Morgunblaðið - 27.05.1995, Blaðsíða 11
MORGUNBLAÐIÐ
LAUGARDAGUR 27. MAÍ1995 11
LANDIÐ
AKUREYRI
* • Morgunblaðið/Helgi Bjarnason
^ HIN nýja kirkja Isfirðinga.
Isafjarðarkirkja vígð
ísafirði — ísfirðingar fjölmenntu
til vígslu nýrrar ísafjarðarkirkju
á uppstigningardag. Biskupinn
yfir Islandi, herra Olafur Skúla-
son, vígði kirkjuna ásamt pró-
fastinum í ísafjarðarprófasts-
dæmi, séra Baldri Vilhelmssyni,
og prestunum séra Magnúsi Erl-
ingssyni, séra Jakobi Agústi
Hjálmarssyni og séra Karli Val-
garði Matthíassyni, sem allir þrír
hafa verið hér þjónandi prestar.
Isafjarðarkirkja stendur á lóð
gömlu kirkjunnar sem brann í
júli 1987. Hróbjartur Hróbjarts-
son arkitekt og samstarfsfólk
hans teiknaði kirkjuna, en þau
unnu samkeppni um gerð henn-
ar.
Nokkur ágreiningur varð um
staðsetningu og útlit nýrrar
kirkju og var meðal annars kosið
tvisvar sinnum um málið. Nú
virðist að góð sátt hafi náðst í
þessu viðkvæma máli og ísfirð-
ingar troðfylltu kirkjuna við
vígsluathöfnina, sem hófst með
því að Jónas Tómasson tónskáld
og föðurbróðir hans Ingvar Jón-
asson fiðluleikari léku frumsam-
ið tónverk sem Jónas hafi samið
í tilefni vígslunnar. Á meðan
gengu biskup ásamt flestum
starfandi prestum á norðanverð-
um Vestfjörðum og fjórum nú-
verandi og fyrrverandi sóknar-
prestum Isafirðinga inn að altar-
inu. Með þeim gengu sóknar-
nefndarmenn og safnaðarfulltrúi
með ýmsa muni kirkjunnar sem
biskupinn kom síðan fyrir á við-
eigandi stöðum.
Hulda Bragadóttir organisti
stjórnaði kór Isafjarðarkirkju,
en kirkjugestir voru flestir á eitt
sáttir með að mjög góður hljóm-
burður væri í kirkjunni.
í lok athafnarinnar var altaris-
ganga, þar sem fjöldi sóknar-
barna neytti brauðsins og víns-
ins. Formaður sóknarnefndar,
Björn Teitsson rektor, ávarpaði
gesti og gat um helstu atriði sem
vörðuðu framgang kirkjubygg-
ingarinnar en þar kom meðal
annars fram að fjöldi gjafa hafa
borist, auk þess sem bæjarstjórn
hefur lofað árlegu framlagi
næstu árin.
Að athöfninni lokinni stóð
kvenfélagið fyrir glæsilegum
kaffiveitingum í safnaðarheimil-
inu.
Morgunblaðið/Úlfar
FJÖLMENNI var við vígslu kirkjunnar.
BISKUPINN yfir íslandi,
herra Ólafur Skúlason, vígði
kirkjuna.
Verkalýðsfélagið Eining
Mikið atvinnuleysi
meðal félagsmanna
ATVINNULEYSI meðal félagsmanna
Verkalýðsfélagsins Einingar var mjög
mikið á liðnu ári, en alls fengu 1.617
félagsmenn greiddar atvinnuleysis-
bætur á árinu, eða rúm 40% félags-
manna að upphæð tæplega 130 millj-
ónir króna. Félagsmenn eru 4.788
talsins, aðal- og aukafélagar.
Atvinnuléysi
Þetta kom fram í skýrslu Björns
Snæbjörnssonar, formanns Einingar,
á aðalfundi félagsins á miðvikudags-
kvöld en þar gerði hann hið mikla
atvinnuleysi m.a. að umtalsefni. Árið
1993 voru 1.123 félagar atvinnulaus-
ir og fengu greiddar rúmar 120 millj-
ónir í bætur. Fiskvinnslustöðvar á
svæðinu stöðvuðust í upphafi síðasta
árs en það hækkar tölu atvinnu-
lausra verulega. Ástandið var allra
verst á Akureyri og fer lítið batnandi.
Fram kom að heildamiðurstaða
af rekstri sjóða félagsins er jákvæð
um nokkiíð á þriðju milljón, Sjúkra-
sjóður er þó rekinn með tapi og veld-
ur það mönnum áhyggjum, en
greiðslur úr sjóðnum aukast við at-
vinnuleysi. Orlofshúsasjóður stendur
vel undir útgjöldum þó hann hafi
eignast fleiri orlofshús og tekið fleiri
á leigu yfir sumartímanna. Enn
skortir mikið á að hægt sé að verða
við óskum allra um afnot af orlofs-
húsum.
Félagið veitti styrki til Félags
heyrnarlausra, rekstrarstyrk til Iðn-
þróunarfélags Eyjafjarðar, til MFA
vegna fullorðinsfræðslu, til átaksins
íslenskt já, takk, til Mæðrastyrks-
nefndar, Punktsins og þjálfunarlaug-
ar í Kristnesi. Þá styrkti Fræðslu-
sjóður eða kostaði 130 félagsmenn
sína til að sækja námskeið og einnig
var öllum 10. bekkingum á Eyjafjarð-
arsvæðinu gefinn bæklingur um rétt-
indi og skyldur launamanna, Vega-
bréf á vinnumarkaði.
Stuðningur við sjómenn
Á fundinum var samþykkt ályktun
þar sem lýst er yfir fullum stuðningi
við samtök sjómanna í kjarabaráttu
sinni og fordæmdi fundurinn aðgerð-
ir einstakra útgerðarmanna til að
komast hjá löglega boðuðu verkfalli
sjómanna.
Skorað var á félagsmenn Einingar
og annarra stéttarfélaga að þjónusta
á engan hátt þau skip sem þama
eiga í hlut og að vera jafnframt vel
á verði gagnvart verkfallsbrotum og
grípa þegar til viðeigandi ráðstafana
komi þau upp.
Morgunblaðið/Rúnar Þór
Próftíðin hefst með
pönnukökuritgerðinni
AÐ SKRIFA pönnukökuritgerð er
ein af elstu hefðunum við Mennta-
skólann á Akureyri „og hefur ver-
ið lengur en elstu menn muna,“
eins og Sverrir Páll Erlendsson
íslenskukennari við skólann orðaði
það, en upphaflega var hún eins
konar lokapróf í íslenskum stíl.
Þrátt fyrir margvíslegar breyt-
ingar á skólakerfinu hefur þessi
hefð, að skrifa svokallaða pönnu-
kökuritgerð, haldist og er undan-
tekningarlítið fyrsta prófið í
próftíð stúdentsefna. Nemarnir fá
fjóra tíma til að skrifa ritgerðina,
en nafn sitt dregur hún af því að
um miðbik próftímans er gengið
í mötuneyti heimavistar þar sem
stúdentsefnum er boðið upp á
kakó og pönnukökur með sykri
og ijóma.
Stúdentsefni sátu yfir pönnu-
kökuritgerðinni í vikunni og gátu
valið um 6 ritgerðarefni: Sitt er
hvað, gæfa eða gjörvileiki, Vímu-
efnaneysla unglinga, Blítt lætur
veröldin, ísland, land í stórum
heimi, Þegnar framtíðarinnar eða
Fordómar á íslandi.
Einu prófgögnin sem varðveitt
eru við skólann eru pönnukökurit-
gerðirnar, þær voru lengi vel
geymdar i gríðarstórri kistu í and-
dyri Gamla skóla, en voru fluttar
fyrir nokkru upp á háaloft, á norð-
urvistina.
Vorverk
rollukarla
í Ejjum
Vestmannaeyjum - Eitt af vor-
verkunum hjá frístundabændum í
Vestmannaeyjum, sem ekki eru
meði beitiland á heimalandinu, er
að koma fé sínu á beit í úteyjum.
í vikunni flutti einn bóndinn tvær
ær með lömbum sínum til beitar
í Ystakletti. Voru rollurnar fluttar
með gúmmíbát út í Klettsvík þar
sem þær voru settar í land en síð-
an klifu þær skriðuna upp í Ysta-
klett þar sem þær munu dvelja í
sumar í sátt og samlyndi við lund-
ann og aðra bjargfugla.
w
Morgunblaðið/Sigurgeir Jónasson
A
Islenskir búningar
á Minjasafninu
SYNING á íslenskum búningum og gripum þeim tilheyrandi svo og
sýning á ýmiss konar textílum verður í Minjasafninum á Akureyri, en
það verður opið á morgun, sunnudag frá kl. 13-17.
Þessi sýning er í tengslum við
Handverksdag Gilfélagsins sem hald-
inn er í dag, laugardag, en þar verð-
ur gamalt og nýtt handverk til um-
ræðu og hafa sýningar á slíkum grip-
um verið endurbættar af því tilefni.
Sýning á verðlaunagripum úr
minjagripasamkeppni Handverks-
reynsluverkefnisins hefur verið sett
upp í Minjasafninu og stendur hún
til 25. júní næstkomandi.
Sumarstarfsemi safnsins hefst 1.
júní og verður safnið opið dáglega
frá 11-17 til 15. september og verð-
ur ýmislegt um að vera á vegum
safnsins í sumar, m.a. starfsdagar,
gönguferðir og söngvökur.
MESSUR
AKURERYARPRESTAKALL:
Guðþsjónusta verður í Akur-
eyrarkirkju á morgun, sunnu-
daginn28. maíkl. 11.00.
HVÍTASUNNUKIRKJAN: Sam-
koma í umsjá ungs fólks kl.
20.30 í kvöld, laugardaginn 27.
maí. Safnaðarsamkoma
kl.11.00. á sunnudaga og
Vakningasamkoma, ræðumað-
ur Jóhann Pálsson, sama dag
kl. 20.00.