Morgunblaðið - 05.05.1995, Qupperneq 1
BLAÐ ALLRA LANDSMANNA
3N#t0unltfttfrU>
1995 ■ FÖSTUDAGUR 5. MAÍ
BLAD
HANDKNATTLEIKUR / HM 95
Morgunblaðið/Sverrir
Skagamenn sigruðu í
fyrsta grasleik ársins
FYRSTI grasleikur ársins í knattspyrnu fór fram
á Akranesi i gærkvöldi. Þá tóku íslandsmeistar-
arnir á móti Eyjamönnum í átta liða úrslitum
Litlu bikarkeppninnar og unnu 2:0. Bjarki Pét-
ursson gerði bæði mörk heimamanna í öruggum
sigri. Dejan Stojic, sem lék með Skagamönnum
á æfingamóti á Kýpur í mars, kom til landsins
fyrr í vikunni og var með í gærkvöldi en var
lítt áberandi í framlínunni.
KR og Þróttur leika til úr-
slita í Reykjavíkurmótinu
FRAM vann Þrótt 2:1 í Reykjavíkurmótinu í
knattspyrnu í gærkvöldi. Ágúst Ólafsson og
Hóbnsteinn Jónasson skoruðu fyrir Framara en
Guðmundur Gíslason gerði mark Þróttar. Þrátt
fyrir tapið varð Þróttur í öðru sæti A-deiidar
með niu stig og mætir KR í úrslitum á mánudags-
kvöld en KR tapaði ekki stigi og fékk 15 stig.
Fram var í þriðja sæti með átta stig, Fylkir fékk
sjö stig, ÍR fjögur en Víkingar ekkert stig og
leika þeir í B-deild næsta ár.
Tommy Svensson hafn-
aði boði Bilbao á Spáni
TOMMY Svensson, landsliðsþjálfari Svía í knatt-
spyrnu, ákvað í gær að hafna boði spænska fé-
lagsins Bilbao og sagðist ætla að halda áfram
með sænska landsliðið fram yfir úrslitakeppni
Evrópukeppni landsliða á næsta ári. Svíþjóð
hefur gengið illa i riðlakeppninni og ætli liðið
í úrslitakeppnina má það varla við að tapa stigi
í næsta leik sem verður gegn íslandi ytra 1. júni.
Harris hjá Lakers
þjálfari ársins í NBA
DEL Harris, yfirþjálfari Los Angeles Lakers var
í fyrradag valinn þjálfari ársins í NBA deildinni
í körfuknattleik. Harris fékk 62 atkvæði af 105
mögulegum og hlaut þvi Red Auerback bikarinn.
Annar í kjörinu var þjálfari Cleveland, Mike
FrateUo, Bobo Hiil hjá San Antonio Spurs varð
þriðji, Jerry Sloan, þjálfari Utah, fjórði og þjálf-
ari Dallas, Dick Motta, hreppti fimmta sæti.
Þrír íslenskir júdómenn
á Evrópumótið í Birmingham
ÞRÍ R islenskir júdómenn taka þátt í Evrópu-
meistaramótinu, sem fer fram í Birmingham í
næstu viku. Það eru þeir Vernharð Þorleifsson,
Bjami Á. Friðriksson og Eiríkur Ingi Kristins-
son. Mótið hefst á fimmtudag og stendur yfir
tU sunnudags.
KNATTSPYRNA
Tólf metra háir skaflar
á vellinum á Siglufirði
Aðeins 174
miðar eru
eftir í sæti
MIÐASALA á leikina í Heims-
meistarakeppninni hefur gengið
fram úr björtustu vonum en selt
hefur verið fyrir um 25 milfjónir
króna. Þegar salan var gerð upp
í gærkvöldi kom í ljós að aðeins
174 miðar voru eftir í sæti á
fyrsta leik íslands sem verður
gegn Bandaríkjunum í Laugar-
dalshöll klukkan 20 nk. sunnu-
dagskvöld. Á leik íslands og Sviss
13. maí hafa verið seldir um
1.400 miðar og þar af 170 í stæði
og salan á úrslitaleikinn er
ámóta.
íslenska liðið æfði í Höllinni í
gærkvöldi og var það síðasta
æfing liðsins þar fyrir leikinn
gegn Bandaríkjamönnum en eins
og sjá má á myndinni voru Geir
Sveinsson fyrirliði og Sigurður
Sveinsson kátir og sérstaklega
með miðasöluna.
í gær komu lið Suður-Kóreu
og hluti liðs Alsírs en nokkur .
koma í dag og flest á morgun.
að hafa verið þrír til fjórir
bílar í átta dag að keyra
snjó af malarvellinum og það er
útlit fyrir að verkinu ljúki á morg-
un [í dag]. Þegar byrjað var að
hreinsa völlinn þá voru allt að
tólf metra háir skaflar á vellin-
um,“ sagði Guðmundur Skarphéð-
insson, formaður knattspyrnu-
deildar KS á Siglufirði, í samtali
við Morgunblaðið í gær. „Á gra-
svellinum er ástandið ekkert
betra, þar er eins og hálfs til
tveggja metra jafnfallinn snjór
yfir. Það hefur engan sjó tekið
upp að ráði vegna kulda og ekki
útlit samkvæmt veðurspánni að
það gerist á næstunni. Að
óbreyttu verður ekki farið að leika
á grasvellinum fyrr en komið
verður fram í júní,“ bætti Guð-
mundur við.
Ein af ástæðunum fyrir fyrir
þessum mikla snjó á vellinum
sagði Guðmundur vera þá að
bæjarfélagið keyrir snjó úr bæn-
um og inn á völlinn á veturna og
vegna miklla kulda þá sætu menn
í súpunni nú.
„Liðið hefur verið að æfa innan-
húss og farið i æfingaferðir til
Reykjavíkur og inn á Sauðárkrók.
Um páskana var farið til Skot-
lands í æfingaferð. Eftir að byrjað
var að moka af vellinum fórum
við aiiæfa á hluta hans, en auðvit-
að er slæmt að hafa ekki getað
haft neina æfmgaaðstöðu því það
eru um tuttugu strákar sem æfa
og það er hugur í þeim fyrir sum-
arið þrátt fyrir allt,“ sagði Guð-
mundur Skarphéðinsson.
Skðrra í Ólafsfiröi
„Staðan mætti vera betri. Nú
er fimmtíu til sextíu sentímetra
snjólag yfir vellinum og enn meiri
í áhorfendabrekkunni. Ég er ekki
bjartsýnn á að fyrsti heimaleikur
okkar gegn KR, sem á að vera
27. maí, geti farið fram á heima-
velli okkar,“ sagði Þorsteinn Þor-
valdsson, formaður knattspyrnu-
deildar Leifturs. „Það er reyndar
búið að blása af malarvellinum
en okkur finnst ekki boðlegt að
bjóða upp á 1. deildar leik á malar-
velli og því munum við, ef ekki
fer að hlýna fljótlega, óska eftir
því að leiknum verði snúið og við
komum suður og leikum þar við
KR,“ sagði Þorsteinn ennfremur.
Það eru hitalagnir undir vellin-
um á Olafsfirði og Þorsteinn sagði
að það þyrfti góðan hálfan mánuð
til þess að völlurinn yrði boðlegur
til keppni. Þeir hafa borið sand á
völlinn til þess að flýta fyrir
bráðnun, komi sól og bjartir dag-
ar, en lítið hefur verið um slíkt nú
í vor á Ólafsfirði.
KNATTSPYRNA: STUÐNINGSMENN STOKE TEUA LÁRUS ORRA ÞANN BESTA / C4