Morgunblaðið - 21.06.1995, Blaðsíða 7
MORGUNBLAÐIÐ
GREINAR
MIÐVIKUDAGUR 21. JÚNÍ 1995 B 7
Reið sjómannskona
*
Þetta er svívirða sem gleymist ekki, segir Olöf
Guðmundsdóttir um nýju smábátalögin.
ÉG GET ekki orða bundist lengur
hvað varðar sjávarútvegsstefnuna.
Maður gæti haldið að þeir sem að
þessu rugli hafa
komið væru ekki
með „fulla fimm“.
Sjávarútvegsráð-
herra er eins og
sprellikarl sem læt-
ur stjórnast af fá-
mennum hags-
munahópi sem
kippir bara í spotta
og þá spriklar hann eins og þeim
hentar. Þarna á ég við sægreifana
sem má ekki hrófla við því þeir eru
sem heilagar kýr.
Nú er kátt í höllinni eða kátir
voru karlar, er stundum sungið
þegar vel liggur á mönnum. Mér
þætti ekki mikið þó að LÍÚ-klíkan
raulaði þessa söngva eftir útreiðina
sem trillukarlar fengu hjá stjórn-
völdum á dögunum. Sægreifunum,
með Kristján Ragnarsson í broddi
fylkingar, hefur nú loksins tekist
með sífelldum ásökunum og níði í
garð trillukarla að fá misvitra menn
og konur á Alþingi til að trúa öllum
sögunum um að þessir litlu bátar
séu að setja þjóðfélagið á hausinn.
Þótt þeir hafí í raun haldið uppi
atvinnu fyrir mörg hundruð manns
allt í kringum landið undanfarin ár
þar sem flestir okkar togarar eru
komnir út í sjófrystingu og skaffa
því landverkafólki enga vinnu.
Hvar eru efndirnar?
Allt of stór hluti af þessu þing-
manna- og ráðherraliði okkar er svo
gjörsamlega úr tengslum við allan
raunveruleika að þeir koma alls
ekki auga á þessa hluti eða vilja
ekki sjá þá. Þeir gætu þess vegna
búið á annarri plánetu. Ég spyr:
Hvar eru efndir loforðanna sem
gefin voru fyrir kosningar? Átti
ekki að skapa 12.000 ný störf fyrir
aldamót? En hvað gera þeir svo?
Búnir að sitja í einn og hálfan
mánuð og þá er fótunum allt í einu
kippt undan fólkinu í heilu byggðar-
lögunum. Það missir vinnuna og
hörmungar þessa fólks sem byggt
hefur allt sitt á útgerð smábáta er
ólýsanleg. Þetta er svívirða sem
gleymist ekki. Þetta sama fólk sem
treysti stjórnvöldum fyrir atkvæð-
inu sínu er alveg miður sín. Það er
ekki á nokkurn hátt hægt að bera
virðingu fyrir svona löggjafarvaldi.
Ég spyr: Hvað á að gera við alla
þessa menn og konur sem eru nán-
ast sett á hálfgerðan vergang með
einu pennastriki? Er ekki nóg at-
vinnuleysi þó þetta bætist ekki við?
Á að setja allt þetta fólk á atvinnu-
leysisbætur sem er mannskemmandi
að þurfa að þiggja og ekki til ann-
ars en svipta fólki sjálfsvirðingunni?
Hvernig eigum við að geta staðið í
skilum? Hvernig eigum- við að geta
séð fjölskyldum okkar farborða?
Geymt en ekki gleymt
Nú, það er að sjálfsögðu ekki von
að að þeir sem stjórna þessum
gjörningum skilji hugrenningar
fólksins vegna þess að þeir hafa
allt sitt á þurru. Þeir ganga að sinni
launaávísun á vísum stað um hver
mánaðamót. Það vantaði ekki fögru
fyrirheitin þegar verið var að senda
manni kosningasneplana, oft í viku
fyrir kosningar. Nei, því er nú ver
og miður, það er ekki hægt að
ætlast til þess að fólk beri virðingu
fyrir ráðamönnum þjóðarinnar. Síð-
an enda þessir menn þinghaldið
með því að verðlauna sjálfa sig með
veglegum uppbótum á mánaðar-
kaupið, svona eins og mánaðar at-
vinnuleysisbótum handa hveijum
trillukarli, það er að segja ef hann
á annað borð fær einhveijar bætur
því að þar er líka mjög að þessum
mönnum þrengt með óaðgengileg-
um skilyrðum.
Sennilega telja ráðamenn sig
hafa unnið fyrir þessum uppbótum
eftir ólögin sem þeir settu á trillu-
karlana. Allavega virðast hugsanir
og aðgerðir stjórnvalda benda í þá
átt. En það skulu þeir menn og þær
konur, sem að þessari svívirðu hafa
staðið, muna að það koma aftur
kosningar og að þetta afrek þeirra
er geymt en ekki gleymt.
Höfundur er sjómannskona,
búsett á Akureyri.
Loðnukvóti 536.000 tonn
HEIMILT er að hefja loðnuveiðar 1. júlí nk. og hefur bráðabirgðakvót-
inn til nóvembermánaðar næsta haust verið ákveðinn 800 þús. tonn.
Bráðabirgðakvótinn er ákveðinn sem 67% af því magni, sem fiskifræðing-
ar telja að verði endanlegur kvóti vertíðarinnar og samkvæmt því má
ætla að hann veðri 1.200 þús. tonn.
Samkvæmt samningi íslands, Noregs og Grænlands um nýtingu loðnu-
stofnsins koma 78% af endanlegum kvóta í hlut íslands en 22% skiptast
jafnt milli Noregs og Grænlands. Hins vegar er Noregi og Grænlandi
úthlutað nokkru stærri hlut úr bráðabirgðakvótanum eða 16,5% hvoru
landi og koma því 67% í hlut íslands úr bráðabirgðakvótanum. Hlutur
Islands verður síðan leiðréttur við útgáfu endanlega kvótans í nóvember.
Samkvæmt ofansögðu verður bráðabirgðakvóti íslensku skipanna 536
þús. lestir.
Ólöf
Guðmundsdóttir
mj 'llÉj
Itnmf
Morgunblaðið/Anna Ingólfsdóttir
HELGI Hlynur Ásgrímsson sýnir framleiðslu Borgfisks.
Reykir fiskinn á
Borgarfírði eystri
FORANE®
Umhverfisvænu kælimiðlarnir
frá ATO í Frakklandi:
R-134a
Egilsstöðum - Borgfiskur er nýtt
fyrirtæki á Borgarfirði eystri en
það er í eigu Helga Hlyns Ás-
grímssonar ungs Borgfriðings.
Fyrirtækið var stofnað um ára-
mótin síðustu en hugmynd að því
fæddist í átaksverkefni á vegum
hreppsins.
Starfsemi Borgfisks felur í sér
að heit- og kaldreykja fisk en
heitreyking er tiltölulega ný að-
ferð í meðhöndlun fisks hér á
landi. Helgi hefur fengið reykofn
frá íslensku fyrirtæki í Reykjavík,
Viðgerðar- og tækniþjónustunni,
og er enn sem komið er með
vinnsluna á tilraunastigi.
Kaldreyking hráefnis hefur
verið mikið' notuð á Islandi en
heitreyking er ný hér á landi en
víða notuð í Evrópu og á Norður-
löndunum. Sú aðferð felur í sér
að hráefnið er soðið um leið, og
er því sú afurð borðuð sem matur
á meðan kaldreykta hráefnið er
borðað sem álegg. Helgi segir
mikið að gerast í reykingu hráefn-
ig á íslandi og vonar að Islending-
ar taki vel á móti þessum nýjung-
um.
Helgi mun sína afurðir Borg-
fisks á atvinnusýningu Austur-
lands, Drekanum 95, sem haldin
verður á Egilsstöðum í júní.
(áSDP^ig)
R-404a
(ágBfrífcg02)
Einnig aðrar gerðir kælimiðla.
Elf kælivélaolía.
vörukaup
Skipholti 15, sími 561-2666, Rvík.
t&N&suMktmmboemsmk
A TVINNUAUGL YSINGAR
Fyrsti vélstjóri
Fyrsta vélstjóra vantar á skuttogarann
Bessa IS-410.
Upplýsingar á skrifstofu Álftfirðings hf.
í síma 456 4911.
Umsóknarfrestur er til 30. júní nk.
TIL SÖLU
Fiskitroll
Til sölu tvö fiskitroll, Gulltoppur 102 fet og
Karganova 103 fet. Trollunum fylgja bobb-
ingalengjur og grandarar ásamt toghlerum.
Upplýsingar í síma 451 2390.
ÓSKASTKEYPT
Frystiklefi óskast
Óska eftir frystiklefa, ca 4 fm.
Upplýsingar í síma 467 1143.
KVliftTABANKINN
Til leigu, humar, þorskur, ýsa, ufsi og
skarkoli. Til sölu sokkið krókaleyfi.
Sími 565 6412, fax 565 6372, Jón Karlsson.
Til sölu
M/b Gústi í Papey SF-88
Til sölu er m/b Gústi í Papey SF-88, sem
er 180 bt togbátur, byggður í Finnlandi 1979,
með 1001 hestafla Wartsila Vasa aðalvél.
Báturinn var endurbyggður verulega 1987
og búnaður og tæki endurnýjuð. Báturinn
er með þrjú togspil og búinn til veiða með
tvö troll samtímis. Báturinn selst með veiði-
leyfi en án- aflahlutdeildar. Til greina koma
skipti á stærra skipi.
M/b Nói EA-477
Til sölu er m/b Nói EA-477, sem er 199 brl.
(307 bt) togbátur, byggður í Noregi 1962,
með 850 hestafla Caterpillar aðalvél, árg.
1978. Báturinn hefur verið endurbyggður
verulega og búnaður og tæki endurnýjuð.
Báturinn selst með veiðileyfi og aflahlutdeild
sem samsvarar eftirfarandi aflamarki miðað
við úthlutun fyrir fiskveiðiárið 1994/1995:
Þorskur 131 tn, ýsa 268 tn, ufsi 210 tn, karfi
51 tn og skarkoli 19 tn.
Vantar skip
til sölumeðferðar
Erlend skiptil sölu
Vantar allar gerðir fiskiskipa til sölumeðferð-
ar innanlands og utan. Hef fjölda erlendra
skipa til sölu.
Friðrik J. Arngrímsson hdl.,
löggiltur skipasali,
Skólavörðustíg 12, Reykjavík,
sími 562 1018.