Morgunblaðið - 28.05.1995, Blaðsíða 16

16 D SUNNUDAGUR 28. MAÍ 1995
MORGUNBLAÐIÐ
+
HVERT VILJIÐIFARA
BRÚÐKAUPSFERÐ
Úrval-Útsýn hefur
ýmsa rómantíska kosti
fyrir brúðhjónin
Ljósmynd/Kristján E. Einarsson
Brúðhjónasvíta á
Grand Hótel Reykjavík
ISLENDINGAR fara í auknum
mæli til útlanda í brúðkaups-
ferðir en þeir eru líka margir
sem vilja fara um sitt eigið land.
Auðvitað er fjarska mismunandi
hvað ungu hjónin vilja og hvert
þau fara og ekki síður hve miklu
fé þau vilja eða geta eytt í brúð-
kaupsferðina.
Hingað til lands koma einatt
hjónaleysi til að láta pússa sig
saman enj>að virðist ekki al-
gengt að Islendingar gifti sig í
utanlandsferðum nema i stöku *
tilfeilum.
Það er breytilegt hvert fólk
fer og ekki alltaf langferðir sem
verða fyrir valinu og oft erp.,
stuttar utanlandsferðir, flug og
bíll sem hjónin velja.
Og svo eru auðvitað ekki nánd-
ar nærri allir sem fara i brúð-
kaupsferð. En það hefur orðið æ
vinsælla síðustu ár að ungu hjón-
in fá sér svitu á hóteli og dvelja
þar brúðkaupsnóttina. Venjulega
hefur þá veislan verið haldin á
þessu hóteli og brúðhjón fá þá
sérstök tilboð á gistingu eða hún
er jafnvel í kaupbæti. Við litum
á nokkra kosti sem eru i boði.
Útlendingar koma
oft í brúðkaupsferðir
til íslands
Hjá Ferðaskrifstofu Guðmundar
Jónassonar fengust þau svör að
ekki væri mjög algengt að nýgift
hjón færu í hópferð á hálendið
en aftur meira um útlendinga.
Signý Guðmundsdóttir sagði að
væru nýgift hjón væru í hópnum
væri alltaf reynt að gera þeim
eitthvað til heiðurs með söng og
skemmtilegheitum og aukaþjón-
ustu. En hjá þeim væri ekki mjög
mikið um íslensk brúðhjón, þau
virtust fara á eigin bílum á ferð-
um sínum.
Sérstakar
brúðkaupsferðir hjá
Úrval-Útsýn
Úrval-Útsýn kynnir sérstakar
brúðkaups, afmælis eða útskrift-
arferðir í sérferðabæklingi sín-
um. Goði Sveinsson, markaðs-
stjóri sagði að öll brúðhjón sem
bóka sig í ferðir á árinu njóti
sérstakrar aðstoðar við að finna
rómantiskan stað. Strax eftir
flugtak frá Keflavík fá þau
kampavín frá ferðaskrifstofunni
og boðið er í eina skoðunarferð
á ákvörðunarstað. Meðal staða
sem þykja vinsælir eru Arúba-
ferðir, siglingar með farþega-
skipum um Karíbahaf 3-7 daga
ferðir, Austurlandahraðlestin
London-París-Feneyjar.
Til upplýsinga má taka hér
nokkur dæmi um verð. Átta dag-
ar á íbúðahóteii á Arúba kosta
91.245 kr. á mann. Innifalin er
blómum prýdd íbúð, sigling í sól-
arlagi, kampavín, miðar á ýmsar
uppákomur og gjöf frá hótelinu.
Vikusigling um Karíbahaf kostar
98.390 og enn má nefna 2ja vikna
veru í Algarve á 73.630 kr. á
mann. Úrval-Útsýn hefur gjafa-
bréf sem vinir brúðhjóna geta
lagt saman í púkk og styrkt þau
í ferð.
Grand Hotel
Reykjavík
Á hótelinu er gefinn kostur á
ýmsum útgáfum af brúðkaup-
sveislum. Einna vinsælast mun
vera pinnamatur og freyðivín.
Salir í hótelinu fyrir veislur eru
þrir og taka allt að 120 manns.
Sé veislan fyrir 60 eða fleiri
er innifalin gisting fyrir brúð-
hjónin i einni af svítum hóteis-
ins, freyðivín og ávextir og
morgunverður i rúmið daginn
eftir. Ef veisian er ekki á hótel-
inu er verðið á svítunni rösksar
17 þús. kr.
Ef valinn er pinnamatur í
veisiuna má reikna með að verð
fyrir 100 manns sé um 145 þús-
und og vín um 60 þús. en fer
þó eftir því hve lengi veislan
stendur þ.e. 2 eða 4 klst.
Bjarni Ásgeirsson, hótelstjóri
sagði að einnig væri að fá
kalt/heitt hlaðborð með tilheyr-
andi víni. Þá væru veislur varla
fámennariu en 60 í mat og mætti
reikna með að maturinn kostaði
um 165 þúsund og síðan bættist
borðvín við eða aðrir drykkir.
Regnbogahótelin
Regnbogahóteiin eru alls tíu og
Málfríður Finnbogadóttir á
skrifstofu þeirra í Reykjavík
sagði að menn gætu fengið
gjafabréf þar fyrir t.d. ákveðn-
um fjölda gistinátta.
OIl hótelin gera eitthvað sér-
stakt til að gleðja brúðhjónin,
ýmist eru settir ostabakkar,
ávextir eða blóm á herbergin og
oft freyðivín og síðan fá ungu
hjónin morgunverð í rúmið. Ef
þau snæða á hótelunum á kvöld-
in er oftast gert eitthvað þeim
til hátíðabrigða.
Ugglaust eru margs konar
kostir eða tilboð og hér hefur
aðeins verið drepið á fáa eina.
Flestir vilja gera sitt til að gleðja
brúðhjónin og gefa þeim tæki-
færi til að verja hveitibrauðs-
dögum á sem ánægjulegastan
hátt. Því er bara ráð að líta sem
best í kringum sig og afla sér
upplýsinga eftir áhuga og að-
stæðum.
^Pciltctcufctf^
niuitclatöAui^
(Sta/ óa^//^a//uo^/a/óf/n^/ur/?
tf&fsisitz///>ér má/rn
oý sÁo/faJa/
á/e/'só/ia/e///yóuuA'ta,
Ljósmyndastofa Sigríðar Bachmann
Garðastræti 17, sími 623131.
VJLnXxÍAÁ
að þinni ósk!
Skreytum einnig veislusalinn, bílinn
<>g hjálpum ykkur aö skapa fallegan
heildarsvip og gera daginn
ógleymanlegan.
ALEXANDRA
IÓM OG tGYPSKAR VORUR
Skólavördustíg 1A Sími 551 0899