Morgunblaðið - 30.06.1995, Blaðsíða 5
MORGUNBLAÐIÐ
FÖSTUDAGUR 30. JÚNÍ 1995 B 5
VINNIN GSHAF ARNIR í verðlaunafatnaðinum. Bergþóra
Guðnadóttir sem hlaut fyrstu verðlaun í framhaldsflokki fata-
saumskeppninnar og Alda Björg Guðjónsdóttir sem hreppti
fyrsta sætið í byrjendaflokki.
Kjóll úr svörtu
ruslapokaplasti og skór úr pappa
„ÉG HEF saumað frá því ég var í
níunda bekk en í rauninni var það
hún amma, Elín Bryndís Bjarna-
dóttir, sem kenndi mér að sauma,“
segir Bergþóra Guðnadóttir sem
sigraði í framhaldsflokki í fata-
saumskeppninni.
Hún hefur í nokkur ár saumað á
sig, mömmu sína og vinkonur og
segist hafa mikinn áhuga á sauma-
skap. „Við amma Elín vorum mikl-
ar vinkonur og höfðum báðar óbil-
andi áhuga á tísku og saumaskap.
Reyndar saumaði hún á fjölskyld-
una í mörg ár og ég lærði þetta
af henni.
Hin amma mín, Bergþóra, var
líka mikil handavinnukona og hún
kenndi mér t.d. að pijóna.“
Bergþóra segist alltaf vera með
eitthvað í takinu en núna er hún
að undirbúa sig undir nám í fata-
hönnun og í haust fer hún í Mynd-
lista- og handíðaskólinn. „Stefnan
er svo að fara í fatahönnun í fram-
tíðinni."
— Ferðu alltaf eftir sniðum?
„Nei, yfirleitt hanna ég flíkurnar
sjálf eða fæ eitt og annað að láni
úr ýmsum sniðum og set
saman.“ Regnjakkann og .
bakpokann sem Bergþóra
vann verðlaunin fyrir hannaði
hún á sig fyrir síðustu jól.
„Ég keypti vínilefnið í
Bandaríkjunum, það er áprentað
og lítur út eins og roð.“ Bergþóra
segist reyndar fara mikið í vefnað-
arvöruverslanir til að skoða efni en
bætir því við að hún sé yfirleitt
mikið fyrir að kíkja í allskonar búð-
ir.
Hinn 23. september fer hún til
Trieste á Ítalíu þar sem hún tekur
þátt í úrslitakeppni Burda. „Mein-
ingin er að fara með regnflíkina
þangað en Sigríður Sunneva fata-
hönnuður ætlar að fara og vera
okkur til halds og trausts. Hún
ætlar líka að aðstoða mig við að
leita að styrktaraðila sem væri til
í að hjálpa mér að gera flíkina úr
alvöru roði.“
— Ertu að sauma eitthvað núna?
„Ég er þessa dagana að hanna
svokallaðan „dragkjól“ úr rusla-
pokaplasti. Skórnir eru úr pappa,
leir og lími og úðaðir svartir.“ Fjaðr-
irnar með kjólnum hefur Bergþóra
bláar.
DAGLEGT LÍF
KONUR Ismails.
Morgunblaðið/Jóhanna Kristjónsdóttir
Hef aldrei verið pólitískur
málari og konur hrífa mig mest sem mótíf
„ÉG HEF aldrei verið pólitísk-
ur málari. Ég finn meiri
ánægju í að mála konur; konur
úti á ökrunum, konur með
börn, konuna þegar hún vill
vera fögur, konuna sem vill
vera sjálfstæð. Alla tíð hefur
þetta mótív höfðað til mín.“
Hann er frægasti málari
íraks, Ismail Al-Chekhli, há-
vaxinn maður, rúmlega sjö-
tugur og með fallegan svip.
Þá daga sem ég var í írak var
opnuð yfirlitssýning á verkum
hans frá því hann hóf að fást
við að setja liti á léreft, 16
ára að aldri, myndir frá því
hann nam í Listaháskólanum í
Bagdad og hélt síðan til náms í
París og dvaldi þar í mörg ár.
Sýningin var í stórri listamiðstöð
í borginni, hún ber vitanlega nafnið
Saddam Art Center. Þar var sam-
tímis sýning í nokkrum sölum á
nýjustu myndum sem hafa verið
gerðar af Saddam Hussein af hinum
ýmsu írösku málurum. Síðan verður
þeim komið upp víðs vegar um lafid-
ið; þó að íbúar eigi hvorki fýrir
brauði né mjólkurdufti skulu þeir
muna leiðtogann.
Fegurð hrífur hugann meir
efhjúpuðer ...
Ismail vildi ekki tala um um póli-
tík, benti mér á fyrstu Parísarmynd-
irnar og sagði: „Þarna var ég afar
ósjálfstæður, ég er undir áhrifum
að ég sneri mér frá nektarmyndun-
um sem voru mér hugleiknar í
fyrstu og var þáttur af náminu."
Morgunblaðið/JK
Ismail A1 Chekhli.
Konumyndirnar sem hann hefur
svo miklar mætur á taka síðan við.
„Sjáðu þessar konur,“ sagði hann
og benti mér á mynd af konum í
abaya sem einnig kallast sjador.
„Það sem ég vildi sýna er að þrátt
fyrir þennan klæðnað vilja þær láta
okkur skynja fegurð sína. Konur
eru snillingar í að láta okkur karla
finna fegurð sína þó að hún sé ekki
rekin upp að nefinu á okkur.“
Ég sagði honum að við ættum
litla vísu sem næði vel því sem
hann væri að segja:
„Fegurð hrífur hugann meir’
ef hjúpuð er
svo andann gruni ennþá fleir’
en augað sér.
Kornabörn
vilja ekki bjór
með móðurmjólkinni
SU alþýðutrú að bjór auki mjólk
kvenna með barn á bijósti hefur
verið lífseig, jafnvel meðal vel upp-
lýstra kvenna sem myndu ekki láta
sér detta í hug að drekka dropa af
áfengi á meðgöngu.
Menn greinir á um sannleiksgildi
þessara hugmynda og í tímartinu
Eating Well var nýlega greint frá
rannsóknum sem gerðar voru á Mon-
ell-efnafræðirannsóknarstofunni í
Fíladelfíu. Þar komust menn að því
að kornabörn drukku að meðaltali
23% minni brjóstamjólk ef móðir fékk
sér áfengan bjór fyrir brjóstagjöf en
ef hún fékk sér ófáfengan bjór.
Ekki er vitað hvers vegna böm
drekka minni mjólk ef móðir hefur
drukkið bjór, en Julie Menella, sem
stjórnaði rannsókninni, telur líkleg-
ast að börnum líki verr bragð af
bijóstamjólk, sem tekið hefur í sig
bjórbragð.
Ólíklegt er að alþýðutrú, sem bor-
ist hefur kynslóða á milli gegnum
aldirnar, verði útrýmt með einni
rannsókn og konur haldi áfram að
fá sér bjórsopa ef þær telja það sé
gott fyrir mjólkurframleiðslu. ■
Hann tókst á loft af kæti. „Heim-
urinn er nú smár — þú kemur frá
íslandi og þar vænti ég gilda aðrar
venjur og sjálfsagt annar hugsunar-
háttur. Hér er ég í írak og hugsa
einmitt þetta.“ Ég sagðist veita því
athygli að fáar nýjar myndir væru
á sýningunni: Er hann hættur að
mála? Nei, en það er erfitt að fá
liti og léreft nú á þessum erfiðu
tímum. Stundum senda útlendir vin-
ir hans honum liti en hann segist
varla geta fengið af sér að dunda
við að mála þegar hann veit að fjöl-
skyldan í næsta húsi er með allan
hugann við hvort hún eigi nóg eftir
af skömmtunarseðlum svo fjöl-
skyldan þurfi ekki að ganga svöng
til svefns. Hann sagði að nemendum
væri beint á sýninguna en almenn-
ingur kæmi ekki af skiljanlegum
ástæðum. Það væri af sem áður
hefði verið.
Ég veitti athygli einni mynd sem
ótvírætt flokkast undir að vera póli-
tísk, þar er sýnt skelfingu lostið
fólk undir sprengjuregni. Þessi
mynd var merkt 1991. Ég spurði
hvort ég mætti taka mynd af honum
við verkið.
„Æ, nei,“ sagði hann. „Þessi
mynd er ekki dæmigerð en hún
hefur vissulega hjálpað mér og við
skulum ekkert fara nánar út í það.“
Svo tók ég mynd af honum við
verk sem hann valdi sjálfur. í
kveðjuskyni spurði ég hvort hann
hefði aldrei málað mynd af forset-
anum, Saddam Hussein. „Nei,“
sagði hann og hló án þess ég gæti
merkt að það væri gleði í þeim
hlátri. „Ætli séu ekki nógu margir
um það. Mér hefur nú sýnst það.
Svo ég held mig við konurnar og
umhverfi þeirra.“ ■
Jóhanna Kristsjónsdðttir
•?s
ígóðum
höndum.
ISLENSK EJALLAGRÖS H F.
FÆST ( HEIISUBÚÐUM OG APÓTEKUM