Morgunblaðið - 19.05.1995, Blaðsíða 8
8 FÖSTUDAGUR 19. MAÍ 1995
MORGUNBLAÐIÐ
FRÉTTIR
Skólastjórar Tjarnarskóla að loknum tíunda vetri
Morgunblaðið/Þorkell
SKÓLASTJÓRARNIR María Solveig Héðinsdóttir og Margrét Theodórsdóttir ásamt nemendunum
Margréti Önnu Atladóttur og Björgu Tómasdóttur.
Fylgst vel með öllum
sem hafa útskrifast
IJM 260 nemendur hafa verið
brautskráðir frá Tjarnarskóla á
þeim tíu árum sem hann hefur
starfað. Skólinn hefur þá sér-
stöðu innan grunnskóla Reykja-
víkur að vera ny'ög smár í snið-
um og eru aðeins 70 nemendur
við nám árlega eða ein bekkjar-
deild í hveijum árgangi, þ.e. í
8., 9. og 10. bekk.
Að sögn skólastjóranna Mar-
grétar Theodórsdóttur og Maríu
Solveigar Héðinsdóttur verða
tengslin við nemendur því náin.
„Við vitum nánast um hvern ein-
asta nemenda sem hefur útskrif-
ast héðan. Þeir koma og sýna
okkur börnin sín og ég held að
aldrei líði sú vika að ekki komi
einhveijir fyrrverandi nemend-
ur,“ segir Margrét.
„Sérstaklega þegar líður að
prófum, þá koma þau gjarnan
til að fá smá hjálp,“ bætir Maria
Solveig við.
„Okkar nemendur fara ekki
endilega í langskólanám," svar-
ar María Solveig aðspurð um
hvort þær hafi orðið varar við
að þessum nemendum gengi
sérstaklega vel í framhalds-
skóla. „Eg held þó að við getum
sagt að þau hafi öll komist til
manns.“
„Okkar veganesti felst í því
að kenna þeim góð vinnubrögð
og létta þeim róðurinn þegar
þau eru komin út í framahalds-
skólann og lífið,“ bærir Mar-
grét við.
Stöðugildi kennara eru sex
sem er frekar hátt hlutfall mið-
að við nemendur. Skólinn er
einkarekinn, en fær árlega
rekstrarstyrk frá ríki sem sam-
svarar lágmarkskennslu í
þremur bekkjardeildum en
einnig hefur Reykjavíkurborg
styrkt skólann. Nemendur
greiða 17.600 kr. í níu mánuði
í skólagjöld. „Við lítum fyrst
og fremst á skólann sem þjón-
ustu sem er tímafrek en alveg
nauðsynleg til að skapa þann
anda sem við viljum hafa,“ seg-
ir María Solveig.
Margrét Anna Atladóttir og
Björg Tómasdóttir, sem eru í
9.MT segjast vera mjög ánægð-
ar í skólanum. Kennarar sinni
þeim mun betur en gert var í
þeim skólum sem þær gengu í
áður. Þær taka einnig fram að
kennarar hafi oft samband við
foreldra þeirra.
Aðspurðar hvort vinir þeirra
væru úr skólanum eða hverfinu
heima sögðu þær báðar að vinir
þeirra væru einungis í skólan-
um. „Skólinn er svo fámennur
að hér kynnast allir vel. Það
er ekki eins mikið um stríðni
og er strax tekið á því ef eitt-
hvað kemur upp á,“ sagði Mar-
grét Anna.
Nemendum gefst kostur á að
fara í Smiðju eftir skóla, þar
sem þau fá aðstoð við heiman-
ám og segja skólastjórarnir að
hún sé vel notuð. „Eg fer þang-
að þegar ég skil ekki eitthvað
og þarf á hjálp að halda,“ segir
Margrét Anna.
„Eg fer þangað nærri því
daglega," segir Björg. „Mér
finnst gott að vera búin að ljúka
við heimavinnu áður en ég fer
heim.“
Leikrit á ensku
í spjalli okkar kemur í ljós
að tungumálakennslan er nokk-
uð nýstárleg. „Við fluttum leik-
rit á ensku fyrir foreldra og
aðra nemendur. Við þurftum
að læra texta og setja leikritið
á svið,“ segir Björg og í ljós
kemur að það sama er gert á
íslensku og dönsku.
Að lokum voru skólastjórarn-
ir inntir eftir því hvort þeir
væru ánægðir með tíu ára starf-
semi skólans. „Ég mundi ekki
vilja skipta hefði ég tækifæri
til að spóla til baka. Þetta er
það skemmtilegasta sem ég hef
tekið mér fyrir hendur," svar-
aði Margrét.
„Ég segi það sama. Auðvitað
er einn og einn nemandi sem
hefði mátt takast betur með og
hver ósigur hefur meiri áhrif á
mann því tengslin eru það mik-
il. Mér finnst kennarar hér svo
tilbúnir að leggja sig alla fram
og það laðar fram það besta í
krökkunum. Sigrarnir eru þar
af leiðandi margir, en auðvitað
er alltaf hægt að gera betur,“
svarar María Solveig.
Varðhald fyrir steradreifingn
HÉRAÐSDÓMUR Reykjavíkur hef-
ur dæmt 47 ára gamlan fyrrum
eiganda líkamsræktarstöðvar í 3
mánaða varðhald, þar af 2 mánuði
skilorðsbundna, fyrir að hafa flutt
inn og tekið við allt að 9.000
skömmtum af sterum.
Við húsleit í líkamsræktarstöð
mannsins í Brautarholti í Reykjavík
lagði lögreglan hald á tæplega
6.200 töflur, 1 hettuglas og 14 gler-
lykjur.
Maðurinn játaði að hafa flutt
hluta efnanna inn frá Ítalíu og að
hafa tekið við öðru frá manni sem
flutt hafði þá inn frá Tælandi.
Maðurinn játaði sakargiftir en
kvaðst hafa notað stóran hluta lyíj-
anna sjálfur en einnig látið vini og
kunningja hafa eitthvað af þeim.
Ekki hafi verið um eiginlega söiu
að ræða heldur hafi þeir greitt eitt-
hvað upp í útlagðan kostnað. Þetta
hafi verið þröngur hópur sem æfði
í stöð hans og hafi þeir greitt sama
gjald og aðrir en sterarnir verið
innifaldir í æfingagjaldi sem bónus.
Aldrei hafi verið ætlun hans að
hagnast á innfiutningnum, sem
hann taldi heimilan.
í niðurstöðum dómarans segir
að maðurinn hafi flutt inn og mót-
tekið gegn skýlausum ákvæðum
laga mjög mikið magn lyfja sem
hættuleg geta verið heilsu manna
séu þau ekki notuð á réttan hátt
og hann hafí afhent öðrum hluta
lyfjanna. Við refsingu var hins veg-
ar tekið tillit til þess að rannsókn
málsins dróst úr hófí án þess að
við manninn væri að sakast. Auk
þeirrar refsingar sem að ofan grein-
ir var honum gert að sæta upptöku
lyljanna og greiða sakarkostnað og
málsvarnarlaun.
Samtök um vestræna samvinnu
Eignm óbreyttan
tilverugrundvöll
ÞRÁTT fyrir endalok
kalda stríðsins hafa
Samtök um vestræna
samvinnu ekki lagt upp laup-
ana heldur endurskilgreint
hlutverk sitt og halda uppi
öfiugri starfsemi en með
nokkuð öðrum formerkjum
en áður.
„Áður voru samtökin fyrst
og fremst hugsuð sem mót-
vægi við kommúnista og
hemámsandstæðinga," segir
Jón Hákon Magnússon, sem
verið hefur formaður SVS frá
1991. „í kjölfar þess að Sov-
étríkin hrundu, athafnir sov-
éska flotans á Norður-Atl-
antshafi urðu nánast að engu
og íslenskir hernámsand-
stæðingar misstu móðinn,
sáum við hins vegar að við
áttum okkur í raun óbreyttan
tilverugrundvöll; að halda
glugganum til útlanda opn-
um, fá hingað menn til að
tala um alþjóðleg málefni sem
skipta íslendingaymiklu og víkka
sjóndeildarhring íslendinga.
Við höfum vjð verið í sókn síð-
ustu ár í þessu nýja umhverfi,
fundum hefur farið Qölgandi og í
vetur hafa 8-900 manns mætt á
fundi okkar. Þetta er eini vettvang-
urinn sem til er hér á landi fyrir
alþjóðleg samskipti af þessu tagi
þar sem fengnir eru hæfir erlendir
gestir til að flytja fyrirlestra um
alþjóðamál. Meðal gesta okkar
nýlega eru Landsbergis, fv. forseti
Litháen, og Aneurin Rhys Hughes,
sendiherra ESB á íslandi.
Umræðan er ekki einskorðuð við
öryggismál á Norður-Atlantshafí
eins og áður heldur höfum við
búið til nýjan utanríkismálavett-
vang þar sem menn ræða þróun
mála í Evrópu og viðhorfið í al-
þjóða- og utanríkismálum almennt.
Við leggjum áherslu á að fá til
okkar gesti frá sem flestum lönd-
um og höfum sótt okkur ræðu-
menn til Ungverjalands, Litháen
og Finnlands. Sendiherra Rúss-
lands á íslandi hefur verið ræðu-
maður á fundi hjá okkur og rit-
stjórar, fræðimenn og stjómmála-
og embættismenn víða úr Evrópu.
Á næstunni fáum við gest frá
Tævan sem verður fyrsti Asíubú-
inn til að ávarpa fund hjá okkur.
Hins vegar ríkja ákveðnar hefð-
ir hjá þessum samtökum. í áratugi
hefur nýr utanríkisráðherra ís-
lands haldið fyrstu opinberu ræðu
sína um utanríkismál hja okkur
og þá hefð hélt Halldór Ásgríms-
son í heiðri í þessari viku. Það er
einnig hefð fyrir því að yfirmaður
varnarliðsins hveiju sinni sé ræðu-
maður hjá okkur.
Samtökin voru stofnuð fyrir 48
ámm í hálfformlegu samstarfí
Sjáifstæðisflokks, Alþýðuflokks og
Framsóknarflokks og sætum í
stjóminni er enn skipt milli flokk-
anna þannig að Sjálfstæðisflokkur
á 5 fulltrúa, Framsóknarflokkur 3
og Alþýðuflokkur 2.
Áður voru fundimir
aðeins opnir félagsmönn-
um og gestum þeirra. Þá
vildu menn útiloka and-
stæðingana, eins og fuli-
trúa sendiráða austantjaldsríkj-
anna og Samtaka herstöðvaand-
stæðinga. Nú eru fundir hins veg-
ar opnir öllum og við höfum haft
gaman af því að sjá hjá okkur
gamla herstöðvaandstæðinga sem
hafa skipt um skoðun.
Við höldum eins og áður okkar
fundi í samstarfi við Varðberg,
sem er félag ungs fóiks sem er
byggt upp á svipaðan hátt og SVS
og undanfarið höfum við haldið
fundi í samvinnu við önnur félög,
t.d. Germaníu og Vináttufélag ís-
lands og Litháen og við munum
halda slíku samstarfí áfram.
- Hvernig gengur að fá erlenda
Jón Hákon Magnússon
►JÓN Hákon Magnússon er
53 ára framkvæmdastjóri
Kynningar og markaðar hf. og
formaður Samtaka um vest-
ræna samvinnu. Hann er BA í
stjórnmálum og blaða-
mennsku. Jón Hákon hefur um
langt árabil verið virkur í fé-
lags- og stjórnmálastarfi, m.a.
innan Rótarý-hreyfingarinnar
og Sjálfstæðisflokksins á Sel-
tjarnarnesi, þar sem hann hef-
ur verið bæjarfulltrúi. Hann
hefur starfað í stjórn SVS frá
1978. Eiginkona hans er Ás-
laug G. Harðardóttir.
fyrírlesara til að koma hingað til
lands?
„Meðan kalda stríðið stóð sem
hæst lögðu Bandaríkjamenn
áherslu á tengslin hingað eins og
við önnur NATO-ríki og stjórnvöld
þar greiddu fyrir samskiptum af
þessu tagi. Þetta hefur breyst;
þeir leggja minna upp úr þessu
en áður og eru farnir að horfa í
aðrar áttir.
Við erum ekki lengur þetta mik-
ilvæga svæði — eins og sést af
samdrættinum í herafla í Keflavík
og um alla Evrópu — og þess vegna
þurfum við að hafa meira fyrir því
að halda þessum samskiptum uppi.
Bandaríkjamenn segjast hafa
áhuga á vestrænu samstarfi og
samstarfi innan NATO en mörgum
finnst það fremur vera í orði en á
borði. Þeir eru að byggja upp sam-
skipti sín við Rússland og við höf-
um áhygjur af því að þeir missi
áhugann á N-Atlantshafssvæðinu,
a.m.k. tímabundið.
Við höfum hins vegar átt ágætt
samstaf við bandaríska sendiherr-
ann, Parker Borg, sem er jákvæð-
ur í okkar garð og hefur aðstoðað
okkur við að fá hingað áhugaverða
bandaríska ræðumenn."
- Hvað er framundan á næst-
unni í starfi SVS?
„Við erum að und-
irbúa alþjóðlega ráð-
stefnu sem haldin
verður í september um
öryggis- og umhverfis-
mál á N-Atlantshafssvæðinu. Hún
verður haldin í samvinnu við hlið-
stæð félög í Danmörku og Noregi
og er þáttur í nánara samstarfí
við þau félög. í tengslum við ráð-
stefnuna eigum við von á um 40
erlendum gestum, þar á meðal
sendiherra Bandaríkjanna hjá
NATO, háttsettum norskum og
fínnskum ræðumönnum og aðstoð-
arframkvæmdastjóra NATO, auk
erlendra sendiherra hér á landi.
Stórt framtíðarverkefni er undir-
búningur aiþjóðlegrar ráðstefnu í
tilefni af 10 ára afmæli Reykjavík-
urfundar Reagans og Gorbatsjovs
1986.
Halda glugg-
anum til út-
landa opnum