Morgunblaðið - 30.06.1995, Blaðsíða 10
10 FÖSTUDAGUR 30. JÚNÍ 1995
MORGUNBLAÐIÐ
Bréfaskipti sjálfstæðismanna
í Hafnarfirði
Oddvitinn hafn-
aði sáttaboði
FORMLEG ósk um myndun nýs
meirihluta í bæjarstjórn í Hafnar-
firði hefur ekki borist Sjálfstæðis-
flokknum, segir í svari Magnúsar
Gunnarssonar, oddvita Sjálfstæð-
isflokksins, og Valgerðar Sigurð-
ardóttur bæjarfulltrúa við bréfi
bæjarfulltrúa Sjálfstæðisflokksins,
þeirra Jóhanns G. Bergþórssonar
og Ellerts Borgars Þorvaldssonar
um að þau komi að meirihlutavið-
ræðum við Alþýðuflokkinn.
í svarinu kemur einnig fram að
ef slík ósk bærist færu þær viðræð-
ur fram undir forystu oddvita
flokksins og yrði þá öðrum viðræð-
um Alþýðuflokks um myndun meiri-
hluta að vera lokið.
Óskiptur til viðræðna
í bréfi þeirra Jóhanns og Ellerts,
sem sent er 28. júní, kemur fram
að í upphafi viðræðna við Alþýðu-
flokkinn hafi þeir tekið fram að
þeir væntu þess að Sjálfstæðis-
flokkurinn kæmi óskiptur til meiri-
hlutaviðræðna. Með bréfinu leituðu
þeir sátta og lögðu til að allir bæjar-
fulltrúar Sjálfstæðisflokksins
kæmu til viðræðnanna. Þær væru
á byrjunarreit og öll málefnaum-
ræðá framundan og fleira er tengd-
ist samstarfi tveggja flokka í bæjar-
stjórn.
18 af 22 lýst stuðningi
„Ég óskaði eftir því við Ellert
Borgar að hann kæmi með okkur
Valgerði til fundar með Alþýðu-
flokknum í síðustu viku en hann fór
með Jóhanni," sagði Magnús Gunn-
arsson. „í þessu bréfi var í raun
verið að óska eftir að við kæmum
í viðræður sqm þeir eru að stjórna.
Það sér hver maður að það gengur
ekki upp að tveir bæjarfulltrúar
fari á eigin vegum til viðræðna við
Alþýðuflokkinn og ætla síðan að
teyma oddvita Sjálfstæðisflokksins
inn í þær viðræður.“ Magnús sagði
að á tveimur fundum, sem haldnir
voru í vikunni með fulltrúaráði og
frambjóðendum Sjálfstæðisflokks-
ins, hafi 18 af 22 frambjóðendum
lýst yfir stuðningi við sig. „Viðræð-
urnar eru komnar það iangt að
Alþýðuflokkurinn er að velja sér
bæjarstjóra. Varla hafa þeir ætlast
til að við kæmum inn núna án þess
að hafa nokkuð um það að segja.
Hefðu þeir virkilega viljað sýna
sáttahug í verki hefðu þeir að sjálf-
sögðu slitið viðræðum við Alþýðu-
flokkinn. Það væri þá Alþýðuflokks-
ins að helja viðræður við þá sem
þeir teldu að færu með umboðið.“
Jóhann G. Bergþórsson sagði að
þeir Ellert litu á svarið sem höfnun
á sáttaboði. „Þó að við slitum þess-
um viðræðum er ekki líklegt að
Magnúsi Gunnarssyni yrði gefinn
kostur á viðræðum," sagði Iiann.
„Þetta tilboð okkar til þeirra var
gert með fullri vitund og samþykki
Alþýðuflokksins, þannig að þarna
var opin leið fyrir bæjarfulltrúana
að koma að viðræðunum án þess
að deilt væri um oddvitatitil. Það
var engin krafa um það frá okkur
hver hefði þann kross að bera held-
ur kæmum við öll fram fyrir hönd
fiokksins. Því hefur verið hafnað."
------»-♦-«------
Búið að
ákveða bæj-
arstjóra
INGVAR Viktorsson, oddviti Al-
þýðuflokksins, segir að búið sé að
taka ákvörðun um hver verði næsti
bæjarstjóri. Hver það er yrði hins
vegar ekki upplýst fyrr en á bæjar-
stjórnarfundi í næstu viku.
Minnihluti í nefndum
Þar sem kosið er í nefndir bæjar-
ins til fjögurra ára mun væntanleg-
ur meirhluti vera í minnihluta í
nokkrum nefndum svo sem skóla-
nefnd og í hafnarstjórn. Öðru máli
gegnir um húsnæðisnefnd. í henni
eiga sæti fjórir bæjarfulltrúar, tveir
frá meirihluta og tveir frá minni-
hluta og þrír frá verkalýðshreyfing-
unni. „Þetta verður að hafa sinn
gang,“ sagði Ingvar. „Nema menn
sýni þá trúmennsku að segja af sér
en það gerir væntanlega enginn."
FRÉTTIR
Hjarta- og lungnaskurðdeild Landspítalans hefur ekki fengið
leyfi til að koma á vaktakerfi fyrir starfsfólk deildarinnar svo
að hægt sé að gera bráðaaðgerðir þegar þeirra er þörf
83 eru skráðir á biðlista hjá Land-
spítalanum vegna hjartaaðgerða
Leyfi fyrir
vaktakerfi
ekki fengist
GRÉTAR Ólafsson yfirlæknir
hjarta- og lungnaskurðdeildar
Landspítalans segir að nú séu 83
sjúklingar skráðir á biðlista eftir
hjartaaðgerðum á spítalanum.
Hann segir að hingað til hafi
hending einungis ráðið því hvort
tekist hafi að fá nægan mann-
skap. Nauðsynlegt sé að hafa tvo
skurðlækna í hverri hjartaaðgerð
en sem stendur er einn á vakt í
senn.
„Þetta er öryggisatriði því ef
fólk veikist bráðhættulega í hjarta
eða stóru slagæðunum í bijósthol-
inu getum við komið eins og skot
og gert aðgerð í stað þess að sá
sem er á vakt setjist við símann
til að hringja fólk út. Því það er
auðvitað undir hælinn lagt hvort
tekst að ná mannskapnum saman.
Það svekkir okkur mjög að þurfa
að standa í því.“
Grétar segir ennfremur að verið
sé að endurnýja hjarta- og lungna-
skurðdeild spítalans, sem tekur
21 rúm, og því hafi húsnæði lýta-
lækningadeildar verið fengið að
láni á meðan. „Þar eru rúm fyrir
11 sjúklinga og þetta varir í átta
vikur yfir sumarið þannig að við
verðum að draga úr aðgerðum
þennan tíma,“ segir hann.
„Við höfum gert að minnsta
kosti sex aðgerðir á viku og stund-
um farið upp í átta en getum
ekki búist við að gera nema fjórar
á viku þessa dagana,“ segir Grét-
ar.
Hann vill ekki fullyrða um
hættuna sem sjúklingunum stafar
af bið eftir aðgerð, sem getur
verið frá þremur upp í sex mán-
uði. „Við höfum verið svo lánsöm
að geta sinnt þeim sem í mestri
hættu hafa verið þannig að það
er mjög sjaldgæft að fólk látist á
biðlista hjá okkur. Á síðasta ári
dó enginn. Það hafa kannski dáið
1-3 á biðlista," segir hann.
írskar kannanir sýna að dánar-
líkur hjartasjúklinga sem fara
strax í aðgerð séu 1% en tífaldist
síðan ef sjúklingurinn þarf að
bíða. „Þeir eru með ennþá verri
biðlista en við. Dánartíðni í aðgerð
er mjög lág hjá okkur. Við tökum
sjúklinga í mjög erfiðar og
áhættusamar aðgerðir sem til
skamms tíma var vonlaust að eiga
við, ekki einu sinni með því að
senda út. Við ráðumst í þetta að
nóttu sem degi þegar við getum
smalað hópnum saman. Við þurf-
um að geta kallað til hjarta- og
lungnavélarsérfræðing, svæfinga-
lækni og skurðstofufólk. Þegar
þetta ber brátt að, til dæmis að
nóttu eða um helgar, hringjum
við á milli okkar og reynum að
hóa fólkinu saman. Það hefur nú
tekist furðuvel hingað til en þetta
gengur varla, sérstaklega að sum-
arlagi þegar fólk vill bregða sér
úr bænum, til dæmis um helgar.
Án öruggrar
bráðaþjónustu
Ég er margbúinn að skrifa
stjórnarnefnd og ráðherra um
þetta því þetta er eini sjúklinga-
hópur landsins, mér vitanlegaj
sem ekki hefur aðgang að bráða-
þjónustu alla daga ársins. Því
miður hefur mér ekki tekist að fá
þetta í gegn ennþá.“
Grétar segir að biðlistinn hafi
farið upp í 100 nöfn til skamms
tíma vegna hrinu af hjartaþræð-
ingum. „Síðan höfum við verið að
beijast við að vinna listann niður
aftur. Þessi fækkun á rúmum sem
við þurfum að sætta okkur við
meðan verið er að gera við deild-
ina setur okkur í erfiða aðstöðu.
Það er ekki skemmtilegt að búa
við þetta því við viljum koma bið-
listunum niður í 30-34 manns. Það
er eðlilegur fjöldi því alltaf eru
einhveijir sem vilja bíða eitthvað
til þess að ganga frá sínum málum
og undirbúa sig á annan hátt. Það
er biðlisti sem við ráðum mjög vel
við. Við getum farið upp í átta
aðgerðir á viku ef allt er eðlilegt,
en sem stendur gerum við fjórar,“
segir Grétar en hann teíur að
gera þyrfti um tíu aðgerðir á viku
til að koma biðlistanum í ásættan-
legt horf.
Lítill árangur af 14 tíma sáttafundi yfirmanna á farskipum og vinnuveitenda
Átta skip hafa stöðv-
ast í verkfallinu
SÁTTAFUNDI yfirmanna á far-
skipum og vinnuveitenda var frest-
að um sjöleytið í gærmorgun og
hafði þá lítið miðað í
samkomulagsátt, skv. upplýsing-
um Morgunblaðsins. Fundurinn
stóð yfir frá kl. 17 á miðvikudag
eða í alls 14 tíma. Nýr fundur var
boðaður kl. 22 í gærkvöldi.
Flugsamgöngur til Vestmanna-
eyja komust í eðlilegan farveg í
gær og fóru vélar Flugleiða þijár
ferðir til Eyja. Samkvæmt upplýs-
ingum Stýrimannafélags íslands
hafa átta kaupskip og feijur nú
stöðvast vegna verkfalls yfír-
manna.
„Þessu þokaði ekki saman í
nótt. Það skýrðust þó nokkur mik-
ilvæg atriði sem eiga að geta hjálp-
að til að halda áfram en ákveðin
atriði sem hafa komið upp á borð-
ið standa enn í vegin-
um,“ sagði Þórarínn V.
Þórarinsson, fram-
kvæmdastjóri VSI.
Benedikt Þ. Valsson,
framkvæmdastjóri
FFSÍ, vildi ekkert tjá sig um stöðu
mála í gær.
Atvinnurekendur segja að
verkfallið sé þegar farið að hafa
alvarlegar afleiðingar og telja að
vinnudeilur og verkföll í sumar
hafi valdið þjóðarbúinu miklu
tjóni.
Geir A. Gunnlaugsson, stjórnar-
formaður Markaðsskrifstofu
iðnaðarráðuneytisins og Lands-
virkjunar, segir að verkfall yfir-
manna á farskipum geti haft allt
að því jafnneikvæðar afleiðingar
fyrir viðræður um stækkun álvers-
ins í Straumsvík og ef
komið hefði til verkfalls
starfsmanna álversins
sjálfs.
„Það var verið að
leggja að starfsmönnum
álversins í Straumsvík að fara
ekki í verkfall vegna áhrifa á
möguleika á stækkun álversins en
það er áfram alvarlegt ástand í
því sambandi vegna verkfalls yfir-
manna á farskipum. Ég mundi
segja að það hafi allt að því
jafnslæm áhrif og verkfall í álver-
inu sjálfu hefði haft,“ sagði Geir.
Hann sagði að menn hefðu
vonast til að neikvæðum áhrifum
verkfallsumræðu á hugmyndir
Alusuisse-Lonza um stækkun ál-
versins hefði verið eytt með samn-
ingum við starfsmenn álversins
og því væri mjög óheppilegt að
upp kæmi strax í kjölfarið verk-
fall sem hefði í för með sér að
fyrirtæki í útflutningi gætu átt á
hættu að geta ekki afhent vöru á
þeim tíma sem samningar gerðu
ráð fyrir.
„Þó að mjólkurskorturinn í
Vestmannaeyjum sé stóralvarlegt
mál, er það smámál í samanburði
við það tjón sem atvinnulífið í
heild er að verða fyrir,“ segir Þór-
arinn V. Þórarinsson. „Allir þeir
sem þurfa með einum eða öðrum
hætti á flutningum landa í milli
að halda, hafa orðið fyrir tugmillj-
óna tjóni vegna verkfallsboðana á
þessu sumri og þessara verkfalls-
aðgerða nú. Ef ekki er hægt að
standa við viðskiptasamninga okk-
ar erlendis, erum við að stefna í
voða fisksöluhagsmun-
um okkar, því verðið
sem við fáum fyrir fisk-
afurðir okkar erlendis
er ekki síst endurgjald
fyrir áreiðanleika,"
sagði Þórarinn.
Vinnuveitendasambandið hefur
áætlað að að fiskimannaverkfallið
hafi kostað þjóðarbúið um Vz%
minni hagvöxt á þessu ári en ella
hefði orðið og um 5-600 færri störf
í atvinnulífinu, að sögn Þórarins.
Hagsmunaaðilar í ferðaþjón-
ustu í Vestmannaeyjum hafa sent
frá sér yfírlýsingu vegna áhrifa
verkfalls yfírmanna Heijólfs á
ferðaþjónustu í Vestmannaeyjum.
Bent er á að stöðvun Heijófs hafi
ófyrirsjáanlegar afleiðingar í för
með sér.
„Frá miðvikudegi fram á sunnu-
dag nk. tapast hvorki meira né
minna en kr. 3.950.000,- einungis
hjá tveimur aðilum í Eyjum. Af-
pantanir eru einnig farnar að
streyma inn fyrir þá hópa sem
pantað eiga hér í næstu viku. Þá
er ekki talið með það tjón sem
verkfallið hefur á markaðssetn-
ingu okkar og þá neikvæðu ímynd
sem það skapar.
í Vestmannaeyjum starfa
hvorki fleiri né færri en
130-150 manns í ferða-
þjónustu á sumrin og
um 80 á veturna. Þetta
fólk situr nú aðgerða-
laust og hlustar á fréttir
í þeirri von að menn vitkist og
setjist niður og leysi þetta mál,“
segir í yfirlýsingu sem 13 forsvars-
menn ferðaþjónustu í Eyjum hafa
undirritað.
Verkföll valda
þjóðarbúinu
miklu tjóni
Skaðarferða-
þjónustuna í
Eyjum mikið