Morgunblaðið - 13.05.1995, Blaðsíða 2

2 LAUGARDAGUR 13. MAÍ 1995
MORGUNBLAÐIÐ

FRÉTTIR
Morgunblaðið/Gunnlaugur Rögnvaldsson
LANDSLIÐSMENNIRNIR Júlíus, Sigurður og
Gústaf syngja þjóðsönginn í æfingabúningum
frá Adidas. A innfelldu myndinni er auglýsing-
in frá Henson fyrir framleiðsluna sem Adidas
mun krefjast lögbanns á. Gallarnir sem deilt er
um eru eins og drengurinn sem snýr baki í
myndina og maðurinn fyrir miðri mynd klæðast.
Adidas vill lögbann á
framleiðslu Henson
FYRIRTÆKIÐ Sportmenn, umboðsaðili Adidas á íslandi, mun í
dag krefjast þess að sýslumaðurinn í Reykjavík leggi lögbann við
framleiðslu og dreifíngu Henson á HM-íþróttagöllum þar sem fram-
leiðsla Henson sé nær óbreytt eftirlíking á æfíngabúningum þeim
sem Adidas - einn stærsti styrktaraðili íslenska landsliðsins og
HM í handknattleik - hafí framleitt fyrir íslenska handknattleiks-
landsliðið og séu jafnframt til sölu á almennum markaði.
Lést af
brunasárum
65 ÁRA gamall maður lést á Land-
spítalanum í fyrrakvöld af völdum
brunasára sem hann hlaut í elds-
voða á heimili sínu í Seláshverfi
síðdegis í gær.
Lögregla og sjúkralið voru kvödd
að heimili mannsins á sjötta tíman-
um á fimmtudag.
Maðurinn hafði verið einn heima
þegar eldur kom upp í húsgögnum
í íbúðinni.
Maðurinn var með mikil brunasár
og var fluttur á Landspítalann og
þar lést hann af sárum sínum í
fyrrakvöld.
Gunnar Jónsson, hdl., lögmaður
Sportmanna, sagði í samtali við
Morgunblaðið í gær, að Adidas
hefði selt þessa galla á almennum
markaði frá því fyrir jól en á mið-
vikudag hefði Henson farið að aug-
lýsa í Morgunblaðinu æfingabún-
inga, sem væru nákvæm eftirlíking
af framleiðslu Adidas og auglýstir
sem HM-íþróttagallar.
Að vísu væru fjórar rendur á
hliðum æfingabúninganna frá Hen-
son en ekki þær þrjár rendur sem
einkenndu alla framleiðslu Adidas,
og búningamir væru merktir Hen-
son í stað Adidas. Þá væri áletrun-
in Island á baki Henson-búninganna
en ekki á baki Adidas-búninganna.
Að öðru leyti væri um nákvæma
eftirlíkingu að ræða, allt niður í
smæstu atriði.
Gunnar sagði að Sportmenn teldu
að með því að setja hina sérhönn-
uðu framleiðslu Adidas á markað
og gera hana aðgengilega almenn-
ingi hefðu Adidas-búningar öðlast
vernd samkvæmt lögum um hönn-
unarvernd.
Um gríðarlega hagsmuni væri
að ræða fyrir Adidas, sem hefði
hafist handa við hönnun þessara
búninga fyrir heimsmeistarakeppn-
ina fyrir fjórum árum og gæti ekki
horft upp á það að eftirlíking af
þessu tagi kæmi fram í vikunni sem
keppnin hæfist.
Þegar hefði verið skorað á Hall-
dór Einarsson í Henson að draga
galla sína til baka úr verslunum,
en hann hefði ekki orðið við áskor-
uninni. Því væri gripið til þess ráðs
að krefjast lögbanns til að tryggja
að Henson stöðvi framleiðslu og
dreifingu á HM-göllum sínum.
Halldór Einarsson, forstjóri Hen-
son, sagði í samtali við Morgunblað-
ið í gær að hann vildi ekkert um
málið segja á þessu stigi annað en
það að fyrirtæki hans hefði ekki
selt þessa framleiðslu sem HM-
galla, aðeins sem íslands-galla.
Hins vegar hefðu ákveðnar verslan-
ir auglýst búningana sem HM-galla.
Efasemdir um
lögmæti sölimnar
BÆJARRÁÐ Húsavíkur samþykkti í gær að nýta sér forkaupsrétt í hlutafj-
árútboði Fiskiðjusamlagi Húsavíkur hf. og þar með að halda áfram viðskipt-
um við íslenskar sjávarafurðir. Harðar deilur urðu um málið á bæjarráðs-
fundinum. Siguijón Benediktsson, fulltrúi minnihlutans í bæjarráði, efast
um að ákveðin atriði í samningi ÍS og FH standist lög. Bæjarráð sam-
þykkti tillögu minnihlutans um að leitað yrði eftir áliti lögfræðings á því
hvort salan stæðist lög.
Samningur ÍS og FH gerir ráð
fyrir að bærinn nýti sér forkaupsrétt
í hlutafjárútboðinu og kaupi hluta-
bréf fyrir 15 milljónir, en jafnframt
að bærinn selji eignarhaldsfélagi ÍS,
Tryggingu hf. og Olíufélaginu hf.
hlutabréf fyrir 40 milljónir að nafn-
verði á genginu 1,25.
„Við efumst um að það standist
lög að standa svona að málum. Húsa-
víkurbær er opinber aðili og við telj-
um mjög líklegt að hann verði að
bjóða út sölu bréfanna," sagði Sigur-
jón.
Samið um viðskipti með olíu
°g: tryggingar
Siguijón sagði einnig mjög óeðli-
legt að fyrirtækin setji það skilyrði
fyrir hlutafjárkaupum að samningur
verði gerður við þau um viðskipti
með olíu og tryggingar. Hann sagði
að siðferðilega væri rangt að gera
samning um Svona viðskipti. Hann
væri sömuleiðis á lögfræðilega gráu
svæði. „Mér finnst óeðlilegt að hlut-
hafar setji það skilyrði að fyrirtækið
geti ekki leitað sér hagstæðustu
kjara. Þessi viðskipti á að bjóða út
og taka boðið frá þeim sem býður
best,“ sagði Siguijón.
Siguijón og Jón R. Salómonsson,
fulltrúi Alþýðuflokks, lögðu fram frá-
vísunartillögu við tillögur meirihlut-
ans, en hún var felld. Siguijón lagði
þá fram bókun þar sem hann segir
afgreiðslu meirihluta sjóðsstjómar
Framkvæmdalánasjóðs Húsavíkur,
sem fer með hlut bæjarins í FH, ólög-
mæta þar s'em uppjýsingum hafi ver-
ið leynt fyrir sér. I bókuninni segist
hann áskilja sér rétt til að kæra af-
greiðslu meirihluta sjóðsstjómar til
félagsmálaráðuneytisins.
Evrópusöngvakeppnin fer fram í kvöld
„Tilbúinað
ganga á sviðið“
Dublin. Morgunblaðið.
SÖNGVAKEPPNI
evrópskra sjón-
varpsstöðva fer
fram í 40. sinn í
kvöld. „Þetta hefur
verið erfiður en
fræðandi og
skemmtilegur tími
hér í Dublin og við
sem hér erum fyrir
Islands hönd erum
tilbúin að ganga á
sviðið þegar að
okkur kemur,“
sagði Björgvin
Halldórsson söngv-
ari í samtali við
Morgunblaðið.
Enska útgáfa
lagsins Núna sem Björgvin
syngur í keppninni í kvöld er
eitt af tíu mest spiluðu lögunum
á útvarpsstöð í Dyflinni. Björg-
vin er sjöundi i röð flytjenda
sem koma fram í kvöld.
Dyflinni iðar af lífi og er
undirlögð af fólki frá hinum
ýmsu þátttökulönd-
um. Veðbankar eru
á hveiju götuhorni
og flestir veðja á að
fulltrúar Slóveníu
sigri keppnina að
þessu sinni.
Grunur um
atkvæðakaup
Nokkuð hefur
borið á því að fáein
lönd hafi reynt að
kaupa atkvæði af
öðrum þjóðum með
þeim hætti að lofa
ákveðnum stiga-
fjölda gegn því
sama á móti og hef-
ur ýtt undir þá umræðu að
breyta þurfi reglum keppninn-
ar. Grunur leikur á að þetta
hafi viðgengist í nokkur ár, en
nú er svo komið að málið verð-
ur tekið fyrir á fundi fram-
kvæmdanefndar keppninnar
eftir helgi.
Björgvin
Ilalldórsson
Nefnd um sparnað í rekstri Reykjavíkurborgár gerir tillögu um sölu eigna fyrir 300 milljónir króna
Seldar verði íbúðir og
fasteignir stofnana
NEFND um spamað í rekstri
Reykjavíkurborgar hefur unnið út-
tekt á hugsanlegri sölu fasteigna í
eigu borgarinnar en stefnt er að
sölu eigna fyrir um 300 milljónir
króna. Meðal eigna sem selja mætti
eru 12 íbúðir í miðborginni að verð-
mæti samtals um 110 milljónir
króna, fasteign við Laugaveg, hlutur
borgarinnar í Heilsuverndarstöðinni,
hús Gjaldheimtunnar við Tryggva-
götu, fasteignin við Vonarstræti 4,
Kvíabryggja og Saltvík auk þess sem
til greina kemur að selja lönd eða
spildur sem borgin á í öðrum sveitar-
félögum.
íbúðir í miðborginni
í minnisblaði borgarlögmanns til
nefndar um spamað í rekstri borgar-
innar kemur fram að íbúð Reykjavík-
urborgar að Pósthússtræti 13, hafi
verið auglýst til sölu og að borgarráð
hafi samþykkt að ganga að 8,9 millj.
kauptilboði. Jafnframt að fasteignin
við Laugaveg 92 hafi verið auglýst
og að ásett verð sé 7 millj. Við Aðal-
stræti 9 verða 11 íbúðir auglýstar til
sölu og er heildarverð þeirra áætlað
um 104 millj. Bent er á að verð íbúð-
anna þyki hátt og því sé óvíst hvort
þær seljist allar. Hugsanlega mætti
nýta þær sem ekki ganga út til út-
leigu á vegum Félagsmálastofnunar
til eldri borgara og fækka um leið
íbúðum sem stofnunin hefur heimild
til að kaupa á þessu ári.
Óvíst um sölu
Heilsuverndarstöðvarinnar
Fram kemur að rætt hafi verið
við fulltrúa heilbrigðisráðuneytisins
um hugsanleg kaup ríkisins á 60%
hlut borgarsjóðs í Heilsuverndar-
stöðinni að verðmæti 236 millj. Við-
ræðum hafi verið frestað en vitað
er að fjármálaráðuneytið hafi ekki
sömu hugmyndir og heilbrigðisráðu-
neytið. Tekið er fram að fyrirvari
er um söluna. Nefndin hafi skoðað
húsnæðið og að efasemdir séu með-
al nefndarmanna um hvort rétt sé
að selja það.
Sala hlutabréfa í Pípugerðinni
Ákveðið hafi verið að selja hús-
næði borgarinnar við Áland 13, MS-
félagið og verður það rýmt á þessu
ári en félagsmálaráðuneytið hafi sýnt
áhuga á að kaupa það fyrir sambýli.
Söluverð er um 12-13 millj.
Fram kemur að stjóm Pípugerðar-
innar hf. telur ekki ráðlegt að selja
þann 40% hlut í félaginu sem borgar-
ráð hefur samþykkt að verði seldur.
Ákvörðun stjórnarinnar þarfnist
frekari skoðunar og þá hvort ekki
eigi að selja allt hlutafé borgarinnar.
Bent er á að ljúka þurfi viðræðum
Reykjavíkurborgar og Reykjavíkur-
hafnar um makaskipti á lóðum og
lendum. Taka þurfi afstöðu til þess
hvort og þá hversu mikið höfnin eigi
að borga fyrir þau landsvæði sem
höfnin fær í Laugarnesi og Eiðsvík
gegn afsali lóða í Kvosinni. Þá komi
einnig til greina að selja höfninni
rampann sem borgarsjóður hefur
gert upp á Faxaskála en kostnaður
við hann varð 55 millj.
Viðræður við Eimskip
Þá hafa átt sér stað viðræður
milli Eimskipafélagsins annars veg-
ar og Reykjavíkurborgar og ríkisins
hins vegar vegna sölu á húsi Gjald-
heimtunnar við Tryggvagötu og er
vilji til þess að af sölu verði. Ekki
munu vera vandkvæði á að finna
annað húsnæði í eigu opinberra að-
ila undir starfsemi Gjaldheimtunnar.
Fram kemur a.ð til standi viðræður
VP. ríkisins við uppgjör milli
ríkissjóðs og borgarsjóðs um hugs-
anlega sölu borgar á eignum ríkis-
ins. Er til dæmis horft til Vonar-
strætis 4, brunabótamat er 47,9
millj, Kvíabryggju og Slatvíkur.
Loks segir að til greina komi að
selja lönd eða spildur sem borgin á í
öðrum sveitarfélögum í nágrenninu
og að slík sala gæti tengst samningum
við sveitarfélögin á öðrum sviðum.
■ Leiðir til Iækkunar/22