Morgunblaðið - 28.06.1995, Blaðsíða 9
MORGUNBLAÐIÐ
MIÐVIKUDAGUR 28. JÚNÍ 1995 9
FRETTIR
ERU ÞEIR AÐ FÁ’ANN?
Víðidalsá
vaknar
NORÐURÁ í Borgarfirði er með
mestu veiðina það sem af er vertíð-
inni, um 200 laxar eru komnir úr
ánni og hefur veiðst vel að undan-
förnu, t.d. hélt eitt hollið heim á
leið með 75 laxa.
Þverá ásamt Kjarrá kemur næst
með um 150 laxa, en markverðast
er helst að Víðidalsá hefur tekið
ijörkipp. Holl sem lauk veiðum í
fyrradag fékk 20 laxa sem er
fyrsta „alvöruveiðin" síðan vertíð-
in hófst. Mikið vatn, kalt og skol-
að, gerir veiðimönnum ennþá lífið
leitt, en göngur hafa farið stækk-
andi er nær hefur dregið straumn-
um þann 29. júní.
Lifnar yfir Víðidalsá
Gunnar Bollason, kokkur í veiði-
húsinu Tjarnarbrekku við Víði-
dalsá, sagði að hópurinn sem þá
var að hverfa frá ánni hefði dregið
20 laxa á þurrt og hefðu þá verið
komnir 30 laxar á land. Allt 10 til
14 punda utan þeir stærstu sem
voru 16 punda. Spónn og maðkur
hafa verið drýgstir til veiðanna, en
vatnið í ánni hefur verið mikið að
undanförnu. Að mestu tært þó.
„Það er straumur þann 29. júní og
íaxinn er greinilega byijaður að
tínast inn,“ sagði Gunnar.
Enn dauft í
Vatnsdal
í fyrradag voru aðeins fjórir
laxar komnir á land úr Vatns-
dalsá, allir 11 punda. Gylfi Inga-
son, kokkur, sagði þó bót í máli,
að þrír laxana hefðu veiðst kvöldið
áður og gæfi það mönnum tilefni
til að vona að einhverjar göngur
væru að taka sig til með stækk-
andi straum.
Laxá enn laxlítil
Mjög illa hefur gengið í Laxá í
Aðaldal og aðeins 30 til 40 laxar
komnir á land. Eitt holl fyrir
skömmu fékk t.d. aðeins tvo laxa.
Að sögn Orra Vigfússonar, for-
manns Laxárfélagsins, er enn
„rosalega mikið“ vatn í ánni og
hún er enn nokkuð skoluð. Aðeins
fimm laxar hafa veiðst í ánni ofan
við Æðarfossa. Einn 19,5 punda
lax hefur veiðst, sá stærsti á land-
inu í sumar, og tveir 18 punda að
auki.
Fyrstu úr FUóti og Bryi\ju
Fyrstu laxarnir hafa veiðst í
Norðlingafljóti og Brynjudalsá,
KRISTÓFER Svavarsson t.h.
og Svavar sonur hans með 7
og 9,5 punda urriða sem þeir
veiddu í Ytri-Rangá á dögun-
um. Góð silungs- og laxveiði
hefur verið á svæðinu það
sem af er.
sem eiga það sameiginlegt að í
þær er sleppt villtum hafbeitar-
laxi. Sigmar Björnsson, leigutaki
fljótsins, sagðist vera búinn að
sleppa 200 stórlöxum í ána, en
hún væri um tveimur fetum hærri
heldur en honum þætti fýsilegt og
skoluð að auki. „Það voru nokkrir
félagar mínir sem opnuðu ána um
helgina og þrátt fyrir ástandið
fengu þeir 4 laxa, 11 til 14 punda,
BANDARÍKJAMAÐURINN
Russel Petterson með stórlax
úr Kvörninni í Haffjarðará.
á stórar túpuflugur,“ sagði Sig-
mar.
Friðrik Brekkan, einn leigu-
taka Brynjudalsár, sagði ána
hafa verið opnaða á sunnudag
og hefðu þrír laxar veiðst í ánni
fyrsta daginn, 12, 14 og 18
punda. Níutíu löxum hefur verið
sleppt, flestum stórum, og á
næstu dögum bætast 90 við til
viðbótar. Friðrik sagði að þess
yrði gætt að 130 til 150 laxar
væru jafnan í ánni.
Haffjarðará lífleg
Um 50 laxar hafa veiðst í Haf-
fjarðará sem er prýðileg útkoma
miðað við tíma og ástand að mati
Páls Jónssonar, eins eiganda ár-
innar. Lax er víða um ána, en
vatnið hefur verið mikið og laxinn
tekið grannt. Menn hafa því misst
fleiri fiska en náðst hafa.
Hér og þar
Tveir laxar og 12 bleikjur veidd-
ust tvo fyrstu dagana í Hítará er
hún var opnuð fyrir viku. Síðan
hafa menn verið að reyta upp fisk
og fisk. Á skrifstofu SVFR, sem
er leigutaki árinnar, eru menn
ánægðir með þessa byijun og telja
hana lofa góðu.
í fyrrakvöld voru komnir 6 lax-
ar á land úr Elliðaánum. Mjög lít-
ið hefur gengið af laxi í árnar enn
sem komið er, en menn vonast
eftir breytingu til batnaðar á
næstu dögum.
í Núpá á Snæfellsnesi voru
komnir 19 laxar á land eftir
þriggja daga veiði. Þar af veiddust
12 fyrsta daginn, eða kvótinn á
þijár stangir. Stærsti laxinn til
þessa var 17 pund. All nokkrir
flugulaxar hafa veiðst.
Stóruppákoma varð á Veiðidegi
fjölskyldunnar við Meðalfellsvatn
á sunnudaginn. Þar var margt um
manninn, en einn veiðimanna setti
í 17 punda grálúsugan hæng. Var
laxinn til sýnis á staðnum og dáð-
ust margir að.
• •
Orugg ávöxtun sparifjár
Spariskírteini ríkissjóðs með mismunandi gjalddaga
• Við bjóðum eldri flokka spariskírteina ríkissjóðs með gjalddaga
eftir 1 ár, 2 ár, 3 ár og 4 ár.
• Þú getur raðað saman mismunandi flokkum spariskírteina þannig að
þú sért alltaf með laust fé þegar þú þarft á því að halda.
• Spariskírteini eru tæki til að skapa þann hreyfanleika sem þú þarfnast.
Helstu flokkar
spariskírteina:
Hafðu samband við ráðgjafa
Þjónustumiðstöðvar ríkisverðbréfa
og fáðu nánari upplýsingar.
Sími 562 6040.
1991 1D5 Gjalddaga 1/2 1996
1992 1D5 Gjalddaga 1/2 1997
1993 1D5 Gjalddaga 10/4 1998
1994 1D5 Gjalddaga 10/2 1999
1995 1D5 Gjalddaga 1/2 2000
Fjölmargir aðrir flokkar spariskírteina eru einnig til sölu. Hafa skal í huga að spariskírteini ríkissjóðs eru markaðsverðbréf sem eru skráð á Verðbréfaþingi íslands,
og eru því auðseljanleg á lánstímanum. Kynntu þér möguleika spariskírteina ríkissjóðs.
ÞJONUSTUMIÐSTÖÐ
RÍKISVERÐBRÉFA
Hverfisgötu 6,2. hæð (neðsta húsið við Hverfisgötu)
sími 562 6040, fax 562 6068.
Hvað sem þú gerir - sparaðu með áskrift að spariskírteinum