Morgunblaðið - 05.07.1995, Side 1

Itlil
mmSm

- ÚR ÆVISÖGU ÍSLENDINGS
HÆ, Myndasögur Moggans.
Ég heiti Arnbjörg Jó-
hannsdóttir, 9 ára, Birki-
lundi, Biskupstungum, 801
Selfoss. Ég hef gaman af
myndunum, þær eru svo
skemmtilegar. Ég teiknaði
mynd sem ég kalla Sól og
steikjandi hiti.
Svo mörg voru þau orð
ogier enginn vafi, Arnbjörg
mín, að myndin þín svona
skemmtileg og vel gerð,
kveikir vonir í brjósti margra
íslendinga - sólin er sem
sagt þarna einhvers staðar
á bak við skýin. En hún
ætlar ekkert, þegar henni
þóknast að skína á okkur,
að hella úr glasinu yfir okk-
ur í sumar þegar við förum
í tjaldútilegurnar okkar - er
það nokkuð?
Við getum nú barasta sagt
henni sem er, að við íslend-
ingar erum ekki neitt að vesl-
ast upp af þurrki, síður en
svo, ha. Og hún má nú bara
koma meira til okkar - bless-
uð sólin sem elskar allt - og
hætta að gera svona upp á
milli okkar mannanna barna.
Já, hún er nú bara alveg
velkomin til okkar og raunar
miklu meira en það.
Þá hlýtur hún að skína um
leið og hella heitum geislum
sínum yfir land og þjóð en
ekki einhveijum svaladrykk!
Við erum hreint út sagt alveg
búin að fá nóg af svoleiðis
suljumbulli í bili að minnsta
kosti, já, ég verð nú bara að
segja það, mikið meira en
nóg - eða er það ekki. Enginn
minnsti vafí, takk fyrir pent
og hana nú!
Þegar þetta er sett á tölvu
undir súð er alskýjað - og
hefur verið í marga, marga
SÓLARhringa - og gengur á
með skúrum - regndropar
falla við hvert skref og reynd-
ar miklu meira en það og ég
hef ekki getað slegið gras-
blettinn alltqf lengi vegna
bleytu. Enn og aftur takk
fyrir pent.
PENNA-
VINIR
ÉG óska eftir pennavinum á
aldrinum 8-11 ára, ég er sjálf
8 ára. Ég vil gjarnan skrifast
á við stelpur og stráka. Áhuga-
mál mín eru: Skautar, tónlist,
hestar, útilega, lestur, föndur,
Myndasögur Morgunblaðsins,
að vera með dýrum. Bless,
bless, takk fyrir að birta þetta
fyrir mig.
Jóhanna Guðrún
Magnúsdóttir
Hnjúki, Vatnsdal
541 Blönduósi
Skipti-
markaðuririn
ÉG VIL skipta á servíett-
um, ég vil fá límmiða í
staðinn.
Agla Friðjónsdóttir
Einibergi 19
220 Hafnarfjörður
SÍMI: 565 1741
Saga tvíburanna
EINU sinni voru tvíburasyst-
ur. Þær voru munaðarlausar
því foreldrar þeirra fórust í
flugslysi.
Vond og leiðinleg kona tók
nú við þeim. Þær fengu bara
brauðskorpur og súra mjólk.
Systumar hétu Ester og
Alda. Alda hvíslaði að Ester:
- Ég vildi að við værum
komnar til guðmóður okkar,
hún er svo góð.
Ester kinkaði kolli.
Vonda konan hét Olga.
Olga rak þær nú út. Það var
rigning og þær voru bara í
rifnum kjólum og berfættar.
Þeim varð kalt en allt í einu
sáu þær frænku sína hinum
megin við götump Hún hét
Irma. Irma sá þær og hljóp
yfir götuna.
- Hvað er að sjá ykkur?
spurði Irma, en hún var full-
orðin.
Ester sagði henni allt af
létta. Irma tók þær með sér
heim. En fyrst komu þær við
hjá Olgu. Hún varð bálreið
þegar hun sá systurnar, en
Irma sagði að hún hefði farið
illa með þær og Olga tautaði
eitthvað en fór svo inn.
Nú leið systrunum mjög
vel því Irma sá mjög vel um
þær og þegar þær stækkuðu
fluttu þær að heiman, en þær
gleymdu Irmu aldrei.
Þessa góðu sögu samdi og
sendi okkur til birtingar Agla
Friðjónsdóttir, 8 ára, Eini-
bergi 19, 220 Hafnarfjörður.
Þú ert aldeilis dugleg 8 ára
gömul stúlka. Vonandi heldur
þú áfram að semja sögur og
leyfir öðrum að njóta með
þér. Kunnum við þér, kæra
Agla, bestu þakkir fyrir.