Morgunblaðið - 10.05.1995, Blaðsíða 9

MORGUNBLAÐIÐ
ÍÞRÓTTIR
MIÐVIKUDAGUR 10. MAÍ 1995 C 9
faém
FÖLK
■ ÞÓRÐUR Guðjónsson, sem
meiddist í æfingabúðum með Boc-
hum í Portúgal í janúar, lék sinn
fyrsta leik með liðinu í ár á laugar-
daginn — hann kom inná sem vara-
maður í leik gegn Frankfurt á
61. mín.
■ HOLLENSKI landsliðsmaður-
inn Wim Jong, sem hefur leikið
með Inter Mílanó á Ítalíu, er
genginn til liðs við Eindhoven,
sem borgaði 207 millj. ísl. kr. fyrir
hann.
■ ANTONIO Lopez, landsliðs-
þjálfari Bolivíu, hefur verið rekinn
eftir að hafa verið aðeins sex vikur
í starfi og stjómað landsliðinu að-
eins í einum leik — 0:0 gegn
Venezuela.
■ JESUS Gil, eigandi Atletico
Madrid, hefur verið dæmdur í
bann frá heimaleikjum liðsins
næstu átta vikurnar. Gil sagði
daginn eftir tapleik, 2:4, gegn
Real Madrid, að mafía væri að
störfum innan dómarastéttarinnar
— og sendi dómurum heldur betur
tóninn í blaðaviðtali.
■ JÚRGEN Klinsmann, fyrirliði
þýska landsliðsins, sem leikur með
Tottenham, mun taka ákvörðun
um það eftir síðasta leik Totten-
ham, hvort hann taki tilboði frá
Bayern Miinchen.
■ TERRY Yorath, fyrrum
landsliðsþjálfari Wales, var í gær
ráðinn landsliðsþjálfari Líbanon —
skrifaði undir átján mán. samning.
■ AUSTURRISKI knattspyrnu-
þjálfarinn Rolf Fringer var í gær
ráðinn þjálfari hjá Stuttgart frá
og með næsta keppnistímabili.
Fringer, sem er 38 ára gamall,
þjálfar nú svisseska liðið Aarau
og gerði þá m.a. að meisturum
árið 1993. Hann leysir af hólmi
hjá Stuttgart, Juergen Sunder-
mann, sem tók við þjálfun liðsins
til bráðabirgða á dögunum þegar
Juergen Roeber var rekinn.
■ BARCELONA keypti í gær
Bosníumanninn Meho Kodro frá
Real Socoiedad fyrir upphæð sem
svarar til 365 milljóna króna.
Kondro hefur leikið mjög vel með
Real Sociedad í vetur og gert
helming marka félagsins í deildar-
keppninni á yfirstandandi tímabili,
21, og er um leið annar marka-
hæsti leikmaður deildarkeppninn-
ar. Hann gerði þriggja ára samning
við Barcelona.
KNATTSPYRNA
Hópferð
hjá KSÍ-
klúbbnum
Mikið verður um dýrðir hjá
KSÍ-klúbbnum í ár; þrír
landsleikir á heimavelli auk vináttu-
landsleiks, ferð til Svíþjóðar og
ýmislegt annað er í bígerð.
KSÍ-klúbburinn er opinn öllum
sönnum knattspymuáhugamönn-
um, en starfsemin felst í því að
hittast fyrir landsleiki og njóta
léttra veitinga og fara síðan saman
á landsleiki og styðja liðið til sig-
urs. Úrval - Útsýn hefur sett upp
ferð til Stokkhólms til að fylgjast
með landsleik íslands og Svíþjóðar
á Rasundaleikvanginum þann 1.
júní. Félagar í KSI-klúbbnum njóta
forgangs í ferðina til 12. maí. Allar
upplýsingar um ferðina og klúbbinn
veitir íþróttadeild Úrvals-Útsýnar í
síma 5699300.
SAMEINING ISI og Ol
Júlíus Hafstein formaður Ólympíunefndar fslands
Ummæli Samaranch
koma mér ekki á óvart
Ummæli hans koma mér ekki
á óvart því Samaranch segir
réttiléga það sem við höfum haldið
fram allan tímann, að þetta verður
að gera í fullu samráði við ólympíu-
sáttmálann. Það er auðvitað
grundvallar atriði. Þær tillögur
sem nú þegar liggja fyrir stangast
á við ólympíusáttmálann, ^ sagði
Júlíus Hafstein, formaður Ólymp-
íunefndar íslands í samtali við
Morgunblaðið vegna þeirra um-
mæla forseta Ólympíunefndarinn-
ar á fundi með blaðamönnum. Þar
sagði forsetinn það værj mál
íþróttahreyfingarinnar á íslandi
hvort ÍSÍ og Olympíunefndin sam-
einuðust eður ei. Alþjóða ólympíu-
nefndin skipti sér ekki af því svo
fremi sem ólympíusáttmálinn yrði
haldinn.
Úrelt og til trafala
Tillögurnar sem Júlíus vísar til
voru kynntar á síðasta sambands-
þingi ISÍ og gerðu ráð fyrir að
Óí ætti þrjá af tíu fulltrúum í stjórn
hins nýja sambands ÍSÍ og Óí. Að
sögn Eilerts B. Schram, forseta
ÍSI, var gert ráð fyrir í þeim tillög-
um að í öllum þeim málum sem
kæmu til þessarar nýju fram-
kvæmdastjórnar og vörðuðu
ólympíuhreyfinguna og ólympíu-
starf þá hefðu þessir þrír fulltrúar
Óí einir atkvæðisrétt auk forseta.
Að öðru leyti sagðist Ellert vera
ánægður með yfirlýsingu Samar-
anch. Ellert telur að sameina eigi
ÍSÍ og Óí undir eina stjóm. „Þetta
form sem nú er við líði er úrelt
og til trafala fyrir íþróttahreyfing-
una,“ bætti Ellert við.
Sameiginlegur skilnlngur
„Ég átti fund með Samaranch
í dag [í gær] þar sem við ræddum
þessi mál og minn skilningur er
alveg í fullu samræmi við stjóm
alþjóða ólympíunefndarinnar um
vægi atkvæða. Út frá þeim punkti
verðum við að vinna, en fyrst verð-
ur að fara ofan í grunninn og skoða
hreyfinguna í heild sinni,“ sagði
Júlíus Hafstein. „Ég ræddi einnig
við hann um tillögunar sem var
lagðar voru fyrir síðasta íþrótta-
sambandsþing og var vísað til sam-
einingarnefndar ÍSÍ og Óí. Þær
uppfylla ekki skilyrði ólympíusátt-
málans. Það þýðir ekki að við get-
um ekki búið til aðrar tillögur."
Vlnna í sátt og samlyndi
Júlíus sagði ennfremur að áður
en af sameiningu ÍSÍ og Óí gæti
orðið yrði íþróttahreyfingin að
skoða sitt starf frá grunni. Það
þýddi ekki að byrja á því að byggja
rísið og styrkja síðan grunninn.
Aðrar þjóðir hefðu farið þannig í
málin og okkur bæri að læra af
mistökum þeirra. En þetta yrði
fyrst og fremst að vinna í sátt og
samlyndi og í öflugu samstarfi
allra sem að málinu kæmu.
Ég hef sjálfur verið að skoða
þessa hluti frá allt öðru sjónar-
horni en íþróttahreyfingin og hef
beðið ákveðna lögfræðinga að
skoða aðrar leiðir en íþróttasam-
bandið hefur lagt til. Ég vona að
ég geti eftir nokkra mánuði komið
með slíkar tillögur, en ljóst er að
aðrar leiðir eru til en þær sem ÍSÍ
vill,“ sagði Júlíus Hafstein.
Leysum vandamálin
Eggert Magnússon, formaður
KSÍ og nefndar ÍSÍ og Óí sem fer
með sameingarmálið, sagði í sam-
tali við Morgunblaðið að nefndin
væri að störfum og hann vænti
mikils af störfum hennar. Þar
ætti Júlíus sæti. Nauðsynlegt
væri hins vegar að gefa sér tíma
til vinnunnar. „Öll vandamál sem
koma upp leysum við í rólegheit-
um og í sameiningu,“ sagði Egg-
ert, „en ég fagna yfirlýsingu Sam-
aranch og hún er í fullu saræmi
við álit sem ég fékk hjá yfirmanni
lögfræðideildar alþjóða ólympíu-
nefndarinar í fyrra.“
KORFUBOLTI
KNATTSPYRNA
Setur Arsenal met?
EF Arsenal nær að sigra Real
Zaragoza frá Spáni í úrslita-
leik Evrópukeppni bikarhafa á
Parc de Princes-leikvanginum
í París í kvöld kemst félagið á
spjöld knattspyrnusögunnar
því engu liði hefur tekist að
vinna Evrópubikarinn tvö ár í
röð.
Bæði félögin gera sér vonir um
sigur því það yrði þá eini titil-
inn á tímabilinu því ekki hefur
gengið vel hjá þeim í deildarkeppn-
inni heimafyrir. Arsenal sigraði
Parma 1:0 í úrslitaleik keppninnar
í Kaupmannahöfn í fyrra og verða
að teljast til alls líklegir að þessu
sinni. Ian Wright, sem hefur skor-
að í öllum Evrópuleikjum Arsenal
en missti af úrslitaleiknum í fyrra,
verður með í kvöld og eins Paul
Merson, sem er óðum að komast
í góða æfingu eftir að hafa átt við
drykkju- og eiturlyfjavandamál að
stríða.
Real Zaragoza er að leika til
úrslita í Evrópukeppninni í fyrsta
sinn í næstum þrjátíu ár. Liðið er
í þriðja sæti í spænsku deildar-
keppninni og leikmenn þess hafa
áhuga á að sýna stuðningsmönnum
sínum að þeir geta unnið eins og
þeir gerðu í úrslitum UEFA-keppn-
innar árið 1964.1 liðinu eru sterk-
ir leikmenn frá Suður-Ameríku;
eins og miðjumaðurinn Gustavo
Poyet frá Uruguay og varnarmað-
urinn Fernando Caceres frá Arg-
entínu.
Miðvallarleikmaður Zaragoza,
Nayim, sem lék fimm ár með Tott-
enham, sagði að Arsenal hefði
vissulega getu og styrk til að sigra.
„Ég þekki það af eigin raun er ég
lék í Englandi. Enska liðið verður
erfitt við að eiga og ég held að
það hafi mikið sjálfstraust núna
eftir að hafa slegið Sampdoria út
í undanúrslitum. En við erum
ánægðir að vera taldir með lakara
lið eins og Arsenal var í úrslita-
leiknum gegn Parma í fyrra,“ sagði
Nayim.
Stewart Houston, framkvæmda-
stjóri Arsenal, sem var aðstoðar
maður George Graham er liðið var
Evrópumeistari í fyrra, segir að
þó svo að menn telji Arsenal sigur-
stranglegra segi það ekki neitt
þegar inn á leikvöllinn er komið.
„Það fyrsta sem maður lærir í
knattspyrnufræðunum er að van-
meta aldrei andstæðinginn og það
er engin hætta á að við gerum það
í þessum leik,“ sagði Houston.
Líkleg byijunarlið í dag:
Arsenal - David Seaman; Lee Dixon, Toný
Adams, Andy Linighan, Nigel Winterburn;
Ray Parlour, Martin Keown, Stefan
IÁN Wright hefur skorað ií
öllum Evrópuleikjum meö
Arsenal tll þessa.
Schwarz, Paul Merson; Ian Wright og John
Hartson.
Real Zaragoza - Juanmi; Alberto Belsue,
Javier Aguado, Femando Caceres, Jesus
ScHana; Gustavo Poyet, Santiago Aragon,
Nayim; Miguel Pardeza, Juan Esnaider og
Francis Femandez Higuera.
Rodman
íaðal-
hlutverki
hjáSan
Antonio
Spurs
San Antonio Spurs vann annan
sigur sinn á Los Angeles La-
kers í undanúrslitum Vesturdeildar
í NBA-deildinni í körfuknattleik í
fyrra kvöld. Leikurinn var æsi-
spennandi en San Antonio-liðið var
sterkara í framlengingunni og sigr-
aði 97:90 og hefur nú yfir 2:0, en
það lið sem fyrr sigrar í fjórum leikj-
um kemst áfram í 3. umferð keppn-
innar. Næstu tveir leikir fara fram
í Los Angeles.
Varnarmaðurinn sterki Dennis
Rodman var hetja San Antonio og
gerði 22 stig sem er met hjá honum
í vetur og tók einnig jafn mörg frá-
köst. Hann bætti einnig upp mistök
félaga síns, Davids Robinsons, sem
fann sig ekki — hitti aðeins úr sex
af 26 skotum utan af velli, en setti
niður öll tíu vítaskotin og þau mikil-
vægustu í framlengingunni þegar
Rodman var kominn með útilokun.
Robinson^erði samtals 22 stig.
Lakers náði ekki að skora eitt
einasta stig utan af velli í framleng-
ingunni, aðeins úr vítum. Elden
Campbell var stigahæstur gestanna
með 25 stig og tók 18 fráköst áður
en liann fékk útilokun rúmlega
rnínútu fyrir lok framlengingarinn-
ar.
Lakers átti möguleika á að gera
út um leikinn í venjulegum leik-
tíma, en Vlade Divac hitti ekki úr
tveimur vítaskotum er 4,6 sekúndur
voru eftir og staðan 83:83.
Stoichkov til PSG?
JOHAN Cruyff, þjálfari Barcelona, er á höttun-
um eftir nýjum leikmönnum. Sá orðrómur er
nú uppi að hann hafi hug á að láta Búlgarann
Hristo Stoichkov fara frá félaginu, en Stoic-
hkov lenti í útistöðum við Cruyff í vetur, með
þeim afleiðingum að hann var settur í fjórtán
daga æfinga- og keppnisbann. Cruyff er tilbú-
inn að láta miðherjann fara til París St. Germa-
in og fá í staðin tvo snjalla sóknarleikmenn —
franska landsliðsmanninn David Ginola og Lí-
beriumanninn George Weah.