Morgunblaðið - 21.05.1995, Blaðsíða 5
MORGUNBLAÐIÐ
SUNNUDAGUR 21. MAÍ1995 5
FRÉTTIR
Ron Coronado bíður dóms
í Bandaríkjunum
HVALBÁTARNIRtveir, sem útsendarar Sea Shepherd
sökktu við Ægisgarð.
Sökkti hvalbátum í
Reykjavíkurhöfn
RODNEY Coronado, sem sökkti á
sínum tíma tveimur hvalbátum í
Reykjavíkurhöfn, bíður nú dóms í
Bandaríkjunum vegna ásakana
um íkveikju, kúgun og að hafa
haft þýfí undir höndum. Þá er
hann sakaður um aðild að
skemmdarverkum á rannsóknar-
stofu í ríkisháskóla Michigan. Mál
hans verður tekið fyrir í lok júlí nk.
Coronado kom, ásamt félaga
sínum David Howard, hingað til
lands haustið 1986. Aðfaranótt
9. nóvember opnuðu þeir botnlokur
tveggja hvalbáta þar sem þeir lágu
við Ægisgarð í Reykjavíkurhöfn
með þeim afleiðingum að skipin
sukku og stórskemmdust. Þá brut-
ust þeir inn í Hvalstöðina í Hval-
firði og unnu skémmdir, m.a. á
stjórntækjum, frystitækjum og
ljósavélum. Samtökin Sea Shep-
herd lýstu ábyrgð á hendur sér
og viðurkenndu að Howard og
Coronado væru á þeirra vegum.
Mennirnir komust úr landi aðeins
örfáum klukkustundum eftir að
hafa lokið sér af í Reykjavíkur-
höfn. Þeir höfðu hins vegar verið
á landinu í þijár vikur, kynnt sér
aðstæður og undirbúið verknað-
inn.
Paul Watson, forsvarsmaður
Sea Shepherd, sagði í samtali við
Morgunblaðið á sínum tíma að
samtökin hefðu gripið til þess ráðs
að sökkva hvalbátunum vegna
þess að íslendingar brytu sam-
þykktir Alþjóðahvalveiðiráðsins
með svonefndum „vísindaveiðurn“.
Eina hliðstæðan við hvaladráp ís-
lendinga væri gyðingaofsóknir
Hitlers.
Watson kom hingað til lands í
janúar 1988 og var umsvifalaust
handtekinn. Honum var síðan vís-
að úr landi án þess að gefin væri
út ákæra á hendur honum.
A stolnum bíl í
innbrotsleiðangur
Suðureyri. Mor^unblaðið.
AÐFARANOTT föstudagsins var
Subaru-bifreið stolið af planinu
við Framhaldsskóla Vestfjarða.
Þeir sem þar áttu í hlut gerðu
síðan viðreist á hinni stolnu bif-
reið og brutust inn í þrjú fyrir-
tæki á ísafirði og Suðureyri áður
en yfir lauk.
A ísafirði var brotist inn í reið-
hjólaverslunina Þjót og bílasöluna
Erni. Ekki höfðu þjófarnir mikið
upp úr krafsinu á þessum stöðum.
Síðan lá leið þeirra yfir Botns-
heiði til Súgandafjarðar. Þar var
brotist inn í söluskála Esso og
þaðan stolið tóbaki og sælgæti
ásamt öðrum varningi. Á leið um
Botnsheiði í bakaleið missti öku-
maðurinn stjórn á bifreiðinni með
þeim afleiðingum að hún valt á
miðjum vegi og endaði á toppnum.
Dreifðist þýfið, sem hafði verið
staflað í bílinn, um allan veginn.
Vegfarandi sem átti leið um heið-
ina skömmu seinna lét lögregluna
á ísafirði vita og hóf hún þegar
rannsókn málsins.
Af verksummerkjum mátti
ráða að ökumaður og farþegar
bílsins hefðu gengið af heiðinni
til byggða sem er nokkurra kíló-
metra Ieið.
Handteknir
Undir kvöld handtók síðan lög-
reglan á ísafirði þijá menn sem
voru sterklega grunaðir um verkn-
aðinn. Að sögn Hlyns Snorrason-
ar, lögreglufulltrúa á ísafirði, er
rannsókn málsins vel á veg komin,
þótt það sé ekki að fullu upplýst.
Ekki var unnið mikið tjón á inn-
brotsstöðunum, en bifreiðin er
töluvert skemmd eftir veltuna.
Bíll valt á Lagarflj ótsbrú
SKUTBÍLL ók utan í grindverk um og slapp án meiðsla en bíllinn
og valt á miðri Lagarfljótsbrú við skemmdist illa. Að sögn lögreglu
Egilsstaði um fimmleytið í gær- leikur grunur á að ökumaður hafi
morgun. Ökumaður var einn í bíln- ekki verið allsgáður.
kjarni málsins!
eru med
DHL
Það gilda sömu lögmál í handknattleik og
hraðsendingum milli landa - öllu skiptir að sendingin
komist hratt og örugglega í hendur viðtakanda.
Þess vegna hafa sjónvarpsstöðvar, blaðamenn,
keppnislið og forystumenn í handknattleik í heiminum
lagt traust sitt á DHL hraðsendingar meðan á
heimsmeistarakeppninni hefur staðið. Takk fyrir!
WORLDW/DE EXPRESS ®
HEIMSMEISTARAR l' HRAÐSENDINGUM
DHL HRAÐFLUTNINGAR HF, Faxafen 9-108 Reykjavík
Sími S68 9822 • Fax 568 9865