Morgunblaðið - 16.05.1995, Blaðsíða 10

10 C ÞRIÐJUDAGUR 16. MAÍ 1995
ÍÞRÓTTIR
MORGUNBLAÐIÐ
SIGLINGAR
Dennis Conner hefur tapað Ameríkubikarnum tvisvar úr landi
Nýsjálend-
ingar sigruðu
glæsilega
NÝSJÁLENSKA þjóðin er í sig-
urvímu eftir sigur skútustjór-
ans Peter Blake og áhafnar
hans á Svartagaldri í Ameríku-
bikarkeppninni í skútusigling-
um. Hann bar sigurorð af
bandaríska skútustjóranum
Dennis Conner sem verður þar
með eini Bandaríkjamaðurinn
sem tvisvar tapar bikarnum,
eftirsóttustu verðlaunum sigl-
ingaíþróttarinnar, úr landi.
Jim Bolger forsætisráðherra sagði
að réttast væri að gefa þjóðinni
allri frí til að fagna áhöfn Svarta-
galdurs þegar hún kæmi heim eftir
röska viku með Ameríkubikarinn en
þetta er í fyrsta sinn sem Nýsjálend-
ingar vinna hann.
Heima fyrir var sigri Blakes jafn-
að við ódauðleg afrek tveggja nýsjá-
lenskra íþróttamanna; þeirra Sir
Edmund Hillary sem kleif tind Ever-
est-íjallsins fyrstur manna árið 1953
og Peter Snell þrefalds ólympíu-
meistara í 800 og 1500 metra hlaup-
um 1960 og 1964. Catherine Tizard
landsstjóri sagði t.a.m. að þjóðin
væri stoltari nú en nokkru sinni frá
því Hillary kleif Everest.
Urslitin eru þeim mun athyglis-
verðari, að skútan Svartigaldur varð
fyrst í mark fimm kappsiglingar í
röð og þurfti því ekki að sigla oft-
ar, en gert var ráð fyrir allt að níu
siglingum í úrslitaeinvíginu, og að
sigur félli þeim skútustjóranum í
skaut sem fyrr fengi fímm vinninga.
I öllum tilvikum náði hún forystu á
fyrsta legg og hafði forystu við
hveija einustu bauju. Að forkeppn-
inni meðtaldri vann Blake 42 kapp-
siglingar af 43.
Conner játaði ósigur sinn og hrós-
aði Nýsjálendingum fyrir fag-
mennsku og drengskap. „Við gerð-
um okkar besta og áhöfnin mín
getur borið höfuð hátt. Við gátum
ekki gert betur,“ sagðí hann. Bætti
hann því við að ósigurinn 1983 hefði
verið beiskur og eftir á að hyggja
teldi hann að hægt hefði verið að
koma í veg fyrir þau úrslit. Annað
væri upp á teningnum nú, hann
ætti ekki eftir að þurfa naga sig í
handarbök yfír úrslitunum, nýsjá-
lenska skútan hefði verið hraðskreið-
ari og áhöfn hennar aldrei gert
minnstu mistök.
í lokaeinvíginu stóðu hvorki
Conner né Blake við stýrið, heldur
létu það stýrimönnum sínum eftir,
Paul Cayard og Russell Coutts, en
gegndu öðru starfí um borð. Conner
stritaði á vindum eftir að falur gaf
sig og Blake hélt um stórskautið og
stjómaði þannig stórsegli.
Gífurleg eftirvænting hefur ríkt í
Nýja Sjálandi undanfamar vikur og
eftir að úrslitaeinvígið hófst sýndu
mælingar á sjónvarpsáhorfí, að jafn-
an vom 85% þjóðarinnar límd við
sjónvarpið í þá hálfu fímmtu klukku-
stund sem hver kappsigling tók. Öll
þjóðin fylgdist með lokasiglingunni
í beinni útsendingu, á sunnudags-
morgni að staðartíma í Nýja Sjá-
landi, að undanskildum þeim þús-
undum sem flugu til San Diego síð-
ustu dagana til að styðja við bakið
á sínum mönnum þar.
Kindur á rauðum sokkum
Dæmi um áhugann fyrir keppn-
inni er, að eftir að Peter Blake
ljóstraði upp að hann hefði alltaf
verið í sömu rauðu sokkunum í for-
keppninni, þar sem hann vann allar
kappsiglingar utan eina, seldust um
400 þúsund pör af rauðum sokkum
í Nýja Sjálandi á einni viku. Var
rauðum sokkum flaggað eða þeir
hengdir upp á öllum hugsanlegum
Reuter
RUSSELL Coutts stýrimaður á Svartagaldri tekur við Ameríku-
bikarnum, eftirsóttustu verðlaunum skútusiglingaíþróttarinn-
ar, eftir að hafa lagst að bryggju í San Diego.
og óhugsanlegum stöðum. Fóru
jafnvel sögur af bændum sem settu
kindur í rauða sokka.
Fyrst var keppt um Ameríkubik-
arinn, 70 sentimetra háa silfur-
könnu 1851 eða fyrir 144 árum.
Fór keppnin nú fram í 29. sinn. í
úrslitaeinvíginu 1983 tapaði Conner
bikarnum í fyrsta sinn úr landi, til
Ástralíu. Endurheimti hann könn-
una í næstu umferð. Búist er við
að keppnin fari næst fram við Auck-
land í Nýja Sjálandi sitthvoru meg-
in við áramótin, 1999 og 2000.
KORFUKNATTLEIKUR / NBA
„Utlitid orðið svart“
NewYork 1:3 undirgegn Indiana þráttfyrirað hafa verið betra liðið
„ÞAÐ er ekki hægt að neita því
að útlitið er nú orðið svart,“
sagði Pat Riley, þjálfari New
York Knicks, eftir að lið hans
tapaði fyrir índiana Pacers, sem
hefur unnið þrjá leiki, en New
York einn í baráttu þeirra í 2.
umferð úrslitakeppni NBA.
Leikmenn New York, sem yfir-
spiluðu Indiana íþremur fyrstu
leikjunum, en klúðruðu tveimur
þeirra, náðu sér ekki á strik —
töpuðu 98:84. „Þrátt fyrir þetta
munum við komast áfram,"
sagði John Starks hjá New York.
ess má geta að ekkert lið sem
hefur verið undir 1:3 hefur náð
að komast áfram í undanúrslit síðan
1980, en þess má
Fra geta að aðeins fjór-
Gunnari um sinnum í sögu
Valgeirssyni NBA frá 1968, hefur
/ Bandaríkjunum lið náð að vinna upp
3:1 forskot.
Hollendingurinn Rik Smits var
bestur hjá Indiana — skoraði 25 stig,
tók tíu fráköst og hann hefur náð
að halda miðheijanum Patrick Ew-
ing niðri. „Við erum reyndari og
öruggari nú heldur en í fyrra jiegar
við töpuðum fyrir New York. Eg hef
trú á því að við getum klárað dæm-
ið núna,“ sagði Smits.
Reggie Miller, sem skoraði fjórar
þriggja stiga körfur, skoraði 21 stig.
Ewing skoraði 25 stig fyrir New
York.
Meistararnir töpuðu heima
Meistarar Houston Rockets unnu
Phoenix Suns heima, 118:85, á Iaug-
ardaginn, en máttu síðan þola tap,
110:114, á sama stað á sunnudag-
inn. Hakeem Olajuwon skoraði 35
stig fyrir heimamenn í fyrri leikr.um
og 38 stig í þeim seinni og þá skor-
aði Clyde Drexler 22 stig. Charles
Barkley skoraði aðeins fimm stig
fyrir Phoenix í fyrri leiknum — öll
úr vítaskotum, en hann hitti ekki úr
neinu af tíu skotum sínum utan af
velli. Barkley skoraði aftur á móti
26 stig í seinni leiknum, en þá átti
Kevin Johnson stórleik og skoraði
43 stig. Sigurinn var ótrúlegur fyrir
Phoenix, þar sem liðið var fimmtán
stigum undir um miðjan þriðja leik-
hluta og sex stigum undir þegar þijár
mín. voru til leiksloka.
„Við lékum rétt nægilega vel til
að vinna, en við þurfum að leika
betur til að slá út meistarana," sagði
Barkley og Johnson sagði: „Við ætl-
uðum okkur sigur hér í Houston, til
að geta guiltryggt okkur sigurinn á
heimavelli. Það að við náðum að snúa
leiknum okkur í vil undir lokin, gerir
gæfumuninn."
Rodman settur í bann
Dennis Rodman var settur í bann
hjá San Antonio Spurs, eftir fram-
komu hans í leik gegn Los Angeles
Lakers á föstudaginn, er hann mót-
mælti því að vera tekinn af leikvelli
með því að fara úr skónum, vefja
handklæði um höfuð sér og leggjast
á gólfið við hliðina á varamanna-
bekknum. Eftir fund leikmanna með
þjálfara, var ákveðið að láta Rodman
ekki leika á sunnudaginn. Þrátt fyrir
það náðu leikmenn Spurs sigri, 71:80,
en þeir töpuðu á föstudagskvöldið,
92:85. David Robinson átti stórleik —
skoraði 26 stig og tók hlutverk Rod-
mans í fráköstum, tók 22 fráköst.
„Við unnum þennan leik á frábærri
vöm — vorum ákveðnir að gera allt
til að koma í veg fyrir að Lakers
byijaði vel. Það tókst og nú getum
við gert út um viðureign okkar við
Lakers á heimavelli á miðvikudaginn.
Ég vona að Rodman leiki þá með
okkur,“ sagði Robinson. Spurs leiðir
3:1.
Chicago vann
Michael Jordan skoraði 26 stig og
Scottie Pippen 24 þegar Chicago
Bulls lagði Orlando Magic 106:95.
Heimamenn byijuðu með látum og
náðu mest sautján stiga forskoti í
fyrri hálfleik, 55:38, en staðan í leik-
hléi var 59:48. Orlando náði að
minnka muninn í fjögur stig áður en
Toni Kukoc skoraði þriggja stiga
körfu, 98:91, fyrir Chicago þegar
1,30 mín. var til leiksloka. Kukoc
átti stóran þátt í sigrinum — skoraði
þrettán stig, átti níu stoðsendingar,
tók sjö fráköst og „stal“ knettinum
fjórum sinnum. „Toni var lykillinn
að sigri okkar — hann skoraði mikil-
vægar körfur á réttum augnablik-
um,“ sagði Jordan.
SIGURÐUR Jónsson, fyrirliði
ÍA, með farand- og eignar-
bikar og umslag með með
100 þúsund krónum, sem
voru sigurlaunin.
Skagamenn
unnu Lrtlu bik-
arkeppnina
SKAGAMENN sigruðu FH 3:2 eftir
framlengingu í úrslitum Litlu bikar-
keppninnar sem fram fór á Akra-
nesi á sunnudaginn. í upphafi síðari
hálfleiks var Alexander Högnasyni
vikið af leikvelli fyrir brot og Skaga-
menn voru þvf einum færri eftir það.
Jón Erling Ragnarsson kom FH
yfir á 51. mín., Sigursteinn Gíslason
jafnaði úr víti fímm mín. síðar og
Kári Steinn Reynisson kom ÍA í 2:1
á 75. mín. Hörður Magnússon jafn-
aði á 87. mín. en Stefán Þórðarson
gerði sigurmark ÍA þegar þijár mín-
útur voru eftir af framlengingunnni.
Skagamenn mæta KR-ingum í
meistarakeppni KSÍ á Akranesi kl.
20 á fimmtudag. Fjórir leikmenn ÍA
verða þá í leikbanni; Stefán Þórðar-
son, Sturlaugur Haraldsson, Kári
Steinn Reynisson og Zoran Milj-
ikovic.
Juventus á
beinni braut
JUVENTUS heldur sínu striki í átt
til meistaratignar á Ítalíu að loknum
4:0 sigri á Genúa á laugardag. Á
sama tíma lagði Parma Barí 1:0.
Juventus hefur sjö stiga forskot á
Parma þegar þijár umferðir eru eft-
ir. Þessi lið, sem mætast í síðari úr-
slitaleik Evrópukeppni félagsliða
annað kvöld, eigast aftur við á laug-
ardag í deildinni og með sigri þá
getur Juve tryggt sér titilinn eftir
níu löng ár. Sigri leikmenn Parma
minnka hins vegar þeir forskot Ju-
ventus í fjögur stig og þá gætu loka-
umferðirnar tvaér orðið spennandi.
Roberto Baggio opnaði marka-
reikning Juventus úr vítaspyrnu
gegn Genúa og kjölfarið komu mörk
frá Fabrizio Ravanelli, Króatanum
Robert Jarni og Gianluca Vialli og
þar með var sigurinn tryggður.
Miðvallarleikmaðurinn Stefano Fi-
ore gerði eina mark Parma í naumum
sigri þeirra á Barí.
Bremen áfram á topnum
Efstu lið þýsku knattspyrnunnar
lögðu bæði andstæðinga sína um
helgina. Werden Bremen sigraði
Stuttgart 4:1 og Borussia Dort-
mund bar sigurorð af Bochum 3:1.
Bernd Hobsch kom leikmönnum
Bremen á bragðið á 37-. mín gegn
Stuttgart og í kjölfarið sigldi annað
mark Werden Bremen í höfn og það
gerði Marco Bode. Staðan 2:0 í leik-
hléi. Á 49. mínútu bætti Hobsch
við þriðja marki Werden Bremen
eftir mistök markvarðar Stuttgart.
Thomas Schneider minnkaði mun-
inn fyrir Stuttgart en það var eng-
in miskunn hjá Magnúsi og Mario
Blaser innsiglaði sigurinn með sínu
átjánda marki á tímabilinu, ellefu
mínútum fyrir leikslok.