Morgunblaðið - 29.06.1995, Blaðsíða 8

VIÐSKIFTIAIVINNULÍF
FIMMTUDAGUR 29. JÚNÍ 1995
Morgunblaðið/RAX
EKKI til neins ef allt væri eins - eru einkunnarorð Myndasmiðju Austur-
bæjar. F.v. Börkur Amarson, Jonathon F. Williams frá East
End Image Factory í Lundúnum og Dagur Hilmarsson.
AUGLÝSING sem Börkur vann í Lond-
on á síðasta ári fyrir Caterpillar skó
og birtist í evrópskum tímaritum.
Ekki tilneins ef allt væri eins
MYNDASMIÐJA Austurbæjar er heitið á
nýju fyrirtæki sem opnað hefur verið að Ing-
ólfsstræti 8 í Reykjavík. Fyrirtækið sérhæfir
sig í hvers konar hönnun, hugmyndavinnu
og auglýsingagerð.
Eigendur fyrirtækisins eru Börkur Arnar-
son og Dagur Hilmarsson. Börkur lauk námi
í ljósmyndun frá London College of Printing
í Lundúnum árið 1991. Ári áður stofnaði
hann hönnunar og auglýsingafyrirtækið East
End Image Factory ásamt þremur skólafélög-
um sínum og hefur unnið við það síðan.
Dagur lauk námi frá Myndlista- og handíða-
skóla íslands í vor en hefur samhliða námi
unnið við grafíska hönnun.
Þegar Börkur er spurður um störf sín fyr-
Myndasmiðja Austurbæjar
sérhæfir sig í hvers konar
hugmyndavinnu
ir East End Image Factory segir hann að
þrátt fyrir erfiða samkeppnisstöðu hafi fyrir-
tækinu fljótlega tekist að afla sér dýrmætrar
reynslu í auglýsingaheiminum ytra. Það hafi
haslað sér völl á hörðum markaði prentaug-
lýsinga en auk þess hannað fjölmörg plötu-
umslög, bókarkápur, bækur, bæklinga og
tískuefni. Hann segist vera ánægður með
þann árangur sem fyrirtækið hafi náð þrátt
fyrir ungan aldur og fámennt starfslið. „Ég
tel að árangurinn megi ekki síst rekja til
þess hvað við erum litlir. Smæðin gerir það
að verkum að við tökum aðeins fá verkefni
að okkur í einu en leggjum líka allt okkar
hugmyndaflug og allan okkar metnað í þau.
Það hefur reynst mörgum hugmyndasmiðjum
hættulegt að taka of mörg verkefni að sér
því þá vilja kraftarnir dreifast."
Hann segir að hugmyndin að stofnun
Myndasmiðju Austurbæjar hafi kviknað úti
í London. „Þegar við vorum komnir vel af
stað þar fór ég að fylgjast með því hvað
væri að gerast heima og taldi að það væri
svigrúm fyrir fyrirtæki á íslandi sem byggði
á sömu hugmynd og East End Image Fact-
ory. Ég fékk Dag til liðs við mig og eftir
Torgið
að hafa kannað málið ákváðum við að stofna
sambærilegt fyrirtæki hér á íslandi."
Myndasmiðjan sinnir alhliða auglýsinga-
gerð með ríkri áherslu á hugmynda- og útlits-
vinnu. Að sögn félaganna hafa þeir þegar
fengið ijölbreytileg verkefni að glíma við og
eru nú að vinna að auglýsingum, bæklingum,
bókum, plötum og heimasíðu á Internetinu.
Auk þess liggi fyrir verkefni við gerð sjón-
varpsauglýsinga og heimildarkvikmyndar þar
sem beita þurfi grafískum sjónvarpslausnum.
Þeir eru mjög ánægðir með fyrstu skref fyrir-
tækisins en leggja áherslu á að þeir muni
takmarka fjölda verkefna til að geta sinnt
hverju þeirra betur.
Myndasmiðjan mun halda nánum tengslum
við East End Image Factory í London. Börk-
ur á helmingshlut í Myndasmiðjunni en hann
er einnig fjórðungshluthafi í enska fyrirtæk-
inu. Annar af eigendum þess fyrirtækis, Jon-
athon F. Williams, var viðstaddur opnun
Myndasmiðjunnar í síðustu viku og er ætlun-
in að náin samvinna verði á milli fyrirtækj-
anna tveggja. „Með nútíma fjarskiptatækni
er lítið mál fyrir fyrirtækin að fá ráðlegging-
ar hvort frá öðru varðandi einstök mál eða
sameinast um stærri verkefni," segir Dagur.
„Með þessari samvinnu er tryggt að við
munum fylgjast með öllu því helsta sem ger-
ist á auglýsingamarkaðnum ytra. Auk þess
er möguleiki á því að annað hvort fyrirtækið
beini verkefnum til hins ef það hefur of mik-
ið að gera þá stundina."
Ætla að gera betur
Börkur og Dagur hafa ákveðnar skoðanir
á auglýsingamarkaðnum á íslandi. Þeir telja
að betur megi gera og finnst sorglegt að sjá
skemmtilegar hugmyndir illa útfærðar. „Sú
vinnuaðferð sem tíðkast víða erlendis, að
nokkur hönnunarfyrirtæki eða auglýsinga-
stofur keppi um sama verkefnið ýtir tvímæla-
laust undir gæðin og gerir meiri kröfur til
hönnuða. Einnig er líklegra að viðskiptavinur-
inn fái betra verk unnið en ella. Mynda-
smiðja Austurbæjar hyggst vinna á þessum
grundvelli og bjóða fyrirtækjum að sjá hug-
mynd og myndræna útfærslu á tilteknu verk-
efni þeim að kostnaðarlausu. Við teljum að
þetta sé eðlileg og réttmæt samkeppni sem
tryggir kúnnanum besta verkið og hvetji um
leið hönnuði að gera betur en aðrir.“
Rekstrarvörur, Réttarhálsi 2,
110 Reykjavík, Síml: 587 5554 Fax: 587 7116
Ég fæ allar rekstrar- og hreinlætisvörur
hjá Rekstrarvörum
Jon Gretar
hótelstjóri Hótel Eddu Skógum
Barlómur á brott?
AFKOMA í íslenskum skipa-
smíðaiðnaði virðist hafa batnað
til mikilla muna eftir víðtæka end-
urskipulagningu, gjaldþrot og
nauðasamninga sem fyrirtækin
hafa gengið í gegnum að undan-
förnu. Þrátt fyrir dökkt útlit virð-
ist sem þessi grein sé nú að rétta
úr kútnum. Á síðasta ári jókst
velta fyrirtækja í skipasmíðaiðn-
aði um 12% og sum fyrirtæki
voru rekin með hagnaði í fyrsta
sinn í fjölmörg ár. Þá lítur út fyr-
ir aukin viðhaldsverkefni hjá
skipasmíðastöðvunum þó svo að
nýsmíðaverkefni láti enn ekki á
sér kræla.
Stuðningur stjórnvalda virðist
hafa haft talsvert að segja um
bætta afkomu skipasmíða-
stöðva. Á síðasta ári var 60 millj-
ónum króna veitt í jöfnunarað-
stoð til skipasmíðastöðva og er
talið að sú aðstoð hafi tryggt
stöðvunum verkefni upp á rúmar
400 milljónir króna. Nú í ár munu
niðurgreiðslur nema u.þ.b. 40
milljónum króna auk þess sem
jöfnunartollum verður beitt á þau
smíðaverkefni fyrir innlenda að-
ila, sem hljóta hærri niðurgreiðsl-
ur í erlendum skipasmíðastöðv-
um, en þetta er ekki síður mikil-
vægt fyrir innlendan skipasmíða-
iðnað en niðurgreiðslurnar sjálf-
ar. Þessar aðgerðir koma til
vegna gildistöku svokallaðrar 7.
tilskipunar Evrópusambandsins
hér á landi, en samkvæmt henni
er stjórnvöldum heimilt að greiða
skipasmíðaverkefni niður um allt
að 4,5% og í einangruðum tilfell-
um um allt að 9%.
Forsvarsmönnum skipasmíða-
iðnaðarins þykir þó ekki nóg að
gert og benda á þá staðreynd
að erlendir samkeppnisaðilar
munu halda niðurgreiðslum sín-
um mun lengur en innlendar
skipasmíðastöðvar. Þannig er
gert ráð fyrir því í reglugerð iðn-
aðarráðuneytisins • að niður-
greiðslum Ijúki þann 1. apríl 1996
en samkvæmt 7. tilskipun mun
vera unnt að halda þeim áfram
til ársloka 1997.
Lítil eftirspurn eftir nýsmíða-
verkefnum veldur forsvarsmönn-
um skipasmíðaiðnaðarins einnig
nokkrum áhyggjum. Nú virðast
engin slík verkefni vera í gangi
og lítið framundan, en þó eru
einhverjar vonir bundnar við end-
urnýjun loðnuflotans sem kom-
inn er til ára sinna. Ýmsar ástæð-
ur eru nefndar fyrir þessari deyfð
í nýsmíðum. Kvótakerfið er alltaf
vinsæll blóraböggull þegar
vandamál koma upp í sjávarút-
vegi eða skyldum rekstri og er
skipasmíðaiðnaðurinn engin
undantekning þar á. Sagt er að
fjármunir sjávarútvegsfyrirtækj-
anna fari til kvótakaupa og því
sé ekkert afgangs til nýsmíða.
Þá er einnig talað um að úreld-
ingarreglur séu skipasmíðaiðn-
aðinum óhagstæðar, sér í lagi
að því er viðkemur reglum um
úreldingu á móti stækkun skipa
sem smíðuð eru eftir 1986.
Það virðist hins vegar gjarnan
gleymast í þessari umræðu
hvers eðlis skipasmíðaiðnaður
er. Þessi grein lifir að stærstum
hluta á þjónustu við sjávarútveg-
inn og því hlýtur afkoma í skipa-
smíðum ávallt að sveiflast með
afkomu í veiðum. Það hefur varla
farið fram hjá nokkurm manni að
verulegur aflasamdráttur hefur
átt sér stað á íslandsmiðum á
undanförnum árum og rekstur
sjávarútvegsfyrirtækja því geng-
ið illa.
Það liggur því í hlutarins eðli
að samdráttur eigi sér stað í
nýsmíðum líkt og annarri fjárfest-
ingu hjá fyrirtækjunum og því
varla ástæða að leita sökudólgs-
ins í kvótakerfinu.
Með batnandi afkomu í sjáv-
arútvegi og horfum á auknum
þorskafla er hins vegar engin
ástæða til þess að örvænta um
framtíð íslensks skipasmíðaiðn-
aðar og verður forvitnilegt að sjá
hvort sú endurskipulagning sem
nú hefur átt sér stað muni skila
arðbærum iðnaði í framtíðinni.
ÞV