Morgunblaðið - 15.06.1995, Blaðsíða 2

2 B FIMMTUDAGUR 15. JÚNÍ 1995
MORGUNBLAÐIÐ
VIÐSKIPTI
Sparisjóðsstjóri Sparisjóðs vélstjóra
um tilboð Handsals í langtímalán
Kann að hafa áhrif
til lækkunar vaxta
HALLGRÍMUR G. Jónsson, sparisjóðsstjóri Sparisjóðs vélstjóra, segir að
vel komi til greina að tilboð Handsals hf. um langtímalán fyrir einstakl-
inga hafi áhrif til vaxtalækkunar hjá sparisjóðnum.
Níu lífeyrissjóðir sameinast um stórt til-
boð í húsbréfaeign Seðlabankans
Vilja kaupa bréf
fyrir250 milljónir
VERÐBRÉFAFYRIRTÆKIÐ Handsal hf., setur í dag fram kauptilboð á
Verðbréfaþingi íslands í húsbréf í eigu Seðlabankans að íjárhæð 250
milljónir króna. Að sögn Pálma Sigmarssonar, framkvæmdastjóra Hand-
sals, er tilboðið gert fyrir hönd 9 lífeyrissjóða. Tilboð af þessu tagi er
óvenjulegt því hingað til hafa viðskipti átt sér stað með mun lægri fjárhæð-
ir á Verðbréfaþinginu.
Leirverksmiðja í
Búðardal í bígerð
50-100 milljóna króna fjárfesting
Pálmi sagði að tilgangur tilboðs-
ins væri að kaupa fyrir hönd sjóð-
anna húsbréf af eldri árgangi með
hærri ávöxtun en væri á nýjum
bréfum. „Seðlabankinn hefur hing-
að til ekki sett fram nein sölutilboð
í húsbréf á þinginu. Þetta er því
tilraun til að kanna hvaða verð
bankinn sættir sig við. Þá viljum
við koma húsbréfaviðskiptunum inn
á Verðbréfaþingið þannig að þau
verði sýnilegri."
Aðspurður sagði hann að frekar
lítið framboð hefði verið á góðum
skuldabréfum að undanfömu á
markaðnum. „Seðlabankinn á
nokkra milljarða í húsbréfum og
það að bankinn selji húsbréf getur
hugsanlega skapað honum meira
svigrúm á markaðnum."
Eins og fram kom í Morgunblað-
inu í gær býður Handsal fyrir hönd
nokkurra lífeyrissjóða allt að 25 ára
lán til einstaklinga með 7-8,25%
vöxtum umfram verðtryggingu.
Gerð er krafa um að veðsetning sé
undir 55% af markaðsvirði fasteign-
ar. Þetta eru talin hagstæðari kjör
en bjóðast að jafnaði í bankakerfinu.
Sparisjóður vélstjóra býður við-
skiptavinum sínum lán til allt að 15
ára með 8,4-9,15% vöxtum umfram
verðtryggingu. Hins vegar eru gerð-
ar minni kröfur um veðhæfni hjá
sparisjóðnum en Handsali því veð-
setning þarf að vera undir 70% af
fasteignamati. Hallgrímur sagði að
eftirspurnin eftir svona lánum hefði
ekki verið mjög mikil því í mörgum
tiivikum væri búið að fullnýta veð-
setningarmöguleika með húsbréfum.
„Það kann þó vel að vera að þetta
hafi áhrif til lækkunar á vöxtum hjá
okkur," sagði hann.
Brynjólfur Helgason, aðstoðar-
bankastjóri Landsbankans, segir að
bankinn hafi hingað til ekki verið á
langtímalánamarkaði nema að mjög
takmörkuðu leyti. „Við höfum ekki
ennþá boðið upp á 15 ára lán nema
í undantekningartilvikum. Við fylgj-
umst að sjálfsögðu með eftirspurn-
inni og skoðum þau mál eins og eftir-
spurn eftir annarri þjónustu."
ÍSLENSKIR aðilar undirbúa nú
stofnun fyrirtækis um rekstur leir-
verksmiðju í Búðardal til framleiðslu
á gólfflísum, veggflísum, múrstein-
um, útihellum og jafnvel skolprör-
um. Viðræður standa nú yfir um
kaup á verksmiðju frá Frakklandi
en áætlað er að hún muni veita um
15-20 manns atvinnu.
Gunnar Björnsson, sem hefur
unnið mest að undirbúningi verk-
smiðjunnar áætlar að heildarfjár-
festing hennar á bilinu 50-100 millj-
ónir. Verði verksmiðjan öll keypt
ný frá Frakklandi gæti hún ein og
sér kostað 50-80 milljónir en einnig
þurfí að byggja um 1500 fermetra
hús í Búðardal yfir verksmiðjuna.
Gert er ráð fyrir að Dalabyggð, hið
nýsameinaða sveitarfélag, taki þátt
í stofnun hlutafélags, ef af verður,
ásamt nokkrum einstaklingum sem
Gunnar telur ekki rétt að nafn-
greina að svo stöddu.
Gunnar segir að bygging verk-
smiðjuhússins hefjist í haust ef allt
gangi að óskum. Líklegast sé að í
byijun verði megináhersla lögð á
framleiðslu á gólf- og veggflísum
og stefnt verði að 20-30% markaðs-
hlutdeild á þeim markaði fyrst um
sinn.
Versnandi afkoma Vinnslustöðv-
arinnar hf. fyrstu átta mánuði
reikningsársins
Hagnaður
63 milljónir
REKSTRARHAGNAÐUR
Vinnslustöðvarinnar hf. í Vest-
mannaeyjum var 62 milljónum
minni eftir fyrstu átta mánuði
kvótaársins en á sama tíma í
fyrra. Velta fyrirtækisins hefur
minnkað um 7% á sama tímabili
en framleiðslan aukist um 10%.
Lágu afurðaverði er einkum kennt
um.
Þetta kemur fram í milliupp-
gjöri fyrirtækisins sem nær frá
byrjun kvótaársins, 1. september
1994 til 30. apríl 1995. Á þessum
átta mánuðum nam heildarhagn-
aður fyrirtækisins tæpum 63 millj-
ónum króna. í fyrra var hagnaður-
inn um 308 milljónir en þar af
nam söluhagnaður 183 milljónum.
Rekstrartekjur Vinnslustöðvar-
innar drógust saman um 7%,
námu um tveimur milljörðum nú
en voru 2.234 milljónir í fyrra.
Þá námu rekstrargjöld að afskrift-
um meðtöldum um 89% af tekjum
fyrirtækisins nú en í fyrra námu
þau 84% af tekjum.
100 milljóna króna tekjumissir
vegna sjómannaverkfallsins
Sighvatur Bjarnason, fram-
kvæmdastjóri Vinnslustöðvarinn-
ar, segir að ástæður minnkandi
rekstrarhagnaðar megi einkum
rekja til lágs afurðaverðs á loðnu-
vertíðinni. Hann segir að kvótaár-
ið hafí byrjað vel hjá fyrirtækinu
en veturinn komið fremur ílla út
vegna offramleiðslu á loðnuhrogn-
um og lækkandi verðs á loðnuaf-
urðum. Þá byiji sumarið illa með
sjómannaverkfallinu og sé áætlað
að fyrirtækið hafi tapað um 100
milljóna króna tekjum á þeim
þremur vikum sem það hafi stað-
ið. „Verkfallið hindrar okkur í
úthafskarfaveiðum og humarveið-
um en leysist það fljótlega lítur
sumarið ekki illa út að öðru leyti.
Við stefndum á að ná 100 milljóna
króna hagnaði á kvótaárinu en
það er orðið nokkuð ljóst að það
næst ekki. Miðað við fyrra ár,
þegar rekstrarhagnaðurinn nam
125 milljónum, erum við því ekki
ánægðir með árangurinn nú.“
Betri eignastaða
Samkvæmt milliuppgjörinu er
eignastaða fyrirtækisins mun
betri nú en í fyrra. Eigið fé fyrir-
tækisins nemur nú 474 milljónum
króna en var 88,5 milljónir í fyrra.
Eiginfjárhlutfallið er nú 11% en
var 3% í fyrra. Skýrist þessi breyt-
ing af því að hlutafé var aukið í
fyrirtækinu á síðastliðnu hausti
auk rekstrarhagnaðar.
Heildarskuldir Vinnslustöðvar-
innar hafa hækkað um 357 millj-
ónir síðan í fyrra og eru nú tæpir
3,7 milljarðar. Nettóskuldir hafa
hins vegar lækkað um 270 milljón-
ir, eru nú 2.670 í stað 2.940 millj-
óna í fyrra.
Emerald Air ánægl með viðtökurnar
Stefnt að flugi til
íslands allt árið
TÖLUVERT hefur verið um bókan-
ir í áætlanaflug Emerald Air til
Belfast og London frá því ferðirnar
voru fyrst auglýstar um síðustu
helgi, samkvæmt upplýsingum
söluaðila fyrirtækisins. Þá hefur
verið mikið um fyrirspurnir. Félagið
býður sérstök afsláttarfargjöld á
ferðum til Belfast og London fram
til 20. júní. Farmiði til Belfast kost-
ar nú 17.140 kr., og til London
21.140 kr. Eftir 20. júní mun far-
gjaldið hækka um 4 þúsund krónur
á báðum leiðum.
Að sögn Karls Sigurhjartarsonar,
fulltrúa Emerald Air er félagið
ánægt með móttökurnar nú en ætl-
ar þó að fara sér í engu óðslega á
næstunni. „Við stefnum að því að
þetta verði heilsársflug. Nú er flog-
ið tvisvar í viku en við hyggjumst
vera með þijú flug á viku á næsta
ári.“
Emerald Air er í eigu íslenskra
og breskra aðila og er Kristinn Sig-
tryggsson framkvæmdastjóri þess
með aðsetur í Belfast. Félagið hefur
haldið uppi reglulegu áætlunarflugi
á milli Belfast og Luton undanfarna
6 mánuði og er í athugun að bæta
við fleiri áætlunarleiðum erlendis á
næstunni en að sögn Karls er enn
of snemmt að segja til um hvaða
áætlunarstaðir verði fyrir valinu.
Ætlunin nú sé hins vegar fyrst og
fremst að ná fótfestu á þeim mark-
aði sem flugfélagið er á áður en
hugað verði að frekari útfærslu.
Bananar hf. í
nýtt húsnæði
BANANAR HF. eru um þessar
mundir að taka í notkun nýtt hús-
næði sem tengir saman tvö eldri
hús fyrirtækisins. Fyrirtækið held-
ur nú upp á 40 ára afmæli.
Fyrirtækið hefur frá upphafi
flutt inn ávexti og grænmeti af
ýmsu tagi svo sem hina þekktu
Chiquita banana. Auk þess hefur
dreifing á innlendri framleiðslu
verið vaxandi þáttur. Fyrir
skömmu eignaðist hópur garð-
yrkjubænda hlut í fyrirtækinu og
segir Kjartan Már Friðsteinsson,
frkvstj. Banana hf., að þeir hafi
mikla trú á samkeppnishæfi inn-
lendrar framleiðslu. Með aukinni
áherslu á innlendar afurðir hafi
tekist að brúa bil í rekstri fyrirtæk-
isins, bil sem gjarnan hafi myndast
vegna innflutningstakmarkana á
erlendum ávöxtum og grænmeti á
meðan að innlend framleiðsla er á
boðstólum. Á myndinni má sjá
Kristin Guðjónsson, annan af stofn-
endum, ásamt Kjartani Má.