Morgunblaðið - 13.05.1995, Blaðsíða 6

MORGUNBLAÐIÐ
6 C LAUGARDAGUR 13. MAÍ 1995
Opið hús hjá Kór
Laugarneskirkju
KÓR Laugarneskirkju
verður með opið hús
sunnudaginn 14. maí kl. 15 í
kirkjunni og kaffisölu á eftir
í safnaðarheimilinu. Aðgangur
er ókeypis en kaffið verður
selt.
Kór Laugameskirkju er að
fara til Austurríkis 28. maí og
heldur þar þrenna tónleika.
Efnisval kórsins spannar vítt
svið en aðaluppistaðan er ís-
lenskar kórperlur, en einnig
syngur kórinn úr „Magnificat"
ertir Jóhann Sebastian Bach,
madrígala og endar á negra-
sálmum.
Stjórnandi kórsins er Jónas
Þórir og eru félagar yfir 40
talsins.
Handgerðir leirvasar
SÍÐASTI dagur sýningar á
handgerðum leirvösum í
Sneglu listhúsi verður á morgun
sunnudaginn 14. maí og er þá
opið frá kl. 14-17.
Virka daga er Snegla listhús
of)ið frá kl. 12-18 og laugardaga
kl. 10-14.
Að sýningunni standa sex leir-
listakonur sem allar eru þátttak-
endur í rekstri listhússins og þær
eru; Arnfríður Lára Guðnadóttir,
Elín Guðmundsdóttir, Ingunn
Erna Stefánsdóttir, Jóna Thors,
Sigríður Erla og Vilborg Guðjóns-
dóttir
Snegla listhús er staðsett á
horni Grettisgötu og Klapparstígs.
Kertalog a Hvolsvelli
NÚ STANDA yfír sýningar á
Kertalogi, leikriti Jökuls
Jakobssonar hjá Leikfélagi
Rangæinga. Sýnt er í húsnæði
S?iumastofunnar Sunnu á Hvols-
velli.
Leikstjóri er Ingunn Jensdóttir,
en Kertalog var einmitt fyrsta leik-
stjórnarverkefni hennar fyrir 20
árum og nú er Kertalog 30. sýn-
ingin sem hún setur upp.
Með aðalhluverk fara þau Anna
Helgadóttir og Sigurður Bjarni
Sigurðsson. Næstu sýningar verða
í dag, laugardag, kl. 15 og mánu-
dagskvöld kl. 20.30.
SELKÓRINN á Seltjarnarnesi
efnir til vortónleika í Seltjarnar-
neskirkju sunnudaginn 14. maí
kl. 17. A efnisskrá tónleikanna
eru bæði íslensk og erlend lög.
íslenski hluti efnisskrárinnar
er valinn sem kynning á íslensk-
um þjóðlögum og sálmalögum í
útsetningum íslenskra tónlistar-
manna. Auk þess er eru nýrri
kórlög eftir íslenska höfunda.
*
Islensk og
erlend lög
Af erlendum lögum verða fluttir
nokkrir negrasálmar, þrjú ung-
versk þjóðlög og fleira.
Samsetning efnisskrárinnar
tekur mið af ferð kórsins á
Zemplén-tónlistarhátíðina í Ung-
verjalandi í ágúst. Þar verða
þessi lög flutt á fimm tónleikum
í Búdapest og víðar.
Verð aðgöngumiða á tonleik-
ana er 1.000 krónur og verða
þeir seldir við innganginn.
Stjórnandi Selkórsins er Jón
Karl Einarsson.
Taktu lagið, Lóa á
Smíðaverkstæðinu
GÍFURLEG aðsókn hefur verið
að leikritinu Taktu lagið,
Lóa! sem sýnt hefur verið á Smíða-
verkstæðinu undanfarna mánuði.
Sýningar eru nú orðnar yfir íjöru-
tíu talsins og uppselt hefur verið
á hveija einustu sýningu.
Leikendur eru Kristbjörg Kjeld,
Ólafía Hrönn Jónsdóttir, Pálmi
Gestsson, Ragnheiður Steindórs-
dóttir, Hilmar Jónsson, Róbert
Sýningar halda
áfram í haust
Arnfinnsson og Jón Ólafsson.
Leikstjóri er Hávar Siguijónsson.
Bráðlega verður gert hlé á sýn-
ingum og eru aðeins þijár sýning-
ar eftir í vor. Uppselt er á þær
allar. Sýningar verða síðan teknar
aftur upp í haust.
KRISTBJÖRG og Ólafía
í Taktu Iagið, Lóa.
Heimur ævintýr-
anna opnaður
íslenska brúðuleikhúsið verður í sumar opið
gestum og gangandi sem hafa áhuga á að
skoða þær brúður sem Jón E. Guðmundsson
hefur unnið seinustu áratugina. Súsanna
Svavarsdóttir kom við í leikhúsinu og spjall-
aði við listamanninn um safn hans og fram-
tíð leikhússins.
Morgunblaðið/Júlíus
JÓN E. Guðmundsson á vinnustofu sinni
í Islenska brúðuleikhúsinu.
KÓNGAR, klaufar og drottn-
ingar, álfar, dvergar og
tröll, bændadætur, kúa-
smalar, ömmur og nornir, hjóð-
færaleikarar og sagnameistarar,
sjóræningjar, draugar og beina-
grindur, hundar og kettir eru með-
al þeirra karaktera sem um þessar
mundir prýða veggi íslenska
brúðuleikhússins við Flyðru-
granda. Meistari þeirra, Jón E.
Guðmundsson, hefur nú — loksins
— opnað leikhúsið sem safn og
verður það opið í sumar á laugar-
dögum og sunnudögum frá klukk-
an 13-16.
Það lætur ekki mikið yfir sér,
þe|tta einstæða leikhús sem býður
gestum og gangandi inn um lágar
dyr að bílskúr sem snýr að KR-vell-
inum þar sem hraðinn og spennan,
hrópin og köllin gætu hæglega
fullvissað mann um að engan frið
sé að finna á þessum stað. Engu
að síður þrífast þær vel, hlið við
hlið, systurnar íþrótt og leiklist,
önnur stórskorin, hin fíngérð, önn-
ur vettvangur hávaða, hin staður
kyrrðar — þótt báðar höfði þær til
sömu þátta í mannssálinni.
Þegar gengið er inn í þetta
minnsta atvinnuleikhús á íslandi,
með agnarlitlu leiksviði, litlum stól-
um og Iágum sal, blasir við þvílík
ævintýraveröld að hvert barn sem
kemur þar inn hlýtur að minnast
þess um aldur og ævi. Þama eru
þær allar, persónurnar úr ævintýr-
unum sem mamma og pabbi lesa
á kvöldin, ásamt trönunum þar sem
leikmyndirnar verða til, umhverfi
þessara persóna, litaspjald og
strigi á sínum stað og á sviðinu
píanóleikari.
Jón_E. Guðmundsson hefur nú
rekið íslenska brúðuleikhúsið í 42
ár og eru sýningamar orðnar ótelj-
andi. „Ég hef aldrei haldið tölunni
saman,“ segir Jón, „hvorki fjölda
uppsetninga né sýninga. Hins veg-
ar er alveg hægt að telja þær sam-
an, því ég hef alltaf haldið gesta-
bók.“
Og víst er að Jón eyðir tíma sín-
um í annað en tölfræði og saman-
burð í tilverunni, því síðastliðið ár
hefur hann verið að undirbúa sýn-
inguna „Norður kaldan Kjöl“, sem
verður færð upp í leikhúsinu í
haust. „Þetta erk er eftir vin minn
og samkennara til margra ára,
Ragnar Jóhannesson," segir Jón.
„Hann skrifaði þetta leikrit sér-
staklega fyrir íslenska brúðuleik-
húsið og það var sýnt í Norræna
húsinu 1972. En ég hef hannað
nýjar brúður fyrir þessa sýningu
og uppsetningin verður allt öðru-
vísi, þótt enn sem fyrr verði ég
með marionettur.“
í janúar síðastliðnum hélt Jón
upp á áttræðisafmæli sitt og það
er ekki Iaust við að maður verði
undrandi yfir öllum hans framtíð-
aráformum og spyiji hvort hann
hafi ekkert í hyggju að setjast í
helgan stein.
„Nei, síður en svo. Ég er alveg
á móti því að gera fólk að gamal-
mennum um sextugt. Mér finnst
hún alveg kolvitlaus þessi pólitík
að byija að beina fólki í átt að
stofnunum um sextugt og tala um
að nú eigi það að fara að hvíla sig
af því að það hafi gert svo mikið.
Um leið og fólk tengist stofnunum
verður það að aumingjum og á
ekki afturkvæmt. Þjóðfélagið er
byijað að afskrifa það. Ég er þó
ekki að tala um fólk sem er veikt
og á enga möguleika á þeim bata
sem gerir því kleift að sjá um sig
sjálft. Fyrir okkur hin er bara svo
langur og skemmtilegur tími eftir
af lífinu um sextugt." Jón getur
trútt um talað, því ekki hafa af-
köst hans verið neitt lítil seinustu
tuttugu árin. En hvemig sér hann
famtíð þessa gríðarmikla safns
fyrir sér?
„Það má vel vera að þröngt sé
um safnið hér í leikhúsinu mínu,
en ég hef ekki efni að byggja hall-
ir. Hins vegar er þetta eina safn
sinnar tegundar á íslandi og auð-
vitað vona ég að því verði fundinn
staður þar sem betur fer um það.
Ég hef verið svo lengi í þessu,“
bætir hann við, „og sem dæmi um
það get ég sagt þér að elsta mynd-
in sem ég á er frá því ég var 12
ára. Hún heitir Skrifarinn og er
skorin út í mahóní. Meðal verka
Jóns eru brúður, leikmyndir, mál-
verk og skúlptúrar en hann segist
enga hugmynd hafa um það sjálfur
hvað þetta sé mikið. Hann viti það
bara eitt að hann komist ekki að
hefilbekknum lengur. Þó hefur
hann selt brúður, auk málverka
og skúlptúrs, og má finna þær á
söfnum í Þýskalandi og á safni í
Moskvu.
Eftir að hafa skoðað brúðurnar
og verkin, sem verða til sýnis í
leikhúsinu í sumar, kemur ein
praktísk spurning: Hvað ertu lengi
að búa til eina brúðu?
„Það tekur um það bil mánuð
að búa til hveija brúðu,“ svaraði
Jón, „og þá er ég að tala um að
unnið sé í átta tíma á dag.“
Þau eru því æði mörg dagsverk-
in sem gefur að líta á veggjum
leikhússins og aldrei að vita nema
Jón kippi niður einni og einni brúðu
fyrir áhugasama gesti til að sýna
þeim hvernig hún virkar; hvernig
stjorntækin eru hönnuð og til að
láta brúðurnar framkvæma það
sem Jón ætlast til af þeim. Sem
fyrr segir verður safnið opið á
laugardögum og sunnudögum frá
klukkan 13-16 og er aðgangur
ókeypis. Ennfremur er hægt að
panga leiksýningar fyrir hópa og
einstaklinga hjá Jóni gegn vægu
gjaldi.