Morgunblaðið - 18.05.1995, Blaðsíða 9
MORGUNBLAÐIÐ
FIMMTUDAGUR 18. MAÍ 1995 C 9
ÍÞRÓTTIR
RALL
„Hraðinn alltof mikill“
Fyrsta rall.ársins verðurá Suðurnesjum á laugardaginn
Morgunblaðið/Gunnlaugur Rögnvaldsson
Meistararnir gera klárt
RÚNAR Jónsson, íslandsmeistari ökumanna í rallakstri er til
í slaginn. Hér er hann á fleygiferð í einni keppninni í fyrra.
FRJALSAR
Vormót ÍRídag
Vormót ÍR verður haldið á Laug-
ardalsvelli í dag, fimmtudaginn 18.
maí, og hefst kl. 18:30. Keppt verð-
ur í eftirtöldum greinum: Karlar:
100 m, 800 m og 3.000 m hlaup-
um, kringlukasti og spjótkasti. Kon-
ur: 100 m, 400 m, 1.500 m hlaup-
um, hástökki, langstökki og kúlu-
varpi.
Landsbanka-
hlaupið
Hið árlega Landsbankahlaup fer
fram í 10. sinn laugardaginn 20.
maí 1995. Hlaupið er samstarfs-
verkefni Landsbanka íslands og
Fijálsíþróttasambands íslands og
er haldið á 34 stöðum á landinu.
Krakkar á aldrinum 10 - 13 ára
geta tekið þátt og stendur skráning
yfir í útibúum Landsbanka íslands
um land allt. Hlaupið hefst kl. 11.00
á flestum stöðum á landinu. Pjöl-
skyldu- og húsdýragarðurinn í
Laugardai verður opinn öllum gest-
um og þátttakendum á höfuðborg-
arsvæðinu.
GOLF
Kynningardagur
hjáGKG
Laugardaginn, 20. maí, verður
kynningardagur hjá Golfklúbbi
Kópavogs og Garðabæjar, GKG.
Félagar í klúbbnum munu þá taka
á móti íbúum í Kópavogi og
Garðabæ, sem áhuga hafa á golf-
íþróttinni. Kylfur og golfboltar
verða lánaðir þeim sem óska og
leiðsögn veitt. Þá verða veitingar á
boðstólum í golfskálanum á velli
félagsins, sem er níu brautir. Níu
brautir bætast við völlinn næsta
sumar, þannig að fullkominn 18
brauta völlur verður á kominn á
svæðið. í sumar verður tekinn í
notkun nýr par 3 sex brauta völlur.
FYRSTA rall ársins fer fram á
Suðurnesjum á laugardaginn
og er það liður í íslandsmótinu
í rallakstri. Meðal keppenda
verða feðgarnir Rúnar Jónsson
og Jón Ragnarsson á Mazda
323, en þeir eru handhafar
meistaratitilsins. Rallið hefst
við Fjörukrána í Hafnarfirði kl.
8.30, liggur um sérleiðir á Suð-
urnesjum og lýkur við Fjöru-
krána kl. 16.00.
Meiðsli eftir veltu há Rúnari
Jónssyni ennþá, en hann vill
ekki láta deigan síga. Hann lét þó
■■■■■■I kyrrt liggja að taka
Gunnlaugur þátt í meistara-
Rögnvaldsson keppni í Mið-Aust-
skrifar urlöndum, sem hon-
um var boðið í á
vegum Opel. Rúnar hefur keppt í
rallakstri í ellefu ár, sex sem öku-
maður og finnst því tími til kominn
að reyna fyrir sér erlendis af fullri
alvöru. „Mér var boðið að aka Opel
Astra í átta mótum, en varð að
hafna því. Bæði er ég ekki orðinn
góður af hálsmeiðslum sem ég hlaut
í keppni fyrir tveimur árum og svo
eignaðist konan mín barn í febrúar.
Því hentaði tímasetningin mér
ekki,“ sagði Rúnar í samtali við
Morgunblaðið. „Þetta var freistandi
boð og margir sterkir ökumenn
keppa í mið-austurlensku meistara-
keppninni, meðal annars tveir prins-
ar sem hafa allt til alls og eru frá
Saudi Arabíu og Kúveit. En hver
keppni hefði þýtt undirbúningsakst-
ur og keppni upp á 8-10 daga.
Heilsa mín leyfir það ekki og það
þýðir ekkert að svekkja sig á því.“
„Ég reyni að komast eitthvað
erlendis í haust og held mér í æf-
ingu með því að keppa hér heima.
Því miður hafa engir nýir toppbílar
komið til keppni hérlendis í mörg
ár. Það er einfaldlega of kostnaðar-
samt að kaupa þá. Alvöru keppnis-
bíll, sem getur slegist upp toppsæti
kostar ekki undir tveimur milljónum
króna og nýr slíkur hátt í fimm
milljónir, sem þá yrði gjaldgengur
erlendis. Þá er rekstrarkostnaður
nærri tveimur milljónum yfir keppn-
istímabil. Sem dæmi má taka að
við þurftum að skipta um afturdrif
og öxla í tvígang í fyrra og það
kostaði 200 þúsund. í nýjum bíl
myndi sömu hlutir kosta 5-600 þús-
und. Forþjappa í okkar bíl kostar
130 þúsund, kúpling 50 þúsund og
keppnisfjöðrun 150 þúsund. Ef eitt-
hvað klikkar í bílunum, þá þarftu
stórt veski, eða góðan stuðningsað-
ila. Þessvegna er lítil endurnýjun
hérlendis. Hinsvegar er flokkur fyr-
ir ódýra bíla, sem býður nýliðum
upp á skemmtilega og jafna keppni,
svokallaður Norðdekk flokkur. Þar
aka allir á samskonar dekkjum og
mega lítið breyta bílunum. Það er
góður kostur fyrir þá sem vilja
keppa í rallakstri og eyða sem
minnstum fjármunum," sagði hann.
„Þá er meðalhraðinn í keppni
orðinn alltof mikill. Við erum að
aka á leiðum þar sem við náum
allt að 200 kílómetra hraða á köfl-
um og meðalhraðinn á leiðunum er
120 kílómetrar á klukkustund. Það
endar bara með alvarlegu óhappi,
ef skipuleggjendur breyta ekki
leiðavali eða gera ráðstafanir til að
minnka hraðann. Við sem keppum
sláum ekkert af, ef hægt er að
komast hratt, þá er sigurinn í
hættu. Rétt eins og í kappakstri.
Sumstaðar erum við að taka löng
flug, tugi metra. Því verða menn
að bregðast við og gæta að sér í
leiðavali. í næsta ralli er til dæmis
ekið á mjög hröðum kafla á ísólfs-
skála sem er stórvarasamur, klapp-
ir og endalaus flug. Ég spyr ekki
að leikslokum ef einhver missir bíl-
inn þar útaf. Þetta er of mikil
áhætta og menn ekki í stakk búnir
að fást við alvarlegt slys á afskekkt-
um stöðum, til dæmis á hálendis-
leiðum.“ *
„Rallið sem íþrótt hefur lítið þró-
ast síðustu ár hérlendis, en aftur á
móti hafa ökumenn tekið framför-
um og hraðinn því aukist. Nú er
kominn tími til að umgjörðin verði
veglegri og skipulagið betra. Er-
lendis er rallakstur vinsæl íþrótt og
því er það freistandi að leita út
fyrir landsteinanna eftir keppnis-
tímabilið. Malbikskeppni heillar
mig, þar þarf ökumaður að vera
mjög nákvæmur í akstri. Á möl
má alltaf redda hlutunum á síðustu *
stundu, með því að bregðast rétt
við, en á malbikinu verður þú að
keyra hárnákvæmt. Annars er voð-
inn vís,“ sagði Rúnar.
KÖRFUKNATTLEIKUR
Oeirðir meðal áhorf
enda í Grikklandi
Yfir þijú þúsund lögreglumenn
hafa verið kvaddir til starfa á
úrslitaleikinn í gríska körfuboltan-
um, þegar Panathinakikos mæta
Olympiakos, eftir að stuðningsmað-
ur var myrtur í síðustu viku. Að
sögn lögregluyfirvalda eru þetta
mestu varúðarráðstafanir vegna á
körfuboltaleik í Grikklandi enda
ástandið talið mjög eldfimt.
George Karnezis, 25 ára stuðn-
ingsmaður Panathinaikos, var
stunginn með hnífí í slagsmálum
sem brutust út fyrir utan Glyfada
leikvanginn á föstudaginn og dó
degi síðar á sjúkrahúsi. Lögreglan
handtók Stavros Profis, sem segist
ekki vera stuðningsmaður Olympia-
FRJALSIÞROTTIR
kos en við jarðarför Karnezis hót-
uðu hundruð stuðningsmanna
Panathinaikos hefndum.
Hvort lið hefur unnið tvo leiki
svo um hreinan úrslitaleik er að
ræða. Sá leikur átti að fara fram
á sunnudag en var frestað til þriðju-
dags.
Lögreglan mun leita á öllum
áhorfendum áður en þeim verður
hleypt inná 15.000 manna leikvang-
inn, sem reyndar heitir Friðar- og
Vináttuleikvangurinn. Leitarhund-
ar munu leita að sprengjum eftir
að sprengjuhótun barst í vikunni
og óeirðarlögregla mun gæta þess
að stuðningsmönnum lendi ekki
saman.
Slaney ætlar ad
vera með í Atlanta
Hlaupadrottningin bandaríska,
Mary Decker Slaney, sem var
upp á sitt besta fyrir 10 árum,
náði aldrei að vinna sigur á Olymp-
íuleikum og ætlar enn að reyna að
láta drauminn rætást. Hún ætlar
að hlaupa 5.000 metrana í Atlanta
á næsta ári og ná 20 ára markmiði
sínu með sigri.
„Það gæti gengið,“ sagði Slaney
sem er orðinn 36 ára, sem hefur
ekki komið út á hlaupabrautina síð-
an 1992 en á heimsmetið innanhúss
og níu Ameríkumet. Hún var sigur-
sæl nema hvað á öllum Ólympíuleik-
um síðan 1976, að henni mistókst
að hirða gullið. Frægt varð er hún
og Zola Budd rákust saman á
Ólympíuleikunum í Los Angeles
1984 og Decker þurfti að hætta
keppni — þegar hún ætlaði sér
sannarlega sigur á heimavelli.
Meiðsli gætu þó sett strik í reikn-
ingin hjá Slaney því líkaminn er
ekki upp á sitt besta og hefur hún
gengið í gegnum 20 uppskurði á
undanförnum árum, síðast á fæti
fyrir 10 dögum sem útilokar hana
frá mótum fram í ágúst. „Ég hugsa
að ef ég ætti að veðja, mundi ég
veðja á móti mér,“ sagði hún um
líkurnar á sigri, „en löngunin er til
staðar og einnig getan að ég held,
það þyrfti allt að ganga upp“.
MEISTARAKEPPNI
KSÍ OG HEKLU 1995
MEISTARAFLOKKUR KARLA
FIMMTUDAGUR 18. MAI KL. 20.00
AKRANESVÓLLUR
IA-KR
DÓMARI: ÓLAFUR RAGNARSSON
LÍNUVERÐIR: KÁRI GUNNLAUGSSON OG GÍSLI H. JÓHANNSSON
EFTIRLITSMAÐUR: GUÐMUNDUR SIGURÐSSON
MEISTARAFLOKKUR KVENNA
FIMMTUDAGIJR 18. MAI KL. 20.00
ASVELLIR
BREIÐABLIK - KR
DOMARI: EGILL MAR MARKUSSON
LÍNUVERÐIR: RÓBERT RÓBERTSSON OG EYJÓLFUR FINNSSON
EFTIRLITSMAÐUR: KRISTJÁN ÞÓRÐARSON
os>
HEKLA
6estS
Laugavegi 170-174, slml 569 5500