Morgunblaðið - 04.07.1995, Blaðsíða 1
OKKAR MENN
JMtrcgtittfifafrft
■
PPPV 4 já [7
i « 1 y 1 ÍM J *
Ly
FRÉTTARITARAR og nokkrir starfsmenn Morgunblaðsins stilla sér upp til myndatöku fyrir framan Morgunblaðshúsið
eftir aðalfund Okkar manna og afhendingu verðlauna í ljósmyndasamkeppni félagsins 13. maí sl.
Morgunblaðið/Sverrir
Tíu ár frá stofnun
Okkar manna
ÍU ár eru á þessu ári liðin
frá stofnun Okkar
manna, félags fréttarit-
ara Morgunblaðsins.
Fréttaritararnir eru hátt í 100 tals-
ins og starfa um allt landið. í þess-
um blaðauka eru fréttaritararnir
kynntir og sagt frá störfum þeirra
og félagsins með viðtölum og á
annan hátt.
Morgunblaðið hefur frá fyrsta
degi lagt áherslu á að birta fréttir
af landsbyggðinni og alltaf haft á
að skipa fréttariturum víða um
landið. Margir þeirra hafa starfað
lengi við blaðið. Sá sem lengst
hefur verið að er Sigurður Pétur
Björnsson, Silli á Húsavík. Hann
var ráðinn fréttaritari árið 1936
og er enn í fullu fjöri sem fréttarit-
ari. Hann hefur því verið fréttarit-
ari í nærri því 60 ár af þeim lið-
lega 80 sem blaðið hefur starfað
og allir þeir starfsmenn Morgun-
blaðsins sem þar voru þegaj- Silli
varð fréttaritari eru löngu íiættir.
Nokkrir aðrir fréttaritarar hafa
unnið lengi að fréttaskrifum. Einn
af þekktustu fréttariturunum,
Björn Jónsson í Bæ á Höfða-
strönd, hóf störf um
svipað leyti og Sig-
urður Pétur eða
litlu fyrr og starfaði
óslitið til dauða-
dags, árið 1989.
Árni Helgason í
Stykkishólmi hefur
sent fréttir frá 1943
og er enn í hópi
duglegustu frétta-
ritara Morgun-
blaðsins.
Skrifin efldust
Fréttaritararnir
höfðu ekki með sér
formlegan félags-
skap fyrr en fyrir
tíu árum. „Mér datt
í hug hvort það
væri ekki þess virði
að stofna einhvers
konar féiag til að
efla innbyrðis sam-
band fréttaritar-
anna og ekki síður að efla blaðið,“
segir Helgi Kristjánsson, fréttarit-
ari í Olafsvík, i nýlegu fréttabréfi
félagsins en hann átti hugmyndina
að stofnun félags
fréttaritaranna fyr-
ir tíu árum. Vel var
tekið í hugmyndina
og var félagið
stofnað 12. apríl
1985. „Það fer ekki
rnilli mála að þetta
framtak okkar efldi
skrifin. Á þessum
tíma var stöðug
hvatning frá blað-
inu til fréttaritara
um að senda meira
efni. Allt hafði
þetta áhrif og blað-
ið tók afgerandi
forystu í skrifum
utan af landi,“ segir
Helgi.
Tilgangur fé-
lagsins er að efla
og treysta frétta-
öflun fyrir Morg-
unblaðið og vinna
að hágsmunum
fréttaritara. Félagið hefur í sam-
vinnu við blaðið fylgt þessu leiðar-
ljósi. Fyrstu árin var sérstök
áhersla lögð á fræðslumálin.
Morgunblaðið hélt fjölmörg
fræðslunámskeið fyrir fréttaritara
og bauð þeim í skipulagða starfs-
kynningu á blaðið. Félagið hefur
frá upphafi gefið út fréttabréf og
eru þau nú orðin yfir 50 alls. Þar
er fræðsluefni komið á framfæri,
birt skilaboð frá ritstjórn Morgun-
blaðsins og sagt frá störfum fé-
lagsins og ýmsum áföngum í lífi
fréttaritaranna. Félagið hefur
tvisvar efnt til samkeppni um
bestu ljósmyndir fréttaritara og
unnið að kjaramálum fréttaritara-
hópsins.
Stjórnarmenn
Ulfar Ágústsson á Isafirði var
kjörinn fyrsti formaður stjórnar
Okkar manna og með honum í
stjórn þeir Helgi Kristjánsson í
Olafsvík en hann var gjaldkeri og
Ólafur Guðmundsson á Egilsstöð-
uín ritari. Eftir tvö ár var Sigurð-
ur Jónsson á Selfossi kosinn for-
maður og með honum Jón Sigurðs-
son á Blönduósi gjaldkeri og Jón
Gunnlaugsson á Akranesi ritari.
Helgi Bjarnason blaðamaður hefur
starfað með stjórninni frá upphafi.
Kveðj a
frá rit-
stjórum
Fréttaritarar Morgunblaðsins
hafa frá fyrsta fari verið helztu
tengsl blaðsins við landsbyggðina
og hefur starf þeirra ávallt verið
ómetanlegur þáttur í ritstjórn
þess. Til þessara starfa hafa val-
izt margir ágætir fréttamenn sem
liafa sinnt þörfum blaðsins og les-
enda þess, jafnframt því sem þeir
hafa verið einn mikilvægasti
hlekkur byggðalaganna við þjóð-
lífið allt og samtíð okkar. Á tíu
ára afmæli Okkar manna er því
full ástæða til að þakka þessi störf
og fagna góðum samskiptum
Morgunblaðsins við allt landið.
Það voru ekki sízt tímamót þegar
félag Okkar tnanna var stofnað
og skulu þeini öllum sem að því
stóðu færðar sérstakar þakkir á
þessu fyrsta merkisafmæli félags-
ins. Það er engin tilviljun að
Morgunblaðið hefur verið kallað
Blað allra landsmanna, en án
fréttaritaranna á landsbyggðinni
hefði slíkunt áfanga ekki verið
náð.
Ritstjórar Morgunblaðsins
senda ölluni fréttariturum blaðs-
ins kveðju og þakklæti af þessu
tilefni og vona að samskiptin
verði áfram jafngóð og verið hef-
ur, blaðinu til góðs, lcsendum til
fróðleiks og landinu öllu til fram-
gangs og farsældar.
Látið
fréttarit-
ara vita
MIKILVÆGT er fyrir
fréttaritara að halda sem
bestu sambandi við íbúa
staðanna sem þeir þjóna
og reyna þeir það eins
og best þeir geta.
Þeir frétta þó ekki ajla
hluti. Því er mikilvægt
að fólk láti fréttaritara
sína vita strax um alla
fréttnæma atburði. Það
hjálpar þeim og Morgun-
blaöinu aö þjóna lesend-
um blaðsins.