Morgunblaðið - 05.07.1995, Blaðsíða 15
MORGUNBLAÐIÐ
MIÐVIKUDAGUR 5. JÚLÍ 1995 15
ERLEIMT
Major segir tíma klofnings
innan flokksins á enda
Reuter
JOHN Redwood (fyrir miðju), andstæðingur John Majors forsætisráðherra í leiðtogakjöri íhalds-
flokksins, gekkst án málalenginga við ósigri sínum á fundi með fréttamönnum í gær.
„Stórglæsilegur
og ótvíræður sigur“
Sir Bernard Ingham var
talsmaður og nánasti
samverkamaður Marg-
aret Thatcher í tæp 12
ár. Asgeir Sverrisson
leitaði viðbragða hans
þegar niðurstaða í leið-
----------------^-----
togakjöri breska Ihalds-
flokksins lá fyrir.
Sir Bernard
Ingham
„ÞETTA er stórglæsileg frammi-
staða. Hann mun augljóslega
halda áfram sem forsætisráðherra
enda hefur enginn leiðtoga íhalds-
flokksins fengið svo góða kosn-
ingu frá því núverandi kerfi var
tekið upp,“ sagði Sir Bernard Ing-
ham, fyrrum talsmaður Margaret
Thatcher, forsætisráðherra Bret-
lands, er Morgunblaðið leitaði við-
bragða hans síðdegis í gær þegar
fyrir lá að John Major hafði unnið
sigur í leiðtogakjöri breska íhalds-
flokksins.
„Það hefur aldrei áður gerst
að leiðtogi íhaldsflokksins fái svo
mörg atkvæði í fyrstu umferð, né
heldur eru fordæmi fyrir því að
hann fái svo hátt hlutfall at-
kvæða. Þetta er mikill og gjör-
samlega ótvíræður sigur,“ sagði
Sir Bernard, sem ritar nú m.a.
stjórnmáladálka í dagblaðið The
Daily Express en hann var í tæp
12 ár talsmaður og náinn ráð-
gjafi Margaret Thatcher. í Bret-
landi er því haldið fram að enginn
hafi haft jafn góðan aðgang að
„Járnfrúnni" og var Sir Bernard
jafnan talinn til hennar nánustu
trúnaðarmanna.
„Þessi úrslit ættu að þýða að
breski íhaldsflokkurinn er nú fær
um að mæta til leiks í næstu þing-
kosningum. Skilyrði þess er á hinn
bóginn það að þingmenn fylki sér
að baki John Major. Það vekur
vonir að nú skuli nokkrir þeirra
sem unnu að falli Majors lýsa því
yfir að þeir hyggist styðja hann.“
Kom ekki á óvart
Sir Bernard kvað úrslitin ekki
hafa komið sér svo mjög á óvart.
„í raun var þetta nærri því sem
ég bjóst viðHvegna þéss að ég var
búinn að veðja einu sterlingspundi
á að 206 til 207 þingmenn myndu
styðja John Major.“
I Bretlandi höfðu menn velt því
mjög fyrir sér hvort Major myndi
auðnast að vinna raunverulegan
pólitískan sigur í leiðtogakjörinu
eða hvort hann myndi einungis
ná að vinna „tæknilegan sigur“
þ.e. í samræmi við reglur flokks-
ins sem kveða á um að leiðtoginn
verði að ná hreinum meirihluta
og 15% betri árangri en andstæð-
ingur sinn í fyrstu umferð. Af 329
þingmönnum tóku 327 þátt. Major
hlaut 218 atkvæði, andstæðingur
hans John Redwood 89, 8 þing-
menn sátu hjá og 12 atkvæði
voru ógild.
„Það leikur enginn vafi á því
að þetta er raunverulegur pólitísk-
ur sigur Majors í þessu leiðtoga-
kjöri. Frú Thatcher fékk aldrei
meira en 55% og flest fékk hún
204 atkvæði,“ sagði Sir Bernard.
John Major boðaði í gær er
hann lýsti yfir sigri sínum að hann
hygðist gera breytingar á ríkis-
stjórn sinni og er búist við að þær
liggi fyrir í dag, miðvikudag. „Ég
held að þetta verði mjög erfitt,"
sagði Sir Bernard aðspurður um
þetta. „Ég tel að svigrúm hans
sé frekar takmarkað. Það sem
vekur mesta athygli verður hver
hreppir embætti utanríkisráð-
herra,“ bætti hann við en Douglas
Hurd, núverandi utanríkisráð-
herra, sem hefur gegnt því emb-
ætti í fimm ár, tilkynnti fyrir
skemmstu að hann hygðist segja
af sér næst þegar ríkisstjórninni
yrði breytt. „Ég held að það verði
annaðhvort Malcolm Rifkind [nú-
verandi varnarmálaráðherra] eða
Michael Howard [núverandi inn-
anríkisráðherra]".
Heimskuleg umræða
Sir Bernard sagði að allt tal
um klofning Ihaldsflokksins
vegna stefnunnar í Evrópumálum
skipti nú engu máli. „Það breytir
engu nú. Málið er að flokkurinn
hefur alltaf verið klofínn. Það
gildir einnig um Verkamanna-
flokkinn. Það sem mestu skiptir
er framkvæmd og stjórnun sjálfr-
ar umræðunnar. Þeirri umræðu
hefur verið einstaklega illa og
heimskulega stjórnað og nú þurfa
íhaldsmenn að ná áttum og vera
kann að þessi úrslit verði til þess
að þessi vandi heyri sögunni til.
Þeir munu verða að breyta um-
ræðunni nú.“
Sir Bernard kvaðst að lokum
ekki vænta þess að aftur kæmi
fram mótframboð gegn John Maj-
or fyrir næstu þingkosningar sem
efna þarf til í síðasta lagi vorið
1997. „Þessi úrslit þýða að mínu
mati að þetta mál hefur verið af-
greitt. Og ég tel að flokkurinn
muni fylkja sér um leiðtogann,
vegna þess að þingmenn geri sér
ljóst að nú eigi þeir engan annan
valkost, það skiptir mestu.“
London. Reuter.
JOHN Major, forsætisráðherra
Bretlands, sigraði með yfirburðum
í leiðtogakjörinu sem fram fór í
þingflokki íhaldsflokksins í gær.
Hann fékk 218 atkvæði en and-
stæðingurinn, John Redwood, 89
atkvæði. Major sagðist telja að með
þessum úrslitum væri öllum bolla-
leggingum um nýjan leiðtoga lokið
fram að næstu þingkosningum sem
verða ekki síðar en 1997. Stjórn-
málaskýrendur benda á að þrátt
fyrir sigur Majors sé ekki búið að
útkljá deilurnar innan flokksins um
Evrópumál og talsmenn Verka-
mannaflokksins bentu á að 111
þingmenn af 329 hefðu ekki greitt
Major atkvæði sitt.
Boðar uppstokkun í stjórn
„Tími klofningsins er liðinn,"
sagði Major er hann ræddi við
fréttamenn við bústað breskra for-
sætisráðherra, Downingstræti 10,
þegar úrslitin voru ljós. Hann sagði
að ríkisstjórnin yrði stokkuð upp
og er búist við tilkynningu um skip-
an hennar í dag. Óljóst er hvaða
breytingar verða helstar en emb-
ætti utanríkisráðherra er í reynd
laust þar sem Douglas Hurd sagð-
ist fyrir skömmu ætla að draga sig
í hlé.
Andstæðingurinn, John Redwo-
od, var ráðherra Wales í stjóm
Majors en sagði af sér áður en
hann bauð sig fram gegn forsætis-
ráðherranum. „Hann vann, það er
óumdeilanlegt, öllum reglum var
fylgt og ég mun virða sigurinn,"
sagði Redwood í stuttri yfirlýsingu
en vonbrigði margra stuðnings-
manna hans voru augljós. Sumir
þeirra bentu samt á að árangur
Redwoods væri mjög góður miðað
við að hann var lítt þekktur áður
en hann bauð sig fram. Auk þess
væri ekki hægt að hundsa þá þing-
menn sem studdu hann og eru and-
vígir auknum Evrópusamruna. Eðli-
legt væri að Redwood tæki við
valdameira ráðherraembætti en
hann gegndi.
Portillo létti
Ráðherrar Majors, sem sumir
voru taldir bíða færis ef honum
gengi illa í kjörinu, lýstu allir stuðn-
ingi við hann í gær og sagði Mich-
ael Portillo atvinnumálaráðherra að
hann teldi úrslitin ótvíræð, málið
væri útkljáð. Major hefði tekið
mikla áhættu en „það er mér mik-
ill léttir að þetta skyldi enda svona
vel“.
Flestir gagnrýnendur forsætis-
ráðherrans sögðust myndu sætta
sig við niðurstöðuna og fylkja sér
að baki Major.
Stjórnarandstæðingar töldu að
staða Majors hefði ekkert batnað.
Ihaldsmenn „lyftu lokinu með leið-
togakjörinu, gægðust inn en fylltust
svo mikilli skelfingu að þeir skelltu
, lokinu aftur“, sagði Tony Blair, leið-
togi Verkamannaflokksins.
Blair benti á að þriðji hver þing-
maður Majors hefði annaðhvort
stutt annan mann, setið hjá, gert
ógilt eða verið fjarverandi. Hann
sagðist telja að útilokað væri að
sameina stríðandi fylkingar íhalds-
flokksins.
Starfs-
menn
Berlusc-
onis fyrir
rétt
Mílanó. Reuter.
RANNSÓKNARDÓMARI á
Ítalíu hefur ákveðið að 22
starfsmenn auglýsingafyrir-
tækisins Publitalia verði
ákærðir fyrir spillingu, þ. á
m. fyrrverandi stjórnarfor-
maður og fyrrverandi fram-
kvæmdastjóri þess. Publitalia
er í eigu Silvios Berlusconis,
fyrrverandi forsætisráðherra.
Starfsmennirnir eru sakað-
ir um að hafa falsað bókhald
og reikninga, einnig um
skattsvik og misnotkun á
sjóðum.
Fær frest
Fyrr í gær ákvað dómari í
Mílanó að fresta þar til í sept-
ember ákvörðun um það
hvort Berlusconi skuli sjálfur
verða dreginn fyrir rétt til að
svara ákæru um mútugreiðsl-
ur til opinberra embættis-
manna. Sú ákæra tengist Fin-
invest, fjölmiðlafyrirtæki ráð-
herrans fyrrverandi. For-
senda frestsins er að hinir
ákærðu eigi að fá meiri tíma
til að kynna sér ákæruskjölin.
Talið er að fresturinn valdi
því að Berlusconi muni síður
leggja áherslu á að kosið
verði á ný til þings í haust
þar sem hann vilji ekki að
máiaferlin verði efst á baugi
í kosningunum sjálfum.
Við blöndum
litinn...
DU PONT bílalakk notað af
fagmönnum um land allt.
Er bíllinn þinn
grjótbarinn eða
rispaður ?
DU PONT lakk
á úðabrúsa er
meðfærilegt og
endingargott.
Faxafeni 12. Sími 553 8000
IHfjpíJt!
...blabib
- kjarni málsins!
Digranessókn
Sumarferðalag Digranessafnaðar verður farin á vegum
kirkjufélagsins sunnudaginn 9. júlí.
Farið verður um uppsveitir Árnessýslu
og Kjalveg að Hvítárvatni.
Lagt verður af stað frá Digraneskirkju kl. 9 árdegis.
Upplýsingar í símum 554 0863, Guðlaug
og 554 0317, Guðborg.
Stjórnin.