Morgunblaðið - 22.06.1995, Blaðsíða 5
MORGUNBLAÐIÐ
FIMMTUDAGUR 22. JÚNÍ 1995 B 5
VIÐSKIPTI
Vaxandi ásókn er í bílalán þrátt fyrir töluverðan kostnað af þeim en vaxta- og lántökukostnaður af
500 þúsund króna bílaláni til þriggja ára er nú áætlaður kringum 110 þúsund krónur hjá helstu ijár-
málafyrirtækjunum. Kristinn Briem kynnti sér lánskjörin og þróunina á þessum líflega markaði.
bíla-
Barist
um
lánin
Stóraukin umsvif
og samkeppi §ár-
málafyrirtækja
KAUPANDI milljón króna bíls
sem tekur helming verðsins
eða 500 þúsund krónur að
láni til þriggja ára með svonefndu
bílaláni íjármálafyrirtækja greiðir
kringum 1,1 milljón vegna kaupanna
þegar búið er að bæta við áætluðum
vöxtum og lántökukostnaði. Kjör á
slíku láni reyndust hagstæðust hjá
viðskiptavinum í svokölluðum Stofni
Sjóvár-Almennra hf. en litlu munar
gagnvart lánskjörum Tryggingamið-
stöðvarinnar. Bankalán til sömu nota
virðast aftur á móti vera mun dýrari.
Þetta kemur fram í athugun sem
Morgunblaðið hefur gert á kjörum
nokkurra fjármálafyrirtækja á lán-
um vegna kaupa á nýjum og nýleg-
um bílum. Niðustöður má sjá á töfl-
unni hér til hliðar. Samkeppnin um
slíkar lánveitingar hefur augljóslega
harðnað mjög eins og ráða má af
auglýsingum fyrirtækjanna undan-
farið. Stöðugt fleiri fyrirtæki láta
að sér kveða á þessum markaði,
bæði vátryggingarfélög, eign-
arleigufyrirtæki, greiðslukortafyr-
irtæki, einn fjárfestingarsjóður, auk
þess sem sum bílaumboð lána sjálf
vegna kaupa á notuðum bílum.
Þetta hefur leitt til þess að láns-
tíminn hefur stöðugt verið að lengj-
ast og lánshlutfallið að hækka þann-
ig að nú er svo komið að hægt er
að fá lán fyrir öllu kaupverði á dýr-
um bílum til allt að 5 ára. Þá hefur
samkeppni fjármálafyrirtækjanna
leitt til þess að kjör þessara lána eru
í mörgum tilvikum hagstæðari en
almennt bjóðast í bankakerfinu. Það
á þó ekki við um skuldabréfalán sem
sum umboð veita sjálf til kaupa á
notuðum bílum því þau geta verið
mun dýrari en bankalán.
Dýrasta lánið í bankanum
Ekki er auðvelt að henda reiður
á kjörum bílalána við fyrstu sýn. í
auglýsingum og bæklingum fjár-
málafyrirtækjanna hefur áherslan
fyrst og fremst verið á langan láns-
tíma, hátt lánshlutfall og hversu ein-
falt og þægilegt það sé að fá slík
lán. Viðskiptavinir eiga þess hins
vegar kost að fá yfirlit hjá bílaboðun-
Kostnaðup við 500 þusund kn. bilalán til þpiggja ápaE
miðað við kaup á bíl fyrir eina milljón ^ ^
© L
Lántökuqjald 15.738 15.738 10.383 11.712
Stimilqjald 7.875 7.875 7.800 7.815
Þinqlýsinqarkostnaður 1.000 1.000 1.000 1.000
Lántökukostn. samtals 24.613 17.500 24.613 19.183 20.527 19.000
Lánsfjárhæð 524.613 517.500 524.613 519.183 520.527 519.000
Vextir (brevtileqir)6) 7,8%+vtr. 10,90% 7,8%+vtr 7,8%+vtr 7,8%+vtr 11,75%
Greiðsluqjald á mánuði 275 100 275 275 275 120
Verðbólquspá4) 1,50% 1,50% 1,50% 1 ,'50%
Áætluð heildarqreiðsla 610.918 610.254 612.062 605.829 608.221 619.367
Áæti. heiidarkostn.4>5> 110.918 110.254 112.062 105.829 108.221 119.432
1) Félagar í Stofni Sjóvár-Almennra njóta
hagstæðari kjara en aðrir lántakendur hjá
félaginu.
2) Tryggingafélögin setja sem skilyrði fyrir
láninu að bílinn sé bæði ábyrgðar- og
kaskótryggður hjá félögunum á lánstiman-
um. Iðgjald fyrir kaskótryggingu á bíl sem
kostar 1 millión kr. er rúmlega 20.000 kr.
miðað við 57.000 kr. sjálfsábyrgð.
3) Kjör banka eru mismunandi eftir láns-
trausti, tryggingum og viðskiptum ein-
stakra viðskiptamanna. T.d. fast mun
hagstæðari kjör en hér er sýnt ef viðkom-
andi hefur stundað sparnað í tólf mánuði í
svonefndri Spariveltu Landsbankans. Þá
getur einnig gefist kostur á verðtryggðu
láni með 9,9% vöxtum.
4) Við samanburð á verðtryggðum og
óverðtryggðum lánum þarf að hafa í huga
að verðbætur eru reiknaðar út frá spá um
1,5% verðbólgu á ári.
5) Heildarkostnaður miðast við núgild-
andi vexti sem geta tekið breytingum.
6) Yfirlitið er ekki tæmandi, því auk
þessara fyrirtækja veita t.d. VISA Island,
VIS, Samvinnusjóðurinn, SP- fjármögnun
og bílaumboðin slík lán.
um eða fyrirtækjunum yfir áætlaða
greiðslubyrði og lántökukostnað sem
gefur til kynna hvað bíllinn muni
kosta þegar upp er staðið. Nokkur
misbrestur var þó á því að saman-
burðarhæfar upplýsingar væru veitt-
ar þegar Morgunblaðið kannaði kjör
bílalána í vikunni.
Tekið var einfalt dæmi um kaup-
anda sem hyggst kaupa bíl fyrir eina
milljón króna en þarf að fá 500
þúsund krónur lánaðar til þriggja
ára. Til samanburðar var aflað upp-
lýsinga frá Landsbanka íslands um
algeng kjör á slíku láni hjá bankan-
um.
Kostnaður vegna lántökunnar var
sem fyrr segir áætlaður lægstur fyr-
ir Stofnfélaga Sjóvár-Almennra eða
tæpar 106 þúsund krónur en rúmar
108 þúsund hjá
Tryggingamið-
stöðinni. Almenn
kjör Sjóvá-
Almennra voru
nokkuð hærri
eða um 112 þús-
und krónur sam-
anborið við
110-111 þúsund
hjá Glitni og
Kreditkortum.
Töluvert dýrara
var að taka
óverðtryggt lán í
Landsbankanum þar sem kostnaður-
inn er áætlaður 119.400 krónur.
Það skal undirstrikað rækilega að
hér er einungis um eitt dæmi að
ræða því t.d. kjör viðskiptavina
bankanna eru mismunandi eftir
lánstrausti þeirra. Þá eru kjörin
vegna bílalána stundum mismunandi
eftir lánshlutfalli. Þar að auki verður
að hafa í huga að bankar taka al-
Ua/án
i lánarjnír
alft 75^'
afnndviiOi
hilsitts
mennt ekki veð í bílum heldur gera
kröfu um fasteignaveð eða sjálf-
skuldarábyrgðarmenn. Þegar bílalán
er tekið nægir fyrsti veðréttur í bíln-
um til tryggingar sem auðveldar
mjög lántökuna.
Þriðjungs aukning
hjá Glitni
Eftirspurn eftir bílalánum hefur
vaxið hlutfallslega mun meira á
þessu ári en sem nemur söluaukn-
ingu nýrra bíla, samkvæmt upplýs-
ingum helstu aðila á þessum mark-
aði. Má nefna sem dæmi að bílalán
Glitnis í síðasta mánuði voru hin
mestu frá upphafi og jukust um 66%
frá mánuðinum á undan. Nemur
aukning lánanna um 30% fyrstu
fimm mánuði ársins miðað við sama
tíma í fyrra með-
an bílasala jókst
um 22,5%, að
sögn Heiðar A.
Björnsdóttur,
markaðsfulltrúa,
hjá Glitni. Hún
telur skýringuna
m.a. felast í að
kjör þessara lána
hafi farið batn-
andi fyrir lán-
takendur. Þau
séu almennt
hagstæðari en
almenningi standi til boða í banka-
kerfinu.
Nýtt eignarleigufyrirtæki spari-
sjóðanna, SP-íjármögnun hf., er nú
að blanda sér slaginn á þessum
markaði. Hafa viðtökur verið góðar
þrátt fyrir að fyrirtækið hafi ekki
auglýst bílalánin sérstaklega, að
sögn Kjartans Georgs Gunnarsson-
ar, framkvæmdastjóra sem áður
Lr,,
Einfohlop
/Ijátlc/! Iriil
til III)
cianwil tiíl!
veitti Féfangi forstöðu. „Viðskiptin
hafa verið svipuð þennan fyrsta
mánuð og voru á bestu mánuðum
Féfangs á sínum tíma,“ sagði hann.
Fyrirtækið er ekki með í samanburð-
inum hér að ofan en vextir af verð-
tryggðum lánum eru 8,9% og 11,8%
af óverðtryggðum lánum. Lántöku-
gjald er á bilinu 2-4%.
Mikil aukning hjá
Sj óvá-Almennum
Váryggingafélögin hafa um
margra ára skeið lánað til bílakaupa
með því skilyrði að lántakendur
kaupi ábyrgðar- og kaskótryggingu
af viðkomandi félagi. Bílalán Sjóvár-
Almennra hafa verið þar fyrirferða-
mest. Kristján Björgvinsson, hjá
Sjóvá-Almennum segir að útlán fé-
lagsins til bílakaupa hafi verið tvö-
til þrefalt meiri það sem af er þessu
ári en á sama tíma í fyrra. „Við
höfum lagt meiri áherslu á þessi lán
og smám saman unnið að vöruþróun
en jafnframt hafa kjörin alltaf farið
batnandi. Þetta voru dýr lán en þau
eru orðin ódýr ef miðað er við það
sem venjulegur neytandi fær í bönk-
unum. I flestum tilvikum eru þetta
hagstæðari kjör. Einnig erum við
að keppa um þjónustu því lánið get-
ur fengist á 15 mínútunum ef vel
gengur.“
Hjá Tryggingamiðstöðinni hefur
einnig verið boðið upp á bílalán, fyrst
og fremst til viðskiptavina félagsins
og kaupenda hjá Heklu hf. Gunnar
Felixson, forstjóri, segir að aukning
hafi orðið í lánum til kaupa á notuð-
um bílum. Lánveitingar hafi því auk-
ist meira en sem nemur söluaukn-
ingu nýrra bíla.
Vátryggingarfélag íslands hefur
í vaxandi mæli lánað til bílakaupa á
síðasta ári og þessu, að sögn Hreins
Bergsveinssonar, deildarstjóra hjá
VÍS. Einkum hefur verið um að
ræða lán til viðskiptamanna félags-
ins. Fyrirhugað er að að fara með
þessi lán á almennan markað ■ því
félagið hyggst beinlínutengjast
stærstu bílaumboðunum á næstunni.
Bílalán VÍS til 3 ára bera 8,3% vexti
umfram verðtryggingu og 2,5% lán-
tökugjald. Ekki lágu fyrir upplýs-
ingar um heildarkostnað með 1,5%
verðbótum þannig að lánin eru ekki
með í töflunni.
Bílar á raðgreiðslum
Raðgreiðslulán greiðslukortafyr-
irtækjanna geta einnig komið til
greina við fjármögnun á nýjum og
notuðum bílum. VISA ísland veitir
slík lán til tveggja ára en Kreditkort
hófu á síðasta ári að bjóða lán til
bílakaupa til allt að þriggja ára. „Við-
tökur hjá korthöfum hafa verið mjög
góðar. Við höfum hins vegar verið
tregir til að lána meira en 500 þús-
und krónur. Ég held að þetta sé
mjög hagstætt form á bílamarkaðn-
um,“ sagði Atli Öm Jónsson, aðstoð-
arframkvæmdastjóri Kreditkorta hf.
Nýjasta fyrirtækið á þessum mark-
aði er Samvinnusjóðurinn hf., sem
er fjárfestingarsjóður í eigu ýmissa
fyrirtækja í tengslum við samvinnu-
hreyfínguna. Fyrirtækið veitti ekki
upplýsingar um heildarkostnað af
bílalánum sínum með áætluðum verð-
bótum og sjást kjör þess því ekki í
töflunni.
Upplýsingar Morgunblaðsins sýna
að vextir fyrirtækisins eru 9% af
verðtryggðum Iánum, lántökugjald
4,5% og mánaðarlegt greiðslugjald
690 krónur. Anthony Karl Gregory,
hjá Samvinnusjóðnum, segir að sjóð-
urinn hafí ákveðið að einbeita sér að
markaði fyrir notaða bíla og sé ekki
á sama markaði og önnur fyrirtæki.
„Við tökum meiri áhættu og lánum
allt að 100% kaupverðs notaðra bíla
til allt að fímm ára meðan t.d. Sjóvá-
Almennar lána einungis 75%. Af þeim
ástæðum eru vextimir aðeins hærri.“
Golfmót Félags viðskipla- og hagfræðinga 1995
Hið árlega golfmót FVH verður haldið föstudaginn
30. júní nk. á Hólmsvelli í Leiru (Keflavík)
Keppt verður í A- og B- flokki og nú líka í kvennaflokki. í A-flokki spila kylfingar undir 24 í forgjöf,
en þeir sem eru með hærri forgjöf, spila í B-flokki. Leiknar eru 18 holur með forgjöf.
Keppt verður um Morgunblaðsbikarinn og Hard Rock Café-bikarinn í karlaflokki og Wella-bikarinn í
kvennaflokki. Einnig er fjöldinn allur af glæsilegum verðlaunum í öllum flokkum.
Mótið hefst kl. 13.00 stundvíslega. Farið verður I rútu frá Hótel Holiday-lnn kl. 11.45 stundvíslega.
Að loknu móti verður snæddur kvöldverður í Golfskálanum
þar sem mótsslit og verðlaunaafhending fer fram.
Þátttökutilkynningar þurfa að berast til eftirtalinna aðila fyrir 27. júní:
Ólafur Ó. Johnson
Stefán Unnarsson
Sigurður Ágúst Jensson
hs: 551 5281 vs: 562 4000 fax: 5621878
hs: 568 9531 vs: 581 1433 fax: 581 1477
hs: 896 5400 vs: 568 7677 fax: 5621230
Mótanefnd hvetur sem flesta til að taka þátt enda er þetta stórskemmtilegt
mót sem bæði byrjendur sem lengra komnir geta verið með.
Nýsköpun
Skattaleg hvatning
Morgunverðarfundur með Dr. John Bell frá Astralíu
Rannsóknarráð íslands og Útflutningsráð íslands
standa að morgunverðarfundi um stuðning við ný-
sköpun og skattalega hvatningu.
Frummælandi er Dr. John Bell, aðstoðarráðuneytis-
stjóri og aðalráðgjafi áströlsku ríkisstjórnarinnar
um vísinda-og tæknimál.
Dr. Bell mun fjalla um reynslu af stefnumótun
áströlsku ríkisstjórnarinnar á sviði vísinda, tækni
og nýsköpunar.
Fundarstaður:
Skáli Hótel Sögu
föstudaginn 23. júní
kl. 8:15-9:45
Fundurinn er öllum opinn og aðgangur ókeypis.
Nánavi upplýsingar veita Vilhjálmur Lúðvíksson hjá
Rannsóknarráði íslands í síma 562 1320 og Andrés
Pétursson hjá Útflutningsráði íslands í síma 511 4000.
///
UTFLUTNINGSRÁÐ
RAIUIMIS
ÍSLANDS