Morgunblaðið - 11.05.1995, Blaðsíða 12

Mmt
HM I HANDKNATTLEIK
*
Ahorfendurá leiki heimsmeistarakeppninnarfærri en við var búist
Ekki famir að örvænta
Áhorfendur
fjölmenntu í
gærkvöldi
ÁHORFENDUR hafa verið
fáir á ieikjum heimsmeist-
arakeppninnar síðustu daga
og á leik íslands og Túnis í
fyrrakvöld voru aðeins um
500 manns í Laugardalshöll.
„Strákarnir okkar“ lýstu
óánægju sinni með þetta
eftir þann leik, og fólk svar-
aði kallinu. Um 3.500 manns
fylgdust með leiknum gegn
Ungverjum í gær og
stemmningin var mjög góð,
eins og sjá má á myndinni.
AÐSÓKN á fyrstu leiki heims-
meistarakeppninnar hefur ekki
verið góð. í gær fundaði HM-
nefndin um málið og ákvað að
gera átak í miðasölunni á Akur-
eyri, í Kópavogi og Hafnarfirði.
Eins var ákveðið að hafa miða-
verð óbreytt í Laugardalshöll.
Stefán Jóhannsson, sem hefur
umsjón með miðasölunni á
HM, segist ekki hafa miklar
áhyggjur af sölunni. „Við erum
ekki farnir að örvænta enn,“
sagði hann í samtali við Morg-
unblaðið ígær.
Margir hafa gagnrýnt hátt verð
á aðgöngumiðum á leiki
keppninnar. Stúkusæti í Laugar-
dalshöll kostar 3.300 krónur og
1.990 krónur í stæði. Ekki er hægt
að fá afslátt fyrir börn. Á leiki í
16-liða og 8-liða úrslitum hækkar
verðið á stúkumiða í 3.900 krónur
og 2.200 í stæði. Miðinn á leikina
_ í undanúrslitum er seldur á 5.500
^krónur í stúku og 3.500 krónur í
stæði og á sjálfan úrslitaleikinn
kostar stúkumiðinn 7.900 krónur
og 3.900 krónur í stæði.
Stefán viðurkenndi að áhorfend-
ur væru færri en reiknað hefði ver-
ið með. „Það er alveg ófært að
vera með tóm hús í Hafnarfirði og
Kópavogi og hálftómt hús á Akur-
eyri og þess vegna reynum við að
bregðast við því. Við erum þegar
farin í gang með tilboð á leikina í
b-, c- og d-riðli. í Kópavogi og
Hafnarfirði er grunnskólanemum
boðið upp á bíó-verð eða fimm
hundruð krónur á leikdag. Á Akur-
eyri er boðið upp á að kaupa tvo
niiða fyrir verð eins og gildir það
fyrir 20-manna hópa eða fleiri. Ef
fólk smalar saman fólki til að hóp-
ast á völlinn leyfum við því fólki
að njóta þess með því að gefa hópaf-
slátt. Salan hefur gengið mjög vel
á leiki íslands á föstudag og laugar-
dag og eins höfum við selt töluvert
á úrslitaleikinn," sagði Stefán.
Hann sagði að í Laugardalshöll
væri veittur 5% afláttur fyrir 10-
manna hópa og 10% fyrir 20-
manna hópa. Þetta tilboð er hægt
að fá á alla leiki í Laugardalshöll
nema úrslitaleikinn. Stefán sagði
að nú væri búið að selja aðgöngu-
miða fyrir rúmar 30 milljónir króna
og væri það ekki fjarri þeim áætl-
unum sem gerðar voru fyrir keppn-
ina.
Getum ekki lækkað
miðaverðið í Laugardalshöll
Hákon Gunnarsson, fram-
kvæmdastjóri HM, segir að það
komi ekki til greina að lækka miða-
verðið á leiki íslands í Laugardals-
höll. „Við getum ekki lækkað verð-
ið gagnvart þeim sem þegar hafa
keypt miða á fullu verði. Það geng-
ur ekki. Eftir því sem ég best veit
er rífandi sala á leiki íslands gegn
Suður-Kóreu á föstudag og eins
gegn Sviss á laugardag. það er því
engin ástæða til að lækka miðaverð-
ið núna,“ sagði Hákon.
Hann sagði að auðvitað væri
ekki nægilega góð aðsókn í hinum
íþróttahúsunum; á Akureyri, í
Hafnarfirði og Kópavogi og þar
væri.ákveðið átak í gangi um sértil-
boð. „Við áttum von á fleiri áhorf-
endum frá Danmörku, Frakklandi
og Þýskalandi en þeir komu ekki,“
sagði framkvæmdastjórinn.
Morgunblaðið/Gunnlaugur Rögnvaldsson
ÁHORFENDUR hafa heldur betur látið sig vanta á leiki heims-
meistarakeppninnar — flestir leikir hafa farið fram í svo til
tómum húsum. Þetta hefur vakið athygli erlendra gesta, en
kemur heimamönnum ekki á óvart. Það var alltaf vitað að
áhugi íslendinga væri nær eingöngu fyrir íslenska landsliðinu
og sá áhugi myndi aukast eða þá dofna, eftir því hvernig
gengi liðsins yrði í HM. Einnig spilar það mikið inní að miða-
verð á leiki er svimandi hátt, þannig að handknattleiksunnend-
ur velja og hafna — mæti á leiki sem þeir telja að verði spenn-
andi.
AF
INNLENDUM
VETTVANGI
Til að horfa á leik íslenska liðs-
ins í sætum í Laugardalshöll-
inni, þárf einstaklingur að greiða
3.300, en miðaverð
í stæði er 1.990.
Ef ein staklingur
. hefði hug á að sjá
alla leiki íslend-
“WV inga í riðlakeppn-
inni, yrði kostnað-
urinn kr. 16.500,
sem er sama verð
og á alla leikdaga
á Akureyri og
Hafnarfirði, en minnstur kostnað-
ur er að vera viðstaddur leikdag
í Hafnarfirði — kr. 1.000.
Hér er aðeins hálf sagan sögð,
því að fyrirfram var vitað að stór
Sigmundur Ó.
Steinarsson
skrifar
hluti leikja í riðlakeppninni yrði
lítt spennandi fyrir áhorfendur,
þar sem getumunur á liðum er
mikill^ og mörg liðin eru óþekkt
fyrir Islendinga. Einnig verður að
hafa það hugfast, að búið er að
breyta fyrirkomulagi HM, þannig
að riðlakeppnin er ekki eins spenn-
andi og áður — leikjum hefur ver-
ið íjölgað um 34, úr 54 í 88 við
það að 24 lið leika nú, en sextán
áður. Fjögur lið af sex komast
áfram úr hveijum riðli. Spennan
hefst ekki fyrr en í 16-liða úrslit-
um, þegar barist verður upp á líf
og dauða. Það verður þá sem
áhorfendur fara að koma, enda
er það spenna sem þeir sækjast
eftir. Þegar að er gáð, er það ljóst
að þeir sem ákváðu verðið á mið-
um á leikstöðum, hafa ekki gert
það í takt við efnahag lands-
manna. Heldur ekki hugsað út í
það að 69 leikir af 88 leikjum
fara fram á Stór-Reykjavíkur-
svæðinu. „Hér fara of margir leik-
ir á litlu markaðssvæði," sagði
Kristján Arason, sem sagði að
fáir áhorfendur á leikjum væri
svartur blettur á heimsmeistara-
keppninni á íslandi.
Það var ljóst löngu fyrir HM
að ekki yrði mikið um áhorfendur
í Hafnarfirði og einnig í Kópa-
vogi, eins og hefur komið á dag-
inn. Þrátt fyrir að miðar hafi ver-
ið boðnir á niðursettu verði síðustu
daga — miðar sem kosta 3.300
kr. hafi verið seldir unglingum á
500 kr. — hefur það ekki dugað.
Heldur hefur það ekki dugað að
bjóða 300 unglingum á leik í Hafn-
arfirði — aðeins um hundrað
mættu og voru það þeir, starfs-
menn og sjálfboðaliðar sem sáu
leik Þýskalands og Rúmeníu.
Áhorfendur hafa látið sig vanta
og það er eðlilegt miðað við verð
á miðum. Það er ljóst að of hátt
miðaverð á leiki, er stóri þröskuld-
urinn. Það vita allir og þess vegna
geta landsliðsmenn Islands ekki
lýst vonbrigðum með að áhorfend-
ur láti sig vanta á leiki þeirra.
Handknattleiksunnendur hafa
hingað til ekki látið sitt eftir liggja,
til að styðja við bakið á landsliðinu
þegar mikið liggur við — en er
hægt að ætlast til að einstaklingur
borgi 16.500 kr. fyrir að sjá fimm
leiki á sjö dögum, eða hjónin
33.000 kr.? Og hvað þá með börn-
in? Nei, það er ekki við handknatt-
leiksunnendur að sakast, heldur
handknattleiksforustuna.
VIKINGALOTTO: 21 22 31 36 44 48 + 8 34 42