Morgunblaðið - 04.07.1995, Blaðsíða 9
MORGUNBLAÐIÐ
ÞRIÐJUDAGUR 4. JÚLÍ 1995 C 9
FJÓRÐUNGSMÓT AUSTFIRSKRA HESTAMANNA
GÆFA frá Úlfsstöðum ein af mörgum góðum klárhrossum á mótinu, knapl Daníel Jónsson.
Atta ræktunarhópar
Sýning ræktunarhópa tókst með
miklum ágætum. Atta hópar voru
sýndir og gaf þetta atriði nokkuð
góða þverskurðarmynd af því hvað
Austlendingar rækta um þessar
mundir. Þrír hópar voru verð-
launaðir og stóð þar efstur hópur
feðganna Metúsalems og Hans
Kjerúlf frá Reyðarfirði en Hans
var með þrjá hesta í úrslitum í
B-flokki gæðinga. í öðru sæti var
hópur frá Stóra-Sandfelli í Skrið-
dal og Tjarnarlandshópurinn þriðji
með gæðingshryssuna Kórínu í
broddi fylkingar. Ræktunarhóps-
sýningarnar eru alltaf að sanna
enn betur gildi sitt sem góð kynn-
ing og auglýsing fyrir hrossarækt-
endur og áhugaverð og fróðleg
skemmtun fyrir mótsgesti.
Kynbótasýning ijórðungsmóts-
ins var góð skemmtun enda ekki
við öðru að búast þegar tölt og
aðrir hæfileikar eru í góðu lagi en
skynsamlegt fyrir hrossaræktend-
ur í fjórðungnum að gleyma ekki
útkomunni byggingarmegin þegar
lögð verða drög að kynbótahross-
um framtíðarinnar.
Hinrik hætti við
keppni að ósk
formanns L.H.
HINRIK Bragason varð við til-
mælum Guðmundar Jónsson-
ar formanns Landsambands
hestamanafélaga um að taka
ekki þátt í skeiðinu á fjórð-
ungsmótinu eins og hann
hugðist gera. Beiðni for-
mannsins er til komin vegna
kæru á hendur Hinriki í
Gýmismálinu svokallaða.
Hinrik sagðist bera mikla virð-
ingu fyrir formanni L.H. og
fyrst þeim í stjórninni þætti betra
að hann keppti ekki væri sjálfsagt
að verða við beiðni hans á þessu
móti en þetta ætti aðeins við um
þetta mót. Um þáttöku á íslands-
mótinu um næstu helgi sagði Hin-
rik að aldrei hafi staðið til að
hann tæki þátt í því þar sem hann
verði með reiðnámskeið í Austur-
ríki á sama tíma. „Það skipti mig
ekki stóru máli hvort ég sæti
hrossin á Fornustekkum eða
Hulda konan mín“ sagði hann
ennfremur og bætti við að ákvörð-
un sín um að keppa á heimsmeist-
aramótinu stæði óhögguð. Hinrik
mun hinsvegar keppa í skeiði á
Eitli frá Akureyri á þýska meist-
armótinu sem fer fram 21. til 23.
júlí n.k.
IMíur og tíur í kynbótadómum
TÖLTIÐ kemur sterkt út á
Austurlandi í ár, voru skilaboð
ráðunautanna á fjórðungmót-
inu en jafnframt bentu þeir á
að herða þyrfi tökin í ræktun
fagurrar og sterkrar byggingar
hrossanna en þar kreppir skó-
inn fyrst og fremst í aust-
lenskri hrossarækt.
Eins og fram hefur komið voru
það hryssurnar sem héldu
uppi stemmningunni í kynbótasýn-
ingu mótsins. Þar var fremst í
flokki gæðings-
hryssan Kórína frá
Krístínsson Tjarnarlandi, gull-
skrifar falleg klárhryssa
með einkunn yfir 8
fyrir byggingu og 9 fyrir tölt,
brokk, stökk og fegurð í reið. En
bæði hún og sú er næst kom í sex
vetra flokknum, Snegla frá Eyrar-
landi, eru undan Kjarval frá Sauð-
árkróki en hann átti góðan hóp
afkomenda á mótinu og virðist
ætla að setja mark sitt á ræktun-
ina þar eystra. Einnig átti bróðir
hans, Otur, nokkur afkvæmi og
sonur hans, Orri frá Þúfu, virðist
einnig ætla að skila sér vel í fjórð-
ungnum en hann átti einar fjórar
hryssur á mótinu, allar ijögurra
vetra.
Gæfa sló í gegn
En það var líklega fimm vetra
hryssan Gæfa frá Úlfsstöðum í
Vallahreppi sem sló hvað eftir-
minnilegast í gegn. Hún stóð sig
með mikilli prýði á mótinu, hafði
hlotið 8,27 í einkunn fyrir hæfi-
leika og bætti um betur á mótinu
því hún hækkaði sig tvívegis á
mótinu, meðal annars úr 9 í 9,5
fyrir tölt. Einnig bætti hún hálfu
stigi við sig í stökki og geðslagi.
Byggingareinkunnin er hins vegar
ekkert til að hrópa húrra fyrir,
7,73, og má segja að Gæfa sé
kannski dæmigerð fyrir hrossin í
fjórðungnum, miklir hæfileikar en
bygging í tæpari kantinum. Þá
vakti klárhryssan Snælda frá
Bjarnanesi athygli en hún er al-
systir Þokka sem vermdi efsta
sætið í flokki stóðhesta. Sömuleið-
is var hryssan Tyrkjasól býsna
spræk. Framkvæmd frá Ketilsstöð-
um skaust upp í fyrsta sætið í
flokki ijögurra vetra hryssna þegar
hún á yfirlitssýningu hækkaði sig
í 8,5 fyrir skeið sem hún hafði
reyndar fengið áður í forskoðun.
Einu stigi neðar var Orka frá Reyð-
arfirði með 8,5 fyrir tölt, skeið,
vilja og geðslag og 8,34 fyrir hæfi-
leika. Væri hún í alfremstu röð ef
ekki kæmi til grátlega lág bygg-
ingareinkunn, 7,43. Fleiri góðar
hryssur mætti hér nefna til sög-
unnar en þetta skal látið gott heita
að sinni.
Stóöhesta-
sýningln
Stóðhestasýningin var heldur
fátækleg hvað fjöldann varðaði en
þar fóru fremstir þeir Þokki frá
Bjarnanesi og Kópur frá Mykju-
nesi. Börðust þeir um fyrsta sætið
í sex vetra flokknum en þrátt fyr-
ir að knapinn á Kópi, Kristinn
Guðnason, legði allt í sölurnar
tókst honum ekki að komast upp
fyrir Þokka og Jens Einarsson en
Þokki bætti sig fyrir tölt, fór í 9,5.
Hjörvar frá Ketilsstöðum vann það
fágæta afrek að fá 10 fyrir skeið
og er þar á ferðinni upplagður
hestur fyrir þá sem vilja rækta
mikinn vilja og skeið. Einn hestur
kom fram i fjögurra vetra flokki,
Nökkvi frá Hafnarnesi, af horn-
firsku bergi brotinn að stærstum
hluta. Ekki sérlega spennandi hest-
ur á þessu stigi málsins en þó rými-
lega yfir gömlu ættbókarmörkum,
en það er fyrst og fremst bygging-
areinkunnin sem setur spurningar-
merki á hestinn, hæfileikana á
hann alla möguleika á að bæta.
Efstur í sex vetra flokki
Morgunblaðið/Valdimar Kristinsson
ÞOKKI frá Bjarnanesi stóöhestur af hornfirskum meiði stóö efstur í sex vetra flokki, knapi
er Jens Efnarsson sem jafnframt var framkvæmdastjóri mótsins.
Vel
heppnað
mót hjá
fámennu
félagi
FRAMKVÆMD fjórðungs-
mótsins á Fornustekkum
þótti takast nokkuð vel. Það
sem kannski vekur mesta
athygli er að það er fámennt
hestamannafélag, Hornfirð-
ingur, sem stendur eitt og
sér að framkvæmd mótsins.
Dagskrá var nokkuð létt í
vöfum og hefði að líkindum
mátt hespa mótinu af á þrem-
ur dögum í stað fjögurra.
Framkvæmdastjóri mótsins
Jens Einarsson sagði þá
Hornfirðinga vilja hafa vini
sína úr röðum hestamanna
sem lengst þegar þeir loksins
fjölmenntu á hestamót á
Hornafirði og því ekki verið
ástæða til að hafa mótið neitt
styttra. Veðrið hélst all
þokkalegt alla dagana meðan
á mótshaldi stóð, ekki kom
dropi úr lofti allan tímann
en vindur lét á sér bæra öðru
hvoru en ekki þó þannig að
til vandræða væri. Aðstaða á
Fornustekkum er hin ágæt-
asta vel rúmt um bæði menn
og hesta og stutt í alla nauð-
synlega þjónustu.
Sigurbjörn
vann sig
upp á jökul
SIGURBJÖRN Bárðarson fór
ekki alveg erindisleysu á
Hornafjörð þótt honum tæk-
ist ekki að höndla hundrað
þúsund krónurnar í tölt-
keppninni því hann sigraði i
bæði 150 og 250 metra skeiði
og hlaut tvær fríar jöklaferð-
ir auk gullpeninga að laun-
um. Þátttaka í kappreiðum
mótsins var annars mjög
dræm eins og hefur jafnan
viljað vera um þessr mundir.
Af sex skráðum í 250 metra
skeið mættu aðeins þrjú og
af tíu skráðum í 150 metra
skeiði mættu sex, keppni féll
niður í 250 metra stökki þar
sem aðeins einn af tveimur
skráðum mætti svo dæmi sé
tekið.
Vel tækni-
vætt mót
TÆKNIBÚN AÐUR mótsins
vakti verðskuldaða athygli
þeirra sem höfðu afnot af
honum með einum eða öðrum
hætti. Tölvukerfið sem notað
var í gæðingakeppninni þótti
til að mynda nýög vel að-
gengilegt. Hægt var að
prenta út stöðuna í miðri
keppninni eða sundurliðaðar
einkunnir hvers keppanda á
augabragði. Stöðu og sund-
urliðuðum einkunnum var að
sjálfsögðu sjónvarpað í veit-
ingahúsið Stekkhól eins og
hefur tíðkast á stórum mót-
um. Þá var símkerfið á staðn-
um betra en menn eiga að
venjast á hestamótum. Hægt
var að hringja í báða dóm-
palla, stjórn og meira segja
var síma við innganginn inn
á svæðið.