Morgunblaðið - 17.05.1995, Blaðsíða 3
MORGUNBLAÐIÐ
MIÐVIKUDAGUR 17. MAÍ 1995 B í
SYIMIIMGAR
Evrópska sjávarafurðasýningin í Brussel
„Þetta er orðin
alvörusýning“
Evrópska sjávarafurðasýningin virðist hafa fest sig í sessi sem
— —
helzta sýning sjávarafurða í Evrópu. A þriðja tug íslenzkra fyrir-
tækja tóku nú þátt í sýningunni, flest undir handleiðslu útflutnings-
ráðs. Hjörtur Gíslason heimsótti sýninguna og ræddi þar meðal
annars við íslenzka sýnendur.
Morgunblaðið/HG
ÍSLENZKI sýningarbásinn á Evrópsku sjávarútvegssýningunni í Brussel var áberandi
og á mjög góðum stað í salnum, rétt við aðalinnganginn.
VIÐ HÖFUM verið hér á
sýningunni síðastliðin þijú
ár og þetta er afgerandi
bezta árið. Sýningin er
orðin alþjóðlegri en áður og að því
er mikill styrkur," segir Þórir Matt-
híasson hjá Sæplasti á Dalvík. „Við
gengum hér frá sölu á kerum til
Danmerkur og Bandaríkjanna og
fyrirspurnir víða að lofa mjög góðu.
Við kynntum hér á sýningunni nýtt
ker með sérstakri botnstyrkingu, en
það er afrakstur mikillar þróunar-
vinnu, og bindum við miklar vonir
við þessa nýju gerð. Hún er með
sérstyrktum botni með nýrri út-
færslu, en við munum bjóða upp á
þessa nýju gerð, sem er tveggja
„dregara" og aðrar hefðbundar
gerðir, sem eru ýmist með tveimur
eða þremur „dregurum". Ég á von
á því að nýja kerið gangi vel inn á
íslenzka markaðinn, en kostir þess
eru meðal annars að það skemmist
síður við notkun lyftara og fer betur
með fiskinn, þegar kerunum er stafl-
að,“ segir Þórir.
Alvörusýning
Rafn Sigurðsson frá íslenzku
marfangi, sagði sýninguna góða og
fuila ástæðu til þátttöku. Islenzkt
marfang kynnti meðal annars grá-
sleppuhrognakavíar og nýlega afurð,
kavíar úr loðnuhrognum, sem er
seld töluvert til Þýzkalands. Annars
er rækja snar þáttur í starfsemi fyr-
irtækisins og er hún ýmist fryst,
niðursoðin eða í legi og lögð er
áherzla á fjölbreyttar pakkningar á
rækju. „Þetta er alvörusýning, þar
sem gestir koma til að gera við-
skipti og kynna sér möguleikana,"
segir Rafn.
Súpur og „tarama"
Magnús Tryggvason, eigandi Ora
hf., kynnti nokkrar nýjar afurðir á
sýningunni. Þar má nefna humar-,
rækju- og krabbasúpur og „tar-
ama“, sem er grískur réttur, álegg
unnið úr hrognum. Að auki kynnti
Ora hefðbundnar framleiðsluvörur
sínar, að slepptri síldinni, „því þar
erum við ekki samkeppnisfærir í
verði,“ segir Magnús. Hann segir
að loðnu- og grásleppuhrogn í glös-
um hafi lengi verið aðalútflutnings-
afurðin og hafí útflutningur stöðugt
aukizt frá því hann var hafinn fyrir
5 árum. Um 55% sölunnar eru nú
innan lands en 45% fara utan. Af-
kastageta Ora er meiri og því er
stefnt að enn meiri útflutningi. „Ég
er mjög ánægður með sýninguna,
þetta er ekta sýning og við höfum
fengið mikið af góðum fyrirspurn-
um,“ segir Magnús Tryggvason.
Meiri athygli nú
Fyrirtækið Formax hefur fram-
leitt ljósaborð fyrir fisksnyrtingu í
tæpan áratug og var það uppistaða
Formax á sýningunni. „Við erum
að sýna ljósin í notkun og sanna að
þau séu' vatnsþétt," segir Björn
Karlsson. „Við höfum fengið meiri
athygli nú en _áður, meða! annars
frá Englandi, írlandi og Skotlandi.
Við sýndum líka færibönd, sem við
smíðum mikið af og í ljós hefur kom-
ið töluverður áhugi hjá alþjóðlegum
fyrirtækjum, sem eru að útvega fisk-
vinnslubúnað af ýmsu tagi. Þá höf-
um við fengið fyrirspurnir um heild-
arlausnir í þróunarlöndunum, en við
erum einnig með búnað til gæða-
stjórnunar, sem þar er mikil þörf
á. Ég er mjög sáttur við þessa sýn-
ingu, því við höfum orðið varir við
raunverulegan áhuga á vörum okk-
ar. Mikið af sýnendum er einnig
hugsanlegir viðskiptavinir. Héðan
liggur leiðin svo á tækjasýninguna
í Bella Center í Kaupmannahöfn, en
hér eru matvælaframleiðendur mest
áberandi,“ segir Björn.
Nýtt fyrirtæki í Brugge
Fyrirtækið ICEBE er aðeins fimm
vikna gamalt, en það var þó engu
að síður með bás á Evrópsku sjávar-
afurðasýningunni. Jón Gunnarsson
og Guðmundur bróðir hans eiga fisk-
vinnslu heima, en í ICEBE. sem er
staðsett í Brugge, eru þeir í sam-
starfi við Belga. „Við byrjuðum i
útflutningi á ferskum fiski að heim-
an, en erum -einnig með frystingu í
Njarðvíkum. Við teljum okkur
þekkja þennan markað nokkuð vel
og erum þegar komnir vel áleiðis.
Nú eru að fara um 20 tonn af fryst-
um fiski utan, en vikulega tökum
við um eitt og hálft tonn af ferskum
fiski hingað með flugi. Utflutningur
á frystum fiski verður undirstaða
starfseminnar.
Það hefur verið þess virði að vera
hér á sýningunni, en við erum fyrst
og fremst að selja í verzlanir og
fyrirtæki, sem síðan selja inn á veit-
ingahús og mötuneyti ýmiskonar.
Aðalatriðið er að auka vinnsluvirði
fisksins heima, þá fáutn við hærra
verð ytra og verðum samkeppnisfær-
ari um fiskinn á mörkuðunum
heima," segir Jón Gunnarsson.
Athyglisverðar fyrirspurnir
ÍSBÚ hf. stundar meðal annars
útflutning á laxi, silungi og bleikju
og fleiru en stundar einnig ráðgjaf-
arstörf á alþjóðavettvangi. Tanya
Zharov, starfsmaður ísbús, segir að
útflutningur á laxi og silungi hafi
aðallega beinzt inn á Bretland, en
nú sé fyrirtækið að reyna fyrir sér
á meginlandi Evrópu. „Við seljum
einnig frystan kat'fa og erum að
vinna að ýmsum verkefnum á Kamt-
sjatka í Rússlandi. Við erum hér til
að kynna fyrirtækið almennt, en
með höfuðáherzlu á laxinn. Okkur
gekk mjög vel á sýningunni og mik-
ið var af fólki hjá okkur, einkum
fyrstu tvo dagana. Við renndum
reyndar dálítið blint í sjóinn til að
byt'ja með, en við höfum fengið
margar athyglisverðar fyrirspurnir,
sem unnið verður úr þegar heim
kernur," segir Tanya.
Auka breiddina
Fiskur hf. í Sandgerði hefur nú
stofnað fyrirtæki í Belgíu auk
vinnslu sinnar heima. Birgir Krist-
insson er einn eigendanna, en fyrir-
tækið kynnti meðal annars ferskan
fisk, frystan og saltfisk á sýning-
unni: „Við reynum að hafa sem
mest úrval til að þjóna viðskiptavin-
um okkar eftir föngum og auka
breiddina. Okkur gekk mjög vel á
sýningunni og það kom okkur á
óvart hve margir konui til okkar frá
Spáni, Italíu og Sviss. Við höfum
einnig gert samning við stórmarkað
í Frakklandi um sölu á saltfiski í
neytendaumbúðum og ferskum fiski
og svipaðir samningar standa til við
fyrirtæki á Ítalíu og Spáni.
Við erum með fiskvinrislu og
kæligeymslu í Zeebrugge og þaðan
dreifum við fiskinum frá okkur. Auk
þess að kaupa fisk að heiman kaup-
um við einnig á fiskmarkaðnum í
Zeebrugge til að auka úrvalið, en
við erum með nokkra menn í vinnu
við kaup og sölu á fiski. Útflutning-
urinn er nokkuð misjafn eftir mánuð-
um, mest um 100 tonn alls, en við
höfum nýlega sent út fimm gáma
af saltfiski, sern við höfum fengið
keyptan hjá SÍF. Fyrirtæki úti á
Granda í Reykjavík pakkar saltfisk-
inum fyrir okkur, en þessum fiski
dreifum við meðal annars á kaupend-
ur, sem einnig eru í ferskum fiski.
Við erum einnig að reyna að fara
nýjar leiðir, renna fleiri stoðum und-
ir starfsemina, með því að afla nýrra
markaða á Spáni og Ítalíu. Nú eru
alltaf fleiri og fleiri að fara í útflutn-
ing á ferskum ftski til Evrópu. Við
höfum orðið varir við það, að fyrir-
tæki hér eru að kvarta yfir því að
lélegur fiskur konti frá sumum þess-
ara nýju útflytjenda. Það er nauð-
synlegt að menn gæti þess að senda
aðeins úrvals fisk út. Þannig ná
menn góðum viðskiptum og háu
verði, en annars er.vóðinn vís,“ seg-
ir Birgir.
Selttil Uganda
„Sýningin héfur reynzt okkur af-
burðavel. Við höfum fengið mikið
af góðum fyrirspurnum, treyst eldri
viðskiptasambönd og á sýningunni
gengum við frá sölu á um 150 kerum
til Grikklands og Uganda. Við höfum
greinilega átt erindi inn á sýning-
una, en hún er mjög góður vettvang-
ur fyrir okkur. Hingað koma greini-
lega yfirmenn fyrirtækja, sem hafa
leyfi til að taka ákvarðanir og miklu
máli skiptir að komst í beint sam-
band við þá. Við erum einnig í góð-
um tengslum við alþjóðlega ráð-
gjafa, sem vinna víða um heim,
meðal annars á svæðum, sent við
erum ekki inni á. Eftir sýninguna
verður tekin upp aukin samvinna við
tvo til þtjá slíka aðila. Margir sýning-
argesta eru komnir mjög langt að
og hópurinn er breiður. Það skiptir
okkur einnig miklu máli að vera með
alþjóðalega gæðavottun, ISO 9001,
á framleiðslu okkar, en hún er lykill-
inn að þessu markaðssvæði. Mörg
stór fyrirtæki í Evrópu eru að vinna
að gæðamáium sínum og þekkja því
til þessarar vottunar," segir Þor-
steinn Sigurðsson hjá Borgarplasti.
Næsta verkefni Borgarplasts á þess-
um vettvangi er sýning í Eistlandi
í þessari viku og verðut' það eina
íslenzka fyrirtækið þar eftir því sem
næst verður komizt.
Bleikjan kynnt
Landssamband fiskeldis- og haf-
beitarstöðva kynnti afurðir félags-
manna sinna á sýningunni í Bruss-
el. Vigfús Jóhannsson, fram-
kvæmdastjóri, sambandsins segir að
vel hafi gengið og erillinn hafi verið
svipaður og í fyrra. „Við teljum það
mikla þörf að vera hér, en við leggj:
um áherzlu á sérhæfðar tegundir. í
fyrra var það hafbeitarlaxinn, nú er
bleikjan, en sýningin er eins konar
upphaf á markaðsátaki fyrir hana.
Bleikjan vekur mikla athygli og við
erum að vinna úr góðum fyrirspurn-
um. Við bjóðum upp á bleikju, sem
er tvenns konar, annars vegar með
dökku holdi og hins vegar ljósu.
Báðar tegundirnar hafa vakið
nokkra athygli, en helzti markaður-
inn fyrir bleikju hefur verið í Banda-
ríkjunum.
Við erum að fá viðbrögð frá mörg-
um viðskiptavinum, en á þeim geta
menn heima séð á hvað beri helzt
að leggja áherzlu á í framleiðslunni,
sem er að aukast jafnt og þétt.
Grundvallaratriði í þessat'i kynningu
er að bleikjan er lítið þekkt hér og
því hægt að kynna hana sem sérís-
lenzka afurð. Hafbeitarlaxinn frá
Islandi hefut' einnig vakið verðskuld-
aða athygli og hægt hefur verið að
greina hann frá eldislaxi og laxi
veiddum í net í sjó. Gæði hafbeitar-
laxins eru mikil og eftirspurn líka
og verðið hærra en á hinum. Þá
hefur eldislaxinn einnig vakið at-
hygli, en þar leggjum við áherzlu á
strandeldi og þann stöðugleika í
framleiðslu sem hægt er að ná í
því,“ segir Vigfús.
Flskrúllur til Danmerkur
Útgerðarfyrirtækið Ögurvík hóf
fyrir nokkru sölu og útflutning á
afurðum eigin frystitogara og tók
nú í annað sinn þátt í Evrópsku sjáv-
arútvegssýningunni. Indriði H.
ívarsson frá Ögurvík segir viðbrögð-
in við afurðum fyrirtækins hafa ver-
ið mjög góð. „Fyrir utan að hitta
fyrri viðskiptavini, hafa mat'gir nýir
aðilar víða að óskað viðskipta við
okkur. Þá er mikill áhugi á smá-
pakkningum sem við seljum fyrir
Víði í Garði, en þegar hefur samizt
um sölu á þeim til Danmerkur. Ann-
ars vegar erum við með eigin afurð-
ir, sem eru framleiddar um borð í
frystitogurunum Vigra og Frera og
hins vegar ýmislegt frá öðrum, svo
sem fiskirúllur, rækju og súpur.
Þrátt fyrir að mikið af unnum afurð-
um sé á sýningunni, höfum við feng-
ið mikla athygli. Viðbrögðin hafa
verið miklu meiri en við áttum von
á og varla komið eyða alla sýning-
una. Við gerum því ráð fyrir að
stækka viðskiptavinahóp okkar
verulega að lokinni sýningunni,"
segir Indriði.
Þátttakan þörf
„Okkur hefur gengið mjög vel hér
á sýningunni og þátttakan hér er
okkur vissuleg þörf,“ segir Ottó
Þormar, útflutningsstjóri hjá Plast-
prent hf. Plastprent sýndi áprentað-
ar plastumbúðir af ýmsu tagi, en
fyrirtækið er stærst sinnar tegundar
á íslenzka markaðnum og kaupa
bæði stóru útflutningsfyrirtækin
umbúðir af því. „Fallega prentaðar
umbúðir eru orðnar nauðsyn í hinni
hörðu samkeppni um sölu sjávaraf-
urða. Við höfum því fengið mikið
af góðum fyrirspurnum. Útflutning-
ur til þessa hefur verið lítill, aðeins
um 2% af veltu. Við stefnum á að
auka það hlutfall upp í 6, til 8% á
fjórum til fimm árum og til þess er
nauðsynlegt að vera á sýningum af
þessu tagi. Við náum athygli mjög
margra og lærum einnig mikið af
öðrum hér. Við eigum tilverurétt. á
markaðnum hérna sem einn af
smærri aðilunum, því við ráðum yfir
öllum þáttum, sem þarf til að ná
árangri svo sem góðri prentun og
hönnum umbúða.
Við framleiðum mikið fyrir stóru
fyrirtækin heima og erum komnir í
alvarlegar viðræður við belgískan
plastframleiðanda, sem ekki er með
prentun, um að prenta á umbúðir
frá honum svo hann geti boðið heild-
arlausnir í umbúðum. Þetta er fyrir-
tæki, sem er tvöfalt stærra en Plast-
prent. Þarísem við höfum mótað þá
stefnu að fara í útflutning, verðum
við að taka þátt í sýningum. Þó þetta
sé hvorki auðvelt né fljótunnið er
ég bjartsýnn og við erum í viðræðum
við ýmsa aðila, allt niður í Suður-
Afríku, en margir segja það sízt
verri kost að kaupa umbúðir frá ís-
landi en einhvetju öðru landi í Evr-
ópu,“ segir Ottó.
Skilar sér stöðugt betur
Triton hf. sýndi meðal annars ka-
víar og þorsklifur, en fyrirtækið flyt-
ur út margs konar sjávarafurðir. Öt-n
Erlendsson, eigandi fyrirtækisins,
segir að vel hafi gengið á sýning-
unni. „Þetta skilar sér stöðugt betur
eftir því sem sýningunum hjá fyrir-
tækinu fjölgar. Sýningargestir eru
þá famir að kannast við okkur og
stoppa frekar. Þeir sjá einnig að ein-
hvet' alvara hlýtur að liggja að baki
stöðugri þátttöku. Við erum nú með
svipaða línu afurða eins og í fyrra,
en kavíarinn og þorsklifurin vöktu
mikla athygli. Belgarnir skiluðu sér
mjög vel til okkar nú og mikil eftir-
spurn er eftir vörum í neytendaum-
búðum. Við erum því ágætlega sátt
við þessa sýningu og erum strax far-
in að huga að því að gera megi bet-
ur á næstu sýningu. Þá má ekki
gleyma því að hlutur Útflutningsráðs
Islands hefur verið okkur íslenzku
sýnendunum mjög mikilvægur. Vel
hefur verið staðið þar að hlutum og
við erutn til dæmis á afgerandi bezta
staðnum í salnum," segir Örn.