Morgunblaðið - 11.05.1995, Blaðsíða 7

MORGUNBLAÐIÐ
FIMMTUDAGUR 11. MAÍ 1995 C 7
HM í HANDKNATTLEIK
/rir Rússland
Enginn má spila með
erlendu félagsliði
Landslið Egyptalands í handknattleik er mjög
sterkt og það er efst á markatölu í D-riðli HM á
Akureyri að tveimur umferðum loknum. Steinþór
Guðbjartsson komst að því að miklar væntingar
eru gerðar til liðsins og er jafnvel talað um
gullverðlaun í því sambandi.
Eftir Ólympíuleikana í Seoul í
Suður-Kóreu 1988 varð ísland
B-þjóð í handknattleik. Þá heyrðust
háværar raddir um að Bogdan ætti
að hætta með landsliðið og var sagt
að Paul Tiedemann frá Austur-
Þýskalandi hefði áhuga á að taka
við liðinu. Svo fór' ekki, Bogdan hélt
áfram og íslendingar sigruðu með
eftirminnilegum hætti í B-keppninni
í Frakklandi en Tiedemann tók við
liði Egyptalands og þjálfaði það í
þijú ár. Framfarirnar urðu miklar
og sagði Ulrich Weiler, núverandi
þjálfari Egyptalands, við Morgun-
blaðið að miklar vonir væru bundnar
við liðið í Heimsmeistarakeppninni á
íslandi.
Gríðarlegur áhugi
Weiler sagði að áhugi á hand-
knattleik í Egyptalandi væri gríðar-
lega mikill. „Knattspyrnan er vin-
sælust í keppni félagsliða en hand-
boltinn þegar um landslið er að ræða.
Skipuiagið er eins og í Norður-Evr-
ópu. Það er keppt í þremur deildum
og eru átta lið í 1. deild en Hand-
knattleikssambandið var stofnað
1957. Með komu Tiedemanns varð
sannkölluð bylting í íþróttinni og
siðan hefur verið haldið áfram á
sömu braut.“
Egyptar urðu heimsmeistarar
leikmanna 21 árs og yngri, er HM
í þeim aldursflokki fór fram í
Egyptalandi fyrir tæplega tveimur
árum og voru tugir þúsunda á leikj-
unum - reyndar komust færri að en
vildu á úrslitaleikinn en pláss var
fyrir 20 til 30 þúsund manns.
Fjórir leikmenn landsliðsins á
Akureyri, Mahmoud Husein Mahmo-
ud, Gohar Nabil Gohar, Ashraf
Awad Abdo og Wael Abd Elaty
Sayd, voru í meistaraliði (U-21)
Egyptalands 1993 og þeir Marwan
Moustafa Ragab og Mohamed Ma-
hmoud Nakieb eru A-landsliðsmenn
en jafnframt í unglingaliðinu sem
tekur þátt í HM í haust. „Þetta er
ungt og efnilegt lið sem á framtíðina
fyrir sér,“ sagði Weiler.
Tók við 15. mars
Vafasöm
kynning
PER Carlén, líuumaður Svía,
sagði í viðtali við TV-4 sjón-
vai-psstöðina í Svíþjóð eftir
leik Svía og BrasiUu i fyrra-
kvöld, að ekki væri mjög
skemmtilegt að spila fyrir 20
áhorfendur í lokakeppni
lieimsmeistaramóts. „Þetta
er mjög vafasöm kyiming
fyrir Iþróttina. Hins vegar
má benda á að þetta kynni
að vera fylgifiskur þess að
liðin í keppninni væru orðin
24,“ sagði Carlén.
Vert er að geta þess að
áhorfendur á umræddum
leik á Akureyri voru ekki 20,
heldur hátt í 200 — sem get-
ur reyndar ekki talist mikið.
Besti hand-
boltamaður
heimsins?
TALANT Dujshebaev fyrir utan
hótel Kjarnalund í góða veðrinu
á Akureyri í gærdag. Hann er
eini leikmaður handboltamaður
sögunnar, sem leikið hefur með
fjórum landsliðum — og það hefur
hann náð að gera á aðeins fimm
árum. Fyrst með liði Sovétríkj-
anna, þá liði Samveldis sjálf-
stæðra ríkja,
síðan Rússlands
og skömmu fyr-
ir HM gerðist
hann spænskur
ríkisborgari og
leikur því með
Spánveijum á
HM. Á myndinni
hér til hliðar
sést hann skjóta
að marki Kú-
veita í fyrsta
leik mótsins á
mánudaginn.
Weiler hefur þjálfað karla- og
kvennalið í Þýskalandi síðan 1972
og verið með lið í fremstu röð síðan
1981. Hann sagðist vera eini þjálf-
arinn sem hefði þjálfað lið í 1. deild
karla og kvenna en hann var með
þýska kvennalandsliðið í tvö og hálft
ár og þjálfaði m.a. Héðin Gilsson
hjá Dusseldorf.
Weiler tók við landsliði Egypta-
lands 15. mars sl. og sagðist hafa
verið allt of stuttan tíma með liðið
fyrir HM.
„Ég sá liðið gegn Þýskalandi í
æfingalandsleik í Þýskalandi 4. jan-
úar og þá leist mér vel á strákana.
Eg stóð í þeirri
trú að þeir héldu
áfram á sömu
braut en þegar ég
mætti á staðinn
15. mars sá ég
að ekkert hafði
verið gert í þijá
mánuði. Strák-
arnir voru bara
hjá sínum fé-
lagsliðum og því
varð að bretta
upp ermarnar.
Við vorum saman
AKUREYRI
í 40 daga, æfingarnar voru 52 og
við lékum sjö æfingalandsleiki. Æf-
■.ígarnar fóru fram á 32 dögum,
tveir dagar fóru í ferðalög vegna
landsleikja og svo var frí einn dag
í viku eða alls i sex daga. Þetta er
allt of lítill undirbúningur fyrir HM
en við sjáum hvað setur."
Stefnan á Atlanta
Egyptaland hefur leikið vel í
fyrstu tveimur leikjunum en á erfið-
ari mótheija eftir. Weiler sagðist
vera ánægður með sigrana en liðið
yrði að vera í 16 liða úrslitum og
persónulega setti hann stefnuna á
að komast í átta liða úrslit með
Ólympíuleikana í Atlanta í huga.
„Fyrsti leikurinn í svona keppni
er alltaf sá erfiðasti og ég er ekki
sáttur við frammistöðuna gegn Kú-
veit en þá er alltaf spenna þegar
tvær múslimaþjóðir mætast. En
strákarnir eiga mikið inni og þeir
eiga eftir að sýna hvað þeir geta.
Ég set stefnuna á átta liða úrslitin
en margir í Egyptalandi gera ráð
fyrir að liðið komi heim með gull-
verðlaunin."
Weiier sagði að röð fjögurra efstu
liða í D-riðli skipti engu máli. „I 16
liða úrslitum mætum við liðum úr
C-riðli og ég sé engan mun á Þýska-
landi, Frakklandi, Danmörku eða
Rúmeníu eða jafnvel Alsír. Því er
aðalatriðið að vera í einu af efstu
fjórum sætunum en ef ég mætti
velja mótheija í 16 liða úrslitum vildi
ég helst mæta Danmörku."
Atvinnumenn heima
Sem fyrr sagði er mikið lagt upp
úr góðu gengi handboltans í Egypta-
landi og sagði Weiler að vel væri
gert við leikmennina. Ahmed Mo-
hamed Hamdy er lykilmaður liðsins
en hann lék í tvö ár með Linz í
Austurríki og fór aftur heim í fyrra.
„Handknattleikssambandið hefur
sett stefnuna á Atlanta og starfið
miðast við að komast á Ólympíuleik-
ana,“ sagði Weiler. „Því var ákveðið
að enginn leikmaður má leika með
erlendu liði fyrr en eftir Atlanta og
því spila allir landsliðsmennirnir með
félagsliðum í Egyptalandi."
Sá besti
Morgunblaðið/Rúnar Þór
AHMED Mohamed Hamdy er besti leikmaður Egypta, og sá
sem allt snýst um. Hann er einn heimsmeistaranna á HM
21 árs og yngri fyrir tvelmur árum.
Morgunblaðið/Rúnar Þór
Stuttur undirbúningur
ÞJÓDVERJINN Ulrich Weiler tók við þjálfun egypska lands-
liðsins 15. mars síðastliðinn og segir undirbúningstímann
allt of lítinn. Kröfur til liðsins séu hins vegar miklar og „við
sjáum hvað setur,“ segir hann um keppnina hér á landi.