Morgunblaðið - 13.06.1995, Blaðsíða 19

MORGUNBLAÐIÐ
ERLEIMT
ÞRIÐJUDAGUR 13. JÚNÍ 1995 19
CLINTON og Gingrich í New Hampshire á sunnudag.
Reuter
Gmgrich kannar j arð veginn
Claremont í New llampshire. The Daily Telegraph.
HINN umdeildi forseti fulltrúadeild-
ar Bandaríkjaþings, Newt Gingrich,
notar hvert tækifæri til að vekja
athygli á skoðunum sínum og segir
að þetta sé ástæða þess að hann
útiloki ekki algerlega að reyna fyrir
sér í forsetaframboði á næsta ári.
Hann segir að flölmiðlar muni kalla
þetta lymskufulla aðferð við að
bjóða sig fram til forseta en hann
viti að með þessu sé ávallt tryggt
að minnst 15 myndavélar séu á
staðnum þegar hann tjái sig.
Hvað sem þessum ummælum líð-
ur þykir ljóst að þingforsetinn sé í
reynd að velta fyrir sér framboði,
þrátt fyrir viðvörun móður sinnar í
sjónvarpsviðtali nýverið: „Ekki
núna, það er of snemmt." Gingrich
er einn helsti talsmaður þeirra repú-
blikana sem vilja grípa til rótttækra
ráðstafana til að skera niður ríkisút-
gjöld og minnka opinber afskipti.
Með öflugan meirihluta í báðum
þingdeildum hafa þeir þegar sam-
þykkt mikilvæg frumvörp í þessa
veru.
Þótt Gingrich sé meira í sviðsljós-
inu en nokkur annar bandarískur
stjórnmálamaður að Bill Clinton for-
seta undanskildum sýna kannanir
að hugur fólks til þingforsetans er
blendinn. Tveir af hveijum þrem
kjósendum eru ósáttir við þær að-
ferðir sem hann beitir til að koma
málum sínum í gegn. Ljóst er að
mun fleiri repúblikanar vilja að Bob
Dole verði forsetaframbjóðandi
fremur en Gingrich og spár benda
til að Dole myndi sigra Clinton.
Á atkvæðaveiðum
Þingforsetinn var á atkvæðaveið-
um í New Hampshire fyrir skömmu
og var annar tveggja ræðumanna á
fundi á sunnudag með eftirlauna-
þegum, hinn var Clinton. Sýnt var
frá fundi þeira í sjónvarpi en þetta
er í fyrsta skipti sem forseti Banda-
ríkjanna og þingforsetinn mætast
með þessum hætti. Þeir Clinton og
Gingrich lögðu áherslu á að þeir
gætu starfað saman og virtist fara
vel á með þeim.
Verkföll
lama starf-
semi SAS
Stokkhólmi. Reuter.
STARFSEMI SAS-flugfélagsins
var lömuð í gær vegna dagsverk-
falls flugstjóra, þess fjórða á 10
dögum. Hafa flugstjórar boðað ann-
að verkfall á morgun, miðvikudag,
hafi samningar um nýjan kjara-
samning ekki tekist þá.
Talsmaður SAS sagði, að aflýsa
hefði orðið 800 flugferðum með um
55.000 farþega en flugið átti að
hefjast aftur á miðnætti sl. Upp úr
viðræðum flugstjóra og samninga-
manna flugfélagsins slitnaði á
sunnudag og hafa verkfallsaðgerð-
irnar áhrif á allt flug SAS í Evrópu
og á alþjóðaflugleiðum og einnig
innan Norðurlanda. Það er aðeins
feijuflug milli Svíþjóðar og Dan-
merkur, sem hefur gengið eðlilega.
Akveða áti í gær hvenær næsti
samningafundur yrði haldinn en
flugstjórar hafa boðað dagsverkfall
á morgun verði ekki orðið við kröfu
þeirra um 6% kauphækkun. Tals-
menn SAS sögðu fyrir helgi, að
ekki yrði boðið meira en 3,5% en
sænskir fjölmiðlar segja, að boðið
hafi þó eitthvað verið hækkað.
-----♦ ♦ «----
Aðskilnað-
arsinnar
sameinast
Montrcal. Reuter.
LEIÐTOGAR aðskilnaðarsinna {
Quebec-fylki í Kanada sögðu á
föstudaginn að þeir hefðu sameinað
krafta sína í baráttunni fyrir full-
veldi fylkisins og myndu efna til
almennrar atkvæðagreiðslu með
haustinu
Leiðtogar þriggja flokka sem
beijast fyrir aðskilnaði, Parti Qu-
ebecois (PQ), Bloc Quebecois (BQ)
og Action Democratique du Quebec
(ADQ) sögðust hafa lagt drög að
sameiginlegri stefnu sem yrði borin
undir atkvæði íbúa fylkisins. Þeir
leita eftir umboði til þess að semja
um efnahagsleg og stjómmálaleg
tengsl við Kanada, komi til aðskiln-
aðar. Fylkið myndi síðan lýsa yfir
sjálfstæði ári síðar, hvort sem
samningar hefðu tekist eða ekki.
Mikilvægi samkomulags flokk-
anna þriggja felst bæði í samvinnu
PQ, sem er við stjórnvölinn á fylkis-
þinginu, og BQ, sem er næst-
stærsti flokkurinn á ríkisþinginu í
Ottawa, og einnig í því að ADQ,
sem er hófsamari í aðskilnaðarmál-
inu, hefur gengið til liðs við þá.
Stuðningur við aðskilnað hefur
mælst um 45% í fylkinu, sem er
svipað fylgi og PQ fékk í síðustu
fylkiskosningum. ADQ hlaut 6,5%
atkvæða í þeim kosningum, og
binda aðskilnaðarsinnar vonir við
að fylgi flokksins nægi til þess að-
skilnaður verði samþykktur í at-
kvæðagreiðslunni í haust.

Gömu/ atvmnutæki geta
grafíð undan rekstrinum
Ný tæki og skynsamlegar
fjárfestingar geta gjörbreytt
rekstri fyrirtækis þíns.
SP-Fjármögnun hf. er nýtt
fyrirtæki í eigu Sparisjóðanna
sem býður fyrirtækjum og
einstaklingum í rekstri kaup
og fjármögnunarleigusamninga
sem valkost við kaup á
atvinnutækjum. Helstu kostir
við eignarleigusamninga
SP-Fjármögnunar hf. eru
þeir að þú nýtur staðgreiðslu-
afslátttar við kaup tækja,
greiðslubyrði getur verið
sveigjanleg, fjármögnun allt
að 100% og tækið er helsta
tryggingin.
Kjartan G.
Gunnarsson
Guörun
Einarsdóttir
l'ótur
Gunnarsson
Linda
Mctúsalemsdóttir
Haf&u samband og fáöu
nánarí upplýsingar
- fyrir betri tíma
Vegmúli 5, 108 Reykjavík, simi 588-7200, fax 588 - 7201