Morgunblaðið - 14.05.1995, Blaðsíða 21

MORGUNBLAÐIÐ
SUNNUDAGUR 14. MAÍ1995 21
Ég vil fá að keppa á heiðarlegum
nótum. Einu sinni var maður að
keppa um að salta í tunnur, og
veiða fisk, svo var það fótboltinn
og nú er þetta keppnin.
taki ekki eftir því þegar starfs-
menn fyrirtækisins uppfylla kröfur
þeirra og standa sig vel. Ég er
áreiðanlega harður í horn að taka,
jafnvel óvæginn, en ég veigra mér
aldrei við því að gera það sem ég
mundi biðja aðra að gera. Það
skapar glaðlegan móral í kringum
mann og hvetur fólk til að gera
betur; verður til þess að starfsfólk-
ið yill takast á við mann.
Ég held að við umbunum okkar
fólki vel. Við viljum að það komist
vel af í sínu lífi. Það sem við viljum
helst sjá er starfsfólk sem hlakkar
til að koma í vinnuna á hveijum
degi og að fara heim á kvöldin."
Markaðir
í desember síðastliðnum fengu
íslenskar sjávarafurðir vottun á
gæðakerfi sínu sem nær yfir sölu,
hönnun og markaðssetningu af-
urða á erlendum mörkuðum ásamt
innkaupum og sölu á umbúðum,
rekstrarvörum og veiðarfærum.
Gæðakerfið á að tryggja aðhald
og gott skipulag en Ijóst er að það
skiptir sköpum þegar sótt er á
erlenda markaði í samkeppni við
stór fyrirtæki annarra fiskveiði-
þjóða. En hveijir eru helstu mark-
aðir fyrirtækisins?
„Það eru hinir hefðbundnu
markaðir íslendinga,“ segir Bene-
dikt, „Vestur-Evrópa í freðfiskin-
um og síðan Bandaríkin og Japan.
Þessir markaðir eru stórmál, því
þeir eru hinir vel borgandi markað-
ir. Það er mikil gæfa að íslenskur
freðfiskur skuli vera á þessum ríku
mörkuðum. íslenskur freðfiskur
stendur yfirleitt nokkuð vel hvað
gæði varðar á þessum mörkuðum
en ef við viljum halda því fram að
íslenskur fiskur sé sá besti í heimi
erum við að taka mjög stórt upp
í okkur. Það verður aldrei nema
við leggjum mikið á okkur og vinn-
um vel saman. Ef við leggjum
ekki mikið á okkur er ekkert lög-
mál sem segir að íslenskur fiskur
sé betri en annar. Sú fullyrðing
að íslenskur fiskur sé bestur hefur
klúðrað ýmsu í gegnum tíðina.
Hins vegar er íslenskur fiskur mjög
góður ef hann er rétt meðhöndlað-
ur.“
í framhaldi af umræðunni um
gæði liggur beinast við að spyija
Benedikt hvemig íslenskar sjávar-
afurðir bregðist við þeirri stað-
reynd að þorskstofninn minnkar
ár frá ári.
„Það er deginum ljósara að það
er miklu minni þorskur í hafinu
en áður, bæði vegna ástandsins á
íslandsmiðum og hrunsins í
Kanada. Það er alveg Ijóst að ís-
lendingar geta ekki dregið fram
lífið á því að veiða þorsk, þótt
hann sé mikilvægur, þannig að við
verðum að leggja áherslu á fleira
en þorsk. Þá koma til fleiri tegund-
ir og Feitun á mið sem eru utan
okkar lögsögu. Upp í hugann koma
tegundir sem eru ekkert endilega
veiddar við strendur landsins til
að selja. Við Afríkustrendur erum
við að veiða lýsing til að selja á
markaði í Evrópu og Bandaríkjun-
um og við veiðum Alaskaufsa við
Rússlandsstrendur. íslendingar
eiga í auknum mæli eftir að veiða
á Qarlægum miðum og semja við
aðrar þjóðir um að veiða og vinna
fisk fyrir okkur sem við seljum á
okkar mörkuðum.
Nú eru hér tugir útflutningsfyr-
irtækja í fiski. Það eru ekki lengur
bara 2-3 stórir útflytjendur eins
og áður var. Það verður því stöð-
ugt meira mál fyrir okkur að kynna
okkar vörumerki og standa vörð
um það. Það nægir ekki lengur að
segja að við seljum íslenskan fisk,
því það er misjafn sauður í mörgu
fé.“ Benedikt segist ekki kvíða
framtíðinni hvað markaði fyrir af-
urðir fyrirtækisins varðar. „Þetta
eru svo stórir markaðir að við höf-
um óþijótandi verkefni. Því er hins
vegar ekki að leyna að Rússland
er markaður sem menn hafa áhuga
á að skoða á ný. Síðan eru það
risastórir markaðir Asíu, þar sem
lönd eru mikið að opnast. Það má
því segja að markaður fyrir ís-
lenska fiskframleiðendur sé rosa-
lega mikill.
Keppnismaður
Það hefur líklega ekki farið
framhjá mörgum að íslenskar sjáv-
arafurðir hafa háð harðan og
spennandi kappleik við Sölumið-
stöð hraðfrystihúsanna og fleiri um
hlutabréfakaup í íslenskum fram-
leiðslufyrirtækjum, fyrst í Vest-
mannaeyjum, þá á Akureyri og nú
síðast Húsavík. Þótt þeirri keppni
hafi verið gerð góð skil hér í Morg-
unblaðinu er varla hægt að kveðja
forstjóra íslenskra sjávarafurða án
þess að spyija hvemig sú keppni
horfi við honum.
„Veistu," segir Benedikt, „ég
hef ofboðslega gaman af starfinu
mínu. Það er skemmtilegt og ég
vinn með góðu, gefandi og
skemmtilegu fólki bæði hér heima
og erlendis. En það er mikil sam-
keppni í þessari grein og það er
ekki síst hún sem gerir starfið eins
áhugavert og það er. Ég hef engan
áhuga á að skipta landakortinu upp
í „ég á austur, þú átt vestur“. Ég
vil fá að keppa á heiðarlegum nót-
um. Einu sinni var maður að keppa
um að salta í tunnur og veiða fisk,
svo var það fótboltinn og nú er
þetta keppnin. Einhverra hluta
vegna hélt ég að öll keppni væri
eins í laginu og að menn gætu
umgengist hver annan af virðingu
og kurteisi eftir að hverri lotu er
lokið - því hvers virði er keppni
ef andstæðingurinn er ekki verðug-
ur? Þær upphrópanir sem hafa
fylgt í kjölfarið á þeirri keppni sem
við heyjum hafa komið mér á óvart.
Ég verð undrandi þegar menn
heilsa mér varla, þegar lotunum
lýkur, því það hefur aldrei hvarflað
að mér að ég gæti hugsanlega
eignast óvini í lífínu.“

^ ' .. ■* v Uj A>'' S^\ '• , I
fSfl f S; j|í

GLÆSILEG
LÚXU SBIFREIÐ
MITSUBISHI PAJERO ER BÚINN MÖRGUM GÓÐUM KOSTUM SEM
BÍLSTJÓRAR KUNNA AÐ META. ÞAR MÁ MEÐAL ANNARS NEFNA
FALLEGT ÚTLIT, FRAMÚRSKARANDI AKSTURSEIGINLEIKA OG
ALDRIFSBÚNAÐINN MEÐ FJÖLVALI. ÞÁ SITUR ÖRYGGI BILSTJÓRA
OG FARÞEGA í FYRIRRÚMI. MITSUBISHI PAJERO STENDUR TIL
BOÐA MEÐ KRAFTMIKLUM BENSÍN- EÐA DIESELHREYFLI.
PAJERO DIESEL MEÐ FORÞJÖPPU OG MILLIKÆLIKOSTAR FRÁ
3.494.000
TILBÚINN Á GÖTUNA!
STAÐALBÚNAÐUR í PAJERO ER M.A. ÚTVARP OG SEGULBAND,
RAFDRIFNAR RÚÐUR, RAFSTÝRÐIR ÚTISPEGLAR, FJAÐRANDI OG UPPHITUÐ
FRAMSÆTl, 3JA STIGA STILLANLEG FJÖÐRUN, ÖKUHRAÐASTILLIR.
HEKLA
óest/
Laugavegi 170-174, sími 569 5500
MITSUBISHI
MOTORS