Morgunblaðið - 15.06.1995, Blaðsíða 11
MORGUNBLAÐIÐ
FIMMTUDAGUR 15. JÚNÍ 1995 11
FRÉTTIR
Hafnarstjórn Vestmannaeyja tapar máli
fyrir Héraðsdómi Reykjavíkur
Dæmd til að greiða rúmar
30 millj. króna auk vaxta
„ERUM íslendingum þakklátir fyrir tækifærið sem okkur býðst
hér,“ sögðu Maxwell Ditta frá Pakistan og Kofi Boateng - Agyen-
im frá Ghana.
Farandbóksalar frá
fjarlægum löndum í
hvert hús í sumar
BÓKSALA á vegum aðventista
hefur verið rekin á íslandi í
nærfellt 100 ár. Fyrsti bóksalinn
kom hingað frá Danmörku um
aldamótin og seldi kristilegar
bókmenntir. Þessari starfsémi
hefir Frækornið, bókaforlag að-
ventista á Islandi, haldið úti síð-
an.
Bóksalarnir sem verða á ferð-
inni í sumar koma frá Ghana,
Pakistan, Króatíu og Indlandi.
Með bóksölunni afla þeir sér
tekna sem gerir þeim kleift að
leggja stund á menntun sem þeir
geta hagnýtt sér seinna meir í
starfi í sinu heimalandi.
Kofi Boateng - Agyenim frá
Ghana ætlar næstu þrjá mánuð-
ina að knýja dyra á heimilum á
Vesturlandi og á Vestfjörðum og
Maxwell Ditta frá Pakistan á
Norðurlandi Vestra.
I samtali við Morgunblaðið
sögðust gestirnir langtaðkomnu
vera Islendingum mjög þakklátir
fyrir það tækifæri sem þeim
býðst með starfi sínu hér.
Kofi Boateng kemur frá fá-
tæku sveitahéraði í Ghana. Hann
er aðventisti og bauðst að taka
þátt í bóksölustarfi því sem að-
ventistar skipuleggja, einkum á
Norðurlöndum. Fyrir störf sín
hlýtur hann styrk frá kirkju að-
ventista til náms í skóla að eigin
vali. Hann hyggst læra til kenn-
ara hjá háskóla i Englandi sem
rekinn er af aðventistum. Að
náminu loknu ætlar hann heim
til Ghana og verða þar kennari.
Maxwell Ditta frá Pakistan
hefur svipaða sögu að segja;
hann ætlar að nýta launin fyrir
störf sín á Islandi til að læra
kennslu og skólasljórnarfræði í
aðventistaháskóla á Filippseyj-
um en snúa síðan heim til Pakist-
an, þar sem hann langar að
leggja sitt af mörkum í barátt-
unni gegn ólæsi, sem er þar um
70%.
HÉRAÐSDÓMUR Reykjavíkur
dæmdi nýlega Hafnarstjórn Vest-
mannaeyja til að greiða Hafverki
hf. í Garðabæ 30,5 milljónir króna
auk vaxta vegna verks, sem Haf-
verk hf. tók að sér árið 1992. Hafn-
arstjórn Vestmannaeyja var stefn-
andi í málinu og Hafverk hf. gagn-
stefnandi.
Hafverk hf. tók að sér dýpkunar-
framkvæmdir í Vestmannaeyjahöfn
samkvæmt verksamningi við
Hafnamálastofnun ríkisins 20. júlí
1992. Tilboðið hljóðaði upp á 39,5
milljónir kr. og átti að skila verkinu
l. október 1992.
Hafverk hf. hófst handa við verk-
ið en hvarf frá því 18. nóvember
og tilkynnti verklok vegna þess að
forsendur verksins hefðu brugðist,
m. a. að botninn hefði reynst annar
en ráða hefði mátt af lýsingu í út-
boðsgögnum. Þegar Hafverk hf.
hvarf frá verkinu hafði fyrirtækið
fengið greiddar 31,5 milljónir fyrir
það og fengið samþykktan reikning
upp á 4,1 milljón króna.
Annað fyrirtæki
lauk verkinu
Eftir að Hafverk hf. hvarf frá
verkinu fékk Hafnarstjórn Vest-
mannaeyja annað fyrirtæki, Svein-
björn Runólfsson sf., til að ljúka
því. Það var gert á tímabilinu 29.
apríl til 7. júní 1993.
Hafnarstjórn byggði kröfur sínar
á því að um tvenns konar vanefnd-
ir hefði verið að ræða af hálfu
Hafverks hf. í fyrsta lagi hafi verk-
inu ekki verið skilað á umsömdum
tíma og í öðru lagi hafi verkið ekki
verið unnið með þeim hætti sem
um hafi verið samið.
Botninn ekki í samræmi við
útboðsgögn
í dómsniðurstöðu kemur fram að
álit dómsins sé að sá hluti graftar-
svæðisins, sem Hafverk hf. hvarf
frá að dýpka, hafi ekki verið í sam-
ræmi við útboðsgögn. Frávikin hafi
verið meiri en búast hafi mátt við
og hafnarstjórn hafi mátt vera þetta
ljóst. Þrátt fyrir þetta hafi Hafverki
hf. næstum því tekist að ljúka verk-
inu. Það sjáist best á því að samið
hafi verið við Sveinbjörn Runólfsson
sf. um að moka upp 700 rúmmetr-
um en upphaflega hafi verið gert
ráð fyrir að Hafverk hf. mokaði upp
og fjarlægði 40.930 rúmmetra mið-
að við áætlaðar magntölur í útboðs-
gögnum. Fyrir að ljúka dýpkun að
fullu og fullgera enda á Hörgeyrar-
garði fékk Sveinbjörn Runólfsson
sf. greiddar 10,6 milljónir króna.
Einnig segir að kvartanir og bók-
anir Hafverks vegna botnsins hafi
verið raktar og viðbrögð hafnar-
stjórnar við þeim. Það sé álit dóms-
ins að þessi viðbrögð hafi ekki ver-
ið í samræmi við ákvæði verklýsing-
ar og verði hafnarstjórn að bera
hallann af því.
Krafa um dagsektir ekki
teknar til greina
Niðurstaða dómsins er sú að for-
sendur útboðsins að þessu leyti
hafi brostið eins og Hafverk hf.
hafi haldið fram og því hafi verið
rétt að tilkynna hafnarstjórn verk-
lok og krefjast úttektar.
„Af þessu leiðir, að krafa stefn-
anda um að stefndi verði dæmdur
til að greiða honum dagsektir verð-
ur ekki tekin til greina, enda telur
dómurinn sannað samkvæmt fram-
ansögðu, að tafir þær, er urðu á
verkinu fram yfir umsamin verklok
og að teknu tilliti til samþykktra
aukadaga, stafi af forsendubrestin-
um. Með sama rökstuðningi verður
krafa stefnanda um að stefndi
greiði honum kostnað hans af dýpk-
unarvinnu Sveinbjörns Runólfsson-
ar sf. heldur ekki tekin til greina,"
segir í niðurstöðu.
Hafnarstjórn gerði kröfu um
bætur vegna frágangs á hafnar-
garði, en sú krafa var ekki tekin
til greina vegna þess hve seint hún
kom fram. Hafverk var sýknað af
öllum kröfum hafnarstjórnar.
59 milljóna króna
gagnkrafa
í gagnstefnu krafðist Hafverk
hf. þess að fá eftirfarandi greitl.:
Samþykktan verkreikning, sam
þykkt aukaverk, eftirstöðvar verk
samnings, kröfur vegna umferðar
tafa, grjóturða, endurvinnslu,
skemmda á gröfutæki, prófunar
graftar, skipsstefnis í garðinum
[Hörgaeyrargarðs], graftrar á flök
um, járns og keija, kröfu um endur
greiðslu verktryggingar og kröfu
vegna undirbúnings kröfugerðar,
samtals að upphæð 59,3 milljónir
króna.
Kröfurnar voru að hluta teknar
til greina og var hafnarstjórn dæmd
til að greiða 30,5 milljónir króna.
Dráttarvaxtakrafa var einnig tekin
til greina auk þess sem hafnarstjórn
var dæmd til að greiða 1,9 millj.
króna í málskostnað auk virðis-
aukaskatts.
Dóminn kváðu upp Arngrímur
Isberg, Gunnar Torfason og Ragnar
Ingimarsson.
Sólstöðuhópurinn
Fjölskyldu-
hátíð í
Holtum
SÓLSTÖÐUHÓPURINN hefur
skipulagt fjölskylduhátíð sem ber
nafnið „í hjartans einlægni“. Hátíð-
in verður dagana 30. júní til 2. júlí
næstkomandi á Laugalandi í Holt-
um í Rangárvallasýslu.
Samkvæmt upplýsingum frá Sól-
stöðuhópnum er hátíðin ætluð öllum
sem áhuga hafa á að bæta mannlíf-
ið, rækta tengslin við umhverfið,
sína nánustu og sig sjálfa og er
sniðin fyrir bæði unga og aldna,
jafnt einstaklinga sem fjölskyldur.
Þátttaka hefur þó verið takmörkuð
við 300 fullorðna.
Stutt námskeið
Fyrirkomulag hátíðarinnar verð-
ur með því móti, að boðið verður
upp á stutt námskeið sniðin að þörf-
um bæði fullorðinna og barna.
Þ'jöldi fyrirlesara og leiðbeinenda
úr hinum ýmsu starfsstéttum —
sálfræðingar, prestar, heimspek-
ingar, leikarar, fóstrur, vímuefna-
ráðgjafar, dansarar og aðrir lista-
menn — leggja sitt af mörkum til
að miðla efnum eins og gagn-
kvæmri skuldbindingu í parsam-
bandinu, tryggð, trúfesti, ást og
umhyggju, aga og uppeldi, trú og
hjónabandi" og fleiru. Jafnffamt
stendur til að lögð verði rækt við
hvers kyns sköpun; að leika og
dansa, mála og yrkja. Mikið verður
lagt upp úr vandaðri barnadagskrá.
Morgunblaðið/Albert Kemp
Kominn á sinn stað
BÚIÐ er að setja upp nýjan 30 metra reykháf við hús fiskimjöis-
verksmiðju Loðnuvinnslunnar hf. á Fáskrúðsfirði en nýlega var
birt. í Morgunblaðinu mynd af lionuin á bílpalli í Vesturbæ Reykja-
víkur á leið inn í Sundahöfn. Reykháfurinn er úr stáli og var
settur saman á mettíma, eða þremur vikum, og fluttur sjóleiðina
austur. Sá nýi er talinn með stærstu reykháfum í landinu, vegur
um 25 tonn og er 2,5 metrar í þvermál þar sem liann er breiðastur.
Unglingar í félagsmiðstöðinni
Fjörgyn á faraldsfæti
Heimsóttu franska
jafnaldra sína
UNGLINGAR úr félagsmiðstöð-
inni Fjörgyn í Grafarvogi í
Reykjavík lögðu nýlega land und-
ir fót og heimsóttu jafnaldra sína
í Frakklandi. Þeir eiga svo von á
frönskum ungmennum hingað til
lands í samskonar heimsókn.
Það voru fjórtán unglingar sem
héldu utan ásamt tveimur leið-
beinendum. Ferðin tók tíu daga
og dvalið var á frönskum heimil-
um í nágrenni Parísar.
Að sögn Kristínar Sigurðar-
dóttur leiðbeinanda kom það ungl-
ingunum á óvart hve mikill munur
er á menningu íslendinga og
Frakka. „Ferðin heppnaðist ótrú-
lega vel og við urðum ekki fyrir
neinum óhöppum. Það var líka
ánægjulegt hvað foreldrarnir tóku
þessu vel, því það er ekki lítið
mál að senda sextán ára ungling
til Frakklands".
Styrkt til
fararinnar
Samtökin Ungt fólk í Evrópu
veittu styrk sem gerði ferðina
mögulega. í honum fólst bæði
aðstoð við að komast út og til að
taka á móti hópi franskra ungl-
inga sem mun koma hingað í byij-
un júlí. Frönsku ungmennin munu
dvelja á heimilum og kynnast ís-
lensku hversdagslífi. Styrkurinn
er veittur í þeim þilgangi að efla
evrópska samvitund meðal ungl-
inga.
Svensson®
í síðasta vörulista okkar misritaðist
símanúmer póstverslunarinnar
Rétt símanúmer er 566 7580