Morgunblaðið - 10.05.1995, Blaðsíða 4

4 MIÐVIKUDAGUR 10. MAÍ 1995
MORGUNBLAÐIÐ
FRÉTTIR
BJÖRK Guðmundsdóttir
leg-gur nú drög að tón-
leikaferð um heiminn.
Björk í
21. sætií
Englandi
FYRSTA smáskífan af vænt-
anlegri breiðskífu Bjarkar
Guðmundsdóttur, Post, kom
út fyrir stuttu og situr nú í
21. sæti breska vinsældalist-
ans.
Að sögn Nicky Fyson hjá
One Little Indian í Lundúnum,
útgáfufyrirtæki Bjarkar, náði
smáskífan meiri hylli plötu-
kaupenda en búist hafði verið
við, því hún fór beint í tíunda
sæti listans í fyrstu viku.
Á uppleið víða í Evrópu
Miðvikuspá í síðustu viku,
sem reyndar er ekki birt opin-
berlega, benti til þess að lagið
félli í 28. til 30. sæti, en Fyson
sagði að Björk hefði gengið
mjög vel í breska sjónvarps-
þættinum Top of the Pops á
fimmtudagskvöld og það væri
sitt mat að sú frammistaða
hefði glætt söluna að nýju.
Fyson sagði að lagið væri nú
á uppleið á flestum vinsælda-
listum í Evrópu.
Björk býr sig nú undir tón-
leikahald í kjölfar útgáfu plöt-
unnar, og meðal annars verður
hún meðal helstu atriða Read-
ing-tónlistarhátíðarinnar í
sumar. Einnig hyggst hún
leika á fleiri tónleikum í
Bandaríkjunum en eftir Debut,
en þar verður hún á ferðinni
i júlí og ágúst. í framhaldi af
því er tónleikaferð um Evrópu
og liggur leið hennar meðal
annars til ísraels, Grikklands,
Hollands, Frakklands og
Þýskalands.
Endurskoðendur um áfangaskýrslu skattsvikanefndar
Gagnrýna hugniyndir um
ábyrg'ð á skattskilum
ENDURSKOÐENDUR og bókhaldarar segja
óraunhæft að þeir sem taka að sér gerð skatt-
framtala gegn greiðslu verði gerðir ábyrgir fyr-
ir skattskilum en Framkvæmdanefnd gegn skatt-
svikum leggur það til í áfangaskýrslu sinni til
fjármálaráðherra.
Þorsteinn Haraldsson formaður Félags lög-
giltra endurskoðenda sagði að sér hefði ekki
verið kunnugt um Framkvæmdanefnd gegn
skattsvikum og því síður hefði hann séð áfanga-
skýrsluna sem nefndin skilaði til fjármálaráð-
herra og sagt var frá í Morgunblaðinu í gær.
„Samkvæmt frétt Morgunblaðsins er þarna
um að ræða mjög óljósar hugmyndir enda segir
þar einnig að áður en breytingar af þessu tagi
gætu orðið yrði að ræða við endurskoðendur og
samtök þeirra. Það hefur ekki verið gert,“ sagði
Þorsteinn.
Hann sagði aðspurður að endurskoðendur
bæru ábyrgð á sínum störfum eins og aðrir. „En
ef endurskoðandi, sem tekur að sér að aðstoða
einhvem við gerð skattframtals, tekur jafnframt
á sig ábyrgð á að allar upplýsingar sem koma
frá viðskiptavininum séu réttar þá tekur endur-
skoðandinn einfaldlega ekki að sér nein skatt-
framtöl. Menn geta ekki borið ábyrgð á öllu og
öllum í kringum sig,“ sagði Þorsteinn.
Hann sagði að fréttir af þessu tagi væru til
þess fallnar að búa til ranghugmyndir um við-
fangsefni löggiltra endurskoðenda. „Hvers
vegna ættu þeír að vera ábyrgir fyrir skattfram-
tölum? Liggur í því að þeir standi ekki heiðar-
lega að þeim verkefnum sem þeir taka að sér?
Um það þekki ég engin dæmi.“
Barist fyrir lögum
I áfangaskýrslunni kemur fram að Fram-
kvæmdanefnd gegn skattsvikum vill taka á þeim
hópi manna sem ekki hafi viðurkennd starfsrétt-
indi en starfi engu að síður við gerð skattfram-
tala. Huga verði að lagasetningu um störf þeirra,
tryggja skyldur þeirra og kveða hugsanlega á
um_ réttindi.
Ármann Guðmundsson formaður Félags bók-
halds- og fjárhagsráðgjafa sagði að félagið hefði
barist fyrir því frá stofnun 1989, að sett verði
lög og reglugerðir um starfsemi bókhaldsþjón-
ustu.
„í öðrum EES-löndum eru til reglugerðir um
skráða endurskoðendur eða kunnáttumenn í
bókhalds- og reikningsskilum sem ekki hafa
aflað sér löggildingar til endurskoðunar. Félagið
hefur barist fyrir að félagsmennirnir fái sam-
bærileg réttindi hér á Iandi,“ sagði Ármann.
Um ábyrgð endurskoðenda og bókhaldara á
skattskilum viðskiptavina sagði Ármann að erf-
itt væri að sannreyna að þær upplýsingar sem
viðskiptavinir gefa um fjármál sín séu fullnægj-
andi. Því yrði hver og einn að bera ábyrgð á
sínu skattaframtali.
„Við getum ekki borið ábyrgð á öðru en við
séum að gera hlutina samkvæmt þeim gögnum
sem við höfum á löglegan hátt. Við getum ekki
borið ábyrgð á því til dæmis að gögn séu falin
fyrir okkur því við höfum ekki aðstöðu til að
komast að því,“ sagði Ármann Guðmundsson.
0,2% hækkun vísitölu neysluverðs
Brauð og græn-
meti hækkar en
síminn lækkar
VÍSITALA neysluverðs hækkaði
um 0,2% milli mánaðanna apríl og
maí, sem jafngildir 2,1% verðbólgu
á heilu ári. Síðustu þijá mánuði
hefur vísitalan hins vegar lækkað
um 0,1% sem jafngildir 0,5% verð-
hjöðnun miðað við heilt ár, en síð-
astliðið ár hefur vísitalan hækkað
um 1,3%. Vísitalan sem gildir í maí
er 172,1 stig og gildir einnig til
verðtryggingar, en samsvarandi
lánskjaravísitala er 3.398.
Grænmeti og ávextir hækkuðu
um 5,9% frá aprílmánuði og olli það
0,13% hækkun vísitölunnar. Þar er
um árstíðabundna hækkun að ræða
vegna þess að ný uppskera er að
koma á markað. Þá hækkar brauð
um 4,4% sem veldgr 0,04% hækkun
vísitölunnar og kartöflur hækka um
3,1%.
Símgjöld lækka hins vegar um
4,1% að meðaltali vegna breytinga
á gjaldsvæðum Pósts og síma og
veldur það 0,04% vísitölulækkun og
bjór lækkar um 5,6% vegna breyt-
inga á vörugjöldum sem veldur
0,03% lækkun vísitölunnar.
Verðbólga á íslandi frá mars
árið 1994 til marsmánaðar 1995
reyndist vera 1,4% og var hvergi
lægri á Evrópska efnahagssvæðinu,
að því er fram kemur í frétt frá
Hagstofunni. Verðbólgan að meðal-
tali í ríkjum Evrópusambandsins á
sama tímabili reyndist vera 3,3%.
Verðbólgan var til dæmis 1,7% í
Finnlandi og Belgíu, 1,85% í Frakk-
landi og 2,3% í Lúxemborg.
Hráefni og umbúðir hafa
hækkað
Brauð og kökur frá bakaríi Mjólk-
ursamsölunnar hækkuðu um 4-6%
8. apríl síðastliðinn og brauð og
kökur hækkuðu einnig hjá Myllunni
í byijun apríl um 3-5%. Erlendur
Magnússon, framkvæmdastjóri
Samsölubrauða hf., sagði að ástæða
hækkunarinnar væri hvort tveggja
að frá áramótum hefðu umbúðir og
hráefni hækkað og síðan hefði
launakostnaður einnig hækkað í
Vísitala neysluverðs í maí 1995 (172,1 stig)
OMatvörur (17,1%) m +1,2%
00 Mjöl, grjón og bakaðar vömr (2,6%) I 1+1,9%
05 Grænmeti, ávextir og ber (2,1 %) L l+5,9
06 Kartöflur og vömr úr þeim (0,4% I 1+3,1%
08 Kaffi, te, kakó og súkkulaði (0,5%) 0,8% □
1 Drykkjarvörur og tóbak (4,3%) 0,6% | Breyting
112 Bjór (0,6%) -5,6% '■'A;- frá fvrri
2 Föt og skófatnaður (6,3%) -o,i %l mánuði
3 Húsnæði, rafmagn og hiti (18,5%) 10,0%
4 Húsgögn og heimilisbúnaður (6,8%) o +0,3%
41 Húsgögn, gólfteppi o.fl. (2,4%) □ +0,7%
44 Borðbúnaður, glös o.fl. (0,5%) -0,5% n
5 Heilsuvernd (2,5%) 10,0%
6 Ferðir og flutningar (18,6%) -0,2% 1
64 Póstur og simi (1,1%) -3.7% MffiBiI
7 Tómstundaiðkun og menntun (11,5%) | 0,0%
8 Aðrar vörur og þjónusta (14,3%) |+0,2%
82 Ferðavörur, úr, skartgripir o.fl. (0,6%) 1 1+1.3%
VÍSITALA NEYSLUVERÐS (100,0%) [] +0,2% Tölurisvigumvisati vægis einstakra liða.
Andlát
TAGE AMMENDRUP
TAGE Ammendrup,
dagskrárgerðarmaður,
lést á Borgarspítalan-
um aðfaranótt 9. maí.
Hann var fæddur 1.
febrúar árið 1927 og
var á 69. aldursári.
Tage er fæddur í
Reykjavík og stundaði
tónlistamám við Tón-
listarskólann í Reykja-
vik 1945 til 1950.
Hánn tók þátt í nám-
skeiðum. vegna starfa.
við Sjónvarpið, hjá
Danska sjónvarpinu
1965 til 1966 og'BBC
1966, auk styttri dvalar m.a. í ftew
York og Svíþjóð.
Tage var sjálfstætt starfándi
verslunarmaður 1943 til 1964, út-
gefandi íslenskra hljómplatna 1948
til 1964 og íslenskra
nótna 1945 til 1960.
Hann var þáttagerðar-
maður við RÚV 1945
til 1946 og 1962 til
1964 og dagskrárgerð-
armaður við RÚV sjón-
varp frá 1965. Hann
var fulltrúi dagskrár-
. stjóra 1970 til 1986,
sat í leiklistarráði og
ýmsúm nefndum. Táge ■
hefur skrifað fjölda
greina í blöð og tíma-
rit, einnig fjölda leik-
þátta. " -
Eftirlifandi eigin-
kona Tage er María Magnúsdóttir
Ammendrup kaupmaður. Börn
þeirra eru Páll Jörgen, læknir, Axel
Tage, íjölmiðlafræðingur, og María
Jane, BA í sálfræði.
kjölfar nýrra kjarasamninga, þó enn
væri ósamið við bakara. Þannig
næmi hækkun á yfirvinnu hjá versl-
unarmönnum sem ynnu hjá fyrir-
tækinu 9% og þar sem mikið þyrfti
að vinna í yfirvinnu hjá fyrirtækinu
ylli þetta talsverðum kostnaðarauka.
Að auki virtust vera meiri hækkanir
á næstunni á hráefni, því hann væri
nú með í höndunum tilkynningu um
hækkun á feiti upp á 20%.
Kolbeinn Kristinsson, fram-
kvæmdastjóri hjá Myllunni, sagði
að ástæðan fyrir hækkuninni væri
hækkun á hráefni og umbúðum.
Frá því í október í fyrra hefði hveiti
hækkað um 9%, sykur um 11%,
smjörlíki um 11% og umbúðir um
19-27%. Uppsveiflan erlendis virtist
vera að skila sér í hækkun á hrá-
efni, en þeir hefðu mætt þessu með
hagræðingu hjá sér og hann ætti
ekki von á frekari hækkunum í
bráð þrátt fyrir að nú væri smjör-
-líki ennþá að hækka. Að auki hefðu
egg hækkað um 20% frá því í fyrra-
haust. Það væri ekki nokkur leið
að bregðast við því, þar sem það
væri einokun í eggjaframleiðslunni.
Mjólkurfræðingar greiða atkvæði um
samninginn í dag o g á morgun
Fá um 7% hækkun
NÝGERÐUR kjarasamningur
mjólkurfræðinga verður : borinn
undir félagsfundi á Selfossi í dag
og á Akureyri á morgun. Samning-
urinn gildir frá 1. maí til 31. desem-
ber 1996 og felur m.a. í sér rúm-
lega 7% hækkun grunnlauna í
tveimur áföngum og sömu desem-
ber- og orlofsuppbót sem samið var
um á almenrium vinnumarkaði í
febrúar.
Fyrri hækkunin, 4,4%, gildir frá
1. maí og kemur sú síðari til fram-
kvæmda 1. janúar á næsta ári.
Einnig fjölgar orlofsdögum úr 28
í 29 eftir 18 ára starf og munu
50-60% félagsmanna, sem eru
rúmlega hundrað, njóta góðs af því
að sögn Geirs Jónssonar formanns
Mjólkurfræðingafélags íslands.
Segir hann nokkrar breytingai'
aðrar fylgja samningnum, meðal
annars breytingar á vinnutíma á :
skiptivöktum, sem geti leitt til þess
að færri næturvinnustundir séu
greiddar, oriofstímabil hafi verið
lengt um einn dag vegna fjölgunar
orlofsdaga og/ einnig megi nú
breyta vaktafyrirkomulagi með
viku fyrirvara í stað tveggja vikna
áður.
„Ég er sæmilega sáttur, miðað
við aðstæður, og bið félaga mína
að samþykkja samninginn. Auðvit-
að er alltaf eitthvað sem menn eru
ósáttir við en þetta er enda-
punkturinn. Báðir aðilar fengu eitt-
hvað,“ segir Geir.