Morgunblaðið - 15.06.1995, Blaðsíða 44

44 FIMMTUDAGUR 15. JÚNÍ 1995
MORGUNBLAÐIÐ
Ljóska
Vaknaðu, herra ...
það er matartími...
hérna, fáðu þér
epli...
NICE eOIN6,5IR..SHE 5AIPTHATWA5THE BE5T AN5WER VOll'VE 6IVEN TODAT.. i i I WA5TRVIN6 TO SPELL ''mississippú:.. U/HERE'ú THI5 APPLE COME fmi
K Á V) § ra a> U.
WÁ) r .1 5 $
=1 J| © s.»
Vel af sér vikið, Ég var að reyna
herra... hún sagði
að þetta væri besta
svarið sem þú hefðir
gefið í dag ...
að stafa „Miss-
issippi" ... hvað-
an kom þetta epli?
BREF
TIL BLAÐSINS
Kringlunni 1103 Reykjavík • Sími 569 1100 • Símbréf 569 1329
Samstilling orku,
efnis og1 hugar
Hin veraldlega þrenning
Frá Atla Hraunfjörð:
ÚT ER komin stórmerkileg bók
þó ekki fari mikið fyrir henni i
almennum umræðum á þessu
augnabliki. Bókin ber heitið Dr.
Helgi Pjeturss, samstilling lífs og
efnis í alheimi og er samvinnu-
verkefni nokkurra vísindamanna
sem vilja halda á lofti kenningum
dr. Helga.
í bókinni er rakin þróun kenn-
inga dr. Helga allt þar til út kem-
ur fyrsta bók hans um samband
lífs í alheimi og samstillingu lífs
og efnis og áfram þar til ævi hans
lýkur. Inn í er skotið umsögnum
annarra vísindamanna innlendra
sem erlendra um manninn Helga
og kenningar hans. Að sjálfsögðu
eru skoðanir manna misjafnar,
með og móti.
í ritdómum sem út hafa komið
er tæpt á kenningum dr. Helga í
þessajri bók, en ekki orð um eitt
af aðalmálum hennar, en það er
umfjöllun um orkudeilikenning-
una sem telja má staðfasta vís-
indalega staðreynd, byggða á
rannsóknum hæfustu vísinda-
manna nútímans.
Samkvæmt niðurstöðum þess-
ara rannsókna er ljóshraðinn ekki
hinn mesti hraði í alheimi. Allt í
veröldinni er hvikult, þannig að
hvert minnsta ódeili hefur áhrif á
allan heiminn samkv. kenningum
Faradays. Skammtafræðin segir
okkur frá ósamfelldri hreyfingu
einda. Þegar ögn hverfur úr massa
skapast hún samstundis einhvers
staðar úti í hinum endalausa geimi
og önnur skapast í massanum
samstundis einhvers staðar að
komin.
Við lestur þessarar makalausr-
ar bókar undrast maður hvað allt
er í sjálfu sér einfalt, svo einfalt
að maður sér það ekki og þarf
að láta benda sér á það. Allt í
veröldinni leitar jafnvægis. Jafn-
vægi má einnig skoða sem sam-
stillingu. Við sjáum jafnvægið á
milli jötunhnattarins sólarinnar og
allra hinna litlu hnatta er um
hana snúast. Samstilling er nær
að segja, því þarna á sér stað jafn-
vægi á milli miðflóttaafls reiki-
stjarnanna og aðdráttarkraftar
sólar. Þetta hárfína jafnvægi sem
heldur reikistjörnunum á braut
sinni, skapar sólkerfið okkar og
þetta jafnvægi er ekki bundið við
okkar sólkerfi, heldur allan heim-
inn hvorki meira né minna. Ver-
öldin öll er samstillt samkvæmt
vísindalegri niðurstöðu orkudeili-
kenningarinnar og þegar kenning-
um dr. Helga er bætt inn í mynd-
ina er þetta allt skiljanlegra.
Heimurinn er ein órofa heild.
Skynheimurinn er einn, veru-
Ieikinn er einn. Veröldin er sam-
stilling orku, efnis og hugar.
Maðurinn einn er ekki samstillt-
ur í tilveru sinni hér á jörð og
getur það orðið honum dýrkeypt.
Hann einn getur rofið samstillingu
orku og efnis og orðið sér og öllu
lífríki á jörðinni að aldurtila.
Manninum er nausynlegt að skilja,
að samstillist hann ekki nátúrunni
losar náttúran sig við manninn.
Annað, ekki eins langstótt og
margur vill halda, maðurinn fær
ekki aðgang að vitsambandi lífs
í alheimi án samstillingar við
mann og náttúru. Um það má
langt mál rita.
Eg hvet alla er vita vilja og
áhuga hafa á andlegum jafnt sem
efnislegum málum, að lesa þessa
bók sér til vitkunar.
Virðingarfyllst,
ATLI HRAUNFJÖRÐ,
Kársnesbraut 82a, Kópavogi.
Hinni Opinberi
Frá Garðari Vilhjálmssyni:
NÚ GEISAST fram á ritvöll allra
landsmanna ungir íhaldshnokkar
og ungar íhaldstátur og segja okk-
ur hinum hve stóran hluta ársins
við þurfum að vinna fyrir Hinna
Opinbera. Hinni Opinberi er ein-
hver skonar skrímsli sem sífellt
étur upp meira og meira af okkar
tíma og ekkert virðist fá við ráðið.
Það er hins vegar þannig með
hann Hinna Opinbera að hann og
enginn annar hefur greitt fyrir
háskólanám flestra þessara íhalds-
hnokka og íhaldstáta, Hinni opin-
beri kemur líka til með greiða
umönnum þessara hnokka og táta
þegar þau þurfa að leggjast inn á
spítala og Hinni Opinberi hugsar
líka um þau þegar þau verða göm-
ul. Hinni Opinberi veit líka að við
getum ekki öll farið í háskóla og
orðið efnaðir efnafræðingar eða
viðskiptafræðingar, þess vegna
vill hann Hinni Opinberi jafna
dálítið kjörin okkar.
Auðvitað er hann Hinni Opin-
beri dálítið spilltur - hann treður
mönnum í feitar og dýrar stöður,
Iánar oft peninga í vitlausta hluti
sem hann fær aldrei til baka og
svo á hann Hinni Opinberi það til
að halda mönnum á sérverkefnum
hjá sér án þess að nokkur ástæða
sé til. Þannig get ég tekið undir
að það þarf að tukta hann Hinna
Opinbera dálítið til - en það eiga
íhaldshnokkar og íhaldshnátur að
gera á heimavelli en ekki ritvelli
allra landsmanna.
GARÐAR VILHJÁLMSSON,
skrifstofustjóri Iðju, félags verk-
smiðjufólks.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.