Morgunblaðið - 14.05.1995, Blaðsíða 15

MORGUNBLAÐIÐ
LISTIR
SUNNUDAGUR 14. MAÍ 1995 15
Ásdís Valdimarsdóttir lágfiðluleikari
Gengin til liðs við
heimskunnan
strengjakvartett
ÁSDÍS Valdimarsdóttir lágfiðlu- S
leikari hefur gengið til liðs við hinn
heimskunna strengjakvartett Chil-
ingirian í London. „Þetta er draum-
ur lágfiðluleikarans og í raun það
besta sem ég get hugsað mér að
gera,“ segir Asdís sem hefur verið
búsett í Frankfurt í Þýskalandi
undanfarin ár og starfað með
Deutsche Kammerphilharmonie.
Mun hún flytja búferlum til London
í haust og taka til óspilltra málanna
við tónleikahald með Chilingirian.
Chilingirian hafði um hríð verið
á höttunum eftir nýjum lágfiðluleik-
ara en sá sem fyrir var sagði skilið
við kvartettinn til að geta sinnt
tónsmíðum. Mörgum var boðið að
spreyta sig með kvartettinum og
var Ásdís í þeim hópi. Strax að leik
loknum var henni boðið starfið. „Ég
hélt að ég yrði að bíða lengi eftir
niðurstöðunni en þeir virtust alveg
vissir í sinni sök. Þetta snýst ekki
um það hver getur spilað best held-
ur hver passar best inn í kvartett-
inn. Það má nefnilega lílq'a
strengjakvartett við eitt hljóðfæri
sem fjórir spila á.“
Fjórir listamenn
frá fjórum löndum
Chilingirian var stofnaður árið
1971. Tónlistarmennirnir koma
Ásdís Valdimarsdóttir
hver úr sinni áttinni og nú skipa
kvartettinn Armeni, Suður-Afríku-
búi og Breti, auk Ásdísar. Hinir
tveir fyrstnefndu hafa tekið þátt í
starfinu frá upphafi.
Ferðalög setja sterkan svip á
starf kvartettsins og hefur hróður
hans borist víða. Á næsta starfsári
mun Chilingirian til að mynda fara
til Norðurlandanna, meginlands
Evrópu, Suður-Afríku og Banda-
ríkjanna.
• ÚT ER komin
bókin Leifur
Breiðfjörð eftir
Aðalstein Ingólfs-
son listfræðing.
Leifur Breiðfjörð
er kunnasti gler-
listamaður okkar
íslendinga og
brautryðjandi í
sinni grein.
Glerlistaverk hans er að finna í
guðshúsum og opinberum bygging-
um um allt land, svo og í Þýska-
landi og Skotlandi.
Bókinni er ætlað að gefa grein-
argott yfirlit yfir glerlist Leifs
Breiðfjörð. Birtar
eru litljósmyndir af
um sjötíu verkum
eftir hann og ritar
Aðalsteinn Ingólfs-
son listfræðingur
ítarlegan t.exta um
glerlist á íslandi og
verk Leifs í því
samhengi.
Útgefandi er
Mál og menning. Bókin Leifur
Breiðfjörð eftir Aðalstein Ingólfs-
son ergefín út á þremur tungumál-
um, íslensku, ensku ogþýsku. Hún
er 68 bls., unnin íprentsmiðjunni
Oddahf. Verð 4.980 kr.
Nýjar bækur
Leifur Aðalsteinn
Breiðbjörð Ingólfsson
Framhjáhald í Flórída
KVIKMYNPIR
Bíóhöllin
Fjör í Flórída
„Miami Rhapsody" ★ ★
Leikstjóm og handrit: David
Frankel. Aðalhlutverk: Sarah Jessica
Parker, Antonio Banderas,
Mía Farrow og Paul Mazursky.
Hollywood Pictures. 1995.
RÓMANTÍSKA gamanmyndiii
Fjör í Flórída segir af skrautlegum
framhjáhaldssögum í lítilli fjöl-
skyldu sem býr í Miami og stendur
tæpast undir þeim öllum. Höfundur
myndarinnar og leikstjóri, David
Frankel (hann er einnig meðfram-
leiðandi), gengur kannski full
greinilega í gamansmiðju Woody
Allens í frásagnarhættinum; margt
samtalið er þó sniðuglega samið og
setningarnar gamansamar án þess
að búa yfir neinni dýpt. En maður
á bágt með að trúa að svo mikið
framhjáhald rúmist í einni fjöl-
skyldu og sögurnar verða einhvem-
veginn allar mjög svipaðar áður en
bundnar eru fallegar slaufur á þær
undir lokin og allt fellur aftur í
skorður að hætti Hollywoodmynd-
anna.
Sarah Jessica'Parker leikur mjög
hressilegan sögumann myndarinnar
sem talar inn í myndavélina í byrjun
og leiðir áhorfandann um framhjá-
höld sinnar undarlega svikulu fjöl-
skyldu. Þau eru rakin í röð endur-
lita svo maður má hafa sig allan
við að fylgjast með í nútíð og for-
tíð. Faðir hennar heldur framhjá
og móðir hennar svarar með því
að sofa reglulega hjá sér helmingi
yngri manni. Eldri bróðirinn heldur
framhjá óléttri konu sinni því hún
vill ekkert kynlíf eins og á stendur
og yngri systirin giftir sig og drífur
þegar i að finna sér elskhuga m.a.
af því nýi maðurinn er svo nískur!
Þetta er auðvitað ofhlaðin frá-
sögn og missir allan trúverðugleika
þegar líða tekur á myndina. Með
kynnum Jessicu Parker af hjónalífi
nútímans frá giftingu (yngsta syst-
irin) til miðaldra lífsins (eldri bróðir-
inn) og loks efri áranna (foreldrarn-
ir) vill Frankel gera fjörlega og
gamansama úttekt á hjónabandinu,
ást, framhjáhaldi, sambúð án gift-
ingar, hræðslu við giftingu og öðru
í þeim dúr. Sumt er skondnara en
annað (geðtrufluð ástkona föðurins
er kölluð Zelda) en mest eltir höf-
undurinn persónurnar um götur og
hús Miami á meðan þær masa lát-
laust hver um aðra. Woody Allen
ræður betur við þetta frásagn-
arform en nokkur annar þegar hann
er ekki að herma eftir Bergman.
Tilraun Frankels er stundum fjörleg
og skemmtileg en að mestu bitlaus.
Arnaldur Indriðason
Vatnslita-
myndir í Eden
NÚ STENDURyfir
sýning á 25 vatns-
litamyndum Harðar
Ingólfssonar í Eden
í Hveragerði og er
þetta fjórða sýning
listamannsins.
Hörður nam
myndlist í Mynd-
lista- og handíða-
skóla íslands á ár-
unum 1946-49, þar sem hann lauk
teiknikennaraprófí. Einnig hefur
hánn farið í framhaldsnám- í Ósló
og sótt ýmis myndlistarnámskeið.
Allar myndirnar á sýningunni eru
málaðar á síðustu tveimur árum.
Sýningunni lýkur 22. maí.
♦ ♦ ♦-----
Þrjár lúðrasveitir
SAMEIGINLEGIR tónleikar þriggja
lúðrasveita, Laugarnesskóla, Árbæj-
ar og Breiðholts og Vesturbæjar
verða haldnir í Ráðhúsinu í dag kl. 16.
Yfir 130 börn koma saman og
halda upp á 40 ára afmæli sveit-
anna. Aðgangur er ókeypis.
Hörður
Ingólfsson
NORRÆNT
TÓNSKÁLDAVERKSTÆÐI
Sinfóníuhljómsveit Stavanger býður norrænum tónskáldum,
fæddum eftir 1. janúar 1960, að koma á tónskáldaverkstæði, sem
verður starfrækt fram til nóvember 1996. Á grundvelli innsendra
skissa/ófullgerðra verka, verða 5 tónskáld valin til að vinna með
hljómsveitinni á meðan verkið er skrifað. Faglegur ráðgjafi,
stjórnandi og tónlistarmenn munu gefa ábendingar og verkið er
hægt að lagfæra og bæta eftir því sem skrifunum vindur fram. Tvö
verkstæði verða í gangi í október '95 og í maí '96. Eitt eða tvö verk
verða flutt á tónleikum í Stavanger haustið 1996.
Frestur til að senda inn fyrstu skissur/ófullgerð verk (tónlist hámark
10 mínútur í flutningi) er 1. ÁGÚST 1995. Nánari upplýsingar gefa
samtök tónskálda í hverju landi um sig, eða hægt er að snúa sér til
Stavanger Symfoniorkester, sími 00 47 51 50 88 30, heimilisfang:
Bjergsted, 4007 Stavanger, Noregi.
- «
STAVANGER SYMFONIORKESTER
FEGRUM MIÐBORG
REYRJAVÍRUR
HREINSUNARDAGAR í MIÐBORG REYKJAVÍKUR 15.-19. MAÍ
Hvetjum húseigendur; verslunareigendur og starfsfólk fyrirtækja og
stofnana til að taka til hendinni og hreinsa sitt næsta umhverfi.
Ókeypis ruslapokar verða afhentir í bækistöð Gatnamálastjóra við
Vegamótastíg (fyrir ofan Laugavegsapótek). Skilja má ruslapoka eftir á
gangstéttum við húsveggi. Ekki má setja byggingarefni né umbúðir í
pokana.
TILBOÐ
Jes Zimsen, Hafnarstræti 21, og Brynja, Laugavegi 29, eru með
sérstakt tilboð á meðan á hreinsunardögum stendur.
Skófla kr. 1.500
Strákústur kr 550
Skófla og kústur kr. 1.950
í framhaldi af hreinsunardögum eru húseigendur hvattir til að mála og
fegra hús sín.
LÁTTU EKKI ÞITT EFTIR LIGGJA
Þróunarfélag Reykjavíkur Borgarstjórinn í Reykjavík