
í október. Ég er 24 ára og ætti
að eiga 5 góð ár eftir með sama
áframhaldi og ætti að geta fleytt
skvassíþróttinni enn lengra því öll
mín reynsla skilar sér til annarra
spilara hér,“ bætti hann við.
Lærði á smáþjóðaleikunum
„Ég vann tvímælalaust fyrst og
fremst með því að hafa einbeiting-
una í lagi og að passa á að stressa
mig ekki upp,“ sagði Hrafnhildur
Hreinsdóttir eftir sigur í úrslitaleik
kvennaflokks gegn Rósumundu
Baldursdóttir. Hrafnhildur hefur
æft í rúmlega tvö ár og keppti á
smáþjóðaleikunum í skvassi sem
fram fóru í Mónakó. „Árangurinn
var ekki góður en ég lærði þeim
mun rneira," bætti Hrafnhildur við.
Skvassáhugi
áberandi og
og unglingar
hafa forgang
„VIÐ erum sannfærðir um að aukning
verði í skvassi enda er létt verk að útbúa
sali. Þegar er kominn aðstaða á ísafirði
og Selfossi, áhuginn er áberandi og við
fáum margar fyrirspurnir. Við erum enn
nefnd innan ÍSI en vinnum stöðugt að því
að verða sérsamband,“ sagði Hjalti Sölva-
son formaður Skvassfélags Reykjavíkur,
sem er langstærsta skvassfélag landsins.
Alls telur Hjalti að vinir skvassins, eins
og þeir kalla það, séu um 300 til 350 og
flestir þar virkir. „Kjarninn sem byijaði
fyrir um átta árum er enn til staðar en
nú er allri okkar athygli beint að ungling-
unum, sem fá mestalla orku og peninga
okkar hér í Skvassfélagi Reykjavíkur. Til
að sýna áhuga okkar í verki gáfum við
öllum unglingunum spaða og kórónuðum
með íslandsmótinu. I fyrra tóku um 10
þátt í því móti en nú eru þeir um 30. For-
eldrum var sérstaklega boðið til að sjá
hvað við erum að byggja upp,“ bætti Hjalti
við.
Skvass á við
íslendinga
„SKVASSÍÞRÓTTIN höfðar til íslendinga
þar sem maður verður að stóla á sjálfan
sig og líta á sig sem smákóng. Maður
brennir einnig miklu og fyrir utan það er
þetta mjög gaman,“ segir Stefán Dan sem
kalla má forsprakka skvassáhugans á
ísafirði. Isfirðingar komu sér upp sal fyr-
ir fimm árum og hefur áhuginn farið vax-
andi. Á mótinu um helgina áttu þeir kepp-
endur í öllum flokkum og nældu sér í silf-
urpening í kvennaflokki. „Þegar veturinn
skellur á koma skíðamennirnir. Aukningin
hefur verið ágæt en nú á að snúa sér að
unglingunum. Okkur vantar alveg breidd-
ina þó áð þeir bestu hér á landi hafi verið
duglegir við að heimsækja okkur, hafa
komið að jafnaði tvisvar á ári vestur og
þá höfum við sett upp forgjafarmót," sagði
Stefán.
MORGUNBLAÐIÐ
MIÐVIKUDAGUR 3. MAÍ 1995 B 7
IÞROTTIR
BADMINTON / NORÐURLANDAMOTIÐ
Urslitaleikir
á heims-
mælikvarða
ivar
Benediktsson
skrifar
ÚRSLITALEIKIRNIR á Norður-
landamótinu í badminton um
helgina voru íflestum tilfellum
bráðskemmtilegir, enda léku til
úrslita nokkrir af bestu bad-
mintonleikurum heimsins.
óhætt er að segja að þeir hafi
verið íheimsklassa
Thomas Stuer Lauridsen, frá Dan-
mörku, lék í úrslitaleiknum í
einliðaleik karla gegn Svíanum, Jens
Olsson. í fyrri lotunni
var jafnt framan af
en í stöðunni 7:7,
setti Daninn í gír og
sigraði 15:8. Seinni
lotan var stutt. Olsson komst í 4:0,
en þá tók sjöundi besti badminton-
maður heims, Thomas Stuer Laurids-
en við sér og skoraði 15 stig í röð
og tryggði sér Norðurlandameistara-
titilinn. Jens Olsson er í átjánda
sæti heimslistans, en Thomas lék
hann engu að síður sundur og saman
í síðari lotunni og að óreyndu hefði
mátt álíta að meiri munur væri á
þessum köppum.
í einliðaleik kvenna var leikið bad-
minton á heimsmælikvarða. Þar spil-
uðu til úrslita hin kínverskættaða
sænska stúlka Lim Xiao Zing, sem
er í 4. sæti heimslistans, á móti Crist-
ine Magnusson, einnig frá Svíþjóð,
en hún er í 10. sæti sama Iista. Fór
svo að leik þeirra lauk í oddalotu þar
sem Lim sigraði með minnsta mun,
12:10. Hinar tvær lotumar fóru,
11:4 og 11:12. „Ég hef ekki mikið
leikið badminton upp á síðkastið, en
hins vegar einbeitt mér að þrekæf-
ingum til þess að vera í sem bestu
formi á HM eftir tvær vikur. Því er
ég mjög sátt við árangur minn hér
í dag. Ég hefði átt að vinna hana,
en ég tek hana í staðinn á HM,“
sagði Christine Magnusson, þreytt
að leikslokum eftir erfiðan leik.
Danirnir Michael Sögaard og Hen-
rik Svarrer voru á mikilli siglingu á
mótinu og lögðu fimmta besta par
heims í úrslitaleik í tvíliðaleik karla.
Michael og Henrik voru fyrir mótið
í átjánda sæti heimslistans. En þeir
létu ekki stöðu á heimslistanum
trufla sig og báru enga virðingu fýr-
ir sænsku snillingunum og lögðu þá
í tveimur lotum, 15:9 og 15:8, í leik
sem tók einungis 30 mínútur.
í úrslitum tvíliðaleiks kvenna átt-
ust við dönsku stúlkurnar Rikke Ols-
en og Helene Kirkegaard annars
vegar og sænsku fljóðin Maria
Bengtson og Margi Borg hins vegar.
Bæði pörin eru í allra fremstu röð,
danska parið í áttunda sæti og það
sænska í sextánda. Þessi leikur var
hnííjafn. Danska parið sigraði í
fyrstu lotunni, 15:10. Þær byrjuðu
betur í annarri lotu, komust í 4:9,
en þá vöknuðu þær sænsku af værum
blundi og skoruðu sex stig í röð. Þar
með voru þær komnar inn í leikinn
og sigruðu í lotunni, 11:15. Því þurfti
að leika oddaleik til að knýja fram
úrslit. Dönsku stúlkurnar, Rikke og
Helene byijuðu af krafti og komust
í 8:0, en sænsku stelpurnar reyndu
hvað þær gátu og tókst að minnka
muninn í 7:10. En lengra komst þær
ekki og danska parið sigraði, 11:15,
og fagnaði Norðurlandameistaratitli.
„Leikir okkar við Mariu og Margit
eru alltaf jafnir og erfðir. Þetta var
fjórði leikur okkar við þær og þrír
þeirra hafa endað í þremur lotum.
Því mátti alveg reikna með þessu
fyrirfram að leikurinn yrði jafn eins
og reynd varð á. Annars var keppnin
í heild nokkuð auðveld," sagði
danska stúlkan, Helene Kirkegaard,
þegar hún hafði innsiglað sigurinn í
tvíleiðleik kvenna á samt stöllu sinni
Rikke Olsen.
Rikke Olsen hlaut annan Norður-
landameistaratitil sinn þegar hún
sigraði í tvenndarleik ásamt Michael
Söggaard. Hann sigraði einnig í
tveimur greinum á mótinu. Þau,lögðu
Christian Jakobsen og Lotte Olsen,
einnig frá Danmörku í úrslitleik,
15:10 og 15:2 í leik sem tók einung-
is 33 mínútur.
Frábær úrslitaleikur
Mynd/Brynjar Gauti
LIM Xiao Zing, kínverskættuð sænsk stúlka, varð Norðurlandameistari í einliðaleik. Hún slgr-
aði Cristine Magnússon, sem einnig er frá Svíþjóð, í úrslitaleik í frábærri viðureign.
Tryggvi að jafna sig
sr
Eg má fara að leika badminton eftir mánuð, en ég hef verið að
lyfta upp á síðkastið og vonast til þess að geta farið að skokka í
næstu viku,“ sagði Tryggvi Nielsen, badmintonmaður. Hann gat ekki
tekið þátt í Norðurlandamótinu um sl. helgi, en eins og kunnugt er
meiddist hann fyrir skömmu þegar krossbönd í vinstra hné tognuðu
á æfingamóti. Meiðslin komu á versta tíma því skammt var þá til
Evrópumóts unglinga, en þar var Tryggvi eiga góða möguleika á sigri.
Tryggvi vonast til þess að verða orðin góður þegar hann fer í æfinga-
búðir til Parísar á vegum alþjóða badmintonsambandsins í júní lok.
Að öðru leyti hvað Tryggvi ekkert vera framundan hjá sér fyrr en
næsta vetur. Hann sagðist reikna með því að vera heima næstu tvo
vetur og klára menntaskólanámið, áður en farið verður erlendis til
frekari æfinga, en Tryggvi dvaldist í Randers á Jótlandi í vetur við
æfingar og keppni.
Breytt fyrir-
komulag
í Noregi
ESPERN Larsen, framkvæmdastjóri
norska badmintonsambandsins,
kynnti um helgina tilraun sem Norð-
menn hafa gert í þeim tilgangi að
auka áhuga sjónvarpsstöðva.
Breytingin felst í því að hver sá
sigrar í lotu sem fyrr nær níu punkt-
um, í stað 15 nú hjá körlum og 11
hjá konum. Ekki er hækkað upp ef
spilarar verða jafnir, 8:8, eins og
gert er í dag ef staðan er jöfn, t.d.
14:14, hjá körlum. í staðinn fyrir
styttri lotur eru leiknar fleiri. Sigur-
vegari í leik þarf að sigra í þremur
lotum og því getur leikurinn mest
orðið fimm lotur.
„Reynsla okkar af þessu nýja fýr-
irkomulagi er góð. Okkur hefur
gengið betur að ná til ungmenna sem
er mjög jákvætt. Leikimir verða líka
meira spennandi en áður því hver
lota er styttri og hvert stig mjög
mikilvægt. Þegar við höfum leikið
með þessu nýja fyrirkomulagi er
gefið einnar mínútu hlé á milli lota
og þegar um sjónvarpsútsendingar
er að ræða er það jákvætt fyrir sjón-
varpsstöðvarnar. Þær hafa nýtt sér
hléið til að selja auglýsingar. Þannig
fá þær tekjur á meðan útsendingu
stendur," sagði Espern Larsen við í
samtali við Morgunblaðið.
Sigríður Jónsdóttirformaður Badmintonsambandsins
Grfurieg lyftistöng að
fá IMorðuriandamótið
hingað til lands
Það hefur gífurlega mikið að
segja fyrir íslenskt badmin-
tonfólk að fá Norðurlandamótið
.hingað til lands.
Ástæðan er sú að á
ívar Norðurlöndunum
Benediktsson eru margjr bestu
badmintonspilarar í
heiminum og það gefur okkar fólki
mikið að fá að leika við þetta topp-
fólk og síðast en ekki síst að sjá
það í leik. Norðurlandamótið er
gífurleg lyftistöng," sagði Sigríður
Jónsdóttir, formaður BSÍ, í sam-
tali við Morgunblaðið á Norður-
landamótinu í húsnæði TBR um
helgina.
Ef undan er skilið besta tvend-
arpar heimsins, Thomas Lund og
Marlene Thompson frá Danmörku
þá komu flestir aðrir bestu badmin-
tonmenn Norðurlandanna til móts-
ins. Þau höfðu reyndar skráð sig
til keppni, en meiddust rétt fyrir
mót og urðu að afmunstra sig þess
vegna. Það breytti ekki því að
mótið var bráðskemmtilegt og fal-
legt tilþrif sáust víða. Árangur ís-
lensku keppenda var eins og við
mátti búast. Flestir féllu úr leik
að lokinni fyrstu umferð, ef undan
er skilið að Birna Petersen og
Guðrún Júlíusdóttir komust í aðra
umferð í tvíliðaleik kvenna þegar
þær sigruðu finnskt par í l.umferð.
Vigdís Ásgeirsdóttir sigraði
finnsku stúlkuna Malin Virta í
fyrstu umferð, en Islendingarnir
féllu úr keppni í 2. umferð.
Bestum árangri íslensdinga náði
Broddi Kristjánsson í tvíliðaleik.
Broddi lék á mótinu með Norð-
manninum Hans Sperre, sem er
eins og 'Broddi konungur í sínu
heimalandi í einliðaleik. Þeir kom-
ust í undanúrslit en töpuðu þar
fyrir Michael Sögaard og Henrik
Svarrer, frá Danmörku, en Danirn-
ir hlutu gullverðlaun á mótinu. „Ég
er þokkalega ánægður með mína
frammistöðu á mótinu," sagði
Broddi Kristjánsson. „Eg lenti
gegn sterkum andstæðingi í fyrstu
umferð í einliðaleiknum og tapaði
þar í hörkuleik. í tvenndarkeppn-
inni lék ég með Norðamanninum,
Hans Sperre og lékum við gegn
danska sigurparinu í tvíliðaleikn-
um. Við spiluðum ekkert verr gegn
þeim en Svíarnir sem léku við þá
til úrslita. Framhaldið hjá mér er
HM í Luzern í Sviss eftir tvær vik-
ur. Það er síðasta mótið á þessu
keppnistímabili," sagði Broddi
Kristjánsson í samtali við Morgun-
blaðið í mótslok.
foRÚm
FOLK
■ ESPERN Larsen framkvæmda-
stjóri norska badmintonsambands-
ins, kynnir nýjar hugmyndir að
keppnisfyrirkomulagi — sem greint
er frá annars staðar á síðunni — á
fundi alþjóða sambandsins í Luzern
eftir tvær vikur.
■ NORÐURLANDAMÓTIÐ um
helgina var hið fjórða sem haldið er
á Islandi. Það fyrsta var 1976 og
var þá leikið í Laugardalshöll. Með-
al stjama á því móti má nefna Dan-
ina Lene Köppen, Svend Pri og
Flemming Delfs sem þá var upp-
rennandi.
■ MORTEN Frost, þá ungur og
efnilegur, fékk að fljóta með danska
liðinu-sem áhorfandi á Norðurlanda-
mótið 1976. Nokkrum árum seinna
var Morten Frost orðin besti bad-
mintonmaður heims.
■ FROST var með danska liðinu
hér á landi um helgina, en ekki sem
leikmaður heldur er hann landslið-
seinvaldur Dana og hefur verið sl.
tvö ár.
■ ÞAÐ sérstaka atvik átti sér stað
í tvíliðaleik kvenna að miðjum leik
dönsku stúlknanna Rikke Olsen og
Helene Kirkegaard gegn Catrine
Bengtson og Cristine Magnusson
frá Svíþjóð henti Helene frá sér
spaðanum og hljóp út að hliðarlín-
unni og sótti annan. Á meðan varð-
ist Rikke allt hvað af tók.
■ ÁSTÆÐAN fyrir þessum skyndi-
legu spaðaskiptum Helene var sú
að netið í spaðanum hennar slitnaði
og þurfti að hafa hröð handtök við
að nálgast nýjan.
■ BRODDI Kristjánsson lék með
Norðmanninum Hans Sperre í tvíl-
iðaleiknum um helgina. Ástæðan fyr-
ir því að hapn lék ekki með Árna
Þór Hallgrímssyni eins og vant er
var sú að Árni tábrotnaði nokkrum
dögum fyrir mótið.
■ BRODDI sagðist, í samtali við
Morgunblaðið, vonast til þess að
Árni gæti leikið með sér á HM í
badminton sem fram fer í Luzern í
Sviss eftir tvær vikur.