Morgunblaðið - 10.05.1995, Blaðsíða 5
MORGUNBLAÐIÐ
MIÐVIKUDAGUR 10. MAÍ 1995 C 5
HM I HANDKNATTLEIK
Stefán Þór
Sæmundsson
skrifar frá
Akureyri
Nýliði
Svía fór
á kostum
Leikur Svíþjóðar og Brasilíu var
um margt athyglisverður, sér-
staklega fyrir þær sakir að Svíar
voru í mestu vand-
ræðum með einbeit-
inguna og náðu
aldrei að hrista
Brassana almenni-
lega af sér. Lokatölur urðu 29:21,
sem þykir lélegt þegar styrkleika-
munurinn er hafður í huga.
Brasilíumenn komust í 6:3 og
voru yfir 6:5 eftir fímmtán mínútna
leik. Þá komu fjögur mörk í röð frá
Johan Pettersson, stjörnu Svía í
leiknum. Þessi örvhenti hornamað-
ur skoraði 11 mörk og hélt Svíum
á floti, ásamt markverðinum Tomas
Svensson sem varði 24 skot. Staðan
í leikhléi var 15:9 og jókst munur-
inn sáralítið í seinni hálfleik.
„Það má segja að við höfum ver-
ið að spara kraftana en ég er ekki
ánægður með hugarfarið hjá mín-
um mönnum í dag. Ég er aðeins
ánægður með Johan Pettersson og
Tomas Svensson," sagði Bengt Jo-
hansson, þjálfari sænska landsliðs-
ins. /"
Þess verður að geta að Svíar
gáfu fjórum af bestu mönnum liðs-
ins frí í leiknum, þeim Mats Olsson,
markverði, útileikmönnunum Staff-
an Olsson og Magnus Andersson
og hægri hornamanninum Phierre
Thorsson.
Brasilíumenn voru mun betri en
í leiknum gegn Egyptum en þeir
eiga þó langt í land í þessari íþrótt
og neðsta sætið í riðlinum verður
eflaust hlutskipti þeirra.
Alltvarð
vitlaust
Rauða spjaldið fór ljórum sinnum
á loft í leik Kúveit og Egypta-
lands á Akureyri í gær. Öll spjöldin
féllu Kúveitum í
skaut og varð allt
vitlaust á tímabili og
stöðva þurfti leikinn
í nokkrar mínútur
til að greiða úr flækjum. Hinn virti
þjálfari Kúveita, Anatoli Evtútsj-
enkó, var ómyrkur í máli á frétta-
mannafundi eftir leikinn.
„Ég er viss um að við hefðum
unnið með eðlilegri dómgæslu. Ég
hef verið í alþjóðlegum handknatt-
leik í 35 ár og aldrei upplifað að
svo ungir og óreyndir dómarar hafi
verið settir á jafn mikilvægan leik.
Dómgæslan var til skammar og ég
hef aldrei á ævinni kynnst lélegri
dómurum," sagði þjálfarinn sem var
rekinn upp í stúku með rautt spjald
eftir deilur og jafnvel handalögmál
við eftirlitsmann á viðkvæmu
augnabliki í leiknum.
Itölsku dómararnir voru sannar-
lega í aðalhlutverki. Þeir vísuðu
leikmönnum 14 sinnum af velli í 2
mínútur og gáfu 4 Kúveitum rautt,
þjálfaranum, útileikmanni fyrir ljótt
brot, markverðinum fyrir að sparka
í boltann i bræði og loks leikmanni
sem fékk þriðju brottvísUn sína.
Lætin byijuðu þegar 5 mínútur
voru liðnar af seinni hálfleik og
staðan var 14:11 Egyptum í vil.
Dómararnir voru nýbúnir að reka
einn leikmann Kúveita út af og síð-
an fékk annar rautt spjald en samt
voru 5 útileikmenn á vellinum. Leik-
urinn var stöðvaður og eftir mikil
læti fóru ótal spjöld á loft og þegar
flautað var til leiks á ný voru að-
eins 2 útileikmenn eftir og búið að
reka flesta af bekknum upp í stúku.
Sjálfur leikurinn er ekki marktækur
en Egyptar unnu 28:21. eftir að
hafa verið með eins marks forystu
í leikhléi, 11:10 og þá var útlit fyr-
ir jafnan og spennandi leik, en hann
leystist algjörlega upp.
Stefán Þór
Sæmundsson
skrifar frá
Akureyri
Morgunblaðið/Bjöm Gtslason
Urdiales góður
ALBERTO Urdiales Marques, hægri hornamaður Spánverja,
lék geysilega vei gegn Hvít-Rússum á Akureyri í gær. Var
mjög ógnandl, og skorar hér eltt átta marka sinna.
Óstyrkur fyrst
JOHAN Pettersson, örvhenti homamaðurinn hjá Sviþjóð, sýndi listir sín-
ar á móti Brasilíu. Hann skoraði 11 mörk, 4 úr hraðaupphlaupum og 7
úr hægra horninu. Pettersson er bara stráklingur í hópi gömlu refanna,
fæddur 1973 og yngstur í sænskaJandsliðinu. Þessi knái nýliði var að
leika sinn fyrsta leik í heimsmeistarakeppni og Bengt Johansson, þjálf-
ari var mjög ánægður með strákinn og hrósaði honum eftir leikinn. Sjálf-
ur var Pettersson hógvær. „Ég var mjög óstyrkur fyrst, en það lagaðist
þegar leið á leikinn og mér fór að ganga vel,“ sagði hann.
Bestir
undir
pressu
ÞJÁLFARI ungverska liðsins,
Sándor Kaló, var sáttur við sig-
ur gegn Bandaríkjamönnum í
gærdag og var bjartsýnn fyrir
leikinn gegn íslendingum. „Við
erum bestir undir pressu,"
sagði hann eftir sigurleikinn
gegn Bandaríkjunum, 14:26.
■ HANDBOLTADOMARAR á
HM æfa líka á milli leikja og í gær-
morgun skelltu þeir sér í fótbolta.
Litlum sögum fer að getu þeirra í
íþróttinni að sögn þeirra sem sáu til
og voru þeir sagðir mun betri í dóm-
gæslunni.
■ FLUGFREYJUR gera sitt til að
auglýsa því þær bera barmmerki frá
Heimsmeistarakeppninni, sem HM
nefndin gaf þeim er verkfallið leyst-
ist á dögunum.
■ KÓREUBÚAR æfðu að krafti í
gærdag og fór öll æfingin í að æfa
hraðaupphlaupskerfi.
■ TÉKKAR voru seinir fyrir þegar
þeir komu til landsins og léku klukk-
an 17.00 næsta dag. Þeir töfðust í
flugstöðinni í Keflavík því eina tösku
vantaði og þeir héldu að búningarn-
ir væru í henni. Þegar í ljós kom
að svo var ekki, þurfti að drífa bún-
ingana til saumakonu sem setur
auglýsingarnar á og gerði hún það
um nóttina.
■ KYNNISFERÐIR hafa verið
með ferðir alla daga fyrir erlenda
ferðamenn. Keppnisliðin hafa ekkert
farið en blaðamenn hafa skellt sér
í nokkrar ferðir. Að sögn Hafsteins
Jónssonar hjá Kynnisferðum eru
það helst Bláa lónið og bæjarferðir
sem heilla en þar vekja fjöldi úti-
sundlauga mesta athygli.
■ JUAN Antonio Samaranch, for-
seti alþjóða ólympíunefndarinnar,
var heiðursgestur á leik Bandaríkj-
anna og Ungverjalands í gær, sem
hófst klukkan 15.00 og fór síðan
útá fiugvöll.
■ PÉTER Kovács, leikmaður
Ungverjalands og aldursforseti
leikmanna á HM, spilaði vömina
gegn Bandaríkjunum í gær. Péter
hefur sjaldan gefið eftir en nokkrir
áhorfendur sögðu að hann hlyti að
vera að eldast því hann fékk aðeins
tiltal og gult spjaid í leiknum.
■ KLUKKAN í íþróttahúsinu í
Kaplakrika stöðvaðist í gærkvöldi
þegar rúmar tíu mínútur voru til
leiksloka í Marokkó og Króatíu.
Varð af þeim sökum tæplega fimm
mínútna hlé á leiknum. Dómarar
leiksins, Mureno og Garcia voru
með á hreinu hversu mikið væri eft-
ir svo þegar klukkan vildi fara í
gang var eins og ekkert hefði í skor-
ist.
■ ÞEGAR nokkuð var liðið á fyrri
hálfleik í leik Marokkó og Króatíu
var hann stöðvaður fyrirvaralaust
og án sýnilegarar skýringar í fyrstu.
Fljótlega kom í ljós að beiðni hafði
komið frá liðunum að fjarlægð yrði
dómaraflauta frá einum ungum
áhorfenda sem truflaði leikinn með
flautum í tíma og ótíma.
■ EINN öryggisvörður á leiknum
gekk hiklaust til verks og tók flaut-
una í sína vörslu.
Átta Alsíringar með
erlendum liðum
Alsír hefur komið mest á óvart
allra liða það sem af er heims-
meistarakeppninni með því að vinna
Dani í Kópavogi í fyrra kvöld 25:24.
Þetta er í fimmta sinn sem Alsír tek-
ur þátt í úrslitum HM og hafði liðið
aldrei unnið áður.
Átta landsliðsmenn Alsír leika
utan heimaiandsins. Tveir þeirra,
Buahik Mahmoud (nr. 10) og Aua-
hria Edolane (nr.3) leika í Frakk-
landi og sex leika í Túnis. Mikill
áhugi er fyrir handbolta í Alsír og
sagði þjálfarinn Mohamed Machou
að handbolti væri næst vinsælasta
íþróttagreinin þar í landi á eftir
knattspyrnu. Leikur Alsír og Dana
var sýndur í beinni útsendingu í Áls-
ír og er það í fyrsta sinn sem bein
útsending er þangað frá heimsmeist-
aramóti í handknattleik. Þjálfari Als-
ír sagði að það mætti búast við því
að nú væri þjóðhátíð í landinu eftir
sigurinn á Dönum.
Krístján spáir
íslandi efsta
sæti í A-riðli
„ÉG var mjög ánægður með leikinn
gegn Túnis. íslenska liðið lék
skemmtilegan og hraðan hand-
bolta,“ sagði Kristján Árason, fyrr-
um landsliðsmaður úr Hafnarfirði.
„Fyrri hálfleikurinn var frábær. Það
voru tvö atriði í seinni hálfleik sem
ollu því að liðið náði ekki að halda
sama takti og í fyrri hálfleik. Geir
var kominn með tvær brottvísanir
og við það varð vörnin ekki eins
stefk og í öðru lagi komu upp
vandamál í sókninni þegar Ólafur
Stefánsson var tekinn úr umferð,“
sagði Kristján.
„Ég hef trú á því að íslenska lið-
ið verði í efsta sæti í A-riðli. Þó svo
að íslenska liðið sé búið að spila
tiltölulega léttustu leikina þá er það
vaxandi og á miklu meira inni.
Stákarnir eru greinilega tilbúnir í
þessa keppni," sagði Kristján.