Morgunblaðið - 05.07.1995, Blaðsíða 4
4 D MIÐVIKUDAGUR 5. JÚLÍ 1995
MORGUNBLAÐIÐ
ÞETTA er teikning af afa mínum, sem er nýdáinn. Nú er hann uppi
í himninum hjá mömmu sinni. Eg sakna hans mikið. Inga Lilja
Pálsdóttir, 9 ára, Blytsvej 9,2000 Frederiksberg, Danmörk.
Afi hjá Guði
EF ÞAÐ eru blóm í himnaríki,
eins og sjást á myndinni þinni,
Inga Lilja mín, er eins víst að
þar sé margt fleira sem við
þekkjum héðan af jörðinni
okkar. Þið eruð öll veifandi -
þið vitið hvert af öðru, þú,
elskulegur afi þinn og mamma
hans, hún langamma þín bless-
unin. Það er alltaf léttir að
vita að einhver sem okkur þyk-
ir vænt um er í góðum hönd-
um, og hendur þess sem öllu
ræður - hans Guðs eða er það
hennar Guðs - eru mýkstu
hendur í öllum heiminum - það
segir okkur öll sköpunin, sem
er Guðs verk.
Þú hefur gert rétt, Inga
Lilja, að vinna í sorginni með
til dæmis því að gera þessa
fallegu mynd. Ég þykist vita
að þér hafi liðið vel að því
verki loknu. Við ættum ekki
að loka sorgina inni í sálinni
- hún getur skemmt út frá sér
- betra er að hleypa henni út
á einhvern þann máta sem
okkur finnst hveiju um sig
best, þó án þess að það meiði
nokkurn.
Gangi þér vel í Pönnuköku-
landi.
Smá glens, stundum er
nefnilega sagt að Danmörk sé
flöt eins og pönnukaka. Það
fer ekki mikið fyrir fjöllunum
þar, en engu að síður er Dan-
mörk afar fallegt land með
skóga og akra svo langt sem
augað eygir, nema nyrst á
Jótlandi, þar minnir landslagið
á umhverfi Þorlákshafnar,
sandar og melgresisskúfar.
Verkfall á
kaupskipaflotanum
YFIRMENN- á kaupskipaflot-
anum eru í verkfalli þegar
þetta er skrifað. Eins og þið
vitið kannski öll eru flestar
vörur sem til landsins eru
keyptar fluttar með kaupskip-
um hingað til okkar landsins
barna stórra og smárra.
Ekki gengur til lengdar að
horfa aðgerðarlaus á kaup-
skipin stöðvast eitt af öðru og
þess vegna er hér þraut sem
leiðir ykkur og samningamenn
deiluaðila — fulltrúa atvinnu-
rekenda (þeirra sem eiga og
reka skipin) og launþega (það
er fólksins sem vinnur hjá við-
komandi fyrirtækjum) — að
lausn deilunnar.
Allt og sumt sem þið og
samninganefndimar þurfið að
gera er að komast krókaleiðina
frá stefni kaupskipsins aftur í
skut og þaðan upp á dekk.
Ef það dugar ekki verður
að gera bátana (björgunarbát-
ana) klára.