Morgunblaðið - 27.06.1995, Blaðsíða 1

Morgunblaðið - 27.06.1995, Blaðsíða 1
ÍOOSIÐURB/C *fttmiMtiMfe STOFNAÐ 1913 142. TBL. 83. ARG. ÞRIÐJUDAGUR 27. JUNI1995 PRENTSMIÐJA MORGUNBLAÐSINS Aðgerðum lögreglu mótmælt PÁLESTINSKUR drengur gerir hróp að ísraelskum hermönnum á götum Hebron í gær. Mikil ólga er á sjálfstjórnarsvæðum Palest- ínumanna vegna hungurverkfalls palestínskra fanga. Þrír menn létust og 50 særðust er ísraelskir lögreglumenn skutu á mótmæl- endur í Nablus á sunnudag sem kröfðust lausnar fanganna. Brenndu Palestínumenn hjól- barða á Vesturbakkanum og Gaza í gær til að ítreka kröfur sínar. Á sunnudag funduðu Shimon Peres, utanríkisráðherra Israels, og Yasser Arafat, leiðtogi Frelsis- samtaka Palestínumanna (PLO), á Gaza og sögðu þeir að nokkuð hefði miðað í samkomulagsátt. Reuter 63 milljarð- ar fyrir sæti hjáSÞ Tæpei, San Francisco. Reuter. STJÓRNVÖLD á Tævan sögð- ust í gær reiðubúin að gefa milljarð bandaríkjadala, um 63 milljarða króna, í sjóð handa þróunarríkjunum ef ríkið fengi sæti hjá Sameinuðu þjóðunum. Tævan missti sæti sitt hjá SÞ árið 1971 í hendur kommún- istastjórninni í Kína en fram til þess tíma krafðist stjórn Tæ- vans að hún nyti viðurkenning- ar sem stjórn alls Kína. Tævan- ar búa nú við lýðræði og eiga næststærsta gjaldeyrisvarasjóð í heimi, nær 100 milljarða dala. Boutros Boutros-Ghali, framkvæmdastjóri SÞ, sagði í gær að SÞ væru í raun gjald- þrota. ¦ GjaIdþrota/17 Banatilræði við Mubarak Grunar Súdani um aðild Kairó. Reuter. HOSNI Mubarak, forseti Egypta- lands, sagði í gær, að hugsanlega hefðu stjórnvöld í Súdan staðið að baki banatilræðinu, sem honum var sýnt í Addis Ababa í Eþíópíu í gærmorgun. Var hann að koma til leiðtogafundar Einingarsamtaka Afríkuríkjanna í borginni þegar nokkrir menn, hugsanlega níu tals- ins, réðust á egypsku bílalestina með skothríð. Mubarak sakaði ekki í árásinni og engan fylgdarmanna hans en hann sneri strax aftur heim til Kairó. Á fundi með fréttamönnum var hann spurður hvort eitthvert „nágrannaríki" hefði staðið að til- ræðinu og hann spurði þá hvort átt væri við Súdan. „Það er vel hugsan- legt, mjög svo," svaraði Mubarak. í yfirlýsingu sem lesin var í ríkis- útvarpið í Súdan neituðu Súdanir að eiga nokkra aðild að tilræðinu við Mubarak. Sagði utanríkisráð- herra Súdans tilræðið vera sorgleg- an atburð og ásakaði „suma aðila" um að vilja sverta ímynd Súdans. Grunnt hefur verið á því góða með Egyptum og Súdönum síðan Omar Hassan al-Bashir hrifsaði yöldin í Súdan 1989 en talið er, að íslamska fylkingin undir forystu Hassans al-Tourabis hafi skipulagt valdaránið. Fylkingin vinnur að því koma á íslömsku strangtrúarkerfi í öllum arabalöndum. Mubarak sagði einnig, að yfir- völd í Súdan styddu bókstafstrúar- menn í Egyptalandi og nýlega héfði fundist á landamærum ríkjanna mikið af vopnum, sem þau hefðu ætlað egypsku öfgamönnunum. Egypska sjónvarpið hafði það einn- ig eftir eþíópskum yfirvöldum, að hús, sem tilræðismennirnir hefðu notað í Addis Ababa, hefði verið leigt af Súdönum. ¦ Segja Mubarak/18 Leiðtogar Evrópusambandsins setja Bosníu-Serbum úrslitakosti Umsátrinu um Sarajevó verði aflétt án tafar Cannes, Bonn, Sarajevo. Reuter. FORSETI Frakklands, Jaques Chirac, tilkynnti seint í gærkvöldi að Evrópusambandið (ESB) krefðist þess að Bosníu-Serbar léttu tafarlaust umsátrinu um Sarajevó, og að opnaður yrði land- vegur að strönd Adríahafsins. Sagði hann að þessum markmiðum yrði náð með aukinni diplómatískri festu. Hraðliði Breta og Frakka í Bosníu yrði beitt til þess að tryggja framgang málsins. Chirac sagði að leiðtogar ESB-ríkjanna hefðu falið sáttasemjara sínum, Carl Bildt, að knýja fram lok umsátursinsn. Hann myndi einnig leit- ast við að ná samningum um 4 mánaða vopnahlé. Þjóðverjar ætla að senda þotur Þjóðverjar kváðust í gær ætla að senda orr- ustuþotur á vettvang til að styðja friðarsveitir Sameinuðu þjóðanna. Ákvörðun Helmuts Kohls, kanslara Þýska- lands, sem háð er samþykki þings, telst söguleg. Þetta er í fyrsta skipti, sem ákveðið hefur verið að beita herrrum erlendis í 50 ár. Þegar þýskir hermenn sáust síðast á þessum slóðum voru þeir klæddir einkennisbúningum Þriðja ríkisins. Þjóðverjar hyggjast hins vegar ekki senda hermenn til aðgerða á jörðu niðri, heldur halda í þá grundvallarreglu að hermönnum verði ekki beitt þar sem þýski herinn barðist í heimsstyrjöld- inni síðari. Gengið verður til atkvæða um það í sambands- þinginu í Bonn hvort Tornado-þotur flughersins verði ásamt flutningavélum og læknum sendar væntanlegu hraðliði Breta, Frakka og Hollend- inga til aðstoðar í Bosníu á föstudag. Þar hefur stjórnin aðeins tíu sæta meirihluta, en Volker Rtihe varnarmálaráðherra vonast til að fá þver- pólitískan stuðning. Rudolf Scharping, leiðtogi sósíaldemókrata (SPD), sagði í gær að engin ástæða væri fyrir flokkinn að hvika frá andstöðu sinni við að beita hernum í Bosníu, en ýmis flokkssystkin hans kváðust hlynnt ákvörðuninni. ' Sprengjuregn í Sarajevo Svo virðist sem umsátursliðið um Sarajevo sé farið að beina sprengjuregninu sérstaklega að friðargæslusveitum Sameinuðu þjóðanna í borg- inni. Sprengjum var varpað á menn úr þeim í tvígang og særðust tveir Frakkar. Fimm börn létu lífið í árásum á sunnudag og í gær sakaði utanríkisráðherra Bosníu, Muhamed Scirbey, umsátursliðið um að lokka íbúa Sarajevo út á götu með því að láta langt líða á milli sprengjuárása. John Redwood býður sig fram til leiðtoga breska íhaldsflokksins Taliðminnka möguleika Majors London, Cannes. Reuter, The Ðaily Telegraph JOHN Redwood lýsti því yfir í gær að hann hygðist bjóða sig fram í kjöri á leiðtoga breska íhaldsflokks- ins, gegn John Major, forsætisráð- herra. Framboð Redwoods er talið draga talsvert úr líkunum á því að Major haldi leiðtogasætinu. „[Mich- aelj Heseltine mun alveg áreiðan- lega fara fram í annarri umferð [leiðtogakjörsins]. Hvernig sem fer, þá er John Major búinn að vera," skrifaði stjórnmálaskýrandi The Daily Telegraph í gær. „Sú ákvörðun [Majors] að segja af sér skilur flokkinn eftir í lausu lofti þegar þörf er á afdráttarlausri og ákveðinni forystu," sagði Redwood á fréttamannafundi, fáum klukkustundum eftir að hann sagði af sér embætti ráðherra málefna Wales. Hann sagðist hafa komist að þeirri niðurstöðu að hann gæti ekki stutt ákvörðun forsætisráð- herrans, og því hlotið að segja af sér. Norman Lamont, sem Major vék úr embætti fjármálaráðherra 1993, hafði um helgina verið talinn mjög líklegur til þess að keppa við Major í leiðtogakjörinu. í gær lýsti hann hins vegar yfir eindregnum stuðn- ingi við framboð Redwoods. Redwood vísaði til föðurhúsanna vangaveltum um að hann ætti enga möguleika á að ná kjöri og að fram- boð hans væri til þess eins gert að Reuter JOHN Redwood veifar til stuðningsmanna sinna í gær. þekktari menn gætu boðið sig fram í annarri umferð leiðtogakjörsins. Redwood er meðal þeirra þing- manna íhaldsflokksins sem efast mjög um gildi Evrópusamstarfs, en sagði í gær að hann hygðist ekki draga Bretland út úr Evrópusam- bandinu ef svo færi að hann yrði forsætisráðherra. Hins vegar myndi hann koma í veg fyrir frekari færslu á valdi frá Bretlandi til Brussel og ekki skipta pundinu út fyrir sameig- inlegan evrópskan gjaldmiðil. Nokkrum mínútum eftir að Redwood tilkynnti framboð sitt kom Major til fundar leiðtoga ríkja Evr- ópusambandsins í Cannes. Hann sagðist öruggur um að bera sigur- orð af Redwood í væntanlegu leið- togakjöri, sem myndi hreinsa and- rúmsloftið í íhaldsflokknum. Forveri Majors, Margaret Thatc- her, hefur hingað til verið andvíg Ieiðtogakjöri. Hún sagði í gær að Redwood væri „vel hæfur" maður. Þegar hún var spurð hvort hún væri fylgjandi framboði hans sagði hún: „Báðir frambjóðendurnir eru traustir íhaldsmenn."
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.