Morgunblaðið - 21.06.1995, Blaðsíða 31
MORGUNBLAÐIÐ
MINNINGAR
MIÐVIKUDAGUR 21. JÚNÍ 1995 3í '
ÞORA
GÍSLADÓTTIR
-j- Þóra Gísladótt-
■ ir var fædd á
Eskifirði 21. júli
1916. Hún lést á St.
Jósefsspítalanum í
Hafnarfirði 12.
júní síðastliðinn.
Foreldrar hennar
voru Gísli Daníels-
son, f. á Viðborði í
Skaftafellssýslu
1881, bóndi á
Kömbum í Reyðar-
firði, síðar verka-
maður í Keflavík,
og Sigurbjörg
Jónsdóttir, f. í Pap-
ey 1885, uppalin á Rannveigar-
stöðum í Alftafirði. Þóra var
sjötta í röðinni af ellefu börnum
þeirra. Hún fluttist til Keflavík-
ur með foreldrum sínum 1936
og bjó þar síðan.
1938 giftist Þóra Ole Olsen,
f. 8. mars 1908, sjómaður frá
Toftum í Færeyjum,
d. 13. júní 1979.
Börn þeirra eru: 1)
Ragnar, f. 10. des-
ember 1940, búsett-
ur á Hellissandi,
maki Kristín Jóns-
dótdr. Þau eiga
fjögur börn. 2) Ra-
kel, f. 17. janúar
1942, búsett í Stykk-
ishólmi, maki Ágúst
Sigurðsson, d. 8.
mars 1993. Þau eiga
fjögur börn. 3)
Stella, f. 21. febrúar
1946, búsett í Kefla-
vik, maki Birgir Ólafsson. Þau
eiga tvö börn. 4) Jónína, f. 23.
júlí 1952, búsett í Keflavík,
maki Ásgeir Þórðarson, hennar
börn eru fjögur.
Útför Þóru fer fram frá
Keflavíkurkirkju í dag og hefst
athöfnin klukkan 14.00.
MEÐ þessum fátæklegu orðum
langar mig að kveðja Þóru. Ég á
vissulega eftir að sakna þess að
geta ekki farið í heimsókn til henn-
ar með Ragnheiði Rakel,
langömmubarnið hennar, því þang-
að var bæði gott og gaman að
koma. Alltaf var tekið vel á móti
okkur og það var svo notalegt að
sitja og spjalla saman. Þóra átti þá
dásamlegu gæfu að vera alltaf létt
í lundu og hún kvartaði örsjaldan
þrátt fyrir erfið veikindi en tók
þeim með stillingu og styrk.
Fyrsta langömmubarnið hennar,
Ragnheiður Rakel, fæddist 1992
og var Þóra ánægð að fá eitt slíkt,
enda löngu kominn tími til þess að
hennar mati. Strax fyrsta daginn
var hún komin til að sjá barnið
þrátt fyrir að hún hafi verið veik
og þótti mér mjög vænt um áð hún
skyldi leggja þetta á sig. Ávallt síð-
an hugsaði hún vel og fallega um
Ragriheiði Rakel sem var lánsöm
að hafa átt svo góða langömmu,
þótt hún nyti hennar alltof stutt.
Ég held að það sé ekki ofmælt
að segja að Þóra hafi verið sönn
og góð kona með hreint og óspilit
hjarta. Pjölskyldan hefur misst mik-
ið og ég vil votta elsku Rakel, Stellu,
Jónínu Ragnari, barnabörnum og
barnabarnabörnum mína innileg-
ustu samúð. Guð gefi ykkur styrk.
Ég veit, Þóra mín, að nú á ég
einum vininum fleira hinum megin
og hugga mig við að nú líði þér vel
og sért laus við sársaukann.
Nú varir trú, von og kærleikur,
þetta þrennt, en þeirra er kærleik-
urinn mestur. Kærleikurinn deyr
aldrei.
Þín,
Ragnheiður.
Okkur frændsystkinin langar til
að minnast ömmu Þóru í nokkrum
orðum. Á svona tíma rennur það
upp fyrir okkur Tiversu mikið við
höfum misst og minningarnar
streyma fram í huga okkar. Amma
okkar var ekki aðeins amma okkar
heldur einnig stoð okkar og stytta
sem afar gott var að leita til, enda
vorum við ekki ein um að leita til
hennar í sorg og í gleði, því marga
vini átti hún er sóttu hana heim.
Það var sama hvað bjátaði á, hún
tók öllu með jafnaðargeði og gat
ætíð gefið okkur góð ráð. Amma
var sérstaklega skilningsrík og oft
eins og hún hefði staðið i okkar
sporum sjálf einhvern tímann á lífs-
leiðinni. Fyrir okkur voru það mikil
forréttindi að eiga hana ömmu að.
Hún var laus við fordóma, ætíð
hvetjandi og afar raunsæ, einnig
var hún vel að sér í öllu því sem
var að gerast í kringum hana, hvort
sem það var eitthvað sem varðaði
ijölskyldu hennar eða þjóðfélags-
mál. Það var sama hvort það var
körfubolti eða pólitík, hún hafði
skoðanir á því og alltaf var hún
tilbúin að taka þátt í því sem við
vorum að gera.
í hverri viku komum við innan
úr Reykjavík til að njóta samveru-
stunda með ömmu Þóru og það
sýnir glöggt hversu gott okkur þótti
að koma til hennar. í hvert sinn
er við komum til ömmu dekraði hún
við okkur, bauð okkur í mat eða í
kaffi þar sem að amma bauð okkur
uppá nýbakaða köku eða kleinur. í
minningu okkar geymum við mynd
af konu sem var einlæg og hlý.
Kæra amma, þakka þér innilega
fyrir allar samverustundirnar sem
við áttum saman. Minningin um þig
lifir í hjarta okkar.
Agnar og Telma.
Ein af þeim góðu konum sem ég
kynntist þegar ég fór að vinna í
fiski í Keflavík hf. var Þóra Gísla-
dóttir, ég var oft búin að sjá hana
hér í Keflavík, ég vissi að hún var
gift manni ættuðum frá Færeyjum
sem ég hafði aldrei séð. Einn af
starfsmönnum sem vann þá í frysti-
andi og smitandi hlátri sem ég átti
svo oft eftir að heyra síðan. Þóra
var mjög traust og skemmtileg
kona, hún var svo fljót að sjá
spaugilegu hliðarnar á hlutunum,
það voru oft fjörugar umræður í
kaffitímunum í frystihúsinu. Þarna
unnu á sama tíma konur sem áttu
eftir að koma mikið við sögu hjá
Verkakvennafélagi Keflavíkur og
Njarðvíkur, svo það var ekki nein
tilviljun að umræðuefni var um
verkalýðsmál, þjóðfélagsmál og
fleira í þeim dúr og í umræðunni
var oft búið að breyta þjóðfélaginu
í fyrirmyndarríki, það var svo auð-
velt að hrífast með og blanda sér
í umræðumar.
Þegar ég lit til baka finnst mér
það svolítið merkilegt að á þessum
vinnustað unnu á sama tíma fjórar
konur sem allar áttu eftir að eiga
það sameiginlegt að verða formenn
Verkakvennafélagsins. Skömmu
eftir að ég kynntist þessum konum
var auglýstur aðalfundur í Verka-
kvennafélaginu, við mættum flestar
á fundinn, því nú átti að kjósa nýj-
an formann. Þóra var valin til for-
ystu þrátt fyrir mótmæli sín, en hún
tók áskoruninni með þeim skilmál-
um að hún yrði formaður aðeins í
eitt ár sem og varð. Þóra vann alla
tíð mjög vel fyrir sínar konur og
var lengi í trúnaðarstörfum fyrir
félagið. Eftir að Þóra lét af sem
formaður tók Anna Pétursdóttir við
formennsku 1968-1971. Þá tók við
formennsku dóttir hennar Sigurrós
Sæmundsdóttir 1971-1973 eða þar
til þær mæðgur létust í hörmulegu
bílslysi 3. apríl 1973. Þá tók við
formennsku undirrituð og var for-
maður þar til verkalýðsfélögin sam-
einuðust 1989. Að taka við for-
mennsku í svo stóru félagi var erf-
itt. Þá var gott að leita til Þóru og
fá góð ráð. Það var alltaf gaman
að hitta Þóru. Hún hafði svo létta
lund og hafði bætandi áhrif á alla
sem henni kynntust.
Ég þakka Þóru samfylgdina og
votta börnum hennar og öðrum
aðstandendum mína innilegustu
samúð.
Far þú í friði,
friður Guðs þig blessi,
hafðu þökk fyrir allt og allt.
(V. Briem.)
Guðrún E. Ólafsdóttir.
Birtíng afmælis- og
minningargreina
Morgunblaðið tekur afmælis- og minningargreinar til birtingar end-
urgjaldslaust. Greinunum er veitt viðtaka á ritstjóm blaðsins í Kringl-
unni 1, Reykjavík, og á skrifstofu blaðsins í Hafnarstræti 85, Akur-
eyri. Þá er enn fremur unnt að senda greinarnar í símbréfi í númer
691181. Það eru vinsamleg tilmæli blaðsins að lengd greinanna fari
ekki yfir eina og hálfa örk A-4 miðað við meðallínubil og hæfilega
línulengd — eða 3600-4000 slög. Greinarhöfundar eru beðnir að
hafa skírnarnöfn sín en ekki stuttnefni undir greinunum.
Við birtingu afmælisgreina gildir sú regla, að aðeins eru birtar
greinar um fólk sem er 70 ára og eldra. Hins vegar eru birtar afmæl-
isfréttir ásamt mynd í Dagbók um fólk sem er 50 ára eða eldra.
Mikil áhersla er lögð á, að handrit séu vel frá gengin, vélrituð eða
tölvusett. Sé handrit tölvusett er æskilegt, að disklingur fylgi útprent-
uninni. Það eykur öryggi í textameðferð og kemur í veg fyrir tví-
verknað.
t
Ástkær eiginkona mín, móðir, tengdamóðir, fósturmóður og
amma,
SIGRÍÐUR (DOLLA) SIGURÐARDÓTTIR,
Espigerði 4,
er látin.
Friðrik L. Guðmundsson,
Þórarinn Baldvinsson, Margreth Baldvinsson,
Friðrik Óðinn Þórarinsson,
Guðbjörg Friðriksdóttir, Gylfi Friðriksson.
t
Móðir mín,
VALGERÐUR I. JÓNASDÓTTIR,
Mikladalsvegi 2,
Patreksfirði,
lést í Vestmannaeyjum þann 18. júní.
Jarðarförin auglýst síðar.
Fyrir hönd vandamanna,
Bjargmundur Sigurjónsson.
t
FANNEY JÓNSDÓTTIR,
Lönguhlið 5h,
Akureyri,
sem andaðist 16. júní sfðastliðinn, verður jarðsungin frá Glerár-
kirkju, Akureyri, mánudaginn 26. júní kl. 13.30.
Kristín Jónsdóttir,
Sigurveig Guðmundsdóttir
og aðrir aðstandendur.
Útför
LAUFEYJAR K. BLÖNDAL
fer fram frá Staðholtskirkju föstudaginn 23. júní kl. 14.00.
Jarðsett verður að Hjarðarholti.
Sigríður Þorvaldsdóttir, Kristín Þorvaldsdóttir
og fjölskyldur.
t
Elskuleg móðir okkar, tengdamóðir,
amma og langamma,
HILDE MARIA FREITAG
PÁLSSON,
Iðufelli 6,
Reykjavík,
sem lést á Kumbaravogi, Stokkseyri,
15. júní sl., verður jarðsungin frá Fella-
og Hólakirkju fimmtudaginn 22. júní nk.
kl. 13.30.
Guöríður Pálsdóttir, Kristbjörn Þorkelsson,
Halldór Pálsson,
Hjörleifur Pálsson,
Páll S. Pálsson,
barnabörn og barnabarnabarn.
t
Innilegustu þakkir til allra þeirra, er heiðruðu minningu elskulegrar
móðursyStur minnar,
frk. HALLDÓRU ÞORLÁKSDÓTTUR
hjúkrunarkonu.
Starfsfólki og vistmönnum Sunnuhlíðar eru færðar þakkir fyrir
alúð og hlýhug.
Gróa Sigfúsdóttir.
t
Alúðarþakkir til allra þeirra, sem auðsýndu okkur samúð' og hlý-
hug við andlát og útför ástkærs föður okkar, tengdaföður, afa
og langafa,
BJÖRNS S. JÓNSSONAR,
Austurbyggð 17,
Akureyri.
Sérstakt þakklæti til starfsfólks handlækningadeildar Fjórðungs-
sjúkrahúss Akureyrar og starfsfólks dvalarheimilisins Hlíðar fyrir
góða umönnun.
Guð blessi ykkur öll.
Ólöf Björnsdóttir, Birgir Sigurðsson,
Anna Björnsdóttir, Stefán Þorsteinsson,
Þorsteinn Björnsson, Þóranna Óskarsdóttir,
Jón Björnsson, Jóhanna Guðmundsdóttir,
Björn Sigurbergsson, Aðalheiður Sigtryggsdóttir,
barnabörn og barnabarnabarn.